教育王國

標題: 求助！有點不知所措！ [打印本頁]

作者: kiu-mummy 時間: 16-1-3 11:13 標題: 求助！有點不知所措！

我仔間直資小學可以直上中學，如果我交表申請自行收生，咁佢而家讀的小學會否知道？因為恐怕學校知道申請自行會不留學位比佢，到時萬一自行唔收佢就兩頭唔到岸。

作者: 一家三口 時間: 16-1-3 12:57 標題: 引用：我仔間直資小學可以直上中學，如果我交表申

原帖由 kiu-mummy 於 16-01-03 發表
我仔間直資小學可以直上中學，如果我交表申請自行收生，咁佢而家讀的小學會否知道？因為恐怕學校知道申請自 ...

妳有沒有問過教育局？

作者: kiu-mummy 時間: 16-1-3 14:33 標題: 回覆：一家三口的帖子

咁又無啊！有時間都可打電話問問

作者: 已刪除用戶 時間: 16-1-3 15:38 標題: 回覆：求助！有點不知所措！

你直資未留位咩？你一報名留位，中學就會代你取消派位，就算之前有申請政府派位都會被取消。所以如果你想派位的話，係一間直資都唔可以留（包括直升果間）。

作者: kiu-mummy 時間: 16-1-3 18:00 標題: 引用：你直資未留位咩？你一報名留位，中學就會代

原帖由 Charlotte_mom 於 16-01-03 發表
你直資未留位咩？你一報名留位，中學就會代你取消派位，就算之前有申請政府派位都會被取消。所以如果你想派 ...

我仔而家讀的小學係直上中學，全校都不會參加派位。所以我才不知道可不可以申請自行收生計劃，而教育局又唔知會不會通知現在的小學。不過，我只想申請自行收生的兩所學校，不想參加派位啊！我仔的情況好像有點矛盾

作者: BallBallMaMa 時間: 16-1-3 18:15 標題: 回覆：kiu-mummy 的帖子

但你直資留左位，自行都唔會再俾位你，除非你預左7月再去叩門時有少少優勢啦。

作者: CPLA 時間: 16-1-3 19:01 標題: 回覆：kiu-mummy 的帖子

不呈分一條龍學生可以參加自行，教局唔會通知一條龍，就算一條龍要你留位都冇問題，7月放榜日自行報考學校會通知你（如取錄）。

利申：去年同你情況一樣，成功轉讀津校

作者: kiu-mummy 時間: 16-1-3 20:01 標題: 回覆：CPLA 的帖子

唔該曬你呀！我另外有些問題想pm 問問你。謝謝！

作者: chan803 時間: 16-1-3 22:04 標題: 引用：不呈分一條龍學生可以參加自行，教局唔會通

原帖由 CPLA 於 16-01-03 發表
不呈分一條龍學生可以參加自行，教局唔會通知一條龍，就算一條龍要你留位都冇問題，7月放榜日自行報考學校 ...

？

你係派位有結果前接受咗龍校學位，但又同時經派位派咗間津中？

乜可以咁做咩？

作者: 積奇百事 時間: 16-1-3 22:07 標題: 回覆：求助！有點不知所措！

小學版果邊講，如果選無呈分試概直資一條龍，一讀就要十二年，好難轉去其他官津校。但照你地講有呈分直資一條龍咪相對更無機會轉官津校，連自行都無得玩？無乜理由放棄現有直資學去玩自行同抽獎姐，如果係咁，即係一開始選錯學校

作者: 已刪除用戶 時間: 16-1-3 22:13

CPLA 發表於 16-1-3 19:01
不呈分一條龍學生可以參加自行，教局唔會通知一條龍，就算一條龍要你留位都冇問題，7月放榜日自行報考學校 ...

我校家長case
放左龍校, 一邊報派位一邊考其他直資
之後選擇左某直資, 放棄派位(已過左自行)
到放榜後, 自行學校打俾佢, 話其實自行已收左, 不過知學生無派位所以無得出offer俾佢, 問佢而家仲考唔考慮

作者: CPLA 時間: 16-1-3 22:44 標題: 引用：Quote:原帖由+CPLA+於+16-01-03+發表不呈分

原帖由 chan803 於 16-01-03 發表
？

你係派位有結果前接受咗龍校學位，但又同時經派位派咗間津中？

準確嚟講，係參加自行部分，因冇呈分，沒有banding, 係唔會參加派位。自行階段報考兩間官津，不會阻礙原校升讀龍中，自行若成功，官津中學會於放榜日通知。

注意：以上只適用於不呈分一條龍

作者: kc1016 時間: 16-1-4 11:52 標題: 回覆：求助！有點不知所措！

甘我想問下如直資收咗，要1月註冊，仲可唔可以見甲部果兩間津校？如直資要收政府果張紙係咪代表唔可以大抽獎？另我可不可以等7月放榜後再扣門甲部果兩間津校呢？謝謝！

作者: 5kin 時間: 16-1-4 12:41

直資》體藝》自行》統一甲》統一乙》扣門=私校

作者: 百厭仔 時間: 16-1-8 08:13 標題: 回覆：kiu-mummy 的帖子

我個囝情況又係咁，好彩有呢度可以分享意見！
我已經交左自行表格，現在只係想清楚知道是否等到7月放榜才通知一條龍中學都得。
我唔想咁早辦理放棄，怕兩頭唔到岸

歡迎光臨教育王國 (/)