教育王國

標題: 5歲可作評估嗎? [打印本頁]

作者: avnerbb 時間: 16-1-14 15:00 標題: 5歲可作評估嗎?

我個仔仔近5歲，由3歲開始已發現比其他小朋友不同。他音樂天份高，已定為perfect pitch, 歌曲只聽數次就能以單音彈奏。記憶力亦強，能背誦所有他有興趣的東西 (他的興趣比較奇怪，喜歡天氣報告，財經，恆指，六合彩)
聯想力也豐富，常把兩件不關連的事聯在一起，make sense，有時我都哭笑不得。數學方面亦有天份，佢會用佢既方計到D我估唔到佢識計既數，唔知邊度學識睇5位數字或12/24小時，而我從來冇教過。

但近一年，他很有自己主見，不接受失敗，一輸就發難，唔喜歡別人教導，介意別人對他的評價，情緒波幅大，令我不懂管教。

請問5歲小朋友可做評估嗎? 定6歲先會有相關測試?謝謝各位解答。

作者: 艾仔 時間: 16-1-14 19:53 標題: 引用：我個仔仔近5歲，由3歲開始已發現比其他小朋

原帖由 avnerbb 於 16-01-14 發表
我個仔仔近5歲，由3歲開始已發現比其他小朋友不同。他音樂天份高，已定為perfect pitch, 歌曲只聽數次就能 ...

快啲去做評估

作者: b16a 時間: 16-1-15 16:31

興趣係財經，恆指，六合彩.......天才"方展博"

作者: avnerbb 時間: 16-1-15 18:19 標題: 引用：Quote:原帖由+avnerbb+於+16-01-14+發表我

原帖由艾仔於 16-01-14 發表
快啲去做評估

請問有5歲既評估嗎？

作者: avnerbb 時間: 16-1-15 18:20 標題: 引用：興趣係財經，恆指，六合彩.......天才"方展

原帖由 b16a 於 16-01-15 發表
興趣係財經，恆指，六合彩.......天才"方展博"

作者: Radiomama 時間: 16-1-15 18:25 標題: 回覆：avnerbb 的帖子

孩子需要的是培育和教導，EQ情緒等管理，NGO有課程訓練家長去幫孩子。
評估等六七歲之後再做也未遲。

作者: 艾仔 時間: 16-1-19 23:47 標題: 引用：Quote:原帖由+艾仔+於+16-01-14+發表快啲去

原帖由 avnerbb 於 16-01-15 發表
請問有5歲既評估嗎？

我覺得早啲做評估，可以早啲知道小朋友的強/弱項，就算是資優，可能都會係某一方面比較弱（IQ score 由4項不同項目的分數計算出來），心理學家會給予一些提議。就我而言，聽完意見之後，得到了一些啟發，令覺得有所幫助。

作者: avnerbb 時間: 16-1-20 16:48

請問5歲邊度可做評估嗎?

作者: 小曳人 時間: 16-1-20 17:51

本帖最後由小曳人於 16-1-20 17:51 編輯

其實，點解唔等到足六歲呢？呢個報告對你生活有幾大影響？！

照睇，佢一定係資優，分數應該唔係130啱啱過嗰d添！

關於唔輸得，你試下俾佢去學棋，有機會佢學識接受輸！我自己玩橋牌，唔係叻嗰d，從來唔怕輸，因為怕輸就無得玩！我都係咁同阿仔講，佢鍾意的話，就自然調較到自己點去面對輸！初初係唔容易架....

作者: 艾仔 時間: 16-1-20 23:36 標題: 回覆：5歲可作評估嗎?

其實我只係有感而發，因為當心理學家比報告我時，我先知個囡係其中一方面的發展比較差，叮嚀我可以做一些事情幫下個囡；當我細心回想，幼稚園老師都有比過類似的見意，但那時我並未認真看待。現在真的有點後悔，為什麼要等到問題出現，才去找解決辦法，如果我當初早一點幫幫她，可能她會得到應有的發展，希望現在遺時未晚。所以先覺得早點得到專業意見，可能會好啲。我當初做智力評估，只係想了解個囡多啲，幾多分都無所謂，做完之後，最開心係更加了解她，唔會再逼她，盡量按她的需要去關心她。

作者: FannyTsangsau 時間: 16-1-21 11:31

回覆艾仔的帖子

我都想知去邊度可以做評估

作者: vienchan 時間: 16-1-21 13:47

提示: 作者被禁止或刪除內容自動屏蔽

作者: jellomama 時間: 16-2-6 23:41

回覆 avnerbb 的帖子

STEPS 有得做。

作者: Mangobma 時間: 16-2-15 22:32 標題: 回覆：5歲可作評估嗎

建議你等6歲後先做，待智力發展穩定一點，加上可以用有香港常模的評估工具測試，更加準確

作者: icetea93 時間: 16-2-18 09:39 標題: 回覆：avnerbb 的帖子

聽講理工大學，協康會可以做。
另外可以揾私人心理學家做。我小朋友去仁安做。心理學家話5歲做都很準確了。詳情可pm我。

歡迎光臨教育王國 (/)