教育王國

標題: 黑色幽默~老豆點解支持取消TSA [打印本頁]

作者: 淋雨 時間: 15-12-2 08:35 標題: 黑色幽默~老豆點解支持取消TSA

阿仔:
老豆一定支持取消TSA，操得甘辛苦，幾好成績都係幫間學校攞分之麻，對你升中派位自行收生有咩幫助呢？所以一於支持佢取消。如果我地間學校話會減少操練，咁我地咪無咁辛苦囉。唔好信佢地呀，如果我地間學校唔操，咁其他學校照操，我地咪仲蝕底囉，影響升中入ｂａｎｄ１率，咁咪仲衰過唔操練？所以，點都唔好放棄。襯個政府弱勢，繼續爭取取消ｔｓａ，咁就大家公平，可以放心去操練呈分試了。阿仔，講明先，你咪洗旨意諗住取消咗就每日有一個鐘頭做運動，你心諗啲咩我唔清楚過你？你想多個鐘頭打機之麻，想錯你個心啦！唔操ｔｓａ，轉操呈分試，爭取入ｂａｎｄ１中學，如果唔係點用ｂａｎｄ１的程度去操ｄｓｅ呀！減少操練只不過是個稻草人理論。唉！你老豆我而家做怪獸家長，真係唔易做㗎，明明自己係怪獸，又要扮正常，真係難度極高。
”黑色幽默一下”

作者: skkeung 時間: 15-12-2 11:59 標題: 回覆：淋雨的帖子

好好笑!

歡迎光臨教育王國 (/)