教育王國

標題: 十年同行分享：亞氏保加症 [打印本頁]

作者: 朱雅靜 時間: 15-12-6 01:19 標題: 十年同行分享：亞氏保加症

剛剛PM回覆了一位媽媽，她的仔女便是有亞氏保加症，其實亞氏保加症多會在三歲後，因為社交的障礙及溝通了解上出現明顯的差異才會被評估。更有部份的亞氏仔在拍拖或工作時時才會發現。

·
亞氏仔智力為正常，部金份更會是資優或特別能力（如：記憶力特強），

·
部份亞氏仔會有大小肌肉不協調或遲緩（我覺得因為他們想得快過行動，或者想十樣隻手仔同腳仔都做唔切）

·
行為十分固執，特別是處理溝通及人際關係上，例如：唔明點解要有朋友，唔識幾時講多謝，幾時講對唔住

·
十分沉迷一種興趣，如火車、星球、甲蟲，可以連續玩二至三小時，每一天都玩

1.
係唔係大部份都係資優？

唔係，亞氏保加症的小朋友大部份都是正常智力，但係亞氏保加症一般記憶力較好，同埋對有興趣的事情十分專注，所以會在某方面較一般入強

2.
亞氏保加症的小朋友社交上會出現什麼問題？有什麼方法處理？

亞氏仔好多時不會主動合群，不能了解為何要朋友。不懂得正確表達自己，常不能了解形容詞或誇張的說話，往往會誤會別人的意思。不能了解別人或自己的情緒，對自己或別人的感受，亞氏仔不能處理。常常講自己有興趣的事，但是從來沒有理會別人是否在聽或別人的反應。（我覺得有一點大老闆的特質，自我中心及自我感受良好。）藥物及行為治療都可以改善情況。

3.
在學校會遇到什麼問題？

學校老師會覺得亞氏仔好難攪或者是對抗性，因為亞氏仔不過理會別人的感受，在老師上堂時，會不理老師的教學，只係專注自己的興趣，如向別人講野（唔係傾計，大部份都是他主動講自己想講的說話給人知），當老師要罰時，亞氏仔會表示不明白。

與同學關係差，容易成為被欺凌的對象，部份亞氏仔身體會不協調或無故攪動身體，會容易受其他同學取笑或攻擊

作者: Jjchow2015 時間: 15-12-7 11:13 標題: 回覆：朱雅靜的帖子

如果小朋友考到一線小學，其實是否也未必合適？

作者: 朱雅靜 時間: 15-12-9 15:45

Jjchow2015 發表於 15-12-7 11:13
如果小朋友考到一線小學，其實是否也未必合適？

其實都唔可以咁講，好睇亞氏仔的能力亞氏仔之所以叫高能力，是因為他們除了好記性外，他們學習其他新事物一般都會較自閉的小朋友快，他們面對同壓力都較一般人強（因為他們都唔係好知什麼係壓力），如果他們可找到一至二個好知己可以陪伴會較為好。
他們只係與別人相處溝通時較為弱，其實好多小朋友他們到了小學時，已經知道自己在同輩間應該做什麼行為，他們一般都會用自己的自制能力先處理，所以他們都必未會好差。如果父母可以早一點識別，多與他們進行訓練，他們會表演得更好。

作者: Jjchow2015 時間: 15-12-9 15:59 標題: 回覆：朱雅靜的帖子

成日怕傳統學校不合適他！可能我自己冇信心！因為仔的專注好選擇性！

作者: 朱雅靜 時間: 15-12-9 16:22

Jjchow2015 發表於 15-12-9 15:59
成日怕傳統學校不合適他！可能我自己冇信心！因為仔的專注好選擇性！

...

係，亞氏仔的專注係自己都不能解釋，所以可以有好多好奇怪的原因鐘意或唔鐘意某一科，或者係某一種測驗默書方法。媽媽比多一點信心，其實他們真係有好多好多野係比一般人優勝，只係是好小心同仔細地發掘

我之前所以的同輩問題，以我所以小一至三都不是太大問題，小五同六才會出現，如果媽媽早一點和他做訓練，對他有同理的期望，其實他的學校生活可以好開心

作者: 朱雅靜 時間: 15-12-9 16:24

另外，功課上的衝突同處理要較為小心，一線學校的功課量同測驗都會較多，所以你們好留心小朋友的情緒變化，不可迫得太緊，他們較一般小朋友敏感同反抗力大

作者: Destination121 時間: 15-12-9 16:57 標題: 引用：另外，功課上的衝突同處理要較為小心，一線

原帖由 朱雅靜 於 15-12-09 發表
另外，功課上的衝突同處理要較為小心，一線學校的功課量同測驗都會較多，所以你們好留心小朋友的情緒變化， ...

兒子剛三歳，有自閉傾向。不知是否亞氏（評估說太早定亞氏如否）。記性是好的及手腳協調都是差的。如你說，他好像不太喜歡與人溝通，跟家人是還可以的。很多時候，他好像在背答案，不知他理解如否。有沒有什麼方法可增加他的溝通興趣？Thanks

作者: Jjchow2015 時間: 15-12-9 17:19 標題: 回覆：朱雅靜的帖子

多謝你的提醒與分享！
我相信每個人強處與弱處也不同，現時要努力協助小朋友加強弱處同發揮他的優點！香港d學校，如果小朋友強處發揮得好，我覺得他們的弱點會被包容！

作者: irenelwl 時間: 15-12-9 18:21

兒子剛評估自閉症譜系，問心理學家是否阿氏，他不答，說現在不分。

作者: wballp 時間: 15-12-9 18:25 標題: 回覆：十年同行分享：亞氏保加症

我仔是阿氏但不嚴重,學術很好。心智解讀的確較弱,我為他揀了間較傳統的學校,放棄了活動教學的小學。因怕他分组社交有困難。我有否揀错?很担心。

作者: LeeCC 時間: 15-12-9 22:20

我仔讀緊活動教學的學校二年級，他適應得不錯，也因為要常分組討論進行活動，他變得主動，與人的互動也多了，所以活動教學也有其好處

作者: LeeCC 時間: 15-12-9 22:21

irenelwl 發表於 15-12-9 18:21
兒子剛評估自閉症譜系，問心理學家是否阿氏，他不答，說現在不分。

CP都系甘答我

作者: irenelwl 時間: 15-12-9 23:06

回覆 LeeCC 的帖子

但朋友兒子只是早我1個月在另一間評估中心，有在自閉症譜系旁括著阿氏，所以我才問我見的心理學家，但他不願回答。

作者: wballp 時間: 15-12-9 23:45 標題: 引用：我仔讀緊活動教學的學校二年級，他適應得不

原帖由 LeeCC 於 15-12-09 發表
我仔讀緊活動教學的學校二年級，他適應得不錯，也因為要常分組討論進行活動，他變得主動，與人的互動也多了 ...

咁我更担心選錯了。。

作者: babecat1 時間: 15-12-9 23:53 標題: 引用：回覆+LeeCC+的帖子但朋友兒子只是早我1個

原帖由 irenelwl 於 15-12-09 發表
回覆 LeeCC 的帖子

但朋友兒子只是早我1個月在另一間評估中心，有在自閉症譜系旁括著阿氏，所以我才問我見 ...

我仔也是自閉譜系，現在於區內(傳统)一線頭小學讀二年級，剛剛考試完畢，全級129人考第7名，還記得三歲評估時(當時情況很差)醫生建議入讀特殊幼兒中心，也讀了一年特殊幼兒中心，我覺得小朋友變化很大，大家千萬別放棄，努力

作者: babecat1 時間: 15-12-10 00:00 標題: 回覆：wballp 的帖子

我仔也是自閉譜系，現在於區內(傳统)一線頭小學讀二年級，剛剛考試完畢，全級129人考第7名，而社交方面在學校也有几個要好的同學仔，還記得三歲評估時(當時情況很差)醫生建議入讀特殊幼兒中心，也讀了一年特殊幼兒中心，我覺得小朋友變化很大的，大家千萬別放棄，努力

作者: CALVEN 時間: 15-12-10 07:00

我仔前年在瑪麗確診,醫生好明確告知我是亞氏,連確診信都寫是亞氏

之於學習成績,未必會差,我仔近幾次考試都係全級第一名.

作者: LeeCC 時間: 15-12-10 07:03

wballp 發表於 15-12-9 23:45
咁我更担心選錯了。。

也未必的，是否適合活動教學也要看性格

我仔本身中意同人玩，但唔識同人玩，所以分組的活動教學讓他學到技巧

但如果小朋友本身比較抗拒面對人，可能覺得同學好煩，變得吾合作

作者: LeeCC 時間: 15-12-10 07:11

我仔一年級時都係全級頭30%，我覺得很滿意，因為我無早教學術，他差不多全部都是在學校學的

但上二年級學習問題逐漸浮現，單靠記性好已不足夠，閱讀理解直頭系死穴，開學到現在未試過拿到分，數學的文字題一樣看不明題目，讀上去真有點困難

作者: LeeCC 時間: 15-12-10 07:58

香港d學校，如果小朋友強處發揮得好，我覺得他們的弱點會被包容！

==>非常同意

作者: llam1210 時間: 15-12-10 09:19 標題: 回覆：LeeCC 的帖子

謝謝分享，請問仔仔會否易發脾氣，或幼稚園時可有要好的同學？我也在煩選校，傳統又怕他有情緒問題；活動又怕他不主動。我們是i位學術唔太差，老師話他上課留心，但易發脾氣有情緒，另少主動和同學玩。

作者: irenelwl 時間: 15-12-10 11:46

我想請問去評估中心做評估, 你們都有做全套的智能測試嗎?

作者: babecat1 時間: 15-12-10 12:37 標題: 引用：我想請問去評估中心做評估,+你們都有做全套

原帖由 irenelwl 於 15-12-10 發表
我想請問去評估中心做評估, 你們都有做全套的智能測試嗎?

我不知道是否全套，但很定有做韋氏智力評估

作者: irenelwl 時間: 15-12-10 12:46

我朋友給我看就只有2部份做了，所以這樣問，同埋我見咁多小朋友讀書都咁叻，佢地智力係咪都比正常人高?

作者: LeeCC 時間: 15-12-10 14:38

irenelwl 發表於 15-12-10 11:46
我想請問去評估中心做評估, 你們都有做全套的智能測試嗎?

無正式做智力評估，只在CAC見兒科醫生做小一評估，話智力屬於正常範圍，可以讀主流學校，就係甘多

作者: irenelwl 時間: 15-12-10 15:01

回覆 LeeCC 的帖子

咁真係個個都唔同，我仔做，心理學家話有做，但個套係以本地兒童為標準，及版本舊dd的

作者: piglet0529 時間: 15-12-10 15:28 標題: 引用：回覆+LeeCC+的帖子咁真係個個都唔同，我

原帖由 irenelwl 於 15-12-10 發表
回覆 LeeCC 的帖子

咁真係個個都唔同，我仔做，心理學家話有做，但個套係以本地兒童為標準，及版本舊dd的 ...

我仔小一前評估評了智力正常, 但他明顯數理較好, 其實CAC不是評資優的地方, 只是如果評估為有限或較低的智能或會建議入特殊吧!

作者: raff 時間: 15-12-10 15:50

回覆 piglet0529 的帖子

請問是否CAC有FILE的小朋友都會有小一評估? 定要自行份表有填特殊需要先有?

作者: LeeCC 時間: 15-12-10 16:07

raff 發表於 15-12-10 15:50
回覆 piglet0529 的帖子

請問是否CAC有FILE的小朋友都會有小一評估? 定要自行份表有填特殊需要先有?

有file就評估，大約五歲多d評估，我系交左自行表才做評估

作者: piglet0529 時間: 15-12-10 16:11 標題: 引用：回覆+piglet0529+的帖子請問是否CAC有FIL

原帖由 raff 於 15-12-10 發表
回覆 piglet0529 的帖子

請問是否CAC有FILE的小朋友都會有小一評估? 定要自行份表有填特殊需要先有?

要有CAC file, 我小一form沒有填SEN, 也可有評估, 反而聽過讀緊I位要小一form填左SEN才可再作評估

作者: raff 時間: 15-12-10 16:20

回覆 piglet0529 的帖子

我係I位,但自行無填, 因為驚影響叩門. 但我地而家自行成功左,想早D通知學校
等我再問CAC先

作者: 朱雅靜 時間: 15-12-10 17:20

大家媽媽好，我真係好開心見到大家有咁好的交流，這亦都係我開呢個GROUP的原因，我都希望可以有更好的資訊分享給大家，你們的問題好多，我試下回應，如有遺漏，請大家補充。
1. 作評估，如果做私家的評估（香港現在都有幾間做得好全面的評估）其實做得好深入都有，不過坦白講是否有咁的需要。我常常都同家長講，知道自己小朋友有這一個傾向，已經足夠作訓練，所以CAC都可以。有部份的測驗係做得好深入但係都唔會話因為做評估好詳細而在訓練上有好多的不同。我好明白家長當然想做得越詳細越好，建議如果你有錢便去做。
2, 普遍醫生都會分亞氏定自閉，CP／EP／ T就唔會咁分，因為早年在美國有人提出（我唔記得邊個）話這個分法係限制了小朋友的發展，應該是話小朋友有特別需要，或有什麼傾向便可以，所以唔一定要分得好清楚（所以現在都唔會避免用"症"而用"傾向"）。不過醫生有時會開葯，所以會分便得仔細一點。我覺得作為家長，重緊要多觀察自己的小朋友，多一個名定小一個名其實都係希望可以更有效幫到自己的小朋友，知道便知，唔知都唔需要一定分出來。
1. 活動教學定傳統教好，老土講每個小朋友都有唔同特質，所以好難話邊個合適（真係好行）。我自己所見，我覺得亞氏仔，如果他的智力或記性較好，其實傳統學校會較好，點解呢？因為傳統學校唔需要咁多同其他小朋友的溝通及連絡，亞氏仔自己做可以做得好好，同人做便十次有八次都吵，所以傳統學校會較合適。正如有幾位媽媽都分享，仔仔讀書好，考試好，我相信可以比正能量比我們這班媽媽。活動教學的確係比較輕鬆，但係與人合作的機會多，所以會較容易產生磨擦，如果老師可以及早識別，安排有愛心的小天使在他們身邊，與他們同組，咁便會提升到他們的學習。
2. 學習上因為亞氏仔是較背記，所以他們會容易（特別在低年班）取得高分，但係到高年班，要對一些抽象概念或者是理解等便會好易出事，例如：亞氏仔唔明”天朗氣清”他們便會中背唔到課文，因為他們停在天點解會朗？氣點解會清？數學一向是亞氏仔強項，但一去到文字題便出事，如：橙是蕉的四倍，他們會唔明什麼係四倍
3. CAC我建議家長有懷疑便帶他們去，因為這是一個影響小朋友一生的評估，我會覺得做左先，千期唔去怕派唔到學校唔去。CAC你們可以自行去或者係學校做都得，只要有醫生／CP／EP轉介便可以。補充資料：S位係可以轉返做I位，所以唔好放䢡。另外，好多家長都好似RAFF都唔會填I位，到入左再講，（細細聲講

：其實的確會因為I位唔收）咁其實讓學校的資源失預算，（官腔

）唔應該咁做

作者: piglet0529 時間: 15-12-10 17:35 標題: 引用：回覆+piglet0529+的帖子我係I位,但自行無

原帖由 raff 於 15-12-10 發表
回覆 piglet0529 的帖子

我係I位,但自行無填, 因為驚影響叩門. 但我地而家自行成功左,想早D通知學校

如你己註冊, 又不是名校的話, 盡早通知小學吧, I位其實不一定要評估的, 因為你可以比I位報告比小學

作者: LeeCC 時間: 15-12-10 17:51

數唔一定強，論數感弱，我個就係人版，教數教到我叫救命，未計文字題，文字題根本系難度挑戰

作者: Jjchow2015 時間: 15-12-10 18:24 標題: 回覆：babecat1 的帖子

我仔現在k1, 十分愛說話同問問題，可以在校車全程不停講，同埋好經常明知故問, 好易情緒化，仲有專注十分選擇性，可以分享可以點幫他們？

作者: irenelwl 時間: 15-12-10 19:33

做完評估，就算確診了，都覺得政府無乜支援，還是要自費找外援，明年小一了，真的擔心適應唔到。我仔情緒，同理心都較差。

作者: piglet0529 時間: 15-12-10 19:45 標題: 引用：做完評估，就算確診了，都覺得政府無乜支援

原帖由 irenelwl 於 15-12-10 發表
做完評估，就算確診了，都覺得政府無乜支援，還是要自費找外援，明年小一了，真的擔心適應唔到。我仔情緒， ...

學前多的支援, 上小一後看個別學校做得好不好, 最理想係2-3歲便確珍了排到學前服務, 但有時唔係咁早確診又代表情況不嚴重呢！

作者: LeeCC 時間: 15-12-10 20:47

我仔五歲初步話系亞氏，六歲才正式評估為ASD

作者: LeeCC 時間: 15-12-10 22:48

耀能有本自閉學童升小一的家長手冊，好實用，值得看，在家為孩子預備升小

作者: llam1210 時間: 15-12-10 22:53 標題: 回覆：LeeCC 的帖子

請問是什麼書名

作者: piglet0529 時間: 15-12-11 06:35 標題: 引用：我仔五歲初步話系亞氏，六歲才正式評估為AS

原帖由 LeeCC 於 15-12-10 發表
我仔五歲初步話系亞氏，六歲才正式評估為ASD

我仔就14年四歲半ASD(醫生提及亞氏但話已不用這名稱), 之後5歲幾見精神科問佢係咪亞氏, 他說曾有言語delay不算, 總之已歸入ASD, 小一入學近六歲只沿用之前確診ASD, btw其實我自己覺得是雙重特殊但政府不會咁評因他們不是test資優的地方, 我仔細仔剛上小一, 要再細分就要大的私人再check, 看有冇需要吧!? 仔記性只是略好, 在一缐尾傳統谷但不算最甚的小學讀, 第一次考試成績不俗, 數理很好, 只閱讀理解不看題目自己自創答案扣分, 因為學校近便, 仲有很多時間剩比佢的天文地理興趣, 而適應方面因為一早看了不少小一適應書包括LEECC那本, 對佢多番提點適應良好有朋友仔, 但看到不斷需要學習及調整行為技巧, 社交反應略豬豬的, 正常仔是自動波的, 不過keep到很強烈的享受同其他人玩, 所以很受教, 有固執行為但不悪意, 尊敬師長不反抗所以不大影響他人, 小學有個別言語及將有社交小組跟進, 不過很疏的不能同學前比

作者: LeeCC 時間: 15-12-11 07:32

llam1210 發表於 15-12-10 22:53
請問是什麼書名

從轉,適應到融合——協助自閉學童適應普通小學，家長篇

作者: irenelwl 時間: 15-12-11 08:34

回覆 piglet0529 的帖子

剛5歲才確診，沒有支援，只給一堆自費及資助機構的簡介你看。建議做言語社交小組，轉介醫院排到明年6月先第1次會面。回覆醫院服務對我仔這年齡已是最高及最多的服務。未確診前已自費上一些社交及職業治療，費用很貴，但見效果，尤其情緒方面，(我仔兼有活躍及衝動表現，adhd待上小再見精神科醫生觀察先落實確診要否吃葯)本以為政府確診可減輕點負擔，原來都唔係。

作者: piglet0529 時間: 15-12-11 08:40 標題: 引用：Quote:Jjchow2015+發表於+15-12-9+15:59+成

原帖由 朱雅靜 於 15-12-09 發表
係，亞氏仔的專注係自己都不能解釋，所以可以有好多好奇怪的原因鐘意或唔鐘意某一科，或者係某一種測驗默書 ...

請教一下, 我見我仔小一冇乜問題, 咁到高小亞氏仔多出現咩問題? 是否我現在多爭取社交機會給他, 到高小會好的? 有咩其他要注意?

我有時見他真的好多自己意見的提出, 不大理它人, 唔該及對唔住雖然明白那情景需要講但很少講, 但佢周時keep到微笑所以暫時看還可以

作者: piglet0529 時間: 15-12-11 09:14 標題: 引用：回覆+piglet0529+的帖子剛5歲才確診，沒

原帖由 irenelwl 於 15-12-11 發表
回覆 piglet0529 的帖子

剛5歲才確診，沒有支援，只給一堆自費及資助機構的簡介你看。建議做言語社交小組 ...

學前可能沒有了, 我仔早你仔幾個月確診，兼之前已排言語治療及職業(小肌肉)治療, 所以這兩項趕及上左幾堂, 精神科我當時四月見第一次, 勉強比到暑假上小一的遊戲小組, 幾好的比佢學多點同小朋友群體遊戲學輸贏, 如你仔趕不及也盡量利用暑假上遊戲社交或小一適應, 你仔兼有衝動ADHD? 千萬要keep精神科看症, 因為上小學後好多要政府report, 同埋精神科先開到藥(當然情況需要才要用藥)

作者: irenelwl 時間: 15-12-11 09:59

回覆 piglet0529 的帖子

剛過暑假開始已持續自費上一d社交及情緒小組, 都報左協康的小一適應班,希望會收, 等1月面試。精神科明年3月先見第一次, 我都知要keep住見, cac的職業治療師係咁強調我仔無感統問題, 又話佢小肌好好。
但小朋友真係渣唔到筷子, 佢都試過佢係做唔到, 只叫我們練習。但我私人的職業治療師, 及小童群益會的幼兒導師都話我仔感統有問題, 小肌差..... 真係覺得係政府見, 好似唔到最嚴重都叫無問題咁, 唉。

作者: 朱雅靜 時間: 15-12-11 10:29

回覆 Jjchow2015 的帖子

有沒有診斷？

作者: piglet0529 時間: 15-12-11 10:32 標題: 引用：回覆+piglet0529+的帖子剛過暑假開始已持

原帖由 irenelwl 於 15-12-11 發表
回覆 piglet0529 的帖子

剛過暑假開始已持續自費上一d社交及情緒小組, 都報左協康的小一適應班,希望會收, ...

係, 政府上左幾堂就話我仔pass冇得上了! 除非你仔第日小學小功課, 如果不是便要手肌好, 做功課才快, 其實你也可以去學游水或擧石也可以練手肌

作者: 朱雅靜 時間: 15-12-11 10:49

1. 復康黃金期係一至六歲，所以政府資助只係到六歲（學前），六歲之後，政府覺得I位或S位己是資助，有CP或EP一年或半年來看看小朋友比比意見，大部份時間都係交比社工同老師，坦白，有時候唔係嚴重影響課堂，社工同老師跟本未必理（好彩校長明事理會比多一點資源或請多半個社工跟，如果唔好彩，好多都係放在差班由得佢自生自滅，所以香港對有特別需要小朋友的照顧真係。。。。TSA又識得攪，正經野又唔做）
2. 我個人覺得千期千期唔好等政府，因為政府如CAC所講的嚴重，同我們一般家長覺得嚴重是分別好大，他們的ASSESSMENT好麻目一點都唔HUMAN（個人感觀），我認為小朋友的發展過左便過左，追都追唔番，有能力的一定一定要比佢去報NGO的服務，（唔係買廣告﹐因為我唔係佢地顧員）耀能同協康都好好，基督教服務處都可以，私人方面STEP會較好。

作者: 朱雅靜 時間: 15-12-11 10:49

1. 我經驗言語治療同小組社交活動最好報，可能好多家長都唔知，言語唔係只係溝通，而係腦部的思考訓練同組織，這是一個好重要的練訓幫助他們腦部發展。社交小組我想大家都明白，唔解釋。OT便因自己小朋友，小肌肉弱便一定要訓練，因為協調都係腦部發展的一部份。不過報了什麼都好一定一定千期千期要多在家做練習，唔好懶，自己唔得教姐姐幫手，唔好以為看了治療便一了百了，一定要努力
2. 耀能同協康都有出書，好多都好實用，我自己好多資料都有參考，所以值得一看。

作者: 朱雅靜 時間: 15-12-11 10:50

有家長PM話我的MES太長好難睇，所以分開出來呃生產力

作者: unfunny 時間: 15-12-11 11:08 標題: 回覆：朱雅靜的帖子

不要理會別人看法，問心無愧就得，多啲資訊係幫助到我地一班又迷惘又擔心的家長，希望繼續分亨，謝謝。

作者: Jjchow2015 時間: 15-12-11 12:01 標題: 回覆：朱雅靜的帖子

2.5 yrs 已診斷為asd! And the psychologist said should be Asperger but they don't just this name now

My son is 4 yrs old now and joined ot, st and social class in the past year

作者: irenelwl 時間: 15-12-11 12:41

回覆 piglet0529 的帖子

8月開始到而家已日日在家做ot訓練, 有小肌, 感統, 專注, 真係人都顛, 放工得個小小時間, 又要勞氣大個個, 又要捉住細個個 , 週身骨痛,都要痛住番工, 好無助, 但又要死頂 >＜

作者: piglet0529 時間: 15-12-11 13:52 標題: 引用：回覆+piglet0529+的帖子 8月開始到而家已

原帖由 irenelwl 於 15-12-11 發表
回覆 piglet0529 的帖子

8月開始到而家已日日在家做ot訓練, 有小肌, 感統, 專注, 真係人都顛, 放工得個小 ...

有的可以留放假做, 我仔K3起有約幼稚園同學一齊玩, practice學到的社交, 去公園又可以訓練大小肌

作者: Jjchow2015 時間: 15-12-11 16:28 標題: 回覆：irenelwl 的帖子

回家做訓練真是不容易，小朋友又累，大人又累，唯有想方法motivate 下大家！一起努力！

作者: irenelwl 時間: 15-12-11 18:19

回覆 piglet0529 的帖子

我媽幫我接小孩放學，每天都比時間他跟同學在學校公園附近玩，一來放電，2來想佢合群。

作者: irenelwl 時間: 15-12-11 18:20

回覆 Jjchow2015 的帖子

是丫，所以上來跟jm們傾下計，減下壓，一陣回家又忙了。

作者: piglet0529 時間: 15-12-11 21:58 標題: 引用：回覆+piglet0529+的帖子我媽幫我接小孩放

原帖由 irenelwl 於 15-12-11 發表
回覆 piglet0529 的帖子

我媽幫我接小孩放學，每天都比時間他跟同學在學校公園附近玩，一來放電，2來想佢 ...

那他同同學仔玩嗎？

作者: LeeCC 時間: 15-12-11 22:21

本帖最後由 LeeCC 於 15-12-11 22:23 編輯

去公園吾一定系同人玩，我仔幼稚園時日日放學同的同學去公園，他只係自己一個在樓梯行上行落，吾系同人玩

系上左小學後，才識得同其他人玩，現在去公園，三吾識七都玩到

作者: piglet0529 時間: 15-12-11 22:26 標題: 引用：+本帖最後由+LeeCC+於+15-12-11+22:23+編輯

原帖由 LeeCC 於 15-12-11 發表
本帖最後由 LeeCC 於 15-12-11 22:23 編輯

去公園吾一定系同人玩，我仔幼稚園時日日放學同的同學去公園 ...

我仔就K3開始同同齡玩, K3前只同大的玩

作者: piglet0529 時間: 15-12-11 22:29 標題: 引用：Quote:原帖由+LeeCC+於+15-12-11+發表本帖

原帖由 piglet0529 於 15-12-11 發表
我仔就K3開始同同齡玩, K3前只同大的玩

所以家長帶去也可從旁鼓勵

作者: irenelwl 時間: 15-12-11 22:39

回覆 piglet0529 的帖子

老實說不多，但有1，2個要好的同學做玩伴。

作者: Jjchow2015 時間: 15-12-12 10:10 標題: 回覆：朱雅靜的帖子

其實介口是否真的有用？

作者: cyriliris 時間: 15-12-12 18:54 標題: 回覆：十年同行分享：亞氏保加症

呢個post的分享好實用，亦好貼心。樓主請繼續分享，長短都睇，感激萬分。

作者: sunday2001 時間: 15-12-13 10:25

數理強的A仔,數學科分組時也會受數感弱的同學歡迎,也會有1,2個喜歡數的同學跟他交往..我仔K2時的特徵是沉迷看時鍾,日曆,地球儀.(包括圓型會轉的東西......)

作者: irenelwl 時間: 15-12-13 11:59

回覆 sunday2001 的帖子

我覺得個仔數學弱，唔知點教。

作者: Jjchow2015 時間: 15-12-14 15:42 標題: 回覆：朱雅靜的帖子

亞氏的選擇專注會不會被看為adhd?? 要食藥？這是我最擔心！

作者: carmen712 時間: 15-12-15 00:08 標題: 引用：有家長PM話我的MES太長好難睇，所以分開出

原帖由 朱雅靜 於 15-12-11 發表
有家長PM話我的MES太長好難睇，所以分開出來呃生產力

我覺得好實用，多謝你分享就真！
我仔2歲已確診自閉譜系，心理醫生亦認同係高能自閉即阿氏。
之前有自費做治療但實在太貴支持唔住，去政府又話佢test 屬正常所以無安排任何訓練。
現時雖入讀主流學校，但始終對社交毫無興趣，最令我頭痛係佢經常情緒失控大吵大鬧，我真係好想知當佢情緒咁極端時是否有藥可控制？
所謂失控，係佢極度堅持自己想做的事，甚至有order 我順從佢的意向，順佢意又怕沒完沒了做壞規舉，唔順佢意就尖叫吵鬧，真係好頭痛！

作者: CALVEN 時間: 15-12-15 07:05

carmen712 發表於 15-12-15 00:08
我覺得好實用，多謝你分享就真！
我仔2歲已確診自閉譜系，心理醫生亦認同係高能自閉即阿氏。
之前有自費做 ...

情緒失控方面你有無同醫生講過?應該有藥控制.

我小朋友主要是對自己無信心,鐘意喊,不擅社交,不懂分享,所以我帶佢睇醫生,做左10堂估計先肯定佢係亞氏,之前從無人提及佢有問題,係我自己感覺到.

作者: irenelwl 時間: 15-12-15 08:01

回覆 carmen712 的帖子

你小孩一直有情緒失控? 有無上過一d社交及情緒小組? 小童群益會久不久都有d情緒小組比小孩上，你睇下協康d資源小組有無，另蕊展你有無報到? 有無係政府keep住睇精神科醫生? 我仔都有你仔的問題，家人覺得佢係頑皮，扭計，但我堅持有問題去排期評估，出黎都係自閉譜系，排緊期同時週圍搵訓練(私人)，做了半年，現在好了好多，發脾氣會有，但開始能慢慢調節番，冷靜後能依指示完成工作。同埋經各方社工同治療師建議，運動有極大幫助，能夠抽時間就盡量安排吧，這方面我都在嘗試中，要一天剩餘的時間再找時間運動真的很難……

作者: irenelwl 時間: 15-12-15 08:04

回覆朱雅靜的帖子

難得你肯分享經驗及意見，我女學校社工都很小聯絡我，每次都要自己主動找人

作者: emmakong0625 時間: 15-12-15 21:39 標題: 回覆：十年同行分享：亞氏保加症

係度見大家有回應真係好開心，我果個3歲評估為自閉系譜系, 記性幾好但情緒行為經常失控零社交，政府O支援，排緊I位

作者: kwancarey 時間: 15-12-15 23:36 標題: 回覆：十年同行分享：亞氏保加症

好開心有同路人，希望大家多分享！呀仔5歳確診ASD!現在小一入讀主流傳統小學，有排精神科及言語治療，自己有同佢報社交班
我覺得佢有專注力差同衝動，唔知係咪有adhd?上次問醫生，佢又話唔覺佢有過度活躍，話睇佢玩有規律同有手尾，所以要再觀察，宜家keep住半年先再見醫生！

作者: piglet0529 時間: 15-12-16 10:53 標題: 引用：好開心有同路人，希望大家多分享！呀仔5歳

原帖由 kwancarey 於 15-12-15 發表
好開心有同路人，希望大家多分享！呀仔5歳確診ASD!現在小一入讀主流傳統小學，有排精神科及言語治療，自己 ...

你好! 我仔也是小一, 四歲八個月確診ASD, 你仔適應小一嗎？我地有預備, 上小一算好適應, 起初有小小古怪行為, 後來改善了

作者: emmakong0625 時間: 15-12-16 12:28 標題: 回覆：十年同行分享：亞氏保加症

請問行為社交班資料，沙田區或九龍區可以去邊度上呀? 感覺好嗎?

作者: kwancarey 時間: 15-12-16 16:15 標題: 回覆：piglet0529 的帖子

你好吖！呀仔小一初期都有唔習慣，宜家好左好多，係有時會講想讀番幼稚園，我自己多同佢傾下計，不過佢好多時唔願同我傾及講嘢對唔到題，所以有小小困難

作者: yybee 時間: 15-12-16 23:13 標題: 回覆：十年同行分享：亞氏保加症

我仔剛升上小一，番左學一個月就出現情緒問題，日日都喊，話唔想咁早起身，又話無時間玩，其實佢已經係讀一間無咩功課、考試又愉快學習嘅小學，不過當佢遇到轉變嘅時候，不懂得用言語表達自己感受，就只會喊、發脾氣，之後我回校同老師講佢嘅情況，老師話佢上課好正常，做堂課又好快，通常佢做完都有大半班人未做完，後來老師同佢傾偈，佢話啲同學做得慢，佢成日都要等，無野做，佢覺得好悶，老師就叫佢每日帶本圖書番去睇，當做完晒野就自己睇書，之後佢嘅情緒又平復番。因為呢件事我去左見精神科醫生，其實我之前睇瑪麗，佢只係話我就係自閉，又無講係邊種，我實在好疑惑，起碼都話我知係輕度、中度、還是嚴重呀，咁我今次見完醫生，佢話我仔係亞氏保加，下次會同醫生去商量再做智力評估及日後的訓練，所以真係唔好等政府，我一發覺個仔情緒有問題已經即刻番瑪麗，點知一排期又要等幾個月，所以實在幫不上忙。
另外，在k3時在政府做了韋氏智力評估，時間約一小時，做完都只係話智力正常，都無咩講其他，我有個朋友話在私家做同一個評估要兩個多小時，我就更懷疑嗰次嘅評估。
上左小一呢幾個月，我不停跟住佢，幫佢去適應，真係很累、很累，大家一齊都要努力！

作者: unfunny 時間: 15-12-17 09:03 標題: 回覆：yybee 的帖子

好多謝大家的分享，我仔K3剛剛評估為自閉普系，智能中下，言語表達及理解弱，社交溝通弱怕到要理解及邏輯性時跟不上，此處好多人阿氏保加智能正常，學術沒大問題普遍跟得上可能付出多倍時間，我擔心我仔上主流付出多時間也是跟不上及好吃力辛苦地追追，還有9個月不知怎麼辦？我已找到小一親子班上，希望幫助佢啦。請問大家有咩訓練及課程介紹下？

作者: LeeCC 時間: 15-12-17 09:57

協康有小一適應班，專門給A仔的

作者: irenelwl 時間: 15-12-17 11:03

回覆 unfunny 的帖子

政府有沒有寫紙你排言語治療，我仔都剛評估了，有排，也是k3. 你d機構有社交班，你可以試下搵丫。

作者: irenelwl 時間: 15-12-17 11:07

回覆 yybee 的帖子

唔知有無人試過出去做私人的評估跟政府有大出入。

作者: Jjchow2015 時間: 15-12-17 11:22 標題: 回覆：朱雅靜的帖子

我仔4歳，剛回cac 見醫生說他社交弱，眼神弱，影響專注也弱，但不過動，專注可以點撹，已開始上專注班，上堂現場又ok! 可以點？好驚大d要食藥！

作者: Jjchow2015 時間: 15-12-17 11:25 標題: 回覆：irenelwl 的帖子

上什麼班可以學控制情緒？我仔專注弱，但大肌又弱，協調又不好，做運動也難！

作者: irenelwl 時間: 15-12-17 12:11

回覆 Jjchow2015 的帖子

大肌弱有無搵ot? Ot會幫到手，專注都會教你。我仔有上情緒控制同社交班，佢聽多左明多左，而家發脾氣我同佢講下d表情符號，佢聽下會緩和到。但還要再加油。另有些專注力小組可以上，或買，借一些專注力的玩具同佢玩。

作者: Jjchow2015 時間: 15-12-17 16:52 標題: 回覆：irenelwl 的帖子

有上ot, 但姑娘說不嚴重，上了一季叫我自己回家訓練多d！
所以想keep 住搵d班比佢上，是否有d叫情緒控制班，可以介紹你之前去邊間？因為有時我也好lost!!

作者: piglet0529 時間: 15-12-17 18:23 標題: 引用：你好吖！呀仔小一初期都有唔習慣，宜家好左

原帖由 kwancarey 於 15-12-16 發表
你好吖！呀仔小一初期都有唔習慣，宜家好左好多，係有時會講想讀番幼稚園，我自己多同佢傾下計，不過佢好多 ...

我由小息同隔離位開始同佢傾, 可以愈傾愈多的

作者: irenelwl 時間: 15-12-17 18:48

回覆 Jjchow2015 的帖子

政府姑娘嗎? 我住上水，平時的training我盡量安排上水，粉嶺，大埔，只有ot是到油麻地，你住邊區?我怕太遠。

作者: Jjchow2015 時間: 15-12-17 20:03 標題: 回覆：irenelwl 的帖子

我住九龍東，你是去邊間機構？我看看九龍有冇！

作者: irenelwl 時間: 15-12-17 22:46

本帖最後由 irenelwl 於 15-12-17 22:47 編輯

回覆 Jjchow2015 的帖子

我屋企附近有間教會中心，我好多小組係個度上，平好多。之前情緒同社交係大埔小童群益會，幼兒那邊上左2組課程，剛完了。等緊導師打黎講解。排緊協康升小一的適應班。另我姐對仔大肌都差，學校介紹樂運會比佢，你上網看看，係九龍區黎。

作者: Jjchow2015 時間: 15-12-18 09:45 標題: 回覆：irenelwl 的帖子

唔該曬你！我check 下小童群益會先！

作者: 朱雅靜 時間: 15-12-27 00:53

唔好意思各位，因為學校放假前，我實在好忙，所以沒有時間回覆大家的問題，現在過完聖誕節，希望可以盡快回覆大家。祝大家聖誕快樂，新年進步，仔仔女女乖乖巧巧

1. 亞氐仔都ADHD有好多分別，所以唔會混為一談
2. 食葯方便，其實好多都係維他命葯，不過係好多劑量讓小朋友的發展會加快，唔洗太擔心食葯
3. 我個人覺得介口會有幫助，其實醫生都叫大家介糖，朱古力等，另外都有家長講過雞都牛都會差一點，有家長分享話飲雞湯後便會表演差一點，所以大家可以注意下自己的小朋友飲食

作者: 朱雅靜 時間: 15-12-27 01:01

4. 大家都話做回家練習好難，咁其實最難係什麼呢？時間定係活動？
5. 如果小朋友失控得好緊要是有葯食，真係鎮靜劑，醫生好小開比小朋友，因為會影響腦部發展，部份醫生會開幾粒比你看門口，不過都會叫你唔好常常食（坦白葯我都唔係專業，都係聽講座同問人學返來，如果有家長知道都可以分享下）
6. 順唔順小朋友意思，其實都係好多家長每一天的難題，我同意有位家長所讓可以上小組，以幫助他們建立規舉，如果小朋友叻一點，我會叫家長參加童軍，童軍的確是可以更有效替他們建立規舉，不過一定要先通知有關單位讓人地可以有更好的預備，以幫助小朋友的情況。

作者: 朱雅靜 時間: 15-12-27 01:18

7. 我覺得對自閉仔或亞氐仔來講，規舉都要定得有彈性一點，對他們來說鬥硬除了兩敗俱傷外，好多時他們都會因為失去安全感而變得反抗，我覺得最好係最好係先講明，犯錯提醒比機會再提醒再比機會，唔係鬧，係表示希望他們可以再得更好，做得更正確（好多小朋友對"正確"都有好大的執著，他們都會盡力做正確）同意CARMEN712 的建議冷靜，小朋友才聽得入耳。另外，運動係好重要，小朋友又要做，大人又要好。好多照顧者因為太緊張，沒有了自己，所以小朋友做錯小小便己經好燥底，所以要對自己好一點，讓自己都可以享受一下自己的時間。
8. 有家長表示自己的觀察同醫生的觀察有出入，我會建議家長先做功課，看多一些書，了解下係唔係真係有咁的情況，好多時家長都會自己嚇自己，小小事便覺得有問題，細心想想，其他小朋友會唔會出現類似情況。如果都真有懷疑，便拍片比醫生看，請記住記住片要在一至二分鐘完，公立醫院的醫生真係好忙，所以最最最精彩的才好播，唔好拍成五分鐘，佢地唔會睇仲會覺得呢個阿媽太緊張。
9. 智力評估其實一小時的一款己好足夠，再多都係綿上添花。

作者: 朱雅靜 時間: 15-12-27 01:27

10. 有家長表示因為經濟問題，未能替小朋友報讀小組，等政府又有排都未到，其實你可以問下有關機構，有部份機構是有資助可以申請。如果學校有教會背景都可以問下，真係唔係間間有，但係我唔想小朋友因為錢而拖遲了接受服務，希望你的小朋友可以找到援助
11. 部份阿氐仔出現問題，的確是因為悶，他們本身耐性己經不足，還有上堂因為老師要等全班同學，所以需要時間，家長可以教他們自己打發時間，我的經驗係叫佢地做／看老師未教的題目，試過有小朋友返了一個月便做完了一個學期的數學書，跟住我唯有叫佢看中文書，因為佢中文好差，不過一定要同老師協調

我希望回答了你們的問題，如我有遺漏便再發問話比我知，謝謝，唔好意思太遲覆大家

作者: 朱雅靜 時間: 15-12-27 01:28

另外，我好開心有經驗都家長主動回覆，交流經驗才是這裹最保貴的資源，希望大家出力。

作者: Monstereasy 時間: 16-1-1 19:58 標題: 引用：我仔是阿氏但不嚴重,學術很好。心智解讀的

原帖由 wballp 於 15-12-09 發表
我仔是阿氏但不嚴重,學術很好。心智解讀的確較弱,我為他揀了間較傳統的學校,放棄了活動教學的小學。因怕他 ...

我相反選擇，我相信社交需要時間同學習機會先會慢慢建立。阿氏仔其實好多好聰明，學術唔係問題，反而弱社交，所以我選IS輕鬆學習，專注訓練社交。
以前讀LS即使活動教學，但始終有測驗默書，一壓力大情緒就差(both 大人同小朋友)。而家壓力少，連其他行為都有改善。

作者: jj0608 時間: 16-1-6 22:40 標題: 引用：我仔現在k1,+十分愛說話同問問題，可以在校

原帖由 Jjchow2015 於 15-12-10 發表
我仔現在k1, 十分愛說話同問問題，可以在校車全程不停講，同埋好經常明知故問, 好易情緒化，仲有專注十分選 ...

我仔都係k1,我都諗緊可以點幫佢。

作者: Jjchow2015 時間: 16-1-7 08:59 標題: 回覆：Monstereasy 的帖子

I am also thinking whether he should switch to international school!! 你講活動教學的是否基道？

作者: 貓后 時間: 16-1-8 16:32 標題: 回覆：十年同行分享：亞氏保加症

我仔仔依家3歲2個月大，佢歲半時我已覺得佢唔望人，唔會指野，唔會講單字。我有帶佢做評估，果陣係2歲2個月，醫生最初只話佢語言發展慢，但我堅持佢有問題，醫生都好好幫我排 i位，我自己帶佢見ST, 自己報社交小組做訓練，一直到依家已進步左好多，但仍然社交弱，表達冇同齡小朋友叻，我自己覺得佢應該係阿氏保加！

最近學習有得報特殊訓練，下星期就有得做評估，而CAC 就剛寄左問卷比我&老師填做follow, 希望佢會慢慢再進步多d, 同一般小朋友一樣啦！

歡迎光臨教育王國 (/)