教育王國

標題: 維多利亞(下康) vs 蘇浙 [打印本頁]

作者: c9ha 時間: 15-12-19 23:33 標題: 維多利亞(下康) vs 蘇浙

本帖最後由 c9ha 於 15-12-19 23:35 編輯

住東區，會點揀，大家都係 am，阿仔係 7 月中 b ，比較好動，說話能力仲係慢，做緊言語治療，有間 25 分東區既小學，當然如果讀到書既話，會試叩 st joe and 華仁，應該會讀 local 津小學，可能都會考下港大同學會既，但考唔到都唔會失望，同埋有個妹妹跟住，妹妹下年報 pn ，後年讀，妹妹係 1 月大 b，諗住搵間好既 pn ，k1 考女校

維多利亞：
6k+，廣英普，1:9，小班活動教學，阿仔而家返緊 n 返得好開心，亦睇到佢有進步，老師好包容，話佢跟到哂啲 task ，係講野慢啲，英文語景好好，但驚太鬆上小學難跟，同埋，啲人話 k2 k3 要出去補中文同數學，加埋條數都好襟計，k3 係 pm，無 am，但都可以揀全日，但全日學費過 10k+，唔會考慮全日，睇得出老師好有愛心，好鼓勵小朋友，阿仔亦好肯去試講野，自信心 build up 一定得

蘇浙：
學卷學校，扣埋學卷只係交幾百蚊學費，全日普通話，每日中間有 40 分 net 英文，1:14，大班傳統教學，上小學中文唔使驚，但要出去補英文，因為間 25 分小學都唔係易既學校，k3 有全日班可以讀，適應小學生活同訓練獨立，我 buy 既，但係最怕大班教學，如果阿仔自己唔留心唔主動，行埋一邊，老師理唔到咁多，就會學唔到野，或老師覺得個小朋友難攪，就叫佢企埋一邊唔理佢，但學費平，有多餘錢出去上興趣班

唔識揀 .... 真心請教，謝謝

作者: candyandjody 時間: 15-12-19 23:46 標題: 回覆：c9ha 的帖子

你既情況都好掙扎，兩間都各有利弊，如果係我，會上午Victoria,下午Kcs,觀察半學期，先作取捨，始終小朋友語言發展未好，Kcs又大班又用晒外語，會令廣東話發展得更慢。Victoria係2文3語既支援強好多、專業d。

與其拎舊錢出去上興趣班或外補，冇針對小朋友缺點，我會選擇留耐少少Victoria，有目標同專業既老師改善小朋友問題，成效會大d。

作者: c9ha 時間: 15-12-21 11:04 標題: 回覆：維多利亞(下康) vs 蘇浙

係真係好難抉擇，因為各有各好，你個提議係好，試哂 2 間先作決定，但 hold 住 2 間，大人小朋友都辛苦，我都要做抉擇 ......

作者: candyandjody 時間: 15-12-21 14:09 標題: 回覆：c9ha 的帖子

依家做決定，又真係怕選錯，番唔到轉頭，始終要到出年8-9月，大少少先知小朋友語言發展成點。

或者你試下打去問蘇淅，問下有冇語言跟進等支援？

作者: puichingforsure 時間: 15-12-21 15:37

提示: 作者被禁止或刪除內容自動屏蔽

作者: Ms_Phoebe 時間: 15-12-21 17:15 標題: 回覆：c9ha 的帖子

KCS 係幾時出offer ga?

作者: HauMiranda 時間: 15-12-21 17:54 標題: 回覆：c9ha 的帖子

如果你唔太擔心升小既話，維記重語文重小朋友既表達，維記小朋友基本上好outspoken. 蘇幼大班教學，發揮機會確實不大。但如果想有小學backup, 又冇能力讀維小，就揀蘇幼。樓主一定要決定，幾時先下到決定都好，但萬萬不可先試番兩間，真係辛苦自己又辛苦小朋友，更重要既係那係好自私既行為，兩間都有好多小朋友wait緊。

作者: c9ha 時間: 15-12-21 19:02 標題: 回覆：維多利亞(下康) vs 蘇浙

放心，我一定會做抉擇去放位，我明白等待係痛苦，其實經濟未係考慮，如果 2 個小朋友都讀維多利亞，都 afford 到，問題係銜接小學，同阿仔學到既野為主，今日問緊 25 分小學既用家，原來間小學而家都行緊普教中喇，我會 consider 埋

作者: c9ha 時間: 15-12-25 07:46 標題: 回覆：維多利亞(下康) vs 蘇浙

本帖最後由 c9ha 於 15-12-25 07:47 編輯

真心問，想聽多啲意見，感激

Merry Christmas ！

歡迎光臨教育王國 (/)