教育王國

標題: 說不出的辛苦 [打印本頁]

作者: mypineapple 時間: 15-12-4 21:08 標題: 說不出的辛苦

孩子有adhd, 等緊見醫生。而家日日係屋企同孩子搏鬥，真係好辛苦，功課要鬧先肯做，仲要做二至四小時，行為問題又多，學校又多聲音！

真係好痛苦！
同朋友講，又怕佢地會戴有色眼鏡睇孩子！
同屋企人講，淨係識叫我俾心機湊好孩子，俾啲耐性，溫柔啲！

我真係好無助

作者: bee918 時間: 15-12-5 07:05 標題: 引用：孩子有adhd,+等緊見醫生。+而家日日係屋企

原帖由 mypineapple 於 15-12-04 發表
孩子有adhd, 等緊見醫生。而家日日係屋企同孩子搏鬥，真係好辛苦，功課要鬧先肯做，仲要做二至四小時， ...

比心機！

讓小朋友參加一些針對adhd的training，會有幫助的。

作者: mypineapple 時間: 15-12-5 16:52 標題: 回覆：bee918 的帖子

我都唔知應該點，日日都筋皮力盡

作者: Gary_family 時間: 15-12-5 21:53 標題: 引用：孩子有adhd,+等緊見醫生。+而家日日係屋企

提示: 作者被禁止或刪除內容自動屏蔽

作者: mypineapple 時間: 15-12-6 00:13 標題: 回覆：Gary_family 的帖子

我只係呢度既同路人分享，大家可以互相安慰，互相明白彼此

作者: Missingyou0623 時間: 15-12-6 21:32

明白，我都教到心力交瘁，每次見到學校來電都好有壓力，經常俾仔仔激到忍唔住喊。但為咗小朋友，幾辛苦都要努力撐下去！加油呀！

作者: mypineapple 時間: 15-12-6 21:35 標題: 回覆：Missingyou0623 的帖子

我都係常收到老師電話，真係好氣餒

作者: bee918 時間: 15-12-7 14:30

mypineapple 發表於 15-12-5 16:52
我都唔知應該點，日日都筋皮力盡

協康青蔥計劃出了一月訓練課程, 是有D昂貴, 不過會有一定幫助,

作者: LittleEvelyn 時間: 15-12-8 10:30

如果要等政府精神科(一般都等好耐), 不如先响出面睇咗一兩次私家精神科e生先, 睇吓食藥後會否得以改善.

作者: meow08 時間: 15-12-8 11:13 標題: 回覆：mypineapple 的帖子

最慘的是家人不合作又批評

作者: mypineapple 時間: 15-12-8 14:18 標題: 回覆：LittleEvelyn 的帖子

希望快啲見醫生

作者: Missingyou0623 時間: 15-12-8 22:08

回覆 LittleEvelyn 的帖子

我都係等唔切睇咗幾次私家醫生，食咗藥有改善，少收咗好多學校電話。

作者: mypineapple 時間: 15-12-17 09:33 標題: 回覆：Missingyou0623 的帖子

我同政府果邊講咗孩子情況，佢俾咗個快期我。

你的孩子吃八小時葯？

作者: Missingyou0623 時間: 15-12-19 05:14

mypineapple 發表於 15-12-17 09:33
我同政府果邊講咗孩子情況，佢俾咗個快期我。

你的孩子吃八小時葯？

佢食4小時藥，佢學校主科集中喺上午，下午通常上活動科。但如果嗰排有D特別轉變就食8小時，因為阿仔面對生活上嘅轉變情緒會較波動。
以前上午小息佢會周圍跑玩到好癲，食咗藥之後佢小息會自己做功課，而且D字非常整齊（平時寫到打風咁的）。本身佢學校功課少，小息又做咗一部份，所以返到屋企功課壓力細咗，加上佢日頭個人定咗，老師多咗讚佢，我又成日讚佢進步咗好多，佢自己都開心咗同有動力，表現又會更好。

學校最近有情緒管理課程，阿仔話老師教發脾氣時就吹氣球，吹走D脾氣。冇氣球就飲啖水，或者去洗個臉。我地屋企仲有個反x城買的吹氣不倒翁，叫佢如果想打人發洩就打不倒翁。總之就俾多D法方佢發洩情緒又唔會傷害到人。

作者: mypineapple 時間: 15-12-19 09:52 標題: 回覆：Missingyou0623 的帖子

不倒翁真係要買定擺屋企先得。
但可唔可以要求政府俾4同8小時的葯？

作者: 晴朗ma 時間: 15-12-26 23:47 標題: 引用：如果要等政府精神科(一般都等好耐),+不如先

原帖由 LittleEvelyn 於 15-12-08 發表
如果要等政府精神科(一般都等好耐), 不如先响出面睇咗一兩次私家精神科e生先, 睇吓食藥後會否得以改善.

...

我仔都等緊見精神科醫生，大約要等4-6個月，而家我都好痛苦，你有冇私家精神科醫生介紹，最好收費平的。

作者: Fchu 時間: 15-12-27 04:34

回覆 Missingyou0623 的帖子

我囡三歲真係好勞氣，請問可否比你個E生資料pm我。謝謝！此外，我是新手媽媽,老實說我不太肯定她足否ADHD.可否告知你囝囝有關這個病的特徵。謝謝！

作者: Missingyou0623 時間: 15-12-27 07:58

mypineapple 發表於 15-12-19 09:52
不倒翁真係要買定擺屋企先得。
但可唔可以要求政府俾4同8小時的葯？

我未睇政府，所以唔清楚可唔可以要求。但我估計除非係嚴重嘅case，正常開頭應該會開四小時藥試吓先嘅。

作者: Missingyou0623 時間: 15-12-27 08:22

Fchu 發表於 15-12-27 04:34
回覆 Missingyou0623 的帖子

我囡三歲真係好勞氣，請問可否比你個E生資料pm我。謝謝！此外，我是新手媽媽, ...

私家醫生主要開藥食，你囡咁細個未必需要睇醫生住。我仔之前就去過協康會做評估，有份報告就可以報協康或者其他機構嘅相關課程，對佢都有幫助。
ADHD一般咁細個未必會確診的，通常到小一問題就會好明顯。

如果數症狀，我仔可以話一出世就同其他BB唔同，唔似一般初生咁成日瞓，佢瞓得好少，成日喊成日要玩，夜晚要都唔肯瞓，要夾實佢喊成個鐘喊到好攰先肯瞓。到識行出街唔肯俾人拖，自己行會亂跑，愈叫愈跑得快，完全唔理大人，不停跑唔會停低的。之後喺幼稚園或者其他興趣班都係坐唔定，唔理老師講嘢，自己周圍搞嘢，有時又會打老師打同學。

作者: Fchu 時間: 15-12-27 23:53

回覆 Missingyou0623 的帖子

多謝你的分享！其實佢依家都係協康會做緊個別幼兒導師訓練，但就不是針對ADHD來做。其實我一直都好留意她的發展，因為我及我的老公家族均各有一名阿氏保加及一名嚴重自閉的兒童。所以由她一出世到現在我都沒有停過帶她去政府各部門跟進及排期。但政府支援實在太慢。所以我就找協康會兩邊一齊行。但就好像你所說，她太細單單靠每星期50分鐘的訓練真的不能看到什麼。但是我既目的就是不想錯過她的黃金治療期。所以都好矛盾，好似燒緊銀紙咁。

我不是全職媽媽，工作好忙！但最近工人放假，我就放長假凑囡就真係再發覺佢好多問題。我囡沒有你仔的情況（我可以想像你好辛苦）。但她好似事事跟我作對。
1/叫她不要做她偏要做，就算重覆又重覆講佢都係咁。
2/ 她經常扮聽吾到（聽覺正常）。
3/每樣玩具玩一陣。
4/在家四圍走搗弄，開雪櫃、刻意掉丟東西。
5/由細到大同佢換片不停地郁要起身攞野玩或有野揸係手。
6/佢好細個我已經比佢日日聽歌，但佢從來吾會唱。在學校都不會跟住唱，但最近在校學識一首詩可能是校歌吾肯定，日日不停嗡，但裡面啲歌詞我肯定有部份是錯的。
7/現在食飯還要人餵，因用對手用來玩玩具。就連坐potty都要拿住野玩。
8/有些時候，經常說重覆的話。例如係⋯地下爤左、果到甩左等等。講好幾次。
9/教佢刷牙超過一年（早及晚)，還是不肯自己刷同埋好抗拒。

真係好攰同好氣餒。生左佢之後真係吾禁再生多個
對不起如果太長，我只想過來人現在告訴我小朋友係迷SEN + ADHD?? 還是只是trouble 2 的常見問題。我巳排左政府精神科但要等一年

作者: Missingyou0623 時間: 15-12-29 06:07

本帖最後由 Missingyou0623 於 15-12-29 06:16 編輯

你講嘅行為我仔細啲時大部分都有，而且更加誇張，不過有部分大大下有改善。其實你唔洗太心急去"確診"小朋友是否ADHD。我個人覺得，ADHD都只係一個名稱，我會睇成為一種比較特別嘅性格，而呢種性格就需要一啲特別的教育方法。網上有啲test可以做簡單評估，雖然咁細個未必準確，但可以參考下。其實好多ADHD啲教育方法，對一般比較活躍同專注力低嘅小朋友都有用。以前仔仔未確診，我都有上網同睇書參考點教呢類小朋友。
外國有啲專家唔認同ADHD係一種病，亦唔讚成用藥。不過喺香港嘅教育制度，呢類小朋友上咗小學會比較難適應各種規矩，亦好難應付功課。其有時候我會諗，如果我個仔喺外國讀書，佢可能根本唔會被確診，亦可能不需要食藥。

作者: lillymarie 時間: 15-12-29 08:56

Missingyou0623 發表於 15-12-29 06:07
你講嘅行為我仔細啲時大部分都有，而且更加誇張，不過有部分大大下有改善。其實你唔洗太心急去"確診"小朋友 ...

你這是美麗的誤會了, 外國大把小朋友被確診ADHD, 諗下, ADHD藥是外國發明的呢.
同意你所講, 有好多比較活躍和專注力低的小朋友, 用ADHD 的教育方法, 確是有很大幫助

但我就不同意話ADHD 是性格問題, 正如自閉症亦不是性格問題. 我反而相信ADHD 是因腦部構造有少許偏差, 以致孩子出現輕微至嚴重的問題

ADHD的影响不只在學術成績, 更影响孩子社交發展, 生活技能

我贊成要小心診斷, 不應該隨便用藥, 因為確實有副作用, 但病情嚴重時, 不用藥對他們很不公平

作者: SAMLAU 時間: 15-12-30 22:54 標題: 回覆：說不出的辛苦

我小孩自小都好難照顧，經常跑、跳叫不停，好像聽不到別人的說話，返K1開始玩水玩到K3, 每日放學老師都喺第一個接手交比我先，之后慢慢安排其他同學放學。小孩經常有意外跌倒憧倒經常發生，入院連針都幾次，情緒亦不穩定，做幼稚園功課都好勞氣，有一年K2 有個同學隨口說:我可以由80樓跳落嚟，可以站立不死，小孩不斷問我，我已經解釋多次，但有一次……差點有意外。我好驚……
我告知校長，校長告知社工，社工話要見小孩，見完後，話約見父母見面開會，要即時轉介到健康院，醫生見了又轉介CAC中心，CAC中心醫生又即時轉介，到兒童精神科醫生，前後加埋4個月，不到6歲醫生話試藥，因其間都有意外及衝動行為，在K3時試食藥，我都辛苦了好耐，明白你，到升小學又是一個轉捩點，面對各種各樣的投訴，讀寫障礙，加埋有自閉症狀。大家媽媽們努力，總有出路

作者: mypineapple 時間: 16-1-3 09:22 標題: 回覆：SAMLAU 的帖子

而家孩子用葯後情況有好轉嗎？

作者: 緣份的天空 時間: 16-1-8 11:23

回覆 Missingyou0623 的帖子

ME TOO 同你地情況一樣.大家加油呀!

作者: roseangel 時間: 16-1-14 16:15 標題: 回覆：說不出的辛苦

我仔三年級，一年級時確診，回想起一兩歲時又係周圍跑，坐唔定，而家每日放學返黎，上完功輔班，仲有四五樣功課未完成，食飯食個幾鐘，功課拖到十一點幾都做唔哂，欠交功課日日利疊利，他不是每樣野你叫佢就會做，每樣野叫破喉嚨都唔郁，每日勞氣吵鬧，身心疲累，我都快精神崩潰了😭😭
我同大家一樣，好明白大家感受，但身邊卻了沒有太多人能明白，照顧一個ADHD的小朋友同一個普通的小朋友完全唔同，唯有同樣有咁嘅孩子的父母才會明白

作者: COE1205 時間: 16-1-15 12:51

完全明白你感受,行為問題確實好難攪,我仔小三,今年暑假確診,並開始食藥,上學期差不多完結,至今未收到學校投訴,最開心係見囝終於有同學肯同佢玩,因為人定咗,老師開始留意到阿囝嘅優點,開始比機會阿仔,而家返學開心咗,積極咗

作者: mypineapple 時間: 16-1-17 21:29 標題: 回覆：COE1205 的帖子

我本來都好抗拒食葯，但藥後的反應，知道用葯係無錯

作者: Catjuicy 時間: 16-3-15 23:08 標題: 引用：回覆+LittleEvelyn+的帖子我都係等唔切睇

原帖由 Missingyou0623 於 15-12-08 發表
回覆 LittleEvelyn 的帖子

我都係等唔切睇咗幾次私家醫生，食咗藥有改善，少收咗好多學校電話。 ...

麻煩你可否俾醫生資料我

作者: LesMis99 時間: 16-3-16 11:20

最近從某网上書店看到些書, 希望和大家分享一下:

分心不是我的錯：正確診療ADD，重建有計畫的生活方式（增訂版）
分心也有好成績-克服注意力缺陷，追求成功的人生
分心就該這樣教：從優勢能力出發，找出學習新方向 Superparenting for ADD
過動兒父母完全指導手冊(修訂版)

歡迎光臨教育王國 (/)