教育王國

標題: 好煩！　佢話Ｄ女同學攪小圈子，攪到佢無朋友！ [打印本頁]

作者: WINLEG 時間: 15-12-15 10:14 標題: 好煩！　佢話Ｄ女同學攪小圈子，攪到佢無朋友！

好煩！　佢話Ｄ女同學攪小圈子，攪到佢無朋友！　同學校講左，　作用唔大. 因為lee個問題,佢好唔想返學, 功課都唔多想做, 睇見佢錦, 好難過. 小學時,佢好鍾意返學, 成績唔差,唉:l

但亞囡最唔開心係, 開學初,原本佢識左幾個朋友仔, 佢以為中學同學同小學一樣, 個個都可以做朋友. 就因為那兩個女同學攪小圈子, 叫其他同學唔同亞囡玩. 又在班會中, 唔比亞囡參予幫手,因那兩個女同學常要做大家姐,樣樣要話事, 其他同學都由得佢地.

現在,亞囡只有性格都係同樣文靜的三位女同學朋友! 和其他男同學(但亞囡唔想只有大部份男生,少部份女生)佢話原本之前識d朋友都聽那兩個女同學話,唔同亞囡玩,唯獨這三位(因她們是來另一間小學),所以無跟大伙玩杯{角],

作者: 黃巴士 時間: 15-12-15 14:28

本帖最後由黃巴士於 15-12-15 14:28 編輯

記得中學時代, 啱傾的走埋一堆, 不可能盡如人意. 有時候, 很難會全班同學都認同自己. 至於杯葛, 個位女同學有權, 你囡都有權唔JOIN, 唔係話杯葛就俾你杯葛. 其實, 何須介懷而影響自己中學生涯. 孩子學習處理人際關係, 都係中學社會的一課.

作者: 妹妹頭 時間: 15-12-15 15:21

回覆 WINLEG 的帖子

學校就等同將來社會既縮影, 依家就正正係一個好好既訓練, 如果依D情況都抵受唔住, 將來在社會做事, 唔係成間公司的人都會照自己心意, 一定會有小圈子, 我個人覺得, 依家樓主只須要同囡囡傾, 自己係冇辦法去改變別人既思想, 行為, 就只好自己去接受, 讀書只係為左讀書, 唔須要去理依D小圈子, 升上高FORM, 自己會消失

作者: 王家爸爸 時間: 15-12-16 08:12

WINLEG 發表於 15-12-15 10:14
好煩！　佢話Ｄ女同學攪小圈子，攪到佢無朋友！　同學校講左，　作用唔大. 因為lee個問題,佢好唔想返學, 功 ...

還以為只會喺女校先有人玩杯葛。

會唔會想辦法將被杯葛變成努力讀書既動力？

作者: Yanamami 時間: 15-12-16 08:36

本帖最後由 Yanamami 於 15-12-16 08:38 編輯

其实有三幾个文靜女同学同男同学，都唔算無“哂”朋友吖，好朋友幾个就夠｡就算唔係乜杯唔杯葛，都唔会同所有人friend啦~道不同不相為謀~要劝下个女唔好俾太多attention無謂人身上，focus係幾个要好d既同学仲好啦｡明年升班又有另一班同学咯~參加課外活动又会識另一班人，甚至另—級既人，真係洗乜理果d咀形唔啱既人呢？

作者: TwinWong 時間: 15-12-16 08:39

縮影, 至係提早訓練囡囡應辨能力,
我囡都係咁, 好彩佢图書館CLUB MEMBER, 唔開心時間, 佢就寄情咗向睇書到, 跟住佢發現心理學類書藉, 就了解到点点個人性格特質, 話唔多唔少向人與人之
間嘅沟通有得著, 話最紧要晒一分鐘向書到, 都唔好晒佢時間去嬲人

作者: 王家爸爸 時間: 15-12-16 08:45

TwinWong 發表於 15-12-16 08:39
縮影, 至係提早訓練囡囡應辨能力,
我囡都係咁, 好彩佢图書館CLUB MEMBER, 唔開心時間, 佢就寄情咗向睇書到, ...

参加學會活動都係好辦法。

作者: blee427 時間: 15-12-16 11:58 標題: 回覆：好煩！　佢話Ｄ女同學攪小圈子，攪到佢無朋友！

其實女孩子很多時都係咁，唔知嬲咩GA，但過一排後又會好返。當然人唔會個個都夾。唔夾咪唔一齊玩。我女之前都有這樣的現象，佢因為一D野嬲左個同學，咁面左左成個月，個同學又叫人唔好同我女玩。我女嬲GA，但我覺得只有自己跟阿女梳通情緒。而唔係插手佢跟朋友間的事情或去學校投訴。但上星期六再問佢跟那同學的事，佢話無事啦，傾返偈啦。有時有D事，俾返小朋友自己解決。佢哋好多時只係因為小誤會搞成咁。 take it easy. 及教小朋友學會放開自己及平常心。阿媽就要學識放手。最重要的是係唔好同個女一齊意氣用事，反而教佢冷對待一下，你唔同我玩，唔係我損失，我自己班無朋友，仲有社的，學會的朋友。無謂為一些無謂人勞氣。梳通女女的負面情緒比去投訴更重要。如果唔係欺凌，投訴俾學校是無用。

作者: anna59 時間: 15-12-20 21:38

正如我地去返工都糸賺錢，做完野未算羅，又吾糸去尋開心，識到三個朋友已經好好

作者: 王家爸爸 時間: 15-12-20 22:38

anna59 發表於 15-12-20 21:38
正如我地去返工都糸賺錢，做完野未算羅，又吾糸去尋開心，識到三個朋友已經好好 ...

但讀書同做工唔同，返工可以當過日晨，但返學有呢種想法就大件事。

作者: YDLFATHER 時間: 15-12-22 11:27

搞小圈子係正常, 話不投機半句多, 人生有一兩個朋友足矣!

作者: awah112 時間: 15-12-24 23:09

提示: 作者被禁止或刪除內容自動屏蔽

作者: skkeung 時間: 15-12-25 15:04 標題: 引用：好煩！　佢話Ｄ女同學攪小圈子，攪到佢無朋

原帖由 WINLEG 於 15-12-15 發表
好煩！　佢話Ｄ女同學攪小圈子，攪到佢無朋友！　同學校講左，　作用唔大. 因為lee個問題,佢好唔想返學, 功 ...

攪小圈子都要同學校講, 利害!

作者: TwinWong 時間: 15-12-25 23:53

YDLFATHER 發表於 15-12-22 11:27
搞小圈子係正常, 話不投機半句多, 人生有一兩個朋友足矣!

所以人越大, 越少知己朋友

作者: Artie 時間: 15-12-27 13:14

WINLEG 發表於 15-12-15 10:14
好煩！　佢話Ｄ女同學攪小圈子，攪到佢無朋友！　同學校講左，　作用唔大. 因為lee個問題,佢好唔想返學, 功 ...

其實，朋友圈好正常，一班幾十人，冇可能全部人一齊玩。
有人文靜，有人活潑，通常三至六個人一 group 。
呢方面冇分男女，大家性格唔同，唔一齊玩未必係杯葛，
當然，的確有D人是愛 "話事"，有D人愛做 "跟班"，亦有人不甘比人點。
其實一定冇可能全班聽佢 "點"，自己主動 D ，找一些岩傾的人做朋友。
其實小事，父母唔好將事情睇得太大。

作者: skkeung 時間: 15-12-27 22:24 標題: 引用：Quote:WINLEG+發表於+15-12-15+10:14+好煩

原帖由 Artie 於 15-12-27 發表
其實，朋友圈好正常，一班幾十人，冇可能全部人一齊玩。
有人文靜，有人活潑，通常三至六個人一 group 。
...

工作地方, 也不是小圈子嗎? 家長同老闆投訴?

作者: ANChan59 時間: 15-12-28 10:08 標題: 引用：Quote:WINLEG+發表於+15-12-15+10:14+好煩

原帖由 Artie 於 15-12-27 發表
其實，朋友圈好正常，一班幾十人，冇可能全部人一齊玩。
有人文靜，有人活潑，通常三至六個人一 group 。
...

大圈子又好，小圈子又好，我們的家隨時歡迎他們來家中玩，好多由小學玩到現在大學，不單了解班同學仔，他們父母都好熟，變成大圈子。當年他們入大學，他們自己慶祝，家長有家長一齊慶祝！

但不可能全班，全級，貪字變貧，貴精不貴多！

作者: angelfan07 時間: 16-1-4 09:50

WINLEG 發表於 15-12-15 10:14
好煩！　佢話Ｄ女同學攪小圈子，攪到佢無朋友！　同學校講左，　作用唔大. 因為lee個問題,佢好唔想返學, 功 ...

沒有可能要所有人認同自己,交朋友也一樣,你女不是沒有朋友~~~~~

作者: skkeung 時間: 16-1-4 12:47 標題: 引用：Quote:WINLEG+發表於+15-12-15+10:14+好煩

原帖由 angelfan07 於 16-01-04 發表
沒有可能要所有人認同自己,交朋友也一樣,你女不是沒有朋友~~~~~

就係咁! 家長完美示範直升機家長!

歡迎光臨教育王國 (/)