教育王國

標題: 身處88網求教各位 [打印本頁]

作者: yuhehe 時間: 15-12-24 15:35 標題: 身處88網求教各位

我住大圍88小學網，小朋友女仔，現有幼稚園選校難題：
培道-一條龍，可以直升同時大抽獎，小學升中九龍城校網,愛心學校。但小學二線及中學B2
根德園-叩門勁，可以有更多可能性或駁B1小學。但冇保證分分鐘冇offer

我對88校網小學冇咩認識，一方面諗培道穩陣但根穩又可進取更上一層樓。我唔算懶媽要返工但時間彈性可督導小朋友。而家小女仲細都未係好清楚佢谷唔谷得或有冇天份。所以想了解多尐考慮清楚

作者: siden 時間: 15-12-24 16:00 標題: 回覆：身處88網求教各位

真係幾難揀

作者: 小曳人 時間: 15-12-24 17:48 標題: 回覆：yuhehe 的帖子

咁你自己想唔想KG打好底子，上小學時學習較輕鬆？

作者: helenmail421 時間: 15-12-24 18:53 標題: 回覆：身處88網求教各位

我為人保守，會先入培道，但大圍去培道有校車嗎？車程遠過去KV好多喎

作者: yuhehe 時間: 15-12-24 19:45 標題: 引用：咁你自己想唔想KG打好底子，上小學時學習較

原帖由 小曳人 於 15-12-24 發表
咁你自己想唔想KG打好底子，上小學時學習較輕鬆？

我頭先再諗過，我係進取的媽媽，就算讀培道我都會出外進補及考小學，叫做進可攻退可守。再講多少少，我原先心水係培道的，其一是一條龍，其二是我唔敢太高要求。當根德收時我都有點意外，之後我就諗收得是否應結她試下呢？但另一方面我女係活潑好動型及在家很情緒化，又怕根德太嚴令她更大壓抑

唔好意思，我呢位天坪媽媽左諗右諗搞到好矛盾

作者: yuhehe 時間: 15-12-24 19:47 標題: 引用：我為人保守，會先入培道，但大圍去培道有校

原帖由 helenmail421 於 15-12-24 發表
我為人保守，會先入培道，但大圍去培道有校車嗎？車程遠過去KV好多喎

...

問過有校車到，另外搵到有小巴於旺角東站去播導醫院，所以交通不成問題

作者: sbux 時間: 15-12-24 19:51 標題: 引用：Quote:原帖由+小曳人+於+15-12-24+發表咁你

本帖最後由 sbux 於 15-12-24 19:52 編輯

原帖由 yuhehe 於 15-12-24 發表
我頭先再諗過，我係進取的媽媽，就算讀培道我都會出外進補及考小學，叫做進可攻退可守。再講多少少，我原先 ...

其實你都自認進取，咁就KV 喇，學校幫你谷少少好過你自己屋企開行turbo一地血又傷感情。讀KV全軍覆沒連培道二線都考唔到我唸唔會太普遍吧

作者: yuhehe 時間: 15-12-24 20:16 標題: 回覆：身處88網求教各位

請問如果真係萬一要叩門，去叩88網邊幾間小學妥當？

作者: 小曳人 時間: 15-12-24 21:21

yuhehe 發表於 15-12-24 20:16
請問如果真係萬一要叩門，去叩88網邊幾間小學妥當？

聖心無叩門，沙官要揀過先收表，陳元喜都應該要揀過先有得叩其實去到叩門，唔駛一定要88網啦！

作者: yuhehe 時間: 15-12-25 10:42 標題: 回覆：身處88網求教各位

想請教下各位，KV升小成績如果？

作者: hkpapa852 時間: 15-12-28 10:03

yuhehe 發表於 15-12-25 10:42
想請教下各位，KV升小成績如果？

KV每年幾百人畢業, 一定乜學校都有人入, 參考價值不高.
只可以講, KV畢業生, 係叩門階段係較著數, 因為KV學生學術能力有番咁上下, 而且通常都係唔需要適應小一既生活, 對學校嚟講煩少D. 不過, 凡事總有例外, 幾年前都有KV家長考直資/私立小學, 甚至叩門都 0 offer, 上嚟EK呻.

作者: yuhehe 時間: 15-12-29 23:00 標題: 回覆：身處88網求教各位

呢幾日仍然不停諗穩陣VS進取。爬咗好多文知道KV唔係傳聞咁谷，自己都好鐘意佢，但始終多咗份不穩定性。培道各方面都中庸勝在直升。我明白揀學校要揀最適合，所以更加各方面不停衡量不停比較

作者: yuhehe 時間: 15-12-29 23:03 標題: 回覆：身處88網求教各位

另外我一路接收既訊息係津校一、二線都谷都多功課，而二線直資、私校咁多家長buy其一係冇咁多功課，所以有人情願交學費讀二線直/私都唔讀津校，我咁理解對嗎？

作者: Happy_funny 時間: 15-12-29 23:53 標題: 回覆：yuhehe 的帖子

學校有得揀幾千人選百多個，學生質素有番甘上下當然不用做甘多功課而且同學的水平平均很多！

作者: Tintin926 時間: 15-12-30 00:07

yuhehe 發表於 15-12-29 23:03
另外我一路接收既訊息係津校一、二線都谷都多功課，而二線直資、私校咁多家長buy其一係冇咁多功課，所以有 ...

你的終點是大學而不是中學，唔多功課但升U率低的是你想要的嗎？

作者: 喜樂果子 時間: 15-12-30 16:31

Tintin926 發表於 15-12-30 00:07
你的終點是大學而不是中學，唔多功課但升U率低的是你想要的嗎？

我又唔覺得多功課一定係升u率低, 勁既學校係做到學習氣氛好, 學生可以自動波學習, 唔係每日比好多功課要學生完成等於學習

作者: little_yolky 時間: 15-12-30 16:50

yuhehe 發表於 15-12-29 23:00
呢幾日仍然不停諗穩陣VS進取。爬咗好多文知道KV唔係傳聞咁谷，自己都好鐘意佢，但始終多咗份不穩定性。培道 ...

唔駛諗, 去根德！

尤其你自己本身係進取型, 完全唔需要考慮培道。依家先幼稚園, 唔好諗學校幫你培養品格, 品格係做阿爸阿媽培養既, 用呢三年, 培養好個小朋友, 小學去考DGS！

而且, 點解要咁悲諗要叩門呢, 可能大抽奬已經抽到好呢, 叩門係為叩間更好的。

歡迎光臨教育王國 (/)