教育王國

標題: 求請教。。懷疑自閉。。學校叫去做評估 [打印本頁]

作者: vicky_leung2011 時間: 15-12-28 09:03 標題: 求請教。。懷疑自閉。。學校叫去做評估

我囡係11月細b，11月入讀n班（全日），未返學時剩係識講爸爸。媽媽。婆婆。奶奶。要。唔要。返左3星期學識講左好多野，換衫著鞋著襪都講得一餐，但仲未講到句子，但可以講簡單既媽媽坐。爸爸坐。媽媽玩。爸爸玩。不過學校發現佢唔多望人。眼神遊離。唔理人講野。成日「獨」鼻窿。坐唔定。冇目標。。所以建議我地去做評估，但佢地話我囡唔係專注力不足，我地估佢係自閉症。。。呢排佢訓覺前開始忟眼捷毛，仲用手拍自己塊面。。所以想講問。。私家評估係咪得協康/邁步呢啲揀？如果check完真係自閉，我可以點做？幫佢報course係必然。但course要keep住上到幾大？但讀course既同時可唔可以繼續讀正常既幼稚園？

作者: legolas625 時間: 15-12-28 11:01

其實仲有其他機構可以做評估，最緊要問清楚可唔可以排政府ies位，如果真係要訓練，唔係上幾個月就無事，可能是係上幾年，我仔就上了近兩年。至於頻率幾密，要視乎小朋友需要程度，如果能力弱少少，可以正常幼稚園加額外訓練，如果能力太弱，上幼稚園學都唔到野，不如全程上密集。

你做完評估，再問專家俾訓練意見。

作者: vicky_leung2011 時間: 15-12-28 11:05 標題: 引用：其實仲有其他機構可以做評估，最緊要問清楚

原帖由 legolas625 於 15-12-28 發表
其實仲有其他機構可以做評估，最緊要問清楚可唔可以排政府ies位，如果真係要訓練，唔係上幾個月就無事，可 ...

係。。我見邁步同協康呢啲可以一條龍服。。想問仲有咩機構可做評估？我見啲評估都唔平。。差唔多9千😔

作者: irenelwl 時間: 15-12-28 13:47

去私家評估最快, 評完要拎番報告(轉介信)去政府再排CAC, 因為政府評完會睇你個小朋友情況幫你位訓練。咁當然, 私人評估左如果確診, 最理想係自己比住錢係私人上住訓練先, 再等政府。
或者可以同步,CAC都接受醫生紙排期,你可以打去問下,應該快過等私家評完拎報告或先見健康院。(我自己係係醫院睇開兒科醫生時叫佢寫紙比我去CAC排的)
最多人就係先去健康院, 等姑娘見了, 再見醫生, 再REFER上CAC, 再見姑娘跟住姑娘同你排期。

作者: LeeCC 時間: 15-12-28 19:45

vicky_leung2011 發表於 15-12-28 09:03
我囡係11月細b，11月入讀n班（全日），未返學時剩係識講爸爸。媽媽。婆婆。奶奶。要。唔要。返左3星期學識 ...

如果真係自閉，訓練上到中學都有，畢業後還有職前訓練，不同階段有不同問題要面對和解決。

作者: helenchanz 時間: 15-12-29 10:18

路過, 其實2歲識講呢D都OK, 唔算太慢喎!

作者: vicky_leung2011 時間: 15-12-29 13:17 標題: 回覆：irenelwl 的帖子

謝謝你呀！搵左兒科醫生寫refer letter去CAC。。約左5號見姑娘。。想知見完姑娘要排幾耐先可以見醫生做評估？

作者: vicky_leung2011 時間: 15-12-29 13:18 標題: 引用：去私家評估最快,+評完要拎番報告(轉介信)去

原帖由 irenelwl 於 15-12-28 發表
去私家評估最快, 評完要拎番報告(轉介信)去政府再排CAC, 因為政府評完會睇你個小朋友情況幫你位訓練。咁當 ...

Thankssss

作者: vicky_leung2011 時間: 15-12-29 13:18 標題: 引用：Quote:vicky_leung2011+發表於+15-12-28+09

原帖由 LeeCC 於 15-12-28 發表
如果真係自閉，訓練上到中學都有，畢業後還有職前訓練，不同階段有不同問題要面對和解決。
...

Thanks

作者: vicky_leung2011 時間: 15-12-29 20:19 標題: 引用：路過,+其實2歲識講呢D都OK,+唔算太慢喎!+

原帖由 helenchanz 於 15-12-29 發表
路過, 其實2歲識講呢D都OK, 唔算太慢喎!

但學校成日都話佢慢😔😔不過最主要係佢眼神接觸少

作者: irenelwl 時間: 15-12-29 20:33

回覆 vicky_leung2011 的帖子

要睇區的，我北區等左6個月。見完姑娘，佢地一個月開一次大會決定小孩排邊條隊做評估，咁你見完姑娘個幾月打去問下安排左咩評估比小朋友。有d機構有d小組比小孩訓練上，未確診有cac約見證明都接受。

作者: daibolam 時間: 15-12-30 00:57 標題: 引用：Quote:vicky_leung2011+發表於+15-12-28+09

原帖由 LeeCC 於 15-12-28 發表
如果真係自閉，訓練上到中學都有，畢業後還有職前訓練，不同階段有不同問題要面對和解決。
...

咁ies 位後。邊度搵訓練?

作者: LeeCC 時間: 15-12-30 13:28

daibolam 發表於 15-12-30 00:57
咁ies 位後。邊度搵訓練?

去屋企附近的NGO問下，明愛，保良局，小童群益會，協康，都有訓練班，都要排
另外，政府都有得排，不過要排再耐d，度度都排啦，邊度有服務就上

小一選校避免選一線神校，25分必入都系甘話，這類學校少支援，也不會承認有需要支援的學生，所以唔會積極幫學生找支援服務

上小學之後，普通學校應該有支援，也比較願意和有心跟進

我認識人系一線學校必收生，結果小二三時都係要轉校

作者: helenchanz 時間: 15-12-30 18:04 標題: 引用：謝謝你呀！搵左兒科醫生寫refer+letter去CA

原帖由 vicky_leung2011 於 15-12-29 發表
謝謝你呀！搵左兒科醫生寫refer letter去CAC。。約左5號見姑娘。。想知見完姑娘要排幾耐先可以見醫生做評估 ...

見完姑娘再要等下次見醫生，見完至確定有冇得轉介去做CAC 評估。
如果醫生做完D test覺得冇乜大問題，就冇得做評估，會close file. (我同醫生同阿女傾咗起碼半個鐘，都唔比做評估）

你會唔會比佢玩iPad 果D多，所以眼神接觸弱/唔專心呀？我女K1開學時，同佢講野個頭就扭來扭去，除非佢有求於你就望住你講嘢，所以老師至要佢做評估(仲有同齡相處問題）。之後我唔比阿女日日玩iPad（由細玩到大！）,同佢講「你對眼咁靚，唔望人就嘥」，而老師同佢講嘢時就用手庶住佢對眼左右兩邊等佢只可望住你。大概2-4個星期左右，就改到！老師話佢進步咗好多。

作者: LeeCC 時間: 15-12-30 19:41

如果真系眼神接觸唔夠，玩吾玩iPad一樣有問題，我個仔九個月已經被人話眼神接觸唔夠，但他系上小學後因為做功課才開始接觸iPad

作者: KINGKI0308 時間: 16-1-2 16:44

其實，樓主搵私人評估或政府醫院 cac 評估都得!
但問題按依家情況，好多呢 d 个位，如果排健康院先見姑娘，後見醫生，再排去醫院cac 評估 … 以我經驗 (各區情況唔同) ，但一般係閑閑地都1年後至做到政府評估! 如果6歲前黃金期，其實無幾多个1年時間嘥!
所以建議，如果負擔到，我搵政府認何嘅私人機構做評估，如 : 協康，邁步，心橋，聖雅各福 … 但要知私人評估係唔平囉！

因為私人評估而政府認可嘅，如果小朋友係有需要去排政府位 (e,i,s 位) 就已經可慳時間直接去排政府位

作者: KidBuddy 時間: 16-1-3 00:20

vicky_leung2011 發表於 15-12-29 13:17
謝謝你呀！搵左兒科醫生寫refer letter去CAC。。約左5號見姑娘。。想知見完姑娘要排幾耐先可以見醫生做評估 ...

So good to have referral to CAC from a PD! Smartie! 見過姑娘後可能要等上幾個月，但多久就沒有定論了。關於孩子沒有眼神方面，有很多因素導致而不一定是自閉症。口語表達方面，正如之前有一位朋友說兩歲左右的孩子如能講2至3個字的句子也不算太差了，不過你可以留意孩子儘管能用口語表達同齡孩子都能理解/表達的句子意外，他/她能否有效地利用語言/身體語言做適當的社交溝通。現時，社交溝通以及刻板重複的行爲是診斷自閉症的兩大指標。

現不用太擔心，如果有問題一定要做治療。做多久要看好多因素，如孩子的問題性質，治療效用；家居/學校訓練配合等。所以作爲其中一個重要成功因素，爸爸媽媽以及經常照顧孩子的成人都可以提升自己的技巧，對孩子進步很有幫助！

All the best!

作者: jj0608 時間: 16-1-6 19:02 標題: 引用：Quote:vicky_leung2011+發表於+15-12-29+13

原帖由 KidBuddy 於 16-01-03 發表
So good to have referral to CAC from a PD! Smartie! 見過姑娘後可能要等上幾個月，但多久就沒有定論了 ...

請問cac 係咩？

作者: KidBuddy 時間: 16-1-6 23:27

jj0608 發表於 16-1-6 19:02
請問cac 係咩？

CAC = Child Assessment Center (兒童體能智力測驗中心)，是衛生署屬下的兒童檢測中心，全港有六個，也就這裏家長經常提及到的政府檢測中心，對象是 12 歲以下有發展障礙或行為問題而需要各科專家協助評估的兒童。

大家可以到網站的菜單瀏覽/下載很多基本資訊，可以彌補這裏很多朋友發放不正確資料的不足。

http://www.dhcas.gov.hk/cindex.html

作者: jj0608 時間: 16-1-7 07:38 標題: 引用：Quote:jj0608+發表於+16-1-6+19:02+請問cac

原帖由 KidBuddy 於 16-01-06 發表
CAC = Child Assessment Center (兒童體能智力測驗中心)，是衛生署屬下的兒童檢測中心，全港有六 ...

thanks..

作者: vicky_leung2011 時間: 16-1-8 09:08 標題: 回覆：求請教。。懷疑自閉。。學校叫去做評估

Update番先。。見完姑娘見左成個鐘。。做左好多問卷。。姑娘又比啲玩具阿女玩。。阿女對直接問題係識答既。。但當問佢抽象少少。。如拎個同「一樣」既比我咁佢就唔識咩叫「一樣」喇！講野都未係好清楚。。咁姑娘都有份野叫我比學校老師填。。最後姑娘都講感統差啲。理解差啲。。但覺得佢有眼神交流同埋覺佢係有進步

作者: mandy952 時間: 16-1-19 15:51 標題: 回覆：vicky_leung2011 的帖子

見過呢d case上到k3都係冇眼神接觸，但學野唔差，最快係做私人評估先，九千都要比，有報告快d，私家會教你點做

歡迎光臨教育王國 (/)