教育王國

標題: 小朋友面試喊或吾答問題揮手區 [打印本頁]

作者: puichingforsure 時間: 15-12-6 13:51 標題: 小朋友面試喊或吾答問題揮手區

提示: 作者被禁止或刪除內容自動屏蔽

作者: ella_805 時間: 15-12-6 14:00 標題: 回覆：小朋友面試喊或吾答問題揮手區

唔好唔開心！真係好睇小朋友當日心情同精神，唔扭計我當好彩！

作者: Korira 時間: 15-12-6 14:30 標題: 回覆：小朋友面試喊或吾答問題揮手區

我個單對單反而好啲，一group in 就唔答問題，投降⋯其實咁細個，去到陌生環境唔慣好正常，我唔怪佢。

作者: kiki826 時間: 15-12-6 14:37 標題: 引用：我小朋友就系噤，一系喊一系吾答老師問題，

原帖由 puichingforsure 於 15-12-06 發表
我小朋友就系噤，一系喊一系吾答老師問題，又或者扭曬計，不過我每次完成面試都好以自己小朋友為榮，兩歳多 ...

其他家長可能佢地小朋友唔係次次情緒咁穩定，真係睇佢地心情，如果唔喊，真係出乎意料之外。

作者: cameo 時間: 15-12-6 14:40 標題: 引用：我小朋友就系噤，一系喊一系吾答老師問題，

原帖由 puichingforsure 於 15-12-06 發表
我小朋友就系噤，一系喊一系吾答老師問題，又或者扭曬計，不過我每次完成面試都好以自己小朋友為榮，兩歳多 ...

我大女已中學，細仔今年in K1⋯⋯
我大女係嗰種超合作淡定型，細仔就200%視乎心情（面試可以有極端反應，超合作or超玩野都有，佢完全唔怕醜）
可能有大女經驗下，心態真係改變左，要認叻咩？到大學嗰part先講啦⋯

咪理佢地啦，幼稚思想嘅怪獸嚟啫⋯

p.s我認同要多欣賞自己仔女，但不是用踩低人去抬高自己嘅方式！

作者: 964000 時間: 15-12-6 20:00 標題: 引用：Quote:原帖由+puichingforsure+於+15-12-06

原帖由 cameo 於 15-12-06 發表
我大女已中學，細仔今年in K1⋯⋯
我大女係嗰種超合作淡定型，細仔就200%視乎心情（面試可以有極端反應，超 ...

作者: socute 時間: 15-12-6 22:01 標題: 回覆：小朋友面試喊或吾答問題揮手區

我反而見到有媽咪一出來就質問小朋友剛才點解唔識，真是唔好咁大壓力啦！我同我小朋友講去玩喳，講得去玩就緊係玩完就算，唔通去完公園問點解頭先唔玩秋千

作者: boyandes 時間: 15-12-6 22:12 標題: 回覆：puichingforsure 的帖子

幼稚園interview 真是好講緣份，好似我個仔就唔鍾意唱歌跳舞，一教呢樣就等如唔洗考，但另外一個角度看，好多資優或者有才華的人都好有個性，唔合作好正常傘

作者: Saboc 時間: 15-12-6 22:16

其實講者未必全有心、自己小孩叻難免有自豪感

但聽者會好在意😪

作者: Saboc 時間: 15-12-6 22:19

小孩不停改變，你們要加油。老實講、當你小孩叻叻時，你們也會自然感到自豪。到時別忘體恤別人的感受

作者: Gghui 時間: 15-12-6 22:36 標題: 回覆：puichingforsure 的帖子

我個女in培正一入學校範圍就喊，直至離開。佢平常係唔出聲冷靜型。亱晚臨瞓傾計，佢自己講「今日去學校我喊呀, 好驚呀。」唉心都up埋。其實，做父母要「鼓勵」佢完成成個interview過程都幾狠心但無奈。

作者: MSWONG1001 時間: 15-12-6 23:23 標題: 回覆：小朋友面試喊或吾答問題揮手區

我小朋友係保險型，驚錯唔敢答，頭幾次iinterview 完全唔敢講咁制，起初我in完都会責怪佢，明明識又唔答!但後來又諗，兩歲咋，想点？？大人返工開会都唔係個個敢开声講野啦(包括我自己)
樓主講嗰種家長我冇遇過，反而老師反應真係好反映到個老師的專業同愛心，有位老師見到我小朋友咁，即時好冇耐性，個樣話俾我知:唔識講野咪黎考啦！我作為阿媽真係好難受。

作者: puichingforsure 時間: 15-12-6 23:30 標題: 引用：我小朋友係保險型，驚錯唔敢答，頭幾次iint

提示: 作者被禁止或刪除內容自動屏蔽

作者: balj 時間: 15-12-6 23:34

提示: 作者被禁止或刪除內容自動屏蔽

作者: taiyeung 時間: 15-12-6 23:37 標題: 回覆：小朋友面試喊或吾答問題揮手區

我女第一間in民生唔出聲，明明識答又唔講(平時講野好叻），好彩老師有耐性慢慢引導，問完字母數字再問返圖片，最後都叫有反應完成左。我當日忍唔住一上的士就鬧佢，佢係咁喊係咁講對唔住，我冷靜落黎覺得自己好衰hurt到佢，於是下午另一場interview改用鼓勵形式，雖然最終佢只答岩七成，但我都勁讚佢，獎勵佢去公園玩，自此佢對interview有返信心，愈戰愈勇仲識舉手答。有無offer都好，家長都應欣賞小朋友過程中既成長

作者: balj 時間: 15-12-6 23:46

提示: 作者被禁止或刪除內容自動屏蔽

作者: jojosesame 時間: 15-12-7 01:52

Group in 對小朋友是有壓力的，壓力是他突然要坐低對住5、6個唔識既人講野，又無玩具，我覺得仔仔喊著走係正常。我咪當他唔鍾意個間幼稚園囉，又順便觀察下老師點樣應付呢種情況，有無耐性同愛心。個人認為揀岩賽道比贏在起跑線對小朋友更重要！

作者: Saboc 時間: 15-12-7 07:43

其實成件事成個生態係好荒謬。但又要無奈接受。當然如果家長係對學校無要求，可以對這種生態置諸不理。但現實係大部分嘅家長都唔多唔少甚至全力配合這個市場。考到好學校就會好excited.甚至有些家長對某些學校神化。但長路漫漫，升小升中升大揾工....路遙才知馬力。

歡迎光臨教育王國 (/)