教育王國
標題: 坑真vs救恩，點揀？ [打印本頁]
作者: jennylws 時間: 15-12-23 12:17 標題: 坑真vs救恩，點揀？
坑真雖然K3要面試，我相信入讀坑小機會都好大。小學三測三考，要TSA，有好大機會上坑中。
救恩自主學習培養閱讀，學習氣氛好好。K3直上救小得50個位，都需要面試。小學無TSA。
兩間都鍾意，好難選擇。
作者: mapp2009 時間: 15-12-23 12:20
本帖最後由 mapp2009 於 15-12-23 12:25 編輯
Congr
作者: NANAAU 時間: 15-12-23 12:21
U got TL offer letter?
作者: jennylws 時間: 15-12-23 12:22 標題: 回覆：NANAAU 的帖子
yes received letter this morning
作者: tam_bb 時間: 15-12-23 12:23 標題: 回覆：坑真vs救恩，點揀？
女仔？除咗比較小學，可以諗埋中學。喜歡大坑真中嗎？band one英中，校風純樸。
作者: candyandjody 時間: 15-12-23 12:36 標題: 回覆：jennylws 的帖子
2間都好好，救恩會較重視埋家校溝通，活動式教學，小朋友係學習上好開心。
坑真自理方面教得好好，主張可以自己完成功課，因所教既野係小朋友能力以內。
一路讀上去，兩間都好好。又唔晒諗到升唔升到小學既%，只要小朋友做好自己，自然升得番。
作者: jennylws 時間: 15-12-23 12:39 標題: 回覆：tam_bb 的帖子
我就係鍾意真光呢條龍，中學仲要係band one英中呢！樂觀睇15年唔洗憂。
救恩同樣係好學校，不過無咗中學嗰截龍(東九龍唔考慮了)。中學要睇派位，不過中西區都多好學校。
而家係囡囡讀，將來想生多一個。要諗得周詳啲，所以好難揀。
作者: NANAAU 時間: 15-12-23 13:07
恭喜！我都收了上午班
作者: jennylws 時間: 15-12-23 13:15 標題: 回覆：NANAAU 的帖子
congratulations~ 會讀嗎？
作者: NANAAU 時間: 15-12-23 13:32
回覆 jennylws 的帖子
Yes.
作者: ME1227 時間: 15-12-23 13:38
坑真
作者: 已刪除用戶 時間: 15-12-23 14:41 標題: 回覆：坑真vs救恩，點揀？
坑真都幾谷下...
救恩要醒目,活動教學d...
兩間都幾唔同
作者: WinnieCatCat 時間: 15-12-24 10:08 標題: 回覆：坑真vs救恩，點揀？
我是坑真家長，朋友的孩子讀救恩，分享下我對兩間學校的感覺。講明先，我一定會賣花讚花香，對救恩的認識亦只限於聽朋友講，唔好怪我唔客觀啊
兩間都係happy school，但比較下坑真課程比救恩淺。
兩間都重視家校合作，會鼓勵家長參加家長講座。當兩間都不是必然升小，做家長既一定會盡量參與，留個好印象給學校，所以要預時間在這方面啊。真光是一年四次星期六下午，之後會有見班主任講解課程時間，所以你會有動力去的。救恩家長講座次數比真光多，但幾多次我唔記得，不過朋友都話學到野唔覺辛苦。
救恩的親子功課較多，見朋友的作品都做到好靚下，真光就一年只做一次呢類野，呢方面我覺得真光比較合我呢啲working mum又冇咩創意既人
真光雖然畀人感覺較傳統，但課程是探索式學習鼓勵小朋友觀察，例如會出操場觀察螞蟻，除鞋除襪在操場玩感受一下自己雙腳及明白穿鞋的重要性，夏天老師還會幫小朋友換泳衣在水池玩水！讀真光真係超開心！
至於學術內容雖然比較淺，但我覺得適中，重點係小朋友會在學校學識晒，唔使返屋企再教，而且所學既唔係短暫記憶，係真係學識左的。這方面我沒有同救恩比較過。
順帶一提，真光宗教氣氛頗濃，小朋友會學識唱好多兒童詩歌，課程很多時滲入宗教元素，唔知救恩係咪都係咁。如果你不是基督徒，會介意嗎？
最後係升小升中問題。朋友話救恩定左學額給幼稚園，係禁多就禁多，唔得既waiting都唔會有
。真光雖然唔知會收幾多，但我感到真幼小中是很緊密的連繫，收真幼上真小的比例應不會少過救恩。至於真小，最近聽兩個真幼上真小的家長講（他們的女兒已小三四了），唔好畀三測三考嚇怕左，其實不知幾好，因測驗已溫了一部分，教多少少野便考試，考試反而好輕鬆。而且考試一定是長假期前，放假一定有得玩。更重要的，是真光教咩考咩，唔會教淺考深。
希望以上分享幫到你，兩間也是好學校，無論最後選哪間，也祝福你孩子健康快樂成長！
作者: jennylws 時間: 15-12-24 10:26 標題: 回覆：WinnieCatCat 的帖子
好詳盡啊！多謝你！
作者: UNA929 時間: 15-12-24 10:27
救恩
作者: tam_bb 時間: 15-12-24 10:31 標題: 回覆：坑真vs救恩，點揀？
我都想分享少少。坑真由K1開始，老師會喺課堂中，口頭上吩咐小朋友第二天要帶咩回校，要小朋友留心聽老師吩咐、記著、並且返到屋企後記得話俾家長聽。（除非係非常重要嘅事項，老師才會出便條給家長。）我自己就非常喜歡學校呢種教法，唔係一味學術學術，而係一直教導、訓練小朋友喺漫長學習路上必須要嘅嘢。
作者: tam_bb 時間: 15-12-24 10:39 標題: 回覆：坑真vs救恩，點揀？
兩間都係好學校，可以考慮埋地點，邊間近屋企D。
作者: mapp2009 時間: 15-12-24 10:44
睇埋中學, vote for 坑真!!!
作者: ckwong2013 時間: 15-12-24 10:50
兩間都好好，幼稚園小朋友揀翻近屋企好D。
如果撇除地理位置，同埋系女仔，我個人會傾向坑真。
作者: siden 時間: 15-12-24 11:17 標題: 回覆：坑真vs救恩，點揀？
TL
作者: kkwish 時間: 15-12-24 11:46 標題: 回覆：WinnieCatCat 的帖子
多謝你咁詳盡的介紹，我女都剛收到信入讀，隨即有媽媽告訴我一些負面的消息，想問問你意見
坑真k1 要寫字，真的嗎？
在校好多工作紙做
要同學坐定定，校規好嚴
髮型要統一
作者: sakbbjaijai 時間: 15-12-24 12:28 標題: 引用：多謝你咁詳盡的介紹，我女都剛收到信入讀，
原帖由 kkwish 於 15-12-24 發表
多謝你咁詳盡的介紹，我女都剛收到信入讀，隨即有媽媽告訴我一些負面的消息，想問問你意見
坑真k1 要寫字 ...
作者: sakbbjaijai 時間: 15-12-24 12:32 標題: 引用：Quote:原帖由+kkwish+於+15-12-24+發表多謝
原帖由 sakbbjaijai 於 15-12-24 發表
坑真出名課程淺,happy school, k2先寫字, 有好多家校合作tasks, 親子功課, focus直理多過學術,請問你的負面 ...
作者: sakbbjaijai 時間: 15-12-24 12:37 標題: 回覆：坑真vs救恩，點揀？
如果揀救恩,要留意升小時救恩小學只留50個位比救恩幼稚園學生,其他留給外校生, 就算外校生收唔晒,都唔會轉個位比救恩幼稚園學生, 資料來自今屆救恩k3家長
作者: tam_bb 時間: 15-12-24 12:43 標題: 引用：多謝你咁詳盡的介紹，我女都剛收到信入讀，
原帖由 kkwish 於 15-12-24 發表
多謝你咁詳盡的介紹，我女都剛收到信入讀，隨即有媽媽告訴我一些負面的消息，想問問你意見
坑真k1 要寫字 ...
作者: kkwish 時間: 15-12-24 13:08 標題: 回覆：tam_bb 的帖子
Thank you
那位媽媽說小朋友返學唔開心，發惡夢，最後退學，睇來是個別情況
作者: sakbbjaijai 時間: 15-12-24 14:00 標題: 引用：Thank+you+
那位媽媽說小朋友返學唔開心，
原帖由 kkwish 於 15-12-24 發表
Thank you
那位媽媽說小朋友返學唔開心，發惡夢，最後退學，睇來是個別情況
...
作者: WinnieCatCat 時間: 15-12-24 15:14
kkwish 發表於 15-12-24 13:08 
Thank you
那位媽媽說小朋友返學唔開心，發惡夢，最後退學，睇來是個別情況
...
。我女兒返真光，係打風落雨發燒冇得返學時，喊晒話要返學咖!
你以上提既問題，只有一定要剪短髮係我經歷到，其實唔係髮型要一樣，只因學校要短髮及不可用髮夾，個個小朋友就剪菇頭齊蔭囉。
上堂唔算好多工作紙做，而且應該好快做完。K1除每星期閱讀報告外，幾乎沒功課，所有野在學校做晒，睇派返黎的工作紙，應該在學校也好快做完。K2才開始寫字，功課仍然好少，幾分鐘做得完。
我覺得老師唔嚴厲，我女見到老師會開心到跑埋去攬住佢! 不過老師對課堂規矩會堅持，觀課所見老師一下搖鼓或一下掌聲，小朋友就會聽指示排隊或返埋位。另外，老師會要求自己的事自己做，要自己去廁所，嬸嬸只在出面睇住；冬天回校要自己掛好校褸；茶點要自己排隊攞，自己裝水。K1觀課時我女兒出去攞茶點給我，裝埋水畀我飲，真係超感動。其實返學期間要坐定定既時間唔多，因真係好多活動，而且除非落雨，日日都會有時間出操場玩。
我反而真係聽過真幼家長嫌課程太淺，亦因為聽過家長咁講，我一有機會就會同考慮入讀的家長分享學校特色，免得有mismatch入左既唔鍾意想入既又入唔到。選真光，重點一定唔係學術，真光係培養小朋友自理能力、學習能力和社交能力，呢D全部都係冇得量度的。真光鼓勵小朋友觀察，自己搵答案。上堂訓練小朋友要留心記住老師要他們帶的東西，我女K1時冇樣野帶到，老師從來沒話佢，到K2，她已能告訴我要帶咩。如果認同呢套幼稚園教育方向，真光唔會令你失望，但如果對學術有要求既家長，真光就唔多合適了。
作者: kkwish 時間: 15-12-24 16:57 標題: 回覆：WinnieCatCat 的帖子
Thanks 好詳細，請問你女兒而家k 幾？我不著重學術，亦好認同多教自理能力；但怕學校係好傳統果種，例如小朋友講下嘢或活潑d, 就話佢係曳，樣樣要跟足指引，驚呃殺小朋友的創意和獨特性，你覺得坑真會唔會？
作者: cpychung 時間: 15-12-24 19:07
本帖最後由 cpychung 於 15-12-24 19:16 編輯
kkwish 發表於 15-12-24 16:57
Thanks 好詳細，請問你女兒而家k 幾？我不著重學術，亦好認同多教自理能力；但怕學校係好傳統果種，例如小 ...
啱啱調轉，我印象中坑真幼既小朋友係勁多野講，小女（現讀坑真幼）本黎少講野依家都勁多野講...我唔知呢樣係好定唔好...學校係訓練自理，學術上唔深，好多唔同主題活動要小朋友參與，例如唔同節日會要求帶唔同既野返去，大部份情況學校會提前幾日同小朋友講，即係小朋友係有幾日時間叫屋企人準備，個個人準備既野唔同，所以如果小朋友返到屋企唔講家長亦冇得點幫（問人都冇用）....小朋友讀坑真，家長都係幫佢準備野，其它既野，學校堂上學哂...所以功課基本上冇乜（唔係完全冇，每個禮拜小朋友自己去揀本書借返屋企叫屋企人讀比佢聽，然後畫圖畫），k1 應該係學渣筆劃直線，畫圓圈呢啲，唔係學寫字....每個月會話比你知學校教啲乜野...學校預左你地家長會有whatsapp group，因為好多小朋友係有哥哥姐姐之前響度讀，好多時可以whatsapp度問到啲資料...比較重要既野除左出通告，學校好多時都會透過家長代表提醒家長
作者: Yeahly_ly 時間: 15-12-24 23:23 標題: 回覆：坑真vs救恩，點揀？
㨂坑真入返小學%高；救恩升小好似唔夠50%....見朋友升唔返救恩...叩門好徬徨
作者: kkwish 時間: 15-12-25 00:21 標題: 引用：+本帖最後由+cpychung+於+15-12-24+19:16+
原帖由 cpychung 於 15-12-24 發表
本帖最後由 cpychung 於 15-12-24 19:16 編輯
| 歡迎光臨 教育王國 (/) |
Powered by Discuz! X1.5 |