教育王國

標題: 基法幼稚園 2016 K1 offer [打印本頁]

作者: hkcheong 時間: 16-1-20 17:23 標題: 基法幼稚園 2016 K1 offer

大家好，我個仔好彩call waiting收到基法幼稚園 2016 K1 am offer，已注冊，有無其他人都已注冊會讀呢間呢？有機會大家交流下丫

作者: wesi124 時間: 16-1-29 13:25

本帖最後由 wesi124 於 16-7-7 12:38 編輯

你可以試太子明慧，唔係就試York，再唔得的，就要係區內搵一間來讀了。讀住一年K1先...
明年先再報好的學校喇﹗

作者: hkcheong 時間: 16-1-29 18:09

真係咁差!? ....

作者: wingmanl 時間: 16-1-29 19:24 標題: 引用：讀左你就知尼間幼稚園的老師有幾差。睇人派

原帖由 wesi124 於 16-01-29 發表
讀左你就知尼間幼稚園的老師有幾差。睇人派獎，有的家長送禮小朋友就有獎拿。年年如此。老師唔負責，乖的小 ...

甘差？！你小朋友係呢度讀過？

作者: taiyeung 時間: 16-1-29 19:58 標題: 回覆：基法幼稚園 2016 K1 offer

是否觀塘區那間? 教育局網頁顯示仍然有位

作者: bibi0121 時間: 16-1-29 20:14 標題: 回覆：基法幼稚園 2016 K1 offer

真有其事？

作者: wesi124 時間: 16-1-29 22:51

本帖最後由 wesi124 於 16-7-7 12:39 編輯

你可以試太子明慧，唔係就試York，再唔得的，就要係區內搵一間來讀了。讀住一年K1先...
明年先再報好的學校喇﹗

作者: iw0903 時間: 16-1-30 12:26 標題: 回覆：基法幼稚園 2016 K1 offer

我是用家，唔知你發生過咩事，不過小囡讀得幾開心，亦唔覺老師唔負責任；至於有送禮有獎攞，本人亦唔覺，每月只有1個德行獎…理所當然乖的小朋友拿；利申我小囡亦未曾拿過！不過事實呢2年老師換了很多！

油基小學是津校，從來津校都是大抽獎…為何你覺得好易入？

作者: 慢慢慢者 時間: 16-1-30 12:34 標題: 回覆：基法幼稚園 2016 K1 offer

我之前係用家，這間學校係有問題，真係諗清楚

作者: mothercare100 時間: 16-1-30 14:22 標題: 回覆：慢慢慢者的帖子

我班朋友話，有好多人收到呢間學校既後補電話，都即時放棄手上原有既學位，選讀基法喎！相信呢班見到你呢個post既家長會好擔心

作者: hkcheong 時間: 16-1-30 14:30

我都係reject左幾個offer選左呢間，聽到我都有點不安

。。。。重有無其他家長現時有小朋友讀緊呢間呢？可否分享多少少現時學校嘅情況呢？

作者: sallych 時間: 16-3-31 14:42

本帖最後由 sallych 於 16-5-2 10:42 編輯

回覆 iw0903 的帖子

我係兩年用家,心水清一睇就知咩事啦

w話:年年睇人攞獎/投訴就有獎/送禮就有獎，睇嚟佢咩事

/>心照啦! 仲比我八卦到佢開post唱衰阿仔學校個日係29/1,哈! 睇下阿仔本手冊原來果日係派獎禮。我阿仔都冇獎攞,返學開心又多活動未得囉! 你都識講你仔女表現平平, 但鬧學校冇獎比你, 都幾攪笑! 至於咩轉老師同埋送禮有獎

作者: Masalili 時間: 16-4-3 01:05

回覆 sallych 的帖子

一語道破

我小朋友低班.....刀唔覺有老師轉過law

作者: 大埔之友 時間: 16-4-3 04:51 標題: 回覆：基法幼稚園 2016 K1 offer

路過, 對此校零認識. 正反意見都肯定部份學生有獎, 部份無獎的事實. 我個人就唔喜歡咁細個開始分高低的傳統教法. 我鍾意個個都叻, 個個一齊有獎有禮物.

作者: Masalili 時間: 16-4-3 11:34

回覆大埔之友的帖子

贊同👍🏻我仔仔BB班做齊親子計劃,根本就個個都有奬

作者: keroppiirene 時間: 16-4-7 17:17

我也是一位用家, 我女及仔也在基法。我反而覺得老師有愛心，小朋友讀得好開心。

作者: Angelanna37 時間: 16-4-14 21:15 標題: 回覆：hkcheong 的帖子

我女讀緊，老師好好呀！我女讀得好開心

作者: SHADOWLEE1784 時間: 16-6-7 12:02

我個囡都讀緊低班,日日返學都好開心,老師都好關心我囡囡,每月都會打電話黎同我講返LI 個月囡囡係學校既情況,有咩野想學校幫我改善,我真心地覺得LI 間學校好好,至於有冇獎拿根本就唔重要,本人都試過上台拿過一次親子聖誕勞作既獎,係我同囡囡用咗一星期努力去做出黎,經過家長去學校投票得黎既結果,我覺得好公平,學校每個月生日會,每年聖誕,新年都會有小禮物送俾每一位小朋友,

作者: Gkyma 時間: 16-6-25 01:59

哇！大發現！wesi 妳係咪好大壓力好想個小朋友入油基？好變態！妳一篇就話呢間幼稚園老師偏心關係好就有獎再唔係投訴就有獎，另一篇最近既就話校長行為有問題，張老師無愛心！我仲發現妳屏蔽人地回應莫非個回應唔合妳心意？幫老師平反？我都有打回應唔好屏蔽我果個呀！我仔仔讀k2呀準備升k3 我黎講講先，我經常得閒幫手做義工我係kyle 媽咪，唔係我同老師關係好就成日搵我而係我真係好得閒亦唔會應承左又唔去幫手！成日做義工係其他人眼中關係好好啦！獎呢？唔好意思！無喎！k1拎過感恩之星，其他咩都無！個獎好緊要咩？唔係囉,今年校慶喎，根據妳咁講好多獎可以分個黎啦！我關係咁好！唔好意思妳有眼睇有事實有真相！我有交功課交勞作架！我都係無獎拎！
利申我kyle 今年依然係拎感恩之星多左個順服之星囉！
唔好顛啦咁叫唔公平？咁叫關係好就有獎？咩道理？
大把義工家長幫手啦！獎勵係比家長唔係比小朋友！唔會因為我幫手比個獎我個仔！家長義工只係換黎攰死同學期尾一張獎狀感謝義工付出！OK?做唔做義工關係好唔好係無影響既！老實講妳去搵學校人地都唔會睇妳個細路拎咩獎啦！妳擺幾張香港乜乜比賽獎就睇！
妳話老師無愛心，我第一次幫手義工出外參觀返黎佩服老師佩服到不得了我個人覺得我如果係老師我返第一日就會唔做！我會對住班細路對到顛！特別我自己個仔果班！@@
黃校長行為不當？點不當？推篤信我唔知有咩分別，如果有都係根據校長老師既了解因應小朋友特質寫，如果妳睇完封信有問題，唔直接同校長傾？之前我睇妳篇校長行為不當妳寫到自已好似唔係校友咁囉！聽講！咩聽講呀！妳直接話比人聽妳係校友啦,唔好話聽講咩咩咩！我仔k1有個同學有言語障礙校長盡心盡力幫個家長搵有呢方面專家駐校既學校去轉介入讀希望個小朋友唔洗錯過最佳治療時間！事實我都見到個同學仔轉校後進步唔錯，有讀緊都知張老師女女都係升小一都係將第一志願填油基！如果好似妳咁講黃校長偏心一早打電話留位，張老師仲洗乜咁填表洗乜去叩門直接黃校長幫佢留位啦！要咁煩？妳顛都要有根有據！唔知情既咪亂講！攪到人地睇到都嚇親！
張老師既愛心同耐心真係比100個like,我曾經同張老師講好嬲kyle 連畫線都畫得唔好我話好擔心佢升k2應付唔到，我去買10本作業比佢練習特訓，張老師即刻好專業咁同我講kyle 媽咪唔好呀，好細個咋慢慢黎慢慢教，仲話果d練字作業好難叫我唔好咁心急！
佢地一班老師係好留意小朋友好清楚小朋友個性識得對唔同小朋友用唔同方法既經驗老師我係好滿意囉！新入職既老師教正我仔仔果班，都睇得出有好愛心！
我覺得最好笑係啊wesi妳話聽講張老師將學生既作品擺係垃圾桶旁邊黎支持妳所指既無愛心我真係笑到死！一班學生咁多個逐個派回作品交到去d小朋友手上佢地會自己攞黎玩玩到邊放到邊比其他同學拎左去玩有幾出奇！k1 咋想點呀！個個都咁可愛！唔好係到再聽講喇！
作為一個家長都唔識得尊重老師點會以身作則教好小朋友，有問題直接搵校長搵老師溝通，而唔係用聽講黎唱衰人地，妳咁既行為嚴重影響其他人對老師既信任！
我係受益者！！我同老師有不停溝通請老師幫手不停幫我教我仔仔由火爆坐唔定唔識控制情緒到今日變到比以往溫柔，坐得定慢慢控制到情緒！
明眼人一睇就知道呢位wesi 由頭到尾都係到眼紅人地叩門入到油基，其他小朋友成日攞獎！
老實講有本事係叻既讀邊間都係叻！
妳唔洗用我刷學校鞋搏校長推篤拉關係搏攞獎黎偏幫學校同老師！因為我由k1 下學期開始就無諗過要kyle 讀油塘基法！亦唔存在搏攞獎！我k2 就寫過信同老師講我唔會特別提醒我個仔去貼好老師獎既星星貼紙，我唔係要個獎去肯定我個仔！
我連自己個小朋友個名都敢公開係因為我講既係事實！
我唔係諗住睇下邊間小學小功課壓力比較小我都唔會發現原來有人咁衰！
題外話，如果唔係張老師我都唔會醒覺我對個仔要求太高，最初我都係朝住油塘基法去讀呢間幼稚園，但當張老師叫我放鬆d 唔好咁要求kyle 我就覺得自己係kyle最開心既3年都開始無形壓力所以我轉左方向去搵比較輕鬆既學校因為我驚讀油基我會忍唔住不停谷不停溫書備課變顛婆！

作者: zxcv1234 時間: 16-6-29 09:27

回覆 Gkyma 的帖子

講得好呀,呢個Wesi擺到明入唔到油基喺度玩野!我就最討厭呢種唯恐天下不亂嘅人,大家上EK都係想了解事實,而唔係佢個人對學校伏仇大計囉,請大家想想: 如果小朋友謮得唔開心,又有壓力,你會唔會俾自己小朋友仲留喺度3年吖! 擺到明呢個Wesi嘅小朋友就正正讀足3年.... 大家認為事實係點呢!

作者: Kaka_mummy 時間: 16-6-29 13:51

本帖最後由 Kaka_mummy 於 16-6-29 13:53 編輯

回覆 zxcv1234 的帖子

謠言止於智者，其實換個角度，大家應該多謝wesi，因為佢令到咁多真正的用家，出來發表基法幼稚園的真實情況，仲幫左好多唔系咁認識基法的媽咪，解決左佢地對學校的疑慮，令到家長可以更放心小朋友加入基法幼稚園這個大家庭！

作者: crystal媽咪 時間: 16-6-29 22:02

我唔係用家。
但我有去過基法參觀，除左校長，我連邊個打邊個都唔知。
印象好深刻係校園周圍貼滿作品，什麼獎勵之星。
樓梯旁也善用空間去放小孩作品，小朋友同老師關係好好，校長也叫得出小朋友的名。
如果唔用心，根本可以入房做文件，收足學費就算數。
我不是打手，看看我註册日就知入來有多久

作者: keroppiirene 時間: 16-7-11 10:55

回覆 zxcv1234 的帖子

大家有沒有留意, Wesi 124 更改了之前對基法幼稚園的劣平，為何她會改了..是否之前的評價不正確?

作者: zxcv1234 時間: 16-7-14 18:09

回覆 keroppiirene 的帖子

係喎, 仲好似Delete晒喎!

作者: Angelanna37 時間: 16-7-16 02:13 標題: 回覆：Gkyma 的帖子

講得好，!
我係用家，都覺得老師好用心教每個小朋友。
想攞獎的話，比心機做好親子作品。
其實攞唔到獎，都唔洗話學校唔好，自己都有責任。

作者: wendyaupooh 時間: 16-7-29 17:53

回覆 Angelanna37 的帖子

想問下呢﹐上晝班同下晝班有無分別?我想幫小朋友插班﹐學校話得下晝班有位。
唔該晒咁多位.....

作者: Angelanna37 時間: 16-8-19 22:57 標題: 引用：回覆+Angelanna37+的帖子想問下呢﹐上晝

原帖由 wendyaupooh 於 16-07-29 發表
回覆 Angelanna37 的帖子

想問下呢﹐上晝班同下晝班有無分別?我想幫小朋友插班﹐學校話得下晝班有位。

上下午班一樣，睇你自己小朋友起身時間。

作者: heily123 時間: 16-9-28 13:38

keroppiirene 發表於 16-7-11 10:55
回覆 zxcv1234 的帖子

大家有沒有留意, Wesi 124 更改了之前對基法幼稚園的劣平，為何她會改了..是否之前 ...

路過，想了解基法幼稚園，咩事令咁多用家留言？一

作者: Masalili 時間: 16-10-1 23:54

本帖最後由 Masalili 於 16-10-1 23:59 編輯

是緣...哩位Wesi124自已叩門叩唔到基法(油塘)係度唱衰幼稚園
令我地一班真用家睇唔過眼佢既行為，不過
聽聞佢最後刀入左基法, 天冇眼

歡迎光臨教育王國 (/)