教育王國
標題: 一定要學普通話？？ [打印本頁]
作者: zmw1031 時間: 15-12-26 12:40 標題: 一定要學普通話？？
唔明點解咁多家長一定要小朋友間幼稚園要有教煲冬瓜？請教是否有什麼深層用意？我自己就覺得學煲冬瓜毫無用處，平時母語加英文喺香港綽綽有餘啦，何來煲冬瓜嘅語言環境？即使家庭經濟來源係北上經商。所以如果學煲冬瓜冇咩深層用意，係我就唔會俾小朋友學煲冬瓜，有咁嘅時間不如學第二門外語？
作者: 貝珠 時間: 15-12-26 14:13 標題: 回覆：一定要學普通話？？
對我來説，pth 只係一種外語，早點學多一種外語，比較容易掌握，學校有pth 語境，可不好好把握？假如有一間學校，可以有西班牙語語境，我也很有興趣。
作者: LLKK 時間: 15-12-26 14:15 標題: 回覆：一定要學普通話？？
我是70後，普通話由我那時只有中一、二會教兩年，發展到現時很多幼稚園都有教，可想而知這是個大趨勢。唔係你想唔想學，係普遍都會教和學的問題。與其問那所幼稚園有普通話課，不如問那間沒有會容易點。
作者: letterland 時間: 15-12-26 14:32 標題: 回覆：zmw1031 的帖子
學普通話只需 聽同講，早d學發音會準d。國語將來用得番機會大d, 反而其他語言學完用既機會少。
作者: puiyima 時間: 15-12-26 14:47
有時間走去Lunch hour 去中環的快餐店看看d 收銀員，都要能操流利普通話，及感受下幾多國內專才在國際金融中心附近返工。下一代的小朋友識普通話，是基本的要求
作者: 阿古 時間: 15-12-26 15:00 標題: 回覆：一定要學普通話？？
今時唔同往日, 香港已回歸, 普通話應用日益廣泛。
好多小學唔單止有普通話課, 小一已要考拼音考四個聲調, 有d學校更普教中, 所以有好多幼稚園已有教普通話, 為考(讀)小一做準備。而且3-6歲亦係小朋友學習外語既最好時機, 除非父母本身識講識教, 否則大部份小朋友都會出去學, 包括我既小朋友。
就算大人出黎搵工, 唔識普通話一樣好蝕底, 因各行各業, 甚至政府工紀律部隊, 對普通話一樣要有一定要求。
作者: 已刪除用戶 時間: 15-12-26 15:21 標題: 回覆：一定要學普通話？？
下一代競爭激烈,將來搵工要同大陸畢業生競爭
大陸市場咁大，連住香港既外國人都識講流利普通話.
不過我覺得小學普教中有個問題,廣東話有朝一日會變左方言了,即係"鄉下話"...
作者: 心急媽媽xxx 時間: 15-12-26 16:23 標題: 回覆：一定要學普通話？？
我發現有老外的普通話仲講得好過我，你當然可以不讓小朋友在這階段發展，但不知道會否影響競爭力，朋友小朋友小一考試，已經是考普通話指令，我寧願讓他們盡早接觸
作者: 964000 時間: 15-12-26 17:11 標題: 引用：唔明點解咁多家長一定要小朋友間幼稚園要有
原帖由 zmw1031 於 15-12-26 發表
唔明點解咁多家長一定要小朋友間幼稚園要有教煲冬瓜？請教是否有什麼深層用意？我自己就覺得學煲冬瓜毫無用 ...
作者: Yanamami 時間: 15-12-26 17:22
語言嘛~越細学發音越準~又唔係要捉住佢坐定定学b p m f, 上英普班学下，日曰听下講下接触得多就識，交—样禁多学費，何樂而不為？
作者: 大埔之友 時間: 15-12-26 18:12 標題: 回覆：一定要學普通話？？
我想法剛相反, 有得揀我想小朋友讀英普. 我識的外國人都起馬識兩種語言, 馬來華人, 新加坡,歐洲人多數都三種以上. 點解要限制自己, 仲要唔學一樣咁多人用既語言? 不過我錯了, 只報了一間英普, 因為我著眼了龍校.
作者: 龍井 時間: 15-12-26 18:51
回覆 letterland 的帖子
如早學會準啲，會唔會影響埋小朋友粵語既發音？
作者: siden 時間: 15-12-26 18:54 標題: 回覆：一定要學普通話？？
有冇用處都好
依家咁多學校普教中，幼稚園完全唔接觸，真係上小一先由0開始嗎？
作者: 龍井 時間: 15-12-26 18:59
小朋友用母語學習係會輕鬆好多，除非家長都係講普通話。
如果唔係唔洗強硬催谷，如果個個都認為普通話係主流既。
廣東話就會愈黎愈變得弱勢。
所以應該由香港家長自己以身作則，保衞粵語。
普通話唔係唔學，只不過唔好全普就得啦！
作者: CherryQ 時間: 15-12-26 19:03
普通話target 全中國13 億人口，個人認為重要。但幼兒只有3歲就開始2文3語，有點早。但我還是報了英普班
作者: letterland 時間: 15-12-26 20:07 標題: 回覆：龍井 的帖子
小朋友母語係廣東話，未返k1已經講得好流利，所以k1再學國語無問題。除非小朋友有speech delay. 先學好廣東話先。
作者: 龍井 時間: 15-12-26 21:30
本帖最後由 龍井 於 15-12-26 21:32 編輯
letterland 發表於 15-12-26 20:07 
小朋友母語係廣東話，未返k1已經講得好流利，所以k1再學國語無問題。除非小朋友有speech delay. 先學好廣東 ...
但家下現況係用咩語言黎學中文。用粵語學同用普通話學會好唔同。
如果想滅香港人呢個族群，當然用普通話學中文最好。
作者: 貝珠 時間: 15-12-26 22:25 標題: 引用：小朋友母語係廣東話，未返k1已經講得好流利
原帖由 letterland 於 15-12-26 發表
小朋友母語係廣東話，未返k1已經講得好流利，所以k1再學國語無問題。除非小朋友有speech delay. 先學好廣東 ...
作者: 貝珠 時間: 15-12-26 22:27 標題: 引用：回覆+letterland+的帖子 如早學會準啲，會
原帖由 龍井 於 15-12-26 發表
回覆 letterland 的帖子
如早學會準啲，會唔會影響埋小朋友粵語既發音？
作者: 龍井 時間: 15-12-26 22:43
【普教中 一定唔得？】孖仔分別用廣東話、普通話學中文 普教中成績反而較差
https://www.thestandnews.com/soc ... %E8%BC%83%E5%B7%AE/
作者: 龍井 時間: 15-12-26 22:52
貝珠 發表於 15-12-26 22:27
愈早學愈容易，係唔會影響粵語發音的
朱古力就講成「炒古嚦」，真係問你死唔死。
作者: 大埔之友 時間: 15-12-26 23:36 標題: 引用：回覆+letterland+的帖子 如早學會準啲，會
原帖由 龍井 於 15-12-26 發表
回覆 letterland 的帖子
如早學會準啲，會唔會影響埋小朋友粵語既發音？
作者: 大埔之友 時間: 15-12-26 23:40 標題: 引用：Quote:貝珠+發表於+15-12-26+22:27+愈早學
原帖由 龍井 於 15-12-26 發表
我阿女家下日日口UPUP就係用啲唔鹹唔淡既普通話唱早操歌。
朱古力就講成「炒古嚦」，真係問你死唔死。
...
作者: letterland 時間: 15-12-27 10:17 標題: 回覆：龍井 的帖子
幼稚園學3年主要多聽多講，我又覺得上小一唔需要普教中。學中文文化用番廣東語會好d。
作者: wcw0826 時間: 15-12-27 10:39 標題: 回覆：一定要學普通話？？
其實學普通話應該都係家長自己選擇，好似學英文一樣，可以學可以唔學。
作者: 龍井 時間: 15-12-27 15:38
大埔之友 發表於 15-12-26 23:40
E 個是教的問題, 唔關語文事. 我阿爸教個孫講 Turn up the light, 小朋友照講. 發音再準都死啦.
...
老實講，我真係唔會俾自己阿女，一開口就係講普通話囉。
普通話可以遲啲慢慢學。
但係學好中文，我會盡量俾佢選擇用廣東話學。
因我都想保衞粵語，唔想好似廣州同深圳咁。
作者: cameo 時間: 15-12-27 16:01 標題: 引用：幼稚園學3年主要多聽多講，我又覺得上小一
原帖由 letterland 於 15-12-27 發表
幼稚園學3年主要多聽多講，我又覺得上小一唔需要普教中。學中文文化用番廣東語會好d。
...
幼稚園時期普通話係好簡單，到小學就廣東話，嗰時見普教中係初小（p1-3）中文作文有明顯d效果，但之後學習上好需要理解及分析，若普通話能力未及，就變成學習上嘅阻礙。
所以我大女升中都冇選普教中，佢比較適合用廣東話。
作者: tweetyho 時間: 15-12-27 16:30
回覆 龍井 的帖子
Agree!!!
作者: Yanamami 時間: 15-12-27 16:54
本帖最後由 Yanamami 於 15-12-27 16:58 編輯
龍井 發表於 15-12-26 22:52
我阿女家下日日口UPUP就係用啲唔鹹唔淡既普通話唱早操歌。
朱古力就講成「炒古嚦」，真係問你死唔死。
...
當中出左乜問題？我女而家P6, 幼稚園K1开始英普班，小学普教中。K1开始時佢唔开心，話唔知老師嗡乜，佢上堂又唔識講(屋企全廣東話，英文都唔講，但大量英文兒歌、卡通、圖書)，但两个月後就解決左呢个问題｡K3時趁空閒，去上PTH拼音班(明知会上普教中小学)，升小自然適應良好｡溫中文默書，我只会讀廣東話(小時讀故事都一样，因我PTH好爛)，佢自己番学校轉麗聲｡P5 考GAPSK獲最優異成績奬，但係屋企从未聽過佢講半句PTH(甚至英文)，同朋友同学都係流利廣東話溝通｡不過，升中我會選廣教中，因我同意你話用廣学中会学得好d，而佢亦可字正腔圓講到PTH, 唔会唔咸唔淡，目標已成。
作者: 龍井 時間: 15-12-28 01:22
Yanamami 發表於 15-12-27 16:54
當中出左乜問題？我女而家P6, 幼稚園K1开始英普班，小学普教中。K1开始時佢唔开心，話唔知老師嗡乜，佢上 ...
聽妳說妳的女兒，真係好犀利。可以精通英、粵、普。
仲有係考GAPSK都攞到最優異成績獎，因我看過獲此等殊榮，每屆也只有十多人，有時得四、五人。
不過講真，小朋友係叻既，其實家長真係唔洗多憂心，佢自己自動波都得。
作者: Yanamami 時間: 15-12-28 07:28
本帖最後由 Yanamami 於 15-12-28 07:34 編輯
龍井 發表於 15-12-28 01:22
首先，如可以請用繁體字。係香港請盡量不要用簡體字。
聽妳說妳的女兒，真係好犀利。可以精通英、粵、普。
...
只係想講，学言文越早越標準越少費力，就算小朋友你自动波，家長提供語境係重要既｡如能做得好，唔好太担心早学pth就講唔好廣東話。家中各人日日講，扭开电視係廣東話、同学朋友都用廣東話，应該会分得好清楚~身边無人講巧克力、冰淇淋，小朋友会分到，呢d係pth，我地平日係講朱古力雪糕沙律三文治……
作者: 龍井 時間: 15-12-28 14:25
本帖最後由 龍井 於 15-12-28 16:29 編輯
Yanamami 發表於 15-12-28 07:28
只係想講，学言文越早越標準越少費力，就算小朋友你自动波，家長提供語境係重要既｡如能做得好，唔好太担 ...
咁細個人仔就要佢咁辛苦，何苦！
中文咁多生字詞語，我唔相信大多小朋友可以咁叻，分到普通話同廣東話。
如果咁細過就迫佢地學兩邊，真係人都癲。根本普通話語法同用詞都同廣東話唔同。
所以作為家長，要好好想想究竟係想下一代或再下一代，同自己講普通話定廣東話。
唔好以為身邊好多地方都用梗廣東話係必然。
當全港幼稚園,小學都變晒用普教中時，想搵個土生土長既講廣東話既都幾難。
作者: beyondcontrol 時間: 15-12-28 14:29 標題: 引用：有時間走去Lunch+hour+去中環的快餐店看看d
原帖由 puiyima 於 15-12-26 發表
有時間走去Lunch hour 去中環的快餐店看看d 收銀員，都要能操流利普通話，及感受下幾多國內專才在國際金融 ...
作者: 貝珠 時間: 15-12-28 14:33 標題: 回覆：一定要學普通話？？
自己諗啦。研究真是說小朋友從少就可以multi lingual , 人大了，multi lingual 的能力會隨年齡下降。我們大人覺得辛苦是因為我們吸收語言能力低了。歐洲很多兒童也從少學多國語言。
作者: 貝珠 時間: 15-12-28 14:35 標題: 回覆：一定要學普通話？？
在教育的問題上，我不考慮政治因素，也不會放棄廣東話
作者: Yanamami 時間: 15-12-28 14:41
本帖最後由 Yanamami 於 15-12-28 14:51 編輯
龍井 發表於 15-12-28 14:25
咁細個人仔就要佢咁辛苦，何苦！
中文咁多生字詞語，我唔相信大多朋友可以咁叻，分到普通話同廣東話。
你預設係逼，係辛苦禁無得好講~
我表妹係中法混血兒，家中只講法文，番国際学校講英文，同我阿嫲&我地講广東話，去王仁曼处学跳舞同朋友仔講广東話，後生時听四大天王既歌……唔見得佢好痛苦~相信法文英文广東話語法都幾唔同~其实唔係“逼”小朋友两边学｡广東話係母語，唔洗坐定定学吧~我以前同女溫默書从來只用广東話，番到学校老師用pth讀默，又唔会搞唔掂喎……
作者: 貝珠 時間: 15-12-28 14:51 標題: 回覆：一定要學普通話？？
補多句，有語言障礙的小朋友除外
作者: Yanamami 時間: 15-12-28 14:52
貝珠 發表於 15-12-28 14:51
補多句，有語言障礙的小朋友除外
作者: 龍井 時間: 15-12-28 15:20
Yanamami 發表於 15-12-28 14:41
你預設係逼，係辛苦禁無得好講~
我表妹係中法混血兒，家中只講法文，番国際学校講英文，同我阿嫲&我地講广 ...
所以何必咁辛苦，一早俾幼稚園細路去學普通話？
作者: Yanamami 時間: 15-12-28 15:24
本帖最後由 Yanamami 於 15-12-28 15:25 編輯
龍井 發表於 15-12-28 15:20
咁不如講，學語言其實對一些人係唔難。打開部電視，聽聽歌就可以了。
所以何必咁辛苦，一早俾幼稚園細路去 ...
禁番幼稚園都係番去玩啫~只不过同佢玩果个人係講pth, 又唔係要佢坐定定望住黑板抄筆記、背書……玩玩下学識有幾辛苦我又唔明~
作者: 龍井 時間: 15-12-28 16:24
本帖最後由 龍井 於 15-12-28 16:32 編輯
Yanamami 發表於 15-12-28 15:24
禁番幼稚園都係番去玩啫~只不过同佢玩果个人係講pth, 又唔係要佢坐定定望住黑板抄筆記、背書……玩玩下学 ...
咁細個人仔，就要佢入幼稚園用全普學習，
佢地慢慢就會覺得用普通話先係學習。
呢種風氣變左主流的話，佢地既下一代就真係個個講普通話。
有套係電影中心上既電話，好似叫「十年」，有時間真係去睇睇。
雖然係做戲，但係入面既情境唔係無可能發生架。
作者: Yanamami 時間: 15-12-28 16:34
本帖最後由 Yanamami 於 15-12-28 16:38 編輯
龍井 發表於 15-12-28 16:24
咁細個人仔，就要佢入幼稚園用全普學習，
佢地慢慢就會覺得用普通話先係學習。
情况係更複雜，因為唔係入幼稚園用全普，係入英普班，見pth老師用pth, 見鬼妹老師用英文，番屋企再轉台講番广東話……真係辛苦哂~
唔出奇……我有d同学係外国生活，仔女边肯講广東話？識听唔識講~再多—代咪唔識听唔識講~
作者: 龍井 時間: 15-12-28 16:52
Yanamami 發表於 15-12-28 16:34
情况係更複雜，因為唔係入幼稚園用全普，係入英普班，見pth老師用pth, 見鬼妹老師用英文，番屋企再 ...
可能日後係香港，竟然啲細路唔識講廣東話，只係識普通話。
其實成個大陸入面都係發生梗，自己既家鄉話係老人家先識。
後生就個個講普通話。
作者: wcw0826 時間: 15-12-28 18:28 標題: 引用：+本帖最後由+Yanamami+於+15-12-28+16:38+
原帖由 Yanamami 於 15-12-28 發表
本帖最後由 Yanamami 於 15-12-28 16:38 編輯
作者: 貝珠 時間: 15-12-28 18:31 標題: 引用：Quote:Yanamami+發表於+15-12-28+14:41+你
原帖由 龍井 於 15-12-28 發表
咁不如講，學語言其實對一些人係唔難。打開部電視，聽聽歌就可以了。
所以何必咁辛苦，一早俾幼稚園細路去 ...
作者: sala222 時間: 15-12-28 21:40 標題: 引用：Quote:Yanamami+發表於+15-12-27+16:54+當
原帖由 龍井 於 15-12-28 發表
首先，如可以請用繁體字。係香港請盡量不要用簡體字。
聽妳說妳的女兒，真係好犀利。可以精通英、粵、普。
...
作者: sala222 時間: 15-12-28 21:44 標題: 引用：+本帖最後由+Yanamami+於+15-12-27+16:58+
原帖由 Yanamami 於 15-12-27 發表
本帖最後由 Yanamami 於 15-12-27 16:58 編輯
作者: 貝珠 時間: 15-12-28 22:41 標題: 引用：Quote:原帖由+Yanamami+於+15-12-27+發表本
原帖由 sala222 於 15-12-28 發表
你個囡應該係資優，我個囝返咗學成年，完全唔明普通話，我用2句試佢，都呆望我。其實大人都只要2年已經可操 ...
作者: bingstarcorp 時間: 15-12-28 23:22 標題: 引用：唔明點解咁多家長一定要小朋友間幼稚園要有
原帖由 zmw1031 於 15-12-26 發表
唔明點解咁多家長一定要小朋友間幼稚園要有教煲冬瓜？請教是否有什麼深層用意？我自己就覺得學煲冬瓜毫無用 ...
作者: wcw0826 時間: 15-12-28 23:51 標題: 引用：Quote:原帖由+zmw1031+於+15-12-26+發表唔
原帖由 bingstarcorp 於 15-12-28 發表
唔學煲冬瓜以後fighting 唔夠人叻你小朋友就會好似一隻大冬瓜
作者: sala222 時間: 15-12-28 23:57 標題: 引用：Quote:原帖由+sala222+於+15-12-28+發表你
原帖由 貝珠 於 15-12-28 發表
想問下你兒子是否上幼兒園才接觸pth ? 有多久？每日pth 時間有多少？
作者: 貝珠 時間: 15-12-29 00:17 標題: 回覆：一定要學普通話？？
本帖最後由 貝珠 於 15-12-29 00:38 編輯
del
作者: 貝珠 時間: 15-12-29 00:33 標題: 回覆：一定要學普通話？？
即係我想講1星期3日，每次20-30 min, 和學劵幼稚園的net 英文堂一樣，don't expect too much
作者: 大埔之友 時間: 15-12-29 04:34 標題: 引用：Quote:原帖由+龍井+於+15-12-28+發表咁不如
原帖由 貝珠 於 15-12-28 發表
要有interactions , 要溝通先可以學得好一種語言，tv , radio 唔work 。上英普班只係其中一個方案，你可以 ...
作者: ahsiu 時間: 15-12-29 09:09
小學唔用普通話家長咪唔洗煩羅....
作者: teambuilder 時間: 15-12-29 13:30
我兩個小朋友分別係純英普和三語兩文環境下上學. 首先一定唔會唔識廣東話, 呢樣野真係諗多左, 如果係會咁就唔會有咁多半唐番. 而且佢地唔怕講普通話和英文, 可以隨時轉台無難度. 上左小學開始學拼音, 因為書本有普通話拼音, 讀書快左好多, 朗朗上口. 不過, 唔覺得中文水平會高左, 但真係讀書會容易D, 因為有拼音.
作者: Coffee33 時間: 15-12-30 00:15 標題: 回覆：teambuilder 的帖子
其實而家唔好話香港，外國，日本都係學普通話，遲下世界語言都係普通話，中國市場大，亞洲台灣星加玻，馬來西亞都講普通話，將來就算工作無關係，識多個外國朋友，識多種語言又有乜問題，你係屋企又會同小朋友講廣東話，咪當係擴闊小朋友視野囉。
作者: 龍井 時間: 15-12-31 14:13
呢幾日係韓國玩，佢地有啲識中文，都對香港客講普通話，
不過我仍會講番廣東話，等佢地知我係Hong Kong.
普通話愈來愈普遍同重要，但係要保住廣東話我覺得更加重要。
所以係幼稚園，我唔會刻意谷佢普通話。亦都唔會揀全普教中既小學。
作者: 龍井 時間: 15-12-31 14:21
bingstarcorp 發表於 15-12-28 23:22
唔學煲冬瓜以後fighting 唔夠人叻你小朋友就會好似一隻大冬瓜
好似中文教師，報新聞
全部搵上面既人落黎取代就得
作者: wanchaipapa 時間: 15-12-31 14:21
提示: 作者被禁止或刪除 內容自動屏蔽
作者: 龍井 時間: 15-12-31 14:30
wanchaipapa 發表於 15-12-31 14:21
成個小一考試得sfa要考，連紅色學校培橋都唔考，學來side氣
仲要係聽唔明廣東話果種
| 歡迎光臨 教育王國 (/) |
Powered by Discuz! X1.5 |