教育王國

標題: 想辭職照顧2小孩，一讀障，一自閉加活躍 [打印本頁]

作者: irenelwl 時間: 15-12-21 08:30 標題: 想辭職照顧2小孩，一讀障，一自閉加活躍

有無人好似我咁諗，或已實行?

作者: money82 時間: 15-12-21 11:22 標題: 回覆：irenelwl 的帖子

首先考慮經濟許可，如果老公一份人工可以支撐到特殊訓練，叧加一個工人。你全職教育

作者: irenelwl 時間: 15-12-21 12:59

回覆 money82 的帖子

無可能請工人，不過我大的小4，細的黎緊升主流小一。我先有咁的諗法，太小反而唔得，自己帶唔掂。

作者: money82 時間: 15-12-21 16:10 標題: 回覆：想辭職照顧2小孩，一讀障，一自閉加活躍

哦小學就好好多了，自己教對小朋友好好多。

作者: irenelwl 時間: 15-12-21 18:37

回覆 money82 的帖子

上年這個時間confirm囡囡係讀障，搵左好多途徑幫佢，但覺得唔理想。其間又確診個仔自閉譜系，真係好辛苦，老公一個人工真係頂唔到，我都會搵半日工，乜都撈。但求能夠跟番對仔女，希望幾年後情況可以先再出番黎做野。

作者: crystal媽咪 時間: 15-12-21 19:38

不如轉半職，
小朋友返了學你也去上班

除非你要跟入學校做訓練

作者: irenelwl 時間: 15-12-21 21:40

回覆 crystal媽咪的帖子

我有打算搵上午半天, 老公一份人工唔夠的。人工真係會小一大截, 但前後諗左好耐, 都係決定GIVE UP份工

作者: vincelo29 時間: 15-12-24 20:51 標題: 回覆：想辭職照顧2小孩，一讀障，一自閉加活躍

你仔仔幾歲確診自閉？你有沒有給訓練？

作者: irenelwl 時間: 15-12-25 00:34

回覆 vincelo29 的帖子

5歲確診，4歲半開始上ot,社交，情緒，專注力訓練

作者: rakui 時間: 15-12-25 12:50 標題: 回覆：irenelwl 的帖子

如果經濟上許可，其實自己照顧小朋友會好好多。我全時間照顧我小朋友（高功能自閉＋ADHD)已經一年，我可以帶佢去唔同嘅訓練同治療，在家又不停同佢玩有幫助嘅玩具游戲，佢呢一年嘅進步係超顯著！雖然錢係賺少咗，但係對我來說佢嘅身心發展重要過錢！鼓勵你，如果唔太影響生活嘅話，其實小朋友是很需要媽媽的。佢長大咗就唔再需要你，到時再去賺錢啦。

作者: irenelwl 時間: 15-12-25 16:41

唔會完全無經濟問題，找到兼職就放心d,但2年時間就暫時可以試，如找到兼職就可以長時間去半職兼顧，希望我搵得到啦。

作者: Octopusma 時間: 16-1-15 20:43 標題: 回覆：irenelwl 的帖子

我細仔k1開學排期，兩個月後確診語言發展遲緩及自閉症傾開，排期上早期訓練，k3排到了，因舊工人要返印尼吾做，個個星期返最少一堂，好難要老人家幫手，最終兩年半前，我quit左做左17年自由度好大既工，全職湊細仔，功課自己教，成績吾係好，但我絕對相信無補習社可以花甘多時間教一個學生。

現在細仔小二，語言發展算係追番平常，讀書吾算好成績，但已進步好多，可能貼身照顧左兩年幾，同細仔關係好好。

呢個付出係值得的。

作者: Catcattherine 時間: 16-1-15 22:08 標題: 回覆：irenelwl 的帖子

提示: 作者被禁止或刪除內容自動屏蔽

作者: irenelwl 時間: 16-1-15 22:25

本帖最後由 irenelwl 於 16-1-15 22:32 編輯

回覆 Octopusma 的帖子

我份工都做左16年，之前同老闆傾過下，佢話如果我轉兼職佢會接受，叫我計劃下再告訴佢地，好開心。我女已係全級最差組別，無得再差，我希望自己試下貼身教，起碼叫努力過。

作者: irenelwl 時間: 16-1-15 22:31

回覆 Catcattherine 的帖子

多謝

作者: Octopusma 時間: 16-1-16 01:15 標題: 引用：+本帖最後由+irenelwl+於+16-1-15+22:32+編

原帖由 irenelwl 於 16-01-15 發表
本帖最後由 irenelwl 於 16-1-15 22:32 編輯

回覆 Octopusma 的帖子

當日我老細都留我，offer俾我返半日或就我仔上堂果日day off，但我d工作要搵同事幫手跟，我減人工就預左，但人地做埋我份無人工加，吾想影響埋同事喇。

其實返半日都趕吾切接仔放學再去上堂，升上小學，隨時有咩支援我都可以抽身去接送，早排剛完全醫院安排既社交班，佢偏食到學校訂飯只食白飯吾食送，我終於頂佢吾順自己煮佢肯食既野做午餐, 本來d指甲有一點點似針孔既印（營養不足果d情況），幾個月後明顯好轉，如果吾係ftm實在做吾到甘多。

黎緊佢升小3穩定既話，我都打算搵番野做。但諗到返工小左時間照顧佢地，未發生已吾捨得。

作者: irenelwl 時間: 16-1-16 11:54

回覆 Octopusma 的帖子

我細仔都升小了，可以轉半日。老公一份糧實唔夠。公司話重新安排工作，都唔會要同事做埋我個份，都會請人啦。你當年仔細，情況會趕迫d.我女一直都係帶暖壼，小一食得小，到而家小4都能清晒我入的飯餸，唔知關唔關食左魚油事，d年胃口好左。

作者: Octopusma 時間: 16-1-17 09:14 標題: 引用：回覆+Octopusma+的帖子我細仔都升小了，

原帖由 irenelwl 於 16-01-16 發表
回覆 Octopusma 的帖子

我細仔都升小了，可以轉半日。老公一份糧實唔夠。公司話重新安排工作，都唔會要同 ...

係喎，食魚油都好喎。
我細仔吾食肉，所以我煮飯必加藜麥，補充番d肉類蛋白質。

作者: irenelwl 時間: 16-1-17 10:01

我地真係要絞盡腦汁

作者: 白玫瑰 時間: 16-2-1 10:31 標題: 引用：有無人好似我咁諗，或已實行?

原帖由 irenelwl 於 15-12-21 發表
有無人好似我咁諗，或已實行?

我

作者: vincelo29 時間: 16-2-4 01:15 標題: 引用：我細仔k1開學排期，兩個月後確診語言發展遲

原帖由 Octopusma 於 16-01-15 發表
我細仔k1開學排期，兩個月後確診語言發展遲緩及自閉症傾開，排期上早期訓練，k3排到了，因舊工人要返印尼吾 ...

你好，我兩個小朋友都係在，兩歲半確診言語社交緩慢及自閉傾向，排緊兼收位，現在讀緊n班，就上到校服務計劃，我都係由他們確診後辭去做左14年幾的工作，真係唔捨得，不過真係無工人願意照顧他們，訓練他們，自己唯有轉做全職媽媽，帶他們去治療，在家訓練他們，現在已有少許說話，不過仍未追到同齡的小朋友，你當時怎樣訓練仔仔？可否分享一下？你仔仔現在是否入讀主流小學？謝謝

作者: Octopusma 時間: 16-2-9 18:43 標題: 引用：Quote:原帖由+Octopusma+於+16-01-15+發表

原帖由 vincelo29 於 16-02-04 發表
你好，我兩個小朋友都係在，兩歲半確診言語社交緩慢及自閉傾向，排緊兼收位，現在讀緊n班，就上到校服務計 ...

我就係聽到學前中心既導師分析，工人姐姐母語都吾係廣東話，就算佢上心記住課程教咩，都好難轉達晒堂上教既意思。所以先甘決心自己湊自己教。

要盡量將訓練教過既野響日常生活運用出來，日常生活細節我習慣邊做邊講出我做緊乜。佢通常頭半年無乜反應，但半年後就突然將之前講過教過既野識講番出來。所以真係急都無用，要佢講同做出黎仲要睇佢心情。

有次訓練教用首先，然後，跟住，之後，最後.. 呢d詞語運用，我就響帶佢搭小巴返學時講首先行去小巴站，然後排隊，跟住攞錢，之後車到上車入錢，問下佢跟住要做乜，最後點樣... 食飯沖涼要先做d乜又係甘重複用呢d字眼，終於有次佢叫我吾使成日講呢d，佢話我識喇....

多帶佢出街，邊睇風景邊講邊問，問下佢鐘意睇咩，睇到d咩.... 俾佢多講而盡量吾好話佢講錯，只係修正字眼再重複佢講既野...
例如佢話'吾得，紅燈'。我會答：係喎，紅燈吾可以過馬路喎，你又學識一樣野喇。佢點頭，即係我估中佢講咩，佢又唔覺得我批評佢錯。佢慢慢多d信心亦吸收多d詞彙。

當然呢段路吾易行，我細仔依家讀普通津貼小學，吾係甘跟到，不過睇到佢盡力亦進步中，我無乜要求，同佢一齊繼續努力！

歡迎光臨教育王國 (/)