教育王國
標題: 今日同同學仔媽咪傾開計先發現... [打印本頁]
作者: WIN媽 時間: 16-1-4 23:37 標題: 今日同同學仔媽咪傾開計先發現...
我女K1班，有幾個小朋友上下午返不同幼稚園。我同老公傾，老公話怪獸家長。但我又不認為，只是各人有各人的想法。但其實咁樣對小朋友長遠說係好定唔好。各位家長可以討論下嗎？純屬討論，不喜勿插。
作者: puichingforsure 時間: 16-1-4 23:42 標題: 引用：我女K1班，有幾個小朋友上下午返不同幼稚園
提示: 作者被禁止或刪除 內容自動屏蔽
作者: maomaofafa 時間: 16-1-5 00:06 標題: 回覆：今日同同學仔媽咪傾開計先發現...
小朋友需要午睡來增強記憶力。所以以學習效益來說，個人認為，返兩間不如返全日。如果是全職媽媽，留多些時間和小朋友相處比返學更好，小孩需要不僅是知識，也需要陪伴和關懷。
作者: lingyan 時間: 16-1-5 00:24 標題: 回覆：今日同同學仔媽咪傾開計先發現...
返上下午班不如返全日班。
上下午班會搞到小朋友好混淆，學既野又double左，
既然要學野，不如返興趣班，起碼學下新野，又唔會double。小朋友始終都要多啲時間玩，過份開發腦袋都唔係一件好事。
作者: 嘉菲熊太太 時間: 16-1-5 00:33 標題: 回覆：今日同同學仔媽咪傾開計先發現...
我又識人上下午返唔同幼稚園，小朋友早上7點幾起身，直到下午5點前冇得瞓晏覺，中午得20分鐘食飯換衫去廁所，然後再趕去另一間學校返下午班, 得嗰2，3歲人仔，父母覺得小朋友返學好開心喎，所以會繼續落去，怪唔怪獸心中有數！
作者: 力爭上游 時間: 16-1-5 10:28 標題: 回覆：今日同同學仔媽咪傾開計先發現...
小朋友係需要休息的。休息的時候其實是在整理組合緊自己學到的知識。讀兩間，絕對會破壞親子關係。聖誕放左半個月，我見有家長比小朋友去返興趣班，我就帶我女去公園。無話邊個更好，但我見我女好開心，日日攬住我話好中意我，我相信距內心係好快樂的。內心充滿陽光的小朋友，笑容都燦爛些。
作者: tina852 時間: 16-1-5 11:04
力爭上游 發表於 16-1-5 10:28 
小朋友係需要休息的。休息的時候其實是在整理組合緊自己學到的知識。讀兩間，絕對會破壞親子關係。聖誕放左 ...
作者: piggymonkey 時間: 16-1-5 11:13
回覆 WIN媽 的帖子
我唔係怪獸家長, 不過相信返2間幼稚園的總有佢考慮的原因, 而返得2間嗰D 相信都唔係讀「普通」學校
如果小朋友精力過盛, 需要地方消耗下, 返2間 or 返全日or 興趣班都係一個好的選擇, 當然各有各好, 亦各有各壞, 純俾意見
返2間幼稚園:
【好】
1. 重複學習, 加強記憶
2. 升學前景?? 讀得2間, 應該學校都有D 名氣, 好難取捨下才咁安排, 係咪升小一有着數?
【壞】
1. 老師同學double, 校規double 功課double, 會唔會學習和適應混淆?
2. 上堂應付到, 但課堂以外如功課, 其他活動, 家長和學生又可否應付雙倍工作量?
3. 小朋友lunch time 可能得返20-30min, 仲可能邊搭車返學邊食lunch, 會否影響健康?
返全日:
【好】
1. 學費一定平過返2間 or 日日去不同center 上興趣班
2. 午膳安排較好，起碼日日定時食，餐單有學校考慮
3. 中午有得午睡休息
【壞】
1. 唔係你想返就有，全日班學位好難揾，如要有點䙳求既就更難
返興趣班:
【好】
1. 活動由自己安排，可按小朋友興趣/ 能力選擇，時間較有彈性，隨時可開始，亦隨時可停
【壞】
1. 日日學唔同嘢，時間地點不固定，接送好困難
作者: PanMada 時間: 16-1-5 11:36 標題: 回覆：WIN媽 的帖子
我覺得對一個幼稚園學生唔好, 一黎小朋友要午睡，咁搞即係無得瞓。 就算佢話小朋友唔駛午睡，咁上午班放12點至12點半，下午班返1點至點半，咁上午個間放學之後食飯換校服得返around 30-40min, 仲要係小朋友唔駛搭車喎 (但好難兩間學校都近屋企話?)，如果幼稚園離屋企遠，咁分分鐘係街做呢d 野(換衫食飯)，你諗下，小朋友會唔會辛苦?
我明有人覺得屋企照顧唔到要返全日，但應該唔係呢推父母，佢地點都要搵個人lunch take care 個小朋友，而且全日班係學校係有得午睡同休息的，同返兩間幼稚園唔同……
作者: Ronman 時間: 16-1-5 11:38
本帖最後由 Ronman 於 16-1-5 11:39 編輯
但我識得一個朋友，佢個仔超級精力充沛。佢之前只返AM班，下午訓完午覺後成晚不停搗蛋至深夜12點几先再訓。但佢第二朝又再精力充沛咁返學，難為了一對父母每天累得筋疲力竭。
最後我朋友幫佢多報一個PM班，盡量於日頭幫佢放晒電，宜家先變返正常10點會訓覺。
所以我覺得讓小孩又返上午又返下午的不一定是怪獸家長，可能真的是有需要呢﹗
作者: vpo0615 時間: 16-1-5 12:29
原則上我唔同意咁做, 覺得弊多於利, 小朋友太辛苦; 但無可否認全日班一位難求, 有家長要利用上下晝返兩間嚟當托兒. 我諗我最唔認同係D怪獸家長為咗谷小朋友而返兩間幼稚園.
作者: south_north 時間: 16-1-5 14:58 標題: 引用：我女K1班，有幾個小朋友上下午返不同幼稚園
原帖由 WIN媽 於 16-01-04 發表
我女K1班，有幾個小朋友上下午返不同幼稚園。我同老公傾，老公話怪獸家長。但我又不認為，只是各人有各人的 ...
作者: 卡瑤 時間: 16-1-5 15:18 標題: 回覆：今日同同學仔媽咪傾開計先發現...
我有個朋友個女讀pn，上午番學X園，下午番基X教中心，個小朋友仲話好鐘意番學
作者: lingyan 時間: 16-1-5 15:39 標題: 引用：我有個朋友個女讀pn，上午番學X園，下午番
原帖由 卡瑤 於 16-01-05 發表
我有個朋友個女讀pn，上午番學X園，下午番基X教中心，個小朋友仲話好鐘意番學
...
始終我都係覺得，人生幾十年，咁快就將條橡筋扯到咁緊，唔係一件好事。
調返轉頭，公司要你食飯時間得20分鐘，大人都頂唔順啦。
（不喜勿插）
作者: Csze1 時間: 16-1-5 17:43
回覆 lingyan 的帖子
作者: HappyCheerBaby 時間: 16-1-5 18:00
回覆 WIN媽 的帖子
返兩間幼稚園？我識有家長安排小朋友返兩間幼稚園，到考小一時冇offer。
作者: belgiumchoco 時間: 16-1-5 19:23 標題: 引用：回覆+WIN媽+的帖子 返兩間幼稚園？我識有
原帖由 HappyCheerBaby 於 16-01-05 發表
回覆 WIN媽 的帖子
返兩間幼稚園？我識有家長安排小朋友返兩間幼稚園，到考小一時冇offer。 ...
作者: boyandes 時間: 16-1-5 19:27 標題: 回覆：WIN媽 的帖子
返2間上下午不同幼稚園，100%怪獸家長
作者: siumak 時間: 16-1-6 11:55
不如叫果D安排小朋友番兩間學校的家長番兩份工試試﹐
我當唔係長工o丫﹐
我當兩份part time o勒﹐
問下佢地有咩感覺?!
仲要咁細個人仔放棄休息時間去番學﹐
小朋友腦袋係需要留白架。
| 歡迎光臨 教育王國 (/) |
Powered by Discuz! X1.5 |