教育王國

標題: 兩歲半仔仔懷疑自閉症，求過來人媽媽分享經驗 [打印本頁]

作者: 900m 時間: 16-1-16 13:22 標題: 兩歲半仔仔懷疑自閉症，求過來人媽媽分享經驗

我仔兩歲半，平時很少與人有眼神接觸，亦很少講說話，舊年九月開始返N班，老師觀察了兩個月左右懷疑佢有自閉症，已經排了評估但還未做，起初都只係覺得佢語言遲緩，鍾意自己玩，因為佢好沉迷數字，顏色，形狀同埋畫畫，但好少理我地嘅說話，當佢越大，語言亦都唔多，多數都係講爸爸媽媽，開，食餅餅，食包包，有時連爸爸媽媽都會搞錯，依家有事不滿都會大叫，因為唔識得表達，睇到佢嘅表現，加上老師嘅觀察，我地就開始擔心，好希望響評估之前睇吓有乜嘢訓練，食療，可以幫到佢，希望有經驗嘅媽媽可以分享一下，教我應該如何點做，如果確診，條路一定是難行，但都會積極面對，感謝～

作者: irenelwl 時間: 16-1-16 14:02

協康係全港大機構，可以排住先。唔同地區都有社區中心同福利構構有比較便宜的課程同訓練，但就要自己去搵，難上網找。你住邊區，睇我幫唔幫到你。

作者: 900m 時間: 16-1-16 14:11

謝謝你先，我住屯門架～

作者: money82 時間: 16-1-16 20:31 標題: 回覆：900m 的帖子

屯門有一間育智中心（友愛)，協康（良景）。天水圍就有循道衛理（天澤），小童群益會（天凙)，另天晴好似也有另一個機構。元朗有Step（麥當勞上面）。荃灣有一社區言語中心（荃豐）

作者: irenelwl 時間: 16-1-17 07:37

回覆 900m 的帖子

唔好意思，屯門我唔熟幫唔到你，但有jm回覆左你，另外其實你可以問cac拎到有關資料，因我上次都拎左一堆自己區的。

作者: DENNIS201 時間: 16-1-17 16:33

生物療法可以先戒奶同蛋再戒麩質
主要係唔想免疫系統出現問題,最後傷到個腦
再加訓練慢慢進步

作者: 白玫瑰 時間: 16-2-1 10:30 標題: 回覆：兩歲半仔仔懷疑自閉症，求過來人媽媽分享經驗

去step油麻地，學費係貴，但係駛得值

作者: happyapril 時間: 16-2-2 12:30

昨天去沙田的體能智力評估中心，話3歲仔仔有自閉症傾向既癥兆，叫我們選i/e/s位排，全部差不多要排年半，我老公不想他入特殊幼兒中心，所以選了排早期教育及訓練中心…想問問樂富有沒有社區中心同福利構構有課程同訓練推介？

作者: cathy1243 時間: 16-5-11 09:46

我小朋友都係2半發現，現已4Y,仲排緊早期但沒有位最快都要出年，呢段期間申請關愛，依家學校剛剛推出到學支援服務，同出面俾錢做訓練，由於仔仔样样都有小小問題所以要做唔同訓練，分散咗資源但都有改善大家加油，😊

作者: lawwct 時間: 16-5-11 14:54

回覆 happyapril 的帖子

香港耀能協會
九龍橫頭磡邨宏興樓

作者: fishinlove 時間: 16-5-12 04:44

長沙灣自悠天地耀能協康心橋都有提供相關訓練

作者: fishinlove 時間: 16-5-12 04:46

訓練越細做越幫到小朋友的

作者: Yukiruirui888 時間: 16-5-12 15:51 標題: 引用：我小朋友都係2半發現，現已4Y,仲排緊早期但

原帖由 cathy1243 於 16-05-11 發表
我小朋友都係2半發現，現已4Y,仲排緊早期但沒有位最快都要出年，呢段期間申請關愛，依家學校剛剛推出到學支 ...

申請關愛基金，有咩條件，可否pm，謝謝

作者: DENNIS201 時間: 16-5-12 22:26

屯門有間新開 in 中央廣場

作者: KCHK 時間: 16-5-14 11:17 標題: 引用：Quote:原帖由+cathy1243+於+16-05-11+發表

原帖由 Yukiruirui888 於 16-05-12 發表
申請關愛基金，有咩條件，可否pm，謝謝

你有無跟開的社工呀？問佢比form 就得了

作者: Yeahly_ly 時間: 16-5-14 18:56 標題: 回覆：兩歲半仔仔懷疑自閉症，求過來人媽媽分享經驗

近來搵到個課程...教父母在家教自閉小朋友....尋晚上左一課教語言治療都不錯...可以上網參考下同打電話去問....叫"努力試" www.lp.org.hk

作者: skytammy 時間: 16-5-14 19:54 標題: 引用：昨天去沙田的體能智力評估中心，話3歲仔仔

原帖由 happyapril 於 16-02-02 發表
昨天去沙田的體能智力評估中心，話3歲仔仔有自閉症傾向既癥兆，叫我們選i/e/s位排，全部差不多要排年半，我 ...

點解可以俾你揀嘅？

歡迎光臨教育王國 (/)