教育王國

標題: S位老師信箱 [打印本頁]

作者: 小牧媽咪 時間: 16-1-5 13:01 標題: S位老師信箱

作為S位老師，希望利用我嘅專業同餘暇時間同大家傾下計，解答下大家對S位嘅疑問，歡迎交流

作者: newsky 時間: 16-1-6 20:36

請問你日間S位和住宿S位在教學方面分別大嗎？我仔仔半年前評估為中度自閉症現在語言和認知還是很弱！半年前選擇了輪候住宿S位當時覺得住宿會訓練到仔仔的自理能力！但現在有點兒擔心自閉症小朋友會較難適應到住宿仔仔會否覺得被遺棄？對於仔仔呢個Case 你認為我的選擇正確嗎？

作者: 小牧媽咪 時間: 16-1-6 21:34 標題: 回覆：newsky 的帖子

你好，首先多謝你有留意到我的post, 對於你嘅問題，有一點需要請你考慮，你認為宿位除咗能夠提升小朋友嘅自理能力之外，仲有啲咩好處呢？自理能力其實普通家長都能夠跟到wor，但係父母嘅愛係冇人能夠取代。
當然，如果小朋友排到宿位，你仍然可以有權隨時接佢返屋企住，在人手照顧方面嘅彈性又大好多，但係你究竟知唔知道小朋友去到宿舍，最主要係做啲咩架？就係困住係張床度。
你小朋友幾多歲？幾大都好，小朋友係需要探索的機會，淨係響張床度，我唔認為小朋友會得到更好嘅發展。
如果父母有能力嘅話，其實自己照顧返小朋友。如果需要進一步傾談可pm我

作者: Adamok128 時間: 16-1-6 22:33 標題: 回覆：S位老師信箱

你好,首先多謝你
我兒三歲三个月,兩歲已確診A仔,希望本年九月可入s位,而現在就讀K1,未有句子的言語能力,但能坐好,能聽老師指令,亦有經常遊雲,我知道入S係对孩子的幫助最大的,但我对S位所知甚小,例如課程會否跟主流幼稚园差不多?課堂內社交機會大嗎?轉出主流小学的比例高嗎?是否可觀課等
希望仔來年可入S,謝

作者: 小牧媽咪 時間: 16-1-6 23:52 標題: 回覆：Adamok128 的帖子

你好，多謝你留意到我的post, 文中並未透露你打算排邊間機構嘅S位，就算同一機構，每間中心嘅行政亦有差異，但大致上，小朋友嘅學習目標，會因應佢嘅評估表現同能力，去plan 屬於佢個人嘅教學目標，是否緊貼主流課程，亦會因應小朋友本身嘅學習差異去作出調適，舉個例：甲小朋友4歲，老師評估後，發現佢數學概念有5-6歲能力，但其他方面只有2-3歲左右嘅能力，咁老師為小朋友選課程就會用到2-3歲嘅範疇內容，但數概方面就會按佢嘅能力俾深D佢做，持續提升佢數概能力。
至於S位多唔多人回流去主流教育（例如，普通幼稚園、普通小學），其實每年為數不少，咁當然，首先小朋友要有咁嘅能力，否則出到主流，家長同小朋友一樣咁辛苦。
S位有三位治療師（PT,OT,ST)佢地除左提供個別訓練外，亦會安排能力相若嘅小朋友一齊上小組堂，每次開組都需要家長安排人手去協助小朋友一齊上堂，藉此機會向家長示範點去為小朋友做有關訓練。至於觀課就真係好睇不同中心嘅行政。
希望以上資訊解答到你

作者: lwy_brenda 時間: 16-1-7 00:21 標題: 回覆：S位老師信箱

你好，我囝囝三歲三個月，亦排緊 S位，希望今年派到位，我囝囝问题係唔講野，喜歡跳，擺頭，發出"呀呀聲"，玩手及睜眼，应該係感統出現問題，心中矛盾入S位被標籤，難入返主流，同咪想知道怎麼評估小朋友達標後可以離開特殊中心，謝

作者: lwy_brenda 時間: 16-1-7 00:25 標題: 回覆：S位老師信箱

我現在讀緊夜間特殊育證書課程，心有熱誠想做特殊老師，幫自己囝囝外，也可幫其他小朋友，想知要做特殊教育老師要讀乜課程，考取什麼資格？謝

作者: 小牧媽咪 時間: 16-1-7 18:49 標題: 回覆：lwy_brenda 的帖子

你好，多謝你留意呢個post, 非常明白父母嘅感受，阿仔俾人label當然令人感到難受。
就咁睇你形容，阿仔除咗感統障礙外，係咪都被評估為自閉症譜系？
首先，S位同普通幼稚園最唔同嘅地方，係有3T同老師共同為小朋友做個別評估，然後按小朋友能力去提供小組及個別堂。小朋友得到適切教育，當然會有一定進步。
但當然，小朋友是否能夠去追返本身嘅年齡應有嘅能力，亦好睇小朋友本身嘅能力，家長對訓練小朋友嘅心態。
至於小朋友點先可以由S位轉主流，常見有以下渠道：
1）由S位評估後，認為小朋友有能力返回主流，再向家長反映，請家長考慮會否轉返出主流，如家長希望讓小朋友嘗試一下，咁家長可自行找主流幼稚園位，搵到的話，社署可容許小朋友去主流幼稚園兼讀不多於三個月期限（例如：上午在S位，下午去主流幼稚園試讀）
(ps:當然有家長認為自己的小朋友是「可以的」，自行揾咗學校，然後先知會S位有咁嘅諗法）
三個月限期一到，家長就需要自己決定，係需要主流學校嘅學位，定係繼續留S位訓練。
之前點解關社署事，因為S位受社署管轄。
2）由S位（3T及老師）評估後，認為小朋友有能力返回主流，再向家長反映，請家長考慮會否轉返出I位，如果家長都想，咁會將case pass返去中央轉介組用舊number去排隊
3）家長決定小朋友無論如果都想試下出主流，可向社工反映，安排評估中心為小朋友進行評估，但由於家長不經S位轉介，所以評估中心必定會聯絡有關S位，S位會如實相告小朋友能力，如評估中心評估小朋友適合出主流，咁家長需要拎住呢個評估結果，自行去各幼稚園叩門。
4）每個S位小朋友都會在5歲半左右收到評估中心電話，約去做升小一嘅評估，但通常在呢個評估前，每位需要在來年升小一的小朋友，都可以去心儀學校遞交申請書，如果小朋友適合出主流小一，咁就安心去讀，如當時冇報到小學，只可參加攪珠或者叩門。

作者: 小牧媽咪 時間: 16-1-7 18:50 標題: 回覆：lwy_brenda 的帖子

請問你有教師資格嗎？例如學前的QKT / C CW / CE?

作者: hidi127 時間: 16-1-7 22:53 標題: 引用：請問你有教師資格嗎？例如學前的QKT+/+C+CW

原帖由 小牧媽咪 於 16-01-07 發表
請問你有教師資格嗎？例如學前的QKT / C CW / CE?

小牧媽咪，你好嗎！我終於再次見到你了。你可能唔記得我。我在三年前在親子王國得到你的二手衫仔。你是免費送給我。我現在還好有印象的。當時我帶住個肚及帶著第二女去觀塘mtr交收！再次感謝您。好攪笑！我第二女常常記者帶眼鏡及扎馬尾的媽媽就說小牧媽咪呀灬所以你幫助過人原來小朋友是會記在心裏的！祝福你

作者: lwy_brenda 時間: 16-1-7 23:22 標題: 回覆：小牧媽咪的帖子

是，我的囝囝係自閉譜系，多謝解答我的問題

作者: 小牧媽咪 時間: 16-1-7 23:43 標題: 引用：Quote:原帖由+小牧媽咪+於+16-01-07+發表請

原帖由 hidi127 於 16-01-07 發表
小牧媽咪，你好嗎！我終於再次見到你了。你可能唔記得我。我在三年前在親子王國得到你的二手衫仔。你是免費 ...

Hello，我仲記得你，不知不覺已經三年了，你的三個小朋友好嗎？怎麼會在這版撞返你？

作者: 小牧媽咪 時間: 16-1-7 23:44 標題: 引用：是，我的囝囝係自閉譜系，多謝解答我的問題

原帖由 lwy_brenda 於 16-01-07 發表
是，我的囝囝係自閉譜系，多謝解答我的問題

你宜家讀緊OU個課程嗎？咁你本身有冇QKT/CCW/CE資歷嗎？

作者: hidi127 時間: 16-1-8 00:11 標題: 引用：Quote:原帖由+hidi127+於+16-01-07+發表小

原帖由 小牧媽咪 於 16-01-07 發表
Hello，我仲記得你，不知不覺已經三年了，你的三個小朋友好嗎？怎麼會在這版撞返你？

...

我當時有提過我大仔有阿氏保加症，又意外有了第三個BB。所以好彩有你。雖然不是什麼貴重物品，但在我心中是一份窩心的禮物。多謝你。我好想在bk王國再次多謝你。但偏偏就在這裡看到你的帖。所以我好開心和二女說我找到你了，

我現在才醒起你當時説你是教特殊教育的。最黑暗的日子也過去了。但我會堅強去面對的。如果你有時間就去看看我其他留言。你就會明白我心裏所說的

作者: 小牧媽咪 時間: 16-1-8 08:03 標題: 引用：Quote:原帖由+小牧媽咪+於+16-01-07+發表He

原帖由 hidi127 於 16-01-08 發表
我當時有提過我大仔有阿氏保加症，又意外有了第三個BB。所以好彩有你。雖然不是什麼貴重物品，但在我心中是 ...

已經爬完文，那仔仔將會排協康的陳宗漢？個間好好吖👍🏻👍🏻👍🏻

作者: hidi127 時間: 16-1-8 13:01 標題: 引用：Quote:原帖由+hidi127+於+16-01-08+發表我

原帖由 小牧媽咪 於 16-01-08 發表
已經爬完文，那仔仔將會排協康的陳宗漢？個間好好吖👍🏻👍🏻👍&#12799 ...

多謝妳！

作者: KCHK 時間: 16-1-9 06:46 標題: 回覆：S位老師信箱

小牧媽咪，你好。我仔上年大派位時派到S位, 今年5月就足5歲，收到CAC 打電話叫我地1月尾再去做評估，請問呢個是否就是升小一前的評估？還是係每年都要follow up 的評估? 因為如果是升小一的評估又好似早左d ，佢只係返左S 位3個月左右, 我驚影響左評估結果。

作者: hidi127 時間: 16-1-9 09:51 標題: 回覆：小牧媽咪的帖子

係呀！剛剛在十一月份排協康會，希望今年九月可以入讀啦，現正申請到関愛基金在協康會做小肌肉訓練。想請教你，是否每位小朋友初初透過遊戲學習呢？因為我陪他一起上堂時，做一些簡單訓練。然後再加深難度？麻煩你

作者: lwy_brenda 時間: 16-1-9 17:45 標題: 回覆：小牧媽咪的帖子

我讀 hku space 夜間特殊教育文憑 jar, 你以上所講 gei 證書我都無，係咪以上講証書都要讀 full time. 我睇D forume話要讀這些証書特別係 Ce要讀成三年

作者: 小牧媽咪 時間: 16-1-10 07:14 標題: 引用：小牧媽咪，+你好。我仔上年大派位時派到S位

原帖由 KCHK 於 16-01-09 發表
小牧媽咪，你好。我仔上年大派位時派到S位, 今年5月就足5歲，收到CAC 打電話叫我地1月尾再去做評估，請問 ...

如你仔仔今年九月都未升小一（5月才五歲，即9/17才是小一生，係咪咁？）咁CAC應該係抽樣咁call D仔去跟進下，唔係升小一嘅評估，不過你都可以call返佢地，問清楚都好，（如果佢有揭過你個仔file,見到只返了三個月，應該唔會call你🤔）

作者: 小牧媽咪 時間: 16-1-10 07:27 標題: 引用：係呀！剛剛在十一月份排協康會，希望今年九

原帖由 hidi127 於 16-01-09 發表
係呀！剛剛在十一月份排協康會，希望今年九月可以入讀啦，現正申請到関愛基金在協康會做小肌肉訓練。想請教 ...

咁小朋友最大嘅興趣都係玩，治療師用「玩」嘅方式去達成小朋友需要訓練嘅目標，咁事半功倍之餘，小朋友又肯玩肯學。所有學習過程一定會由淺入深，或者有D活動你覺得好淺，但可能係治療師覺得小朋友未做到應有要求嘅程度，甚至乎，治療師想先俾D成功感小朋友，加強佢嘅自信心，等佢繼續有耐性咁去做埋其他活動

作者: 小牧媽咪 時間: 16-1-10 08:00 標題: 引用：我讀+hku+space+夜間特殊教育文憑++jar,+你

原帖由 lwy_brenda 於 16-01-09 發表
我讀 hku space 夜間特殊教育文憑 jar, 你以上所講 gei 證書我都無，係咪以上講証書都要讀 full time. 我 ...

由於我只熟學前，所以只可以咁答：若然你有CCW(社署註冊）或者QKT/CE(教署註冊）嘅教師牌照,咁加埋你HKU 個diploma先可以做到SCCW

作者: Adamok128 時間: 16-1-10 09:02 標題: 回覆：S位老師信箱

小牧媽咪,多謝解答,我仔好奇怪的,如今年能入s,好多問題應比較易解決

作者: KCHK 時間: 16-1-10 10:20 標題: 回覆：小牧媽咪的帖子

多謝你, 我會打去問下，因為我發覺我仔由評估確認完到現在都差不多每半年就返去一次做評估，每次見的人都唔同（check 聽覺，言語，大小肌肉），可能因為佢係自閉+Global delay。

作者: 小牧媽咪 時間: 16-1-10 11:10 標題: 引用：我讀+hku+space+夜間特殊教育文憑++jar,+你

原帖由 lwy_brenda 於 16-01-09 發表
我讀 hku space 夜間特殊教育文憑 jar, 你以上所講 gei 證書我都無，係咪以上講証書都要讀 full time. 我 ...

http://www.heephong.org/webprod/cht/collaboration-with-open-university

以上出自協康會網站

作者: hidi127 時間: 16-1-10 13:13 標題: 引用：Quote:原帖由+hidi127+於+16-01-09+發表係

原帖由 小牧媽咪 於 16-01-10 發表
咁小朋友最大嘅興趣都係玩，治療師用「玩」嘅方式去達成小朋友需要訓練嘅目標，咁事半功倍之餘，小朋友又肯 ...

Thank you ver much

作者: MaMaTracy 時間: 16-1-11 22:53 標題: 回覆：S位老師信箱

小牧媽咪，妳好！我仔係早產b, 而家20個月大，由於手筋腳筋好緊，尤其雙腳，所以到而家都未識企，坐又唔穩。同埋我估有感統問題（因為唔俾人掂面，就算沖涼洗面，出街有風正面吹都好似抖唔到氣）本身已經排緊早期訓練，cac要4月先會約見。但上星期見完醫生，醫生建議阿仔返有兼收位學校可能對佢好啲，但我睇番原來都冇排到兼收位，所以今日打咗去社工問，姑娘話會問醫生之後幫我排，仲俾咗張form 我填想讀邊間幼稚園....咁我想問問係咪感該㨂屋企附近好啲？定區外學校好啲？但點樣可以知有兼收位嘅幼稚園好唔好？唔該😊

作者: lwy_brenda 時間: 16-1-11 23:23 標題: 回覆：小牧媽咪的帖子

多謝你的资料

作者: 小牧媽咪 時間: 16-1-11 23:24 標題: 引用：小牧媽咪，妳好！我仔係早產b,+而家20個月

原帖由 MaMaTracy 於 16-01-11 發表
小牧媽咪，妳好！我仔係早產b, 而家20個月大，由於手筋腳筋好緊，尤其雙腳，所以到而家都未識企，坐又唔穩 ...

🤔20個月未識企又坐唔穏點解會排I位？不如我講下E位同I位分別，等你可以比較吓。
E位，如排到的話，其實未夠2歲已經可以有訓練，E位有3T、特殊教師、社工，一至兩星期有個別同小組堂，小朋友嘅教育目標，由以上一干人等傾出嚟，PRO好多！但E位小朋友都會入讀普通幼稚園。I位，由一位兼收老師去跟進6個I仔，按日程應該可以一星期提供一、兩次導師個別訓練，其餘時間個兼收老師去攝其他課室嘅空檔，有3T，一個月來一次跟進下。
其實宜家好多普通幼稚園都參加咗「到校服務」，話唔定可以取代I位服務。
我係你我唔會揀I位。
小朋友有冇做PT 訓練？大肌差太遠了，媽媽要多多加油給小朋友拉下筋哦

作者: MaMaTracy 時間: 16-1-11 23:42 標題: 引用：Quote:原帖由+MaMaTracy+於+16-01-11+發表

原帖由 小牧媽咪 於 16-01-11 發表
🤔20個月未識企又坐唔穏點解會排I位？不如我講下E位同I位分別，等你可以比較吓。
E位，如排到的話， ...

其實我都唔知要排咩位....私人物理治療師就不停同我講要排s位，但我問咗醫院社工又話要好嚴重先要排s位，返醫院覆診醫生又冇話要排位，淨係知排咗早訓。我都係上網搵資料見屋企附近有兼收位嘅幼稚園，打去問先知要社工幫先可以排，今日社工話要問醫生報告先可以申請，咁其實我仔嘅情況應該要排咩位架？定其實要睇埋4月cac做完評估先知排咩位架？唔好意思麻煩妳😅

作者: MaMaTracy 時間: 16-1-11 23:48 標題: 回覆：S位老師信箱

另外自從10月份搵到私人做物理治療之後好咗好多，起碼而家可以自己曲腳，之前唔得架，已經日日同佢拉筋架，不過阿仔唔合作成日返嚟返去

作者: suki_lkm 時間: 16-1-12 07:42 標題: 回覆：小牧媽咪的帖子

小牧媽咪，你好。我女31個月大，一年前返兒科覆診話global delay. 其實依家已有i位收左，但返左幾個月，進度不大。之前cac做左智能測驗，話佢語言只去到1-1.5 歲。其他就慢左半年到，請問依個情況有夠要讀s位嘛？

作者: 小牧媽咪 時間: 16-1-12 12:55 標題: 引用：Quote:原帖由+小牧媽咪+於+16-01-11+發表&#

原帖由 MaMaTracy 於 16-01-11 發表
其實我都唔知要排咩位....私人物理治療師就不停同我講要排s位，但我問咗醫院社工又話要好嚴重先要排s位，返 ...

其實咁嘅，PT叫你幫小朋友排S位，一定係覺得小朋友係大肌肉發展上有呢個需要，因為S位在體能課室內，每天都要小朋友企架、甚至跪架，又或者由PT去幫小朋友去拉筯，我見過好多小朋友，智能正常，但由於大肌唔得都照入S位，不如你等CAC幫小朋友做完評估再按佢建議揀讀咩位。

作者: 小牧媽咪 時間: 16-1-12 12:57 標題: 引用：小牧媽咪，你好。我女31個月大，一年前返兒

原帖由 suki_lkm 於 16-01-12 發表
小牧媽咪，你好。我女31個月大，一年前返兒科覆診話global delay. 其實依家已有i位收左，但返左幾個月，進 ...

咁i位老師點講？返得幾個月，進步不大都唔出奇，不過語言上真係差得頗多，有冇搵私人ST去做訓練？

作者: suki_lkm 時間: 16-1-12 13:08 標題: 回覆：小牧媽咪的帖子

i位老師只叫我慢慢來。學校有2星期一次言語治，唔知夠唔夠？
我現在計畫想比感覺佢上，因為昨日識業治療師同我提過。知道有幫助嘛？

作者: suki_lkm 時間: 16-1-12 13:09 標題: 回覆：suki_lkm 的帖子

感統

作者: suki_lkm 時間: 16-1-12 13:14 標題: 回覆：小牧媽咪的帖子

另外，職業治療師昨日話我女再追展唔大，怕會智障。想問下，有咩可以幫到我女？

作者: MaMaTracy 時間: 16-1-12 16:59 標題: 引用：Quote:原帖由+MaMaTracy+於+16-01-11+發表

原帖由 小牧媽咪 於 16-01-12 發表
其實咁嘅，PT叫你幫小朋友排S位，一定係覺得小朋友係大肌肉發展上有呢個需要，因為S位在體能課室內，每天都 ...

好，麻煩小牧媽咪😊

作者: 小牧媽咪 時間: 16-1-12 19:00 標題: 引用：i位老師只叫我慢慢來。+學校有2星期一次言

原帖由 suki_lkm 於 16-01-12 發表
i位老師只叫我慢慢來。學校有2星期一次言語治，唔知夠唔夠？
我現在計畫想比感覺佢上，因為昨日識業治療 ...

咁正常都會係兩個星期一次ST個別堂，不過如果你有能力去負擔的話，可考慮排埋私人的ST訓練。感統如果OT都開口叫你去做，咁就真係去做喇.其實S位唔係家長想排就可以去排，不過你可以問下你I位老師，有冇例子由l位成功轉S位，如果治療師同l位老師都覺得小朋友應該轉去S位，到時再聯絡社工再傾

作者: suki_lkm 時間: 16-1-12 21:46 標題: 回覆：小牧媽咪的帖子

其實s位係治療師， i位老師定兒科醫生決定？

作者: 小牧媽咪 時間: 16-1-12 23:19 標題: 引用：其實s位係治療師，+i位老師定兒科醫生決定

原帖由 suki_lkm 於 16-01-12 發表
其實s位係治療師， i位老師定兒科醫生決定？

最後決定係中央轉介組，但中央轉介組要收評估中心資料，評估中心嘅評估由醫生/心理學家去做，但如果小朋友已經讀緊I位，而治療師們及I位老師都願意證明小朋友比較適合去S位，咁家長可再搵社工去傾，由社工去決定點去跟進

作者: rogercwlau 時間: 16-1-13 08:22

回覆小牧媽咪的帖子

早晨小牧媽媽，我已pm您

作者: Cathy9929 時間: 16-1-13 08:36

小牧媽媽好，我小朋友宜家28m大，言語能力只有約1歲，其他能力慢約半年，cac 評估排i位，但是我覺得小朋友對言語理解真是好弱，怕佢返學都只是遊魂(因為聽唔明老師的說話)，所以會唔會返s位較適合?但是我問過ot 同pst, 佢地都話小朋友返i位有同齡刺激，社交，對小朋友會較好，所以我真是唔知點揀，如果排s位，我會揀協康王石崇傑中心，謝謝。

作者: 小牧媽咪 時間: 16-1-13 13:00 標題: 引用：回覆+小牧媽咪+的帖子早晨小牧媽媽，我已

原帖由 rogercwlau 於 16-01-13 發表
回覆小牧媽咪的帖子

早晨小牧媽媽，我已pm您

已覆，please check

作者: 小牧媽咪 時間: 16-1-13 13:02 標題: 引用：小牧媽媽好，我小朋友宜家28m大，言語能力

原帖由 Cathy9929 於 16-01-13 發表
小牧媽媽好，我小朋友宜家28m大，言語能力只有約1歲，其他能力慢約半年，cac 評估排i位，但是我覺得小朋友 ...

請問小朋友被CAC評為？（發展遲緩？）

作者: suki_lkm 時間: 16-1-13 16:46 標題: 回覆：小牧媽咪的帖子

但如果入了s位，是否得難轉返普通學校？

作者: 小牧媽咪 時間: 16-1-13 17:49 標題: 引用：但如果入了s位，是否得難轉返普通學校？ +

原帖由 suki_lkm 於 16-01-13 發表
但如果入了s位，是否得難轉返普通學校？

唔洗擔心，如果小朋友經過訓練後，有能力上返佢年齡應有能力，咁政府資源咁緊絀，唔會俾佢留响特殊位,加油！把握小朋友的黃金六年

作者: Adamok128 時間: 16-1-13 21:33 標題: 回覆：S位老師信箱

小牧媽咪,你好,我想問多个問題,s位以我所知一个月都係有4小時的專業訓練,好多家長亦要外出加堂,因為仔学校好幫忙,仔又好喜歡返学,有冇例子係小朋友只返半日s？就算K1自費都可以嘅呢？

作者: 小牧媽咪 時間: 16-1-13 23:02 標題: 引用：小牧媽咪,你好,我想問多个問題,s位以我所知

原帖由 Adamok128 於 16-01-13 發表
小牧媽咪,你好,我想問多个問題,s位以我所知一个月都係有4小時的專業訓練,好多家長亦要外出加堂,因為仔学校 ...

S學位由社署全數資助，所以沒有長期只返半日這會事，如果你經濟能力非常充裕，可考慮私人機構所辧的學前訓練（e.g. Step...)，然後你再繼續俾小朋友返幼稚園、上埋其他訓練，其實都好理想

作者: tingcw 時間: 16-1-14 00:12

回覆小牧媽咪的帖子

資料好有用 thanks

作者: MaMaTracy 時間: 16-1-14 00:47 標題: 回覆：S位老師信箱

小牧媽咪，唔好意思，我想再問下今日社工同我講早期訓練只係俾0-2歲，佢又話我仔就嚟2歲，而家呢個情況好尷尬，過咗2歲到時唔會再俾排早訓，只會排i位。但我又見有啲小朋友過咗2歲都排到早訓，我唔係好明，係咪真係過咗2歲就冇咗早訓個位架？感謝！

作者: 小牧媽咪 時間: 16-1-14 08:37 標題: 引用：小牧媽咪，唔好意思，我想再問下今日社工同

原帖由 MaMaTracy 於 16-01-14 發表
小牧媽咪，唔好意思，我想再問下今日社工同我講早期訓練只係俾0-2歲，佢又話我仔就嚟2歲，而家呢個情況好尷 ...

乜嘢社工，佢新嚟嗎？竟然咁答！http://www.swd.gov.hk/tc/index/site_pubsvc/page_rehab/sub_listofserv/id_earlyeduca/

作者: MaMaTracy 時間: 16-1-14 08:54 標題: 引用：Quote:原帖由+MaMaTracy+於+16-01-14+發表

原帖由 小牧媽咪 於 16-01-14 發表
乜嘢社工，佢新嚟嗎？竟然咁答！http://www.swd.gov.hk/tc/index/site_pubsvc/page_rehab/sub_listo ...

唔係架，佢仲話自己就嚟退休添，佢話自己好有經驗架.......😔小牧媽咪，係咪即係過咗2歲，i位又未排到嘅話，早訓都會繼續排，除非排到i位，早期個位就會放番出嚟，係咪咁嘅意思？唔該

作者: Adamok128 時間: 16-1-14 10:59 標題: 回覆：S位老師信箱

thx.明白,D私人位好貴,仔已在2歲讀左一年,就嚟要跳樓

作者: 小牧媽咪 時間: 16-1-14 17:34 標題: 引用：Quote:原帖由+小牧媽咪+於+16-01-14+發表乜

原帖由 MaMaTracy 於 16-01-14 發表
唔係架，佢仲話自己就嚟退休添，佢話自己好有經驗架.......😔小牧媽咪，係咪即係過咗2歲，i位又未排 ...

你意思係之前佢畀你同時排E位同I位，係咪咁？

作者: Cathy9929 時間: 16-1-14 17:38

回覆小牧媽咪的帖子

係呀，gobal developmental delay

作者: 小牧媽咪 時間: 16-1-14 17:40 標題: 引用：thx.明白,D私人位好貴,仔已在2歲讀左一年,

原帖由 Adamok128 於 16-01-14 發表
thx.明白,D私人位好貴,仔已在2歲讀左一年,就嚟要跳樓

咁你要取捨了，又唔係個個S位小朋友都會出去再搵其他訓練，如果家長自己肯花心力去跟進小朋友嘅每一個訓練，其實都會令小朋友有大進步。在我見一些明顯進步嘅小朋友，就是父母願意花時間去陪他們重複練習。

作者: MaMaTracy 時間: 16-1-14 22:44 標題: 引用：Quote:原帖由+MaMaTracy+於+16-01-14+發表

原帖由 小牧媽咪 於 16-01-14 發表
你意思係之前佢畀你同時排E位同I位，係咪咁？

唔係，本身我淨係排e位，不過上星期覆診醫生叫我俾阿仔返學，可能對佢好啲⋯⋯咁我打去一間有兼收位嘅幼稚園，老師解釋我聽個程序，我先知要經社署安排先可以入讀，所以我即打去搵社工，社工就同我講呢番說話，攪到我好驚得是但一樣排😔

作者: 小牧媽咪 時間: 16-1-14 23:48 標題: 引用：回覆+小牧媽咪+的帖子係呀，gobal+develo

原帖由 Cathy9929 於 16-01-14 發表
回覆小牧媽咪的帖子

係呀，gobal developmental delay

咁小朋友之間嘅社交互動同彼此間嘅語言模仿又真係i位優勝好多，既然跟開小朋友嘅pst and ot都建議，依佢地對你小朋友嘅了解，可不相信他們？

作者: 小牧媽咪 時間: 16-1-14 23:55 標題: 引用：Quote:原帖由+小牧媽咪+於+16-01-14+發表你

原帖由 MaMaTracy 於 16-01-14 發表
唔係，本身我淨係排e位，不過上星期覆診醫生叫我俾阿仔返學，可能對佢好啲⋯⋯咁我打去一間有兼收位嘅幼稚 ...

其實E位嘅服務好能夠俾到小朋友有一個完整嘅訓練，你諗下，E位同i位同樣都喺幼稚園，只係i位有個i位老師啫，所以醫生話i位比較適合小朋友，佢真係有D模糊。至於個位社工仲正，由E位條隊轉排i位需要家長同意，冇啦啦同你咁講，你真係要再搵多佢一次，清楚返成件事

作者: long107 時間: 16-1-15 10:31 標題: 回覆：小牧媽咪的帖子

係呀！小兒讀左s位半年，言語方面真係好大進步，而家可以打電話同我傾偈添。學校有好多家居練習，家長真係要花些時間去同小朋友一齊做，我覺得唔使去出面搵私人訓練。

作者: 小牧媽咪 時間: 16-1-15 20:51 標題: 引用：係呀！小兒讀左s位半年，言語方面真係好大

原帖由 long107 於 16-01-15 發表
係呀！小兒讀左s位半年，言語方面真係好大進步，而家可以打電話同我傾偈添。學校有好多家居練習，家長真係 ...

非常認同，父母耐心陪小朋友做下訓練，玩D有質素嘅親子遊戲，都可以令小朋友大有進步，各位爸爸媽媽加油

作者: mulan1985 時間: 16-1-15 23:19

你好
我仔仔今年5歲 , 讀緊 I 位 , 打算盡快轉 S 位 , 想請問如果有幸今年9月轉到 , 會唔會係仔仔5歲半做升小評估(因5歲半佢只讀 S 位大約2個月左右) ?

作者: 小牧媽咪 時間: 16-1-15 23:31 標題: 引用：你好我仔仔今年5歲+,+讀緊+I+位+,+打算盡快

原帖由 mulan1985 於 16-01-15 發表
你好
我仔仔今年5歲 , 讀緊 I 位 , 打算盡快轉 S 位 , 想請問如果有幸今年9月轉到 , 會唔會係仔仔5歲半做升 ...

你好，其實每年十月至三月都會係評估中心call case(5歲半左右的小朋友）返去評估（有D特別D嘅case，因為要夾埋治療師去評估的話，拖到五月先返去評估都有）

，所以係咪搭正五歳半正即返去評估好睇彩數

作者: mulan1985 時間: 16-1-15 23:41

小牧媽咪發表於 16-1-15 23:31
你好，其實每年十月至三月都會係評估中心call case(5歲半左右的小朋友）返去評估（有D特別D嘅case，因為要 ...

請問 , 我仔係自閉症諎系 , 如果真係5歲半返去評估升小 , 最後話佢能加擲界 , 我還可以要求讀主流學校嗎 ?

作者: 小牧媽咪 時間: 16-1-16 00:32 標題: 引用：Quote:小牧媽咪+發表於+16-1-15+23:31+你好

原帖由 mulan1985 於 16-01-15 發表
請問 , 我仔係自閉症諎系 , 如果真係5歲半返去評估升小 , 最後話佢能加擲界 , 我還可以要求讀主流學校嗎 ? ...

咁你小朋友點解由i位轉返S位？因為能力比較適合S位？其實今年開始評估中心真係負責返評估呢一部分，佢會將小朋友嘅評估結果寫得非常概括又簡單交去教育局，到時由家長去同教育局傾入咩學校。

作者: mulan1985 時間: 16-1-16 00:51

小牧媽咪發表於 16-1-16 00:32
咁你小朋友點解由i位轉返S位？因為能力比較適合S位？其實今年開始評估中心真係負責返評估呢一部 ...

因佢語言遲緩(現在大約3歲半左右) , 拖底咗理解能力 , 纙輯 , 學校建議比佢轉 S 位 (因佢15年9 月先有 I 位 , 學校怕佢升小溶合唔理想)

作者: 小牧媽咪 時間: 16-1-16 08:47 標題: 引用：Quote:小牧媽咪+發表於+16-1-16+00:32+咁你

原帖由 mulan1985 於 16-01-16 發表
因佢語言遲緩(現在大約3歲半左右) , 拖底咗理解能力 , 纙輯 , 學校建議比佢轉 S 位 (因佢15年9 月先有 I 位 ...

🤔你受唔受得住真說話？😅如受唔住請pm我，免得好似攤開咗講引起誤會😃

作者: ct926 時間: 16-1-16 11:50 標題: 回覆：小牧媽咪的帖子

我阿下月4歲，語言遲緩，現在讀上午k1，加下午私人密集訓練。上了密集就進步了，但循序漸進，句子未有，這兩個月才肯開腔自發說單字，自己唱下歌，會遵守規矩，但理解能力落後。社工就說應該今年排到s位。請問s位對這類小孩的課程會是怎樣？我很矛盾，現在他上K1的學校上得很開心，我亦有能力給他上私人密集。但又想s位是全日，可能會幫助較大。請指教

作者: 小牧媽咪 時間: 16-1-16 16:58 標題: 引用：我阿下月4歲，語言遲緩，現在讀上午k1，加

原帖由 ct926 於 16-01-16 發表
我阿下月4歲，語言遲緩，現在讀上午k1，加下午私人密集訓練。上了密集就進步了，但循序漸進，句子未有，這 ...

小朋友只是被評為語言遲緩？只是這樣沒有其他，係咪咁？

作者: 西瓜貓 時間: 16-1-16 20:44 標題: 引用：thx.明白,D私人位好貴,仔已在2歲讀左一年,

原帖由 Adamok128 於 16-01-14 發表
thx.明白,D私人位好貴,仔已在2歲讀左一年,就嚟要跳樓

give me 5

作者: money82 時間: 16-1-16 21:07 標題: 回覆：S位老師信箱

我想是否幫個仔由i轉S位？
我仔現在2歲半讀i位N班，他個別單單特殊老師堂上得也可以。但人多一齊上堂（約十幾個）就出問題，走開玩其他，怪叫，要人捉回來。講緊十五分鐘，就捉了超過十次。過百人的運動會更是哭，不愿加活動。但另一邊仔仔有上外面密集課程。我問過密集堂老師，她說他很好，很投入課程（6至7小朋友）1老師對2小朋友。
他有大肌張力弱和感統問題。言語落後約半年（二元素向三元素句子發展中)，認知和同年齡一樣。社交弱，聽指令差（不是不明白，是吾肯做），好多古怪行為，情緒大起大落，坐吾定（屁股生刺）。暫時i位也沒有出聲話難教之類，反而好包容他。在校的老師，嬸嬸都好錫距。但他明顯系喜歡返密集多過i位幼兒園，因為距成日話吾返學。

作者: 小牧媽咪 時間: 16-1-16 23:47 標題: 引用：我想是否幫個仔由i轉S位？我仔現在2歲半讀

原帖由 money82 於 16-01-16 發表
我想是否幫個仔由i轉S位？
我仔現在2歲半讀i位N班，他個別單單特殊老師堂上得也可以。但人多一齊上堂（約十 ...

你好，首先S位並唔係家長想排就可以排，必須有治療師及i位證明，小朋友唔適合i位。小朋友智能正常，但感統出問題、肌肉低張、語言遲緩，咁你係咪已經有哂OT,PT,ST個別訓練俾佢上？如果你經濟上可support 到，其實i位都適合，真的！一個正常嘅社交環境可以對小朋友嘅語言發展、社交溝通有好大刺激，激發小朋友有更多詞彙

作者: ct926 時間: 16-1-17 01:21 標題: 回覆：小牧媽咪的帖子

現在只是語言遲緩，理解力較弱，暫未有其他。精神科醫生說暫時沒需要有評他自閉，覺得他很邊緣，很難攪的自閉徵狀不明顯，只眼神接觸較差，但不是沒有。

作者: 02110410 時間: 16-1-17 11:06 標題: 回覆：S位老師信箱

提示: 作者被禁止或刪除內容自動屏蔽

作者: 小牧媽咪 時間: 16-1-17 16:32 標題: 引用：現在只是語言遲緩，理解力較弱，暫未有其他

原帖由 ct926 於 16-01-17 發表
現在只是語言遲緩，理解力較弱，暫未有其他。精神科醫生說暫時沒需要有評他自閉，覺得他很邊緣，很難攪的自 ...

你排邊間S位，不如打去話想參觀了解多D，表面了解咗再決定排唔排，語言發展遲緩，其實有得追（唔搭其他症狀的話），我見過好多呢D case讀一、兩年就轉返出主流

作者: 小牧媽咪 時間: 16-1-17 17:33 標題: 引用：你好，我女4歲半，剛開口講詞語和2元素句，

原帖由 02110410 於 16-01-17 發表
你好，我女4歲半，剛開口講詞語和2元素句，整體發展約2歲半。

她剛讀了幾個月s位，讀埋明年畢業。因她一直 ...

好問題！如果S位畢業去普通幼稚園度讀，必須經過評估中心評估，再由教署同你傾，睇完個評估結果，先決定小朋友係咪可以去幼稚園讀多一年，有人可能會諗，唔經以上途徑，小朋友可否直出普通幼稚園？答案係你搵到幼稚園的話，幼稚園肯定收佢（唔係試讀咁簡單），而家長又願意放棄個D轉介、支援，咁咪可以囉。
不過私人服務真心貴，我唔建議家長咁樣以身犯險，

普通幼稚園老師1:14，人手比例好難照顧到，好多校長主任都唔敢貿然收S位生。除非，收生嚴重不足。（冇得呃，經驗老師一睇小朋友係咩能力）
另外，恕我直言，小朋友宜家四歲半，但發展大概3歲以下，其實...真係唔敢講小朋友會唔會在畢業前可以一年時間去追到一年嘅發展，如你真係打算搵幼稚園，咁你可能要搵到D實例去support 你呢個諗法。

作者: 02110410 時間: 16-1-17 21:51 標題: 引用：Quote:原帖由+02110410+於+16-01-17+發表你

提示: 作者被禁止或刪除內容自動屏蔽

作者: love_son 時間: 16-1-25 14:09

回覆小牧媽咪的帖子

囝囝現在兩歲半，他去年八月尾到CAC做評估，由於一入房就狂喊，醫生未能親身為囝囝做評何，但根據我對囝囝日常生活的描述，醫生也認為他很大機會是自閉症，所以評估備註為「不合作」並排S位，到三歲再去評估。接著我安排仔仔於九月尾開始讀一星5天的密集班(因S位有排排)，密集班老師說他現在較之前較能安坐，開始對他們課堂講教的東西有時會有點興趣(但不是次次)，仍未有任何有意義既言語，剛教到他要東西時要指著那件物，我教每晚他生果名稱，他能準確指出(二選一)，脾氣尚可，唔理佢一陣就冇事，沒有自殘行為，會自己食飯。最大問題是叫佢唔應，對很多東西都冇興趣(唔做所以小手肌唔係咁好，唔係太入到形狀積木，因為佢都冇心機望住專心入，但有興趣的如食野拎”spoon”就幾ok，佢鐘意的例如拉野出黎佢可以一路「吞」後行一路拉出黎(D野係唔輕的)，不模枋，玩開關門巳少左好多，但都是喜愛重覆性行為，亦不會跟其他小朋友玩。

面試後有一間有I位的幼稚園收他，I位老師知道他沒有言語，感到老師都包容(但不知他有自閉)，但呢間I位幼稚園是全日的，請問如果上上午I位下午早走上私人S位是否可行﹖謝謝！

作者: KCHK 時間: 16-1-30 11:47 標題: 引用：多謝你,+我會打去問下，因為我發覺我仔由評

原帖由 KCHK 於 16-01-10 發表
多謝你, 我會打去問下，因為我發覺我仔由評估確認完到現在都差不多每半年就返去一次做評估，每次見的人都 ...

記得我嗎？我小朋友1/27 再去CAC ，原來係見物理治療師，佢話我小朋友已經接近同年齡的能力(要多點訓練平衡力) 呢樣係最差, 理解同聽指令都ok。唔需要另外比訓練佢, 原來佢地唔知道我仔入左S 位, 醫院方面都好似唔知咁, 但我明明有同醫院講, 可能無update 資料。唔怪得知我一係就咩到無，一係就S位, 醫院training+ CAC follow up 評估差不多同時間進行

作者: R433 時間: 16-4-15 14:19

小牧老師您好!

大家似乎比較集中星星孩子在S位情況，未知S位對體障小朋友安排如何? 我女是玻璃骨，她智力、小肌及言語也沒有問題，只是不能參予任何大肌群體活動。謝謝!

作者: 小牧媽咪 時間: 16-4-28 09:20 標題: 引用：小牧老師您好!+大家似乎比較集中星星孩子在

原帖由 R433 於 16-04-15 發表
小牧老師您好! 大家似乎比較集中星星孩子在S位情況，未知S位對體障小朋友安排如何? 我女是玻璃骨，她智力、 ...

你好，小朋友幾大？幾時開始排S位？排邊間？如果小朋友除體能外，所有發展正常，咁父母就真係需要多加留意小朋友嘅情緒表達同社交技巧。
雖然唔知你幫小朋友排邊間s位，不過，我強烈建議排耀能，因為佢地做體能仔真係做得好足，每個訓練動作都有歌仔唱下唸下，小朋友在辛苦嘅訓練中都可以有返少少樂趣吖，我欣賞耀能將訓練目標融入佢地嘅日常流程，咁小朋友就不知不覺咁做多咗，提升佢地嘅自主能力

作者: alice2003 時間: 16-4-28 12:09 標題: 回覆：小牧媽咪的帖子

小牧媽咪，有事想請教你，已pm，謝謝!

作者: little星星 時間: 16-5-6 11:48

小牧媽咪，有事想請教你，已pm，謝謝!

作者: 小牧媽咪 時間: 16-5-6 20:10 標題: 引用：小牧媽咪，有事想請教你，已pm，謝謝!

原帖由 little星星 於 16-05-06 發表
小牧媽咪，有事想請教你，已pm，謝謝!

已覆，please check

作者: rogercwlau 時間: 16-5-7 15:41

回覆小牧媽咪的帖子

已 pm

作者: 番茄媽媽 時間: 16-5-10 13:33 標題: 引用：作為S位老師，希望利用我嘅專業同餘暇時間

原帖由 小牧媽咪 於 16-01-05 發表
作為S位老師，希望利用我嘅專業同餘暇時間同大家傾下計，解答下大家對S位嘅疑問，歡迎交流

...

S位老師你好，我小朋友初評係S位學生，但佢自我照顧（進食）👍🏻👍🏻👍🏻👍🏻👍🏻只是較慢，如廁較👎🏻👎🏻👎🏻，總是大了才告訴別人，又不懂説話，只懂手指指⋯

作者: 小牧媽咪 時間: 16-5-10 17:43 標題: 引用：Quote:原帖由+小牧媽咪+於+16-01-05+發表作

原帖由 番茄媽媽 於 16-05-10 發表
S位老師你好，我小朋友初評係S位學生，但佢自我照顧（進食）👍🏻👍🏻&#128077 ...

你好，歡迎交流。

作者: 小牧媽咪 時間: 16-5-10 17:47 標題: 引用：Quote:原帖由+小牧媽咪+於+16-01-05+發表作

原帖由 番茄媽媽 於 16-05-10 發表
S位老師你好，我小朋友初評係S位學生，但佢自我照顧（進食）👍🏻👍🏻&#128077 ...

文中未有提及小朋友年齡

所以未能了解你小朋友的情況。請問幾時評需要入S位？是否已經掛緊？幾時開始排？

作者: wendysnoopy 時間: 16-5-13 08:44 標題: 回覆：S位老師信箱

你好，本人有位3歲半小朋友，三歲時確診言語理解同表達只去到1歲，認知就只去到2歲，其他包括有自閉症同社交障礙，原來咁已介定為智障(輕度)，心中很不安，正輪候S位，但起碼要年半後先知有冇位，現出面上梗ST，但上了9個月進展仍一般，但比起之前現在多了外星語及會多了講單字，但都係要跟口水尾先講，係屋企又唔合作做訓練，我有咩方法可改善到?

作者: carmenlau11182 時間: 16-5-13 23:18 標題: 回覆：S位老師信箱

你好，我仔仔2歲7個月，係3月時做了評估，要排s位。最主要係佢語言差，只有1.5歲既能力。有小小重複性既問題。
我想請問，佢已被評為自閉，但冇講程度去到邊，我點樣可以知道佢自閉程度（輕微，中，嚴重）？

作者: 貓大姐 時間: 16-5-15 00:58

如欲提供/索取資料，請直接pm有關會員
請勿在版面留下 pm 或 email 等相關字句，否則本文將會被關閉，謝謝合作

作者: love_son 時間: 16-5-15 01:12

love_son 發表於 16-1-25 14:09
回覆小牧媽咪的帖子

囝囝現在兩歲半，他去年八月尾到CAC做評估，由於一入房就狂喊，醫生未能親身為囝囝 ...

小牧媽咪，就我之前的疑問，麻煩你給我專意見，但因為已過了三個月，現在他已能自己入到積木，呢排鐘意要我入房，然後佢走出去關門然後躲在櫃則我出去搵佢，佢次次都係躲在同一位置，重覆玩十多次。。。。，仍然叫佢晤應，，除非果刻佢想你同佢玩啲野。同埋佢有時好似好似「wa」一聲咁叫時我扮驚時佢又會開心然後又繼續「wa」。其實我都晤知佢算輕定中度，可以join到普通幼稚園既成數有幾大。。。所以好希望小牧媽咪你比到專業意見我。。。謝謝！

作者: 小牧媽咪 時間: 16-5-15 11:34 標題: 引用：如欲提供/索取資料，請直接pm有關會員請勿

原帖由 貓大姐 於 16-05-15 發表
如欲提供/索取資料，請直接pm有關會員
請勿在版面留下 pm 或 email 等相關字句，否則本文將會被關閉，謝謝 ...

版主：請問邊個回覆出現咗問題？令你要留一段咁官腔嘅文字？我响呢個平台冇打算做D乜嘢利益收受嘅舉動，只係覺得我可以將我所知嘅同大家分享，如果你要關閉呢個帖，請明確指出錯在哪裡？

作者: 小牧媽咪 時間: 16-5-16 23:25 標題: 回覆：carmenlau11182 的帖子

如果A仔做評估，評估通常只會出自閉症譜系/自閉症傾向/甚至自閉症。輕、中、嚴重程度常見於智能評估。

作者: 小牧媽咪 時間: 16-5-16 23:41 標題: 引用：Quote:love_son+發表於+16-1-25+14:09+回覆

原帖由 love_son 於 16-05-15 發表
小牧媽咪，就我之前的疑問，麻煩你給我專意見，但因為已過了三個月，現在他已能自己入到積木，呢排鐘意要我 ...

其實對於你嘅提問，我有D唔理解。文中提及因為小朋友唔合作，所以3歲先再去評估（去CAC嗎？），但又有一間有I位嘅學校收。而你嘅問題係早上I位下午走讀私人S位，係咪咁？
1.排I位需要先評估才有學位，所以就算你小朋友有一間本身有l位嘅學校收，但小朋友並非使用I位服務，所以和普通沒有支援的幼稚園沒有分別😅😅😅
2.早上返普通幼稚園，下午返私人S位，呢個關乎學校行政，我不能代答😅😅😅😅
3.如你小朋友派到I位，而你仍然想上午I位，下午私人S位，長期係咁返的話應該不太可能。
4.按你嘅描述，我估計你小朋友應該係視覺形去學習的小朋友。不如試試用多D視覺提示去協助他學習
5.其實未做評估，我估計唔到你的小朋友出唔出到普通幼稚園。

作者: 小牧媽咪 時間: 16-5-16 23:46 標題: 引用：你好，本人有位3歲半小朋友，三歲時確診言

原帖由 wendysnoopy 於 16-05-13 發表
你好，本人有位3歲半小朋友，三歲時確診言語理解同表達只去到1歲，認知就只去到2歲，其他包括有自閉症同社 ...

如果能夠負擔得起，會唔會考慮安排小朋友上埋幼兒導師嘅個別堂？家長可以學下老師嘅訓練技巧，又可以問下老師應該點去做訓練😃

作者: love_son 時間: 16-5-18 21:19

回覆小牧媽咪的帖子

謝謝你的回覆，其實我的意思係普通幼稚園位，但果間學校有做i位，感覺上起碼佢地有經驗處理呢啲小朋友總好過其他學校，包容既機會大啲，學校知囝囝晤識講野感覺佢地都包容，但佢地就唔知囝囝係A仔。。。因為我唔知道通常最終融合到普通幼稚園既A仔大約係咩程度，所以想睇下小牧媽咪你既專業意見。另外我明白各幼稚園既行政唔同，能否讓小朋友天天請半天假視乎有關學校既安排，所以我只是假設如果學校冇問題既話，睇吓小牧媽咪你覺得for全日制既幼稚園係咪上午返普通幼稚園，下午返密集好啲。。。因為我得一個小朋友，想有多啲同齡既社交刺激。同埋小牧媽咪您提及視覺提示，請問有冇tips讓小朋友注意我地既視覺提示呢？因為佢返到家自己地頭佢就會玩自己想玩既玩具，好難draw佢 attention ，佢好似聽唔到你講野咁，佢一聽到「睇電視」呢三個字又會即刻飛奔上梳化坐定定準備睇電視，選擇性失聰。。。

麻煩唒小牧老師

作者: 貓大姐 時間: 16-5-19 01:08

小牧媽咪發表於 16-5-15 11:34
版主：請問邊個回覆出現咗問題？令你要留一段咁官腔嘅文字？我响呢個平台冇打算做D乜嘢利益收受嘅舉動，只 ...

如有問題可以聯絡管理員, 多謝回覆

作者: hha 時間: 16-5-20 14:50 標題: 引用：如果A仔做評估，評估通常只會出自閉症譜系/

原帖由 小牧媽咪 於 16-05-16 發表
如果A仔做評估，評估通常只會出自閉症譜系/自閉症傾向/甚至自閉症。輕、中、嚴重程度常見於智能評估。

...

咁如果個結果係自閉特徵，但又有E位排，咁算唔算已經中咗自閉？同埋將來如果讀官津小學又有冇支援？(會唔會太輕微輪唔到佢)

歡迎光臨教育王國 (/)