教育王國

標題: 新移民請求幫助 [打印本頁]

作者: bonnieok 時間: 16-1-7 12:36 標題: 新移民請求幫助

想請問一下，小朋友係單程證新移民，剛來港。識講廣東話及寫繁體字，係大陸讀緊小四，成績唔錯ga。因為兩地英文水平有差異，已做好降級準備。本來打算3月份插小三，不過太遲學校都基本截止申請了，諗真D都係等新學年再考插班小四，到時學位可能會多返小小。如果系咁，9月份先至开学，小朋友就有好几个月的空挡期，唔想佢係屋企無所事事，想揾D補習中心惡補下英文，為將來考插班試做準備。最好能夠搵到D全日制的，好似平時返學咁。我知道北角福建中學有個專針對新移民的啟動課程。為期半年，我地住南區香港仔，感覺北角有小小遠。我想問一下，有無其他補習中心可以全日制補習小學英文？

作者: mch411 時間: 16-1-7 15:59

補習中心沒有甘長時間補一科, 如果福建中學有專門針對課程,
遠一點也值得去, 我建議你另外去報一些興趣班,
等小朋友快點溶入香港文化, 九月開學容易一點

作者: little_yolky 時間: 16-1-7 17:50

bonnieok 發表於 16-1-7 12:36
想請問一下，小朋友係單程證新移民，剛來港。識講廣東話及寫繁體字，係大陸讀緊小四，成績唔錯ga。因為兩地 ...

或者你聯絡教育局分區主任, 佢哋一定會安排間學校俾你, 不過無乜得揀就是了。

作者: HaYi 時間: 16-1-7 20:09

我都覺得讀住一間P3, 下年再插考心儀的Ｐ３

作者: karen55407 時間: 16-1-7 21:18 標題: 引用：想請問一下，小朋友係單程證新移民，剛來港

原帖由 bonnieok 於 16-01-07 發表
想請問一下，小朋友係單程證新移民，剛來港。識講廣東話及寫繁體字，係大陸讀緊小四，成績唔錯ga。因為兩地 ...

香港法例不容許小朋友不上學的，你的情況是可以向教育局尋求協助，請立即安排孩子上學

作者: simonwan 時間: 16-1-7 22:36

本帖最後由 simonwan 於 16-1-7 22:38 編輯

先不講法例（其實香港好多人在家自學），我系贊成呢半年唔返學的。與其求其揾間學校，返到去英文堂可能唔知做什麽，而中文同數學堂又可能覺得太易，無聊；甘即系浪費整天時間。還掂英文都要自己系屋企追，不如呢半年集中精力學英文，半年時間都可以追到好多；如果孩子夠努力的話，可能九月直接讀五年級都得。
南區我唔熟，不過可以試下公文式，應該每區都有，從他的程度學起。其餘時間看英文故事書，也是從他的程度看起。仲有看英文卡通、電視等。衹要肯努力，好快追到程度，有太多例子了。

作者: karen55407 時間: 16-1-8 00:10 標題: 回覆：新移民請求幫助

根據香港法例，家長有責任讓年齡屆乎6至15歲的子女入學。教育局並不鼓勵在家施教個案，如教育局獲悉有適齡兒童未有入學，有可能發出入學令。雖然好可能等得教育局獲悉，再發出入學令，已經去到九月了，但我並不鼓勵走法律罅。讀住幾個月由教局安排的學校，再根據自己之前嘅步署，去考一間心儀嘅小學新學年就讀也可以的。

作者: MASAYA 時間: 16-1-8 00:14

聽講可以申請唔讀書，即係有充分理由佢會批，但唔可以唔講聲就拒學

作者: Yanamami 時間: 16-1-8 07:45

如果負担到，英国文化協会課程会唔会好d?

作者: bonnieok 時間: 16-1-8 08:08

好多謝各位熱心朋友的建議，睇到咁多回覆好開心！其實好多朋友的建議都講得好有道理。我亦會了解下網友所提及的英國文化協會課程睇下是否適合。我都知香港系唔容許有小朋友唔讀書，如果依家搵教署幫忙，求其揾一間讀住先（插下學期小三），等過多幾個月再去考插班試（插新學年度小四）。不過，問題又來了
1）小朋友可能剛剛適應身邊的同學仔及老師，轉新校又要重新適應，擔心對小朋友情緒唔知會唔會有影響？
2）如果插小三下學期是否要面對考TSA？
3）又有朋友講得啱，如果求其搵一間讀住先，估計會出現數學、中文學過晒，無聊無興趣，上堂遊魂；英文又太深聽唔明老師講乜，又擔心出現自卑、厭學情緒。倒不如利用半年時間加強英文，再去考插班小四，搵到心儀學校的機會會多返D。真系各有各道理，唔知邊種對小朋友會有利D？好矛盾，唔知點簡好？

作者: karen55407 時間: 16-1-8 10:00 標題: 引用：好多謝各位熱心朋友的建議，睇到咁多回覆好

原帖由 bonnieok 於 16-01-08 發表
好多謝各位熱心朋友的建議，睇到咁多回覆好開心！其實好多朋友的建議都講得好有道理。我亦會了解下網友所提 ...

新移民應及早適應為上策，如果適應得好，何不繼續讀下去呢？我覺得上常規學校的英文課，好過坊間的教育中心呢！亦可兩樣都要，一邊上學，一邊外補。直接插小四，其實談何容易！你仲係無小三成績表呢！可能都係同教局安排給你的學校差不多！小五、六就呈分試了，慿它考中學的，多幾多月適應期也是好事。

作者: little_yolky 時間: 16-1-8 10:34

本帖最後由 little_yolky 於 16-1-8 10:37 編輯

bonnieok 發表於 16-1-8 08:08
好多謝各位熱心朋友的建議，睇到咁多回覆好開心！其實好多朋友的建議都講得好有道理。我亦會了解下網友所提 ...

1. 英國文化協會適合想慢慢浸, 你小朋友要急急補, 唔合適。
2. 想新學年(9/2016)插小四, 都係3-5月同學校報插班, 所以英文一樣唔過關。
3. 因此, 現階段最好搵教署安排入一間小學讀P3(學校會俾試卷小朋友考, 按程度分班), 下學年升P4。同一時間可以適應小學學習模式, 又出去補英文, 追回差異。反正, 你自己去考插班同教署派的學校唔會有好大差別, 如果小朋友英文程度未達標, 派間B1校佢都讀死佢, 不如慢慢追好過。
4. 不需要擔心TSA問題, 因為TSA唔會影響小朋友成績, 只係學校的成績表, 無問題的。
5. 如果現階段入讀普通一點的二三線學校, 只差英文而中數都好好, 又是勤力好學生, 英文可望一兩年內追回, 反而學校會愛死你, 因為天上掉落嚟一個成績好的, 反而可能有好多發展機會。叫小朋友唔好上堂遊魂, 努力學習就可以了。入到心儀學校都可能追唔上, 出現自卑, 適應問題就要靠你自己了, 配合家校合作, 搵間有愛心, 願意配合的學校才是重點。

教小朋友唔好計較, 要敞開心胸, 唔好死牛一邊頸。慢慢就適應了。你也要多關心(唔係只關心學業), 多跟學校配合。

作者: karen55407 時間: 16-1-8 10:47 標題: 回覆：新移民請求幫助

中、數淺會無心機？正面看可能會有滿足感呢！

作者: HaYi 時間: 16-1-8 11:04

但大陸小朋友慣簡体？就算上面中文oK，不慣繁体可能扣分很多，

早日正規學校，早習慣，再考慮要不要轉校插班，因如在弱校考前，比強校考後有利，就算到9月插入强一强校，原校幾年升中好也是好選擇

作者: karen55407 時間: 16-1-8 11:41 標題: 引用：但大陸小朋友慣簡体？就算上面中文oK，不慣

原帖由 HaYi 於 16-01-08 發表
但大陸小朋友慣簡体？就算上面中文oK，不慣繁体可能扣分很多，

早日正規學校，早習慣，再考慮要不要轉校插 ...

樓主話小朋友識繁體字

作者: huba 時間: 16-1-8 11:43 標題: 引用：好多謝各位熱心朋友的建議，睇到咁多回覆好

原帖由 bonnieok 於 16-01-08 發表
好多謝各位熱心朋友的建議，睇到咁多回覆好開心！其實好多朋友的建議都講得好有道理。我亦會了解下網友所提 ...

除了學術的考慮，往正規學校上學對孩子的全人發展照顧會較全面。嘗試找家功課量少的小學，課餘可兼顧英文專修。

就小四插班的考慮，既然孩子本身的成績不錯，何不儘快入學，先拿取一張亮麗的小三成績表方便報考心儀的學校？

作者: karen55407 時間: 16-1-8 11:56 標題: 引用：Quote:原帖由+bonnieok+於+16-01-08+發表好

原帖由 huba 於 16-01-08 發表
除了學術的考慮，往正規學校上學對孩子的全人發展照顧會較全面。嘗試找家功課量少的小學，課餘可兼顧英文專 ...

作者: brianshe 時間: 16-1-8 12:45

提示: 作者被禁止或刪除內容自動屏蔽

作者: little_yolky 時間: 16-1-8 12:57

brianshe 發表於 16-1-8 12:45
中數淺??
識唔識睇正體中文?! 識唔識講粵語架~
搞咁多野, 大陸仔做咩唔返大陸讀呀?! 大陸咁強國...

樓主响#1第一行已經講咗小朋友識講廣東話同寫繁體字了。好正常都睇得出係申請到單程證家人團聚係咪? 雙非駛乜等到小四至落嚟呢?

作者: sukitelfold 時間: 16-1-8 13:10 標題: 引用：中數淺??識唔識睇正體中文?!+識唔識講粵語

原帖由 brianshe 於 16-01-08 發表
中數淺??
識唔識睇正體中文?! 識唔識講粵語架~
搞咁多野, 大陸仔做咩唔返大陸讀呀?! 大陸咁強國...

一單還一單，人哋只係問下正路嘢啫！唔使下下話人「大陸仔」嘅，欣賞樓上吡意見的網友！

作者: simonwan 時間: 16-1-8 22:41

本帖最後由 simonwan 於 16-1-11 23:07 編輯

孩子是自己的，什麽都聽政府話，都唔知幾多細路比學校同教育局玩死。而家插小三都得，如果孩子在學校無什麽適應問題咪好囖！但如果返學對孩子無什麽好處，甚至有反效果，勉强讀來幹嗎？

作者: germainehui 時間: 16-1-9 09:37 標題: 引用：+本帖最後由+little_yolky+於+16-1-8+10:37

原帖由 little_yolky 於 16-01-08 發表
本帖最後由 little_yolky 於 16-1-8 10:37 編輯

贊同樓上的意見，英國文化協會的課程係需要慢慢浸先見到效果，反而補習社的英文專科會因應小朋友的程度來操，應該仲啱樓主小朋友的需要。

見過一個好好的例子，我囡小學小五時新來一位五年級的內地插班生（女仔），粵語識聽唔講，平時主要講普通話，只用了半個學期時間就適應了，到下學期考呈分，成績優異，而且體育方面很有天份，經常代表學校出去參加比賽拿奬，能文能武，學校真係愛死佢，自行時已被張祝珊英文中學取錄，今年已經讀緊中一。真係唔好睇小內地小朋友的潛能。

作者: siden 時間: 16-1-9 10:08 標題: 引用：Quote:bonnieok+發表於+16-1-7+12:36+想請

原帖由 little_yolky 於 16-01-07 發表
或者你聯絡教育局分區主任, 佢哋一定會安排間學校俾你, 不過無乜得揀就是了。 ...

同意

作者: bonnieok 時間: 16-1-9 10:51

好多謝大家的嘅建議THX！請問有無邊間好D嘅補習社介紹？想幫小朋友補英文專科，住南區，補習社不一定要南區，外區也可以，只要不太遠都OK

作者: winkychu 時間: 16-1-9 17:10 標題: 回覆：bonnieok 的帖子

請一對一也可以，大學生上門，100左右一小時

作者: Loura 時間: 16-1-9 19:25 標題: 回覆：bonnieok 的帖子

說說我的個人想法，除了考慮小朋友的學習情況外，更要關注下小朋友的群體需要，如果小朋友基础好學校的課程都是很容易跟到的。所以個人覺得還是給孩子一個與同齡人接觸交往的機會，孩子還可以感受到不同的教育方式，習慣繁體字，課余時間用來補習英文，這樣的過渡方式對於考理想小學的插班生應該更有利，個人覌點僅供參考。

作者: haihaimom 時間: 16-1-10 14:32

Loura 發表於 16-1-9 19:25
說說我的個人想法，除了考慮小朋友的學習情況外，更要關注下小朋友的群體需要，如果小朋友基础好學校的課程 ...

同意，先適應學校生活，把目標放喺升中。有時候冇噤受歡迎既學校，老師反而可以對學生有更多關顧，注意學校會否對新移民小朋友有特別支援，尤其係英文。大多受歡迎既學校都冇。

作者: karen55407 時間: 16-1-10 15:02 標題: 回覆：新移民請求幫助

舊年陳瑞祺下學期也收了一個新移民同學，証明未必一定入唔到好學校。

作者: mrschan256 時間: 16-1-12 09:22

brianshe 發表於 16-1-8 12:45
中數淺??
識唔識睇正體中文?! 識唔識講粵語架~
搞咁多野, 大陸仔做咩唔返大陸讀呀?! 大陸咁強國...

agree! why come to hong kong? 香港宜家立立亂留翻系上邊仲好!

作者: Yanamami 時間: 16-1-12 10:03

本帖最後由 Yanamami 於 16-1-12 10:05 編輯

bonnieok 發表於 16-1-9 10:51
好多謝大家的嘅建議THX！請問有無邊間好D嘅補習社介紹？想幫小朋友補英文專科，住南區，補習社不一定要南區 ...

双管齐下啦~我始終覚得語文係要浸，—点—滴打好根基先係長遠計~補習只应眼前急，应付学校課程升班、考中学~如負担到，再去英国文化協会浸浸，好好打好听寫讀講基礎，上到英中就唔辛苦啦｡係未揾到合適補习前，報个課程浸住先，咪嘥時间~

歡迎光臨教育王國 (/)