教育王國

標題: VTC品酒專家教路　除夕揀酒忌貪平 [打印本頁]

作者: elbar 時間: 15-12-31 13:22 標題: VTC品酒專家教路　除夕揀酒忌貪平

除夕夜不少得美酒佳餚，有專業品酒師「教路」，港人嗜甜，可選果味濃郁的葡萄酒。而剛在法國酒莊親身釀製紅酒的職訓局學生說，若想「平平哋」一支酒配整餐美食，可揀較中性的紅酒。
香港專業品酒師協會主席兼職業訓練局(VTC)課程經理(餐飲營運及葡萄酒)周國明說，港人喜甜，漿果特性濃郁的都「穩陣」，可試葡萄品種包括Merlot及Shiraz。但他絕不建議揀太低價的酒，因「一串葡萄都唔止呢個價」，入門人士可選100至180元的價位。

VTC7名酒店及餐飲學生10月更在法國波爾多旁著名產酒區Bergerac、建於17世紀的法國嘉禧酒莊(Chateau Le Cleret)，實習兩周親自學釀紅酒。

釀紅酒「有壓力」

廖柏榮(19歲)說，由採摘葡萄、鑽進充滿酒精的榨汁桶裏清理葡萄皮，到貼上label紙都親力親為。他說：「有壓力，原來一剪錯葡萄藤，就影響到明年同後年嘅收成。」

酒店及旅遊學院教導員蔡家靈說，VTC辦酒莊之旅多年，只可「到酒窖睇吓咁，怕影響品質」，今次首次可「落手落腳」，同學更釀了兩桶紅酒，料兩年後面世。他說：「今年葡萄收成特別好，十年難得一見，故05、15年收成嘅(葡萄酒)最靚。」

作者: Cheeselover 時間: 15-12-31 15:47 標題: 回覆：VTC品酒專家教路　除夕揀酒忌貪平

跟除夕何干？是否平常日子便可以挑下價貨？紅酒不重甜與不甜，多說果香味，想甜，可以考慮利賓納。
紅酒既嘢，價錢無死錯人，入貨不是豬蘿，訂價不是幾個人（不是石油）。

作者: MrBeast 時間: 15-12-31 17:34

Lafit 又幾似利賓立，不過減價$3x支都ok，百幾幾百支亦未必一定好，即講左＝冇講

作者: Cheeselover 時間: 15-12-31 22:43 標題: 引用：Lafit+又幾似利賓立，不過減價$3x支都ok，

原帖由 MrBeast 於 15-12-31 發表
Lafit 又幾似利賓立，不過減價$3x支都ok，百幾幾百支亦未必一定好，即講左＝冇講 ...

有啲幾十蚊真係好似屎水，用來煮餸也怕壞了材料。幾佰元應該不會太差，一佰頭那些，則靠運氣。

歡迎光臨教育王國 (/)