教育王國

標題: 阿囝話大壓力，點算 [打印本頁]

作者: babykenny 時間: 15-12-16 19:29 標題: 阿囝話大壓力，點算

我個囝小二，讀普通學校，唔係名校，但學校成日有默書，測驗，一年考4次試，今日通知，第二日就預默，預默不是正式默書，每天有7，8樣功課同網上功課，因我要返工，所以安排小朋友平時放學去補習社做功課，做完就返家，如非要默書測驗，當天我都不用他溫習，在家可看電視玩玩具，星期六通常都出街玩，星期日上午游水，下午也沒報什麼興趣班，都是休息和玩耍，自問都沒給他什麼壓力，只想他快樂成長，但這星期，他突然很反常，時常說謊，今天突然喊着跟我說很大壓力，日日都這麽多功課，又要溫默書，日日都做不完，我聽着很心痛，不知怎樣教他好，我1明白小朋友真的很累，但我又總不能讓他不做功課及溫默書吧，有沒有家長可分享吓你們的經驗同教法

作者: MrBeast 時間: 15-12-16 20:12

多唔多改正？

作者: palmchristy 時間: 15-12-16 20:17

似乎有事發生左, 令小朋友產生壓力.

要盡快分別同學校老師以及補習社老師了解吓, 係咪發生左乜野事在小朋友身上. 另外要用智慧同小朋友了解吓, 傾吓計, 睡前時間應有幫助. 有乜事都先唔好話佢, 要支持佢, 幫佢講出心底話. 自己都唔好過份擔心, 小朋友會覺得你的壓力而唔肯講真話的.

作者: celiakids2013 時間: 15-12-16 21:06 標題: 回覆：阿囝話大壓力，點算

先要同小朋友傾吓壓力從那裡來？再睇須唔須要搵老師或補習社幫忙。
個人意見，如果經濟許可，媽媽全天侯陪著他，自己教功課，不去補習社，自己接送，可以親子時間多點。

作者: Yanamami 時間: 15-12-16 21:37

佢基本上曰曰做到無停手，唔係預默就係默書，再唔係就測驗，然後再預默、默書、再考試……年復一年｡

作者: Jane1983 時間: 15-12-16 21:54

同亞仔傾吓，學校有發生也野事，有無比老師鬧，所以突然覺得壓力大。

星期六日兩日都係玩，算吾錯了。

作者: babykenny 時間: 15-12-16 23:09 標題: 回覆：MrBeast 的帖子

改正日日都有，但阿囝已唔算錯得多，通常都係1，2題就改完

作者: babykenny 時間: 15-12-16 23:11 標題: 回覆：palmchristy 的帖子

今日瞓前同佢傾過，佢都係話多功課，日日都默書

作者: babykenny 時間: 15-12-16 23:14 標題: 回覆：celiakids2013 的帖子

辭工應該就唔得啦！但其實我公司寫字樓時間，我一收工都返去陪佢，煮飯，傾計，盡可能都比親子時間，但佢都話有壓力

作者: babykenny 時間: 15-12-16 23:16 標題: 回覆：Yanamami 的帖子

係。。。好無奈，我都知佢辛苦，今日仲剛剛收到學校通告，有講座講日後TSA既安排，即係學校無打算取消

作者: babykenny 時間: 15-12-16 23:18 標題: 回覆：Jane1983 的帖子

基本上，佢放假想去邊，我都滿足佢，唔知係咪就係太滿足佢既需求，所以相比之下，返學就壓力大呢

作者: stockmike 時間: 15-12-17 00:58 標題: 回覆：阿囝話大壓力，點算

細路心情變得好快，俾三個月談心及觀察，持續就揾 happy school 轉校，無好嘅情緒必定影響讀書。

作者: MrBeast 時間: 15-12-17 07:03

本帖最後由 MrBeast 於 15-12-17 07:04 編輯

babykenny 發表於 15-12-16 23:09
改正日日都有，但阿囝已唔算錯得多，通常都係1，2題就改完

試下同佢一齊商量下time management，（其實當然是父母lead，不過要做到佢有份決定），首先，weekend 可以chk 功課有冇錯，咁星期一就少了些改正，默書也在weekend 溫，之前一晚只溫唔熟／錯的字，預默就解釋是老師幫他們溫，唔計分，以上都是救近火，長遠就要細心觀察有冇乜基本能力和或環境因素
Ps 睇下有乜eca佢想cut

作者: MrBeast 時間: 15-12-17 07:15

Pps 我會盡量安排到每日有時間去玩，就算是10分20分鐘，總之就找個理由去盡快完成功課。

作者: Jane1983 時間: 15-12-17 07:29

默書、測驗、各種吾同名目的計分野，其實好多學校都有好多，最好就係當佢係學習的一部份，盡力做好，吾好當佢係一件大事，咁就無咁大壓力。

每日有d時間hea玩都係重要，星期六日預早溫d亦可能幫到。佢吾開心，一定要幫佢

作者: HaYi 時間: 15-12-17 11:06

測默多其實會少野，只要家長不計較，小朋友壓力可能相對細，如留意下佢平旺、功課明不明，同補習社溝通下，如己明8，9成，測默温習由他們，回家看下書已ok

作者: IloveJJ 時間: 15-12-17 11:31 標題: 引用：我個囝小二，讀普通學校，唔係名校，但學校

提示: 作者被禁止或刪除內容自動屏蔽

作者: palmchristy 時間: 15-12-17 12:37

用去補習社的資源請個工人幫手, 咁小朋友就可以早些回家, 你仲唔駛做家務添, 大家壓力都細左.

但到時引來到小朋友返到屋企會唔會做功課, 以及要家長自己跟返功課的問題.

作者: babykenny 時間: 15-12-17 12:43 標題: 回覆：阿囝話大壓力，點算

多謝大家既意見，我會呢排都keep住同佢傾多啲計，盡量比佢休息，其實要佢放學去補習社，我都真係迫不得已，我自己收工收6點半，平時收工就買餸煮飯，煮好飯都8點了，食完都9點，仲要洗碗，沖涼，洗衫，對功課，搞得嚟其實都好夜，所以先想小朋友放學就盡量做好功課，咁我做家務既時候，佢就可以休息，睇電視，無奈佢又唔會在家自動自覺做，所以只好去補習社。。唉

作者: Yanamami 時間: 15-12-17 13:19

babykenny 發表於 15-12-17 12:43
多謝大家既意見，我會呢排都keep住同佢傾多啲計，盡量比佢休息，其實要佢放學去補習社，我都真係迫不得已， ...

同佢make a deal, 話如—个学期自己做好哂功課等你放工番黎食飯，就免佢去補習社｡唔知夠唔夠吸引力？

作者: 小J媽媽 時間: 15-12-17 15:14

樓主你個仔是獨子嗎?? 我覺得獨生兒放學後沒有兄弟妹妹一齊玩下傾下, 有D弧單, 感情及壓力無咁容易舒發。

或者俾佢參加多D 團體活動, 多D朋友仔一齊玩下, 等佢開心D

作者: Ling2014 時間: 15-12-17 17:53

我有時見小朋友一起去CENTER做功課都好開心, 你仔仔去CENTER 做功課,有沒有FRIEND 陪

作者: IloveJJ 時間: 15-12-18 09:52 標題: 引用：多謝大家既意見，我會呢排都keep住同佢傾多

提示: 作者被禁止或刪除內容自動屏蔽

作者: babykenny 時間: 15-12-18 12:10 標題: 引用：樓主你個仔是獨子嗎??+++我覺得獨生兒放學

原帖由 小J媽媽 於 15-12-17 發表
樓主你個仔是獨子嗎?? 我覺得獨生兒放學後沒有兄弟妹妹一齊玩下傾下, 有D弧單, 感情及壓力無咁容易舒發。 ...

是獨生子，但他放補習後，日日都可同表兄弟玩，因大家住樓上樓下

作者: babykenny 時間: 15-12-18 12:11 標題: 引用：Quote:原帖由+babykenny+於+15-12-17+發表

原帖由 IloveJJ 於 15-12-18 發表
我都覺得你可以試下同佢講，如果放學返屋企自己做晒識既功課先，可以唔駛去補習，睇下佢做唔做得到。我覺得 ...

我有請過工人，但已4個月了，都嚟唔到，agent收完錢，不停叫我換，最終放棄請工人了，唔想請完返嚟又要比錢送佢走

作者: babykenny 時間: 15-12-18 12:13 標題: 引用：我有時見小朋友一起去CENTER做功課都好開心

原帖由 Ling2014 於 15-12-17 發表
我有時見小朋友一起去CENTER做功課都好開心, 你仔仔去CENTER 做功課,有沒有FRIEND 陪
...

他有認識到新朋友，其實一直都無咩問題，佢話去補習社都好開心，仲話想我喺補習社幫佢報畫畫班添

作者: babykenny 時間: 15-12-18 12:14 標題: 引用：Quote:babykenny+發表於+15-12-17+12:43+多

原帖由 Yanamami 於 15-12-17 發表
同佢make a deal, 話如—个学期自己做好哂功課等你放工番黎食飯，就免佢去補習社｡唔知夠唔夠吸引力？ ...

之前有試過，唔得，次次都做漏，所以先去了補習社

作者: loveDD 時間: 15-12-18 15:02 標題: 回覆：阿囝話大壓力，點算

老實說，我都覺得每天7-8樣再加網上又真的太多。聽你說有表哥表弟住樓下，可以幫到手嗎？你說你小朋友自己做會做漏功課，那我估應該是補習社老師催過你個小朋友做快啲或批評過他的做功課態度，令佢有壓力。

作者: hotingmum 時間: 15-12-18 17:00 標題: 回覆：阿囝話大壓力，點算

樓主有冇join家長group?問下其他家長覺唔覺太多功課？大家合力同班主任講會好d!
另外，你有冇搵學校社工傾計？佢地可以幫到你！

作者: subb 時間: 15-12-18 17:26

有無打回校同班主任傾下 ???? 在校有無其他問題 ????
學校有無輔導主任可以傾下/留意下/開解下他???

作者: babykenny 時間: 15-12-18 21:22 標題: 引用：有無打回校同班主任傾下+????+在校有無其他

原帖由 subb 於 15-12-18 發表
有無打回校同班主任傾下 ???? 在校有無其他問題 ????
學校有無輔導主任可以傾下/留意下/開解下他???
...

有同老師傾過，佢話會幫我留意下小朋友

作者: babykenny 時間: 15-12-18 21:25 標題: 引用：老實說，我都覺得每天7-8樣再加網上又真的

原帖由 loveDD 於 15-12-18 發表
老實說，我都覺得每天7-8樣再加網上又真的太多。聽你說有表哥表弟住樓下，可以幫到手嗎？你說你小朋友自己 ...

我諗可能係，但呢間補習既老師我覺得他其實很好，他知道我要返工，回家又忙，所以他都會主動打比我話小朋友有咩問題，同埋見我有時放假去接囝，佢都會同我傾小朋友平時情況同埋邊方面較弱，可能因為咁，就有壓力

作者: babykenny 時間: 15-12-18 21:27 標題: 引用：樓主有冇join家長group?問下其他家長覺唔覺

原帖由 hotingmum 於 15-12-18 發表
樓主有冇join家長group?問下其他家長覺唔覺太多功課？大家合力同班主任講會好d!
另外，你有冇搵學校社工傾 ...

我都有嘗試同啲家長主動傾計，但佢地好似都不太理采我，我都溶入唔到佢地，唉…

作者: Olympian 時間: 15-12-19 12:50 標題: 回覆：babykenny 的帖子

其實我同意你仔功課不算少。有時候大人以為小朋友應付得來，其實他們可能已有一些壓力，而且抑壓了一段時間。每個人承受壓力的能耐唔同，對自己的要求又唔同，就算兩個人做功課都是快靚正，一個覺得輕鬆，另一個可已覺得有壓力，煩悶或覺得未夠好。而且你小朋友已好清楚講出，佢係因為功課而好大壓力，已是個警號。我覺得一定要先認同佢感受。再傾下功課壓力是來自數量，分數，還是難度，再商量下如何改善，或找出真正壓力的原因，到底真是功課或其他原因。

作者: skkeung 時間: 15-12-19 17:55 標題: 引用：其實我同意你仔功課不算少。有時候大人以為

原帖由 Olympian 於 15-12-19 發表
其實我同意你仔功課不算少。有時候大人以為小朋友應付得來，其實他們可能已有一些壓力，而且抑壓了一段時間 ...

專注力是王道!

歡迎光臨教育王國 (/)