教育王國

標題: 沙田有無邊間中中喺微調政策下有開英文班？ [打印本頁]

作者: dreambuy05 時間: 15-12-12 20:35 標題: 沙田有無邊間中中喺微調政策下有開英文班？

亞仔成績一向屬於1 b，五年班果次呈分試果次考得唔錯估計二十幾名，點知可能其他同學發力，阿仔呢次數學科失手，老師話依家拉勻２次呈分试，保守估計係ｂ1包尾果個，問老師到底係第幾名，老師又唔肯講。今次既成績係佢讀小學以黎最差既一次，最後淨係知依家拉匀應該係四十幾名. 真係晴天霹靂! 阿仔間學校唔計直資學校個d ，舊年考入英中的有50個，所以我一向以為應該以為佢應該穩陣陣入到band one，我依家好擔心，但係我唔敢再比壓力阿仔，因為岩岩果次呈分試，考試之前果幾日，佢已經瞓唔到覺，最後我要帶佢去睇醫生，開Ｄ眼瞓藥俾佢。我唯有安慰自己，萬一最後考唔入英中，就算入左中中，都可以喺成績比較好過果批，人有自信d，機會都可能多Ｄ。不過，我想知道沙田中文中學，有冇邊一間係會有的精英班係英文班，有無媽咪可以分享吓？

作者: pcy307 時間: 15-12-13 07:46 標題: 回覆：dreambuy05 的帖子

沙田區B1位應該有剩，大抽奬時試下聖心、郭得勝、林漢光等，可能執雞入到，好過自行就舉手入中中。

作者: Cat108 時間: 15-12-13 10:16 標題: 引用：沙田區B1位應該有剩，大抽奬時試下聖心、郭

原帖由 pcy307 於 15-12-13 發表
沙田區B1位應該有剩，大抽奬時試下聖心、郭得勝、林漢光等，可能執雞入到，好過自行就舉手入中中。

...

沙田，有那些B1尾學校，可以比B2頭的小朋友試，或那些B2有英文班？

作者: 王家爸爸 時間: 15-12-13 10:41

dreambuy05 發表於 15-12-12 20:35
亞仔成績一向屬於1 b，五年班果次呈分試果次考得唔錯估計二十幾名，點知可能其他同學發力，阿仔呢次數學 ...

我覺得有三件事要做：第一，減低小朋友既憂慮。考試最大既敵人係睡眠不足、唔夠休息(尤其是數科)。
第二，你既小朋友接受壓力能力可能不太强，所以多鼓勵小朋友，令他覺得自己仍然OK，唔好令佢失信心。
第三，同時將目標放在B1C英中。我相信一個B1B生讀B1C中學，應該可以做到校內上游成績。

以你小朋友既具體情況，我唔覺得現階段考慮中中(即使有英文班)係一個正確做法。

作者: www 時間: 15-12-13 17:42

dreambuy05 發表於 15-12-12 20:35
亞仔成績一向屬於1 b，五年班果次呈分試果次考得唔錯估計二十幾名，點知可能其他同學發力，阿仔呢次數學 ...

若係Band 1B 或 1C，自行階段不要選Band 2學校。因大抽獎時，所有Band 1機會相等，而且沙田區大把Band 1學位。

作者: KITMAN622 時間: 15-12-13 19:07 標題: 回覆：沙田有無邊間中中喺微調政策下有開英文班？

請問b2中，自行是否不應選b1中學？

歡迎光臨教育王國 (/)