教育王國

標題: 有冇人後悔做超大B?想了解下 [打印本頁]

作者: janicelwy 時間: 15-11-30 14:45 標題: 有冇人後悔做超大B?想了解下

好多人都話後悔做超細B升小學辛苦, 咁有冇人後悔做超大B呢?點解呢?

作者: guguned13 時間: 15-11-30 15:21 標題: 回覆：有冇人後悔做超大B?想了解下

幾多月係超大b?

作者: ajfamily 時間: 15-11-30 15:30

janicelwy 發表於 15-11-30 14:45
好多人都話後悔做超細B升小學辛苦, 咁有冇人後悔做超大B呢?點解呢?

我覺得唔會咁快後悔，我眼見的超大B真的會較多offer, 相信父母在升小或初小階段應該開心不已。至於能否保持優勢，就靠孩子真實力。如果要後悔，相信要等孩子繼續升學，考公開試出了點問題，可能要重考，或者讀碩士等需要遲些出來工作，才會後悔早知這一年留給這刻才用，而不是repeat 幼稚園。

作者: monodad 時間: 15-11-30 15:39 標題: 回覆：有冇人後悔做超大B?想了解下

如果你發現做超細B原來係會冇幼稚園offer嘅話，就唔到你後唔後悔囉。

作者: ffaye 時間: 15-11-30 15:43 標題: 引用：Quote:janicelwy+發表於+15-11-30+14:45+好

原帖由 ajfamily 於 15-11-30 發表
我覺得唔會咁快後悔，我眼見的超大B真的會較多offer, 相信父母在升小或初小階段應該開心不已。至於能否保持 ...

同意。

我有親戚係12月尾b,讀幼稚園時都擔心升小追唔上。依家上左小學竟然係班中頭幾名，連做父母既都估唔到。

無可否認大b考直私有優勢，但唔代表叻過細b

作者: subb 時間: 15-11-30 15:48

做大b定細b睇小朋友情況, 無話大b一定好d !　
如果小朋友真係跟不上，遲一年不是big deal 一世流流長，
如果想讀書，幾時都可以讀，學海無崖　！　

作者: gigiwin888 時間: 15-11-30 17:10

識人幼稚園repeat做超大b, 點知去到小三跟唔到要留班, 大其他同學接近2年

做大b 無話好唔好, 都係看小朋友情況

作者: hippoo 時間: 15-11-30 17:48

ajfamily 發表於 15-11-30 15:30
我覺得唔會咁快後悔，我眼見的超大B真的會較多offer, 相信父母在升小或初小階段應該開心不已。至於能否保持 ...

好同意!

作者: jlbb1 時間: 15-11-30 17:59

提示: 作者被禁止或刪除內容自動屏蔽

作者: cattz288 時間: 15-11-30 18:25

ffaye 發表於 15-11-30 15:43
同意。

我有親戚係12月尾b,讀幼稚園時都擔心升小追唔上。依家上左小學竟然係班中頭幾名，連做父母既都估唔 ...

係, 表弟都係咁, 雖然仲係讀緊幼稚園, 但感覺一D都唔輸蝕~ 所以無必要專登做大B, 真係唔適應repeat都未遲~

作者: MrBeast 時間: 15-11-30 19:26

本帖最後由 MrBeast 於 15-11-30 19:31 編輯

冇，只有後悔唔在k1 repeat 而等到k3. 我可好肯定我個做細一定讀唔掂要留班，要明白小學是6年，初小留班會留下很長的陰影，之後自信盡失，永不番身，但the same might not happen to u or others

作者: lui 時間: 15-11-30 19:31 標題: 引用：好多人都話後悔做超細B升小學辛苦,+咁有冇

原帖由 janicelwy 於 15-11-30 發表
好多人都話後悔做超細B升小學辛苦, 咁有冇人後悔做超大B呢?點解呢?

我自已係超細b.一月出世讀早一年。同學大我一年多至半年不等。冇乜分別，我細女醒目型，細b也出眾。所以，睇人多d.夠醒我唔會俾佢留。除非12尾真難搵學校啦

作者: teambuilder 時間: 15-11-30 20:42

如果做大b都唔夠d細b叻，唔係仲諗住早知做超細b博唔駛留班下話?

作者: ajfamily 時間: 15-11-30 20:51

我始終覺得呢幾年就一定要慎重考慮，因為人口一年多過一年，那班人不只同你爭幼稚園，還有小學、中學、大學，甚至出來搵工。

作者: Jane1983 時間: 15-11-30 22:18

無話後唔後悔，家長當年比佢做超大，一定係有理由，覺得小朋友的發展有需要先咁做。除非好似一些其實無需要，但夾硬做超大去考心儀小學的，考吾到就可能會後悔...

作者: 小兔咕 時間: 15-11-30 22:22 標題: 引用：無話後唔後悔，家長當年比佢做超大，一定係

原帖由 Jane1983 於 15-11-30 發表
無話後唔後悔，家長當年比佢做超大，一定係有理由，覺得小朋友的發展有需要先咁做。除非好似一些其實無需要 ...

超大去考幼稚園就有用。小學未必好大優勢吧。

作者: mrs.frog 時間: 15-11-30 22:30 標題: 引用：如果做大b都唔夠d細b叻，唔係仲諗住早知做

原帖由 teambuilder 於 15-11-30 發表
如果做大b都唔夠d細b叻，唔係仲諗住早知做超細b博唔駛留班下話?

非常同意！做大B都冇提升競爭力，寧願之後留班來打擊小朋友信心

作者: ajfamily 時間: 15-11-30 22:52

小兔咕發表於 15-11-30 22:22
超大去考幼稚園就有用。小學未必好大優勢吧。

我唔同意升小冇優勢，出去學嘢都起碼學多半年，以Eye Level 計，起碼3個level.

作者: BeeBee1129 時間: 15-11-30 23:09 標題: 回覆：有冇人後悔做超大B?想了解下

人生流流長，一上小學中學到出嚟社會工作，都好難有真正快樂無休無慮嘅時光，幼稚園嘅日子真係好難得，我覺得如果可以讀多年幼稚園又何妨呢。

作者: kufubaby 時間: 15-11-30 23:13

Jane1983 發表於 15-11-30 22:18
無話後唔後悔，家長當年比佢做超大，一定係有理由，覺得小朋友的發展有需要先咁做。除非好似一些其實無需要 ...

講得岩!我朋友正正就係咁，k1轉去名幼repeat做超大B，'點知考直私衰晒，政府自行又唔夠分入1線官津，派位no luck去左d2-3線跨區借位校。好在最後3日開學前，係3日!有間2線直資call waiting. 馬上仆出去俾$買書買校服。由於已超齡不能再考多年直私，唯有密集學野及考好校內測考博下年插班目標名官津直私小。我睇見佢兩母女就辛苦啦

作者: Jane1983 時間: 15-12-1 08:18

回覆 kufubaby 的帖子

係呀，小朋友有需要，留一年無問題，一世人流流長，又吾係要佢快d出來養家。但純粹為考學校有優勢去repeat，就吾一定值得。

作者: TwogirlsMama 時間: 15-12-1 08:37 標題: 回覆：有冇人後悔做超大B?想了解下

朋友個仔年尾出生，本身已經內向冇乜自信，讀k1仲經常比老師講呢樣未掌握，嗰樣差少少，朋友決定repeat k1，以超大B身分考到龍校，仲變得有自信，因為佢樣樣都做得好，唔會覺得自己差，老師仲好鍾意佢。
所以有時真係睇小朋友，唔可以一概而論。

作者: whitepurin 時間: 15-12-1 08:50 標題: 回覆：有冇人後悔做超大B?想了解下

但感覺上名幼都係有d優勢，剛剛考小學呢批，好似比較多offer的，咁啱都係名幼生，而特別好似我呢d, 父母要返工，如果學校課程比較配合考小學，會有d幫助。唔係話靠學校就得，但我估比由happy school train都去考小學程度，點都容易d啩。

我都考慮緊𨍭唔轉細女做大b, 如果佢憑大b考到龍幼就一定轉，但另一重要考慮係，佢會由龍b變蛇b, 出生率遠低於龍年...

作者: cindytsg 時間: 15-12-1 09:08

我仔同學7 月出世, 上年去名幼重讀k1, 佢好高, 又大隻, 媽似山東婆, 上年k1 似k3, 今年重讀, 我接受吾到
另外一個12月仔, 竟然吾做兔尾, 要做大B龍頭, 唉, 敢多人在龍年, 我點都試下兔先
我成日覺得重讀於佢吾得之時, 點解預設吾得

作者: Heyheyjoyjoy 時間: 15-12-1 09:17 標題: 回覆：有冇人後悔做超大B?想了解下

作為12月b的父母，真是好難幫bb決定。老師話他慢，自信受影響，再叫他重讀，更不開心。考直私，最好是一家有waiting。現正煩惱中…問學校，都說造大好…個人觀察bb，k3是慢半拍，k2就太易，到底怎樣幫他開竅？

作者: jaycee_mami 時間: 15-12-1 09:42

Jane1983 發表於 15-12-1 08:18
回覆 kufubaby 的帖子

係呀，小朋友有需要，留一年無問題，一世人流流長，又吾係要佢快d出來養家。但純粹 ...

但我看到的趨勢是, 就算小朋友跟得上, 無學習上的問題例如speech delay, 有些家長為了考名校有優勢, 就在N班repeat, 這點我覺得不值得!

大細b的分野去到小三左右就不明顯, 加上我地讀書個代都有人高考衰左而re-take, 這幾年亦常聽到有人說DSE考衰左科中文, 點解唔留番個quota長大後才用?! 就算不用重考, 用來畢業後讀一年全職master都好, 無謂N班跟得上也貿貿然repeat.

作者: ajfamily 時間: 15-12-1 09:55

jaycee_mami 發表於 15-12-1 09:42
但我看到的趨勢是, 就算小朋友跟得上, 無學習上的問題例如speech delay, 有些家長為了考名校有優勢, 就在N ...

我相信有部份細B能力上真係會較差，但更相信有大部分為了考小學更有優勢，自己𧗾量啦！我自己就認為這個quota 留番來讀master 甚至PhD 好過，他們的年代可能master degree 已是最基本入場卷了。

作者: Heyheyjoyjoy 時間: 15-12-1 11:10 標題: 回覆：有冇人後悔做超大B?想了解下

其實大b的所謂考小優勢只是想當然的，對小bb大一個月可能是識講識行與否之別。在幼稚園階段其實分別更多因性格的不同而產生的。如：一個主動多說話、人見人愛的細b會贏內向沉靜的大b。報考直私千多人，收的來來去去都是那100人，失落的900多人其實都可以好有能力潛質，只是遊戲規則傾向了外向精於表達的小朋友。而在學校到底細b會不會因跟不上而失信心，就視乎老師是以精英教育的手法，還是有教無類的手法。好可惜香港是一個精英主義、單一思維的地方，家長、老師都奉行這些，我們要擺脫，似乎要移民了。

作者: MrBeast 時間: 15-12-1 17:57

Heyheyjoyjoy 發表於 15-12-1 09:17
老師話他慢，自信受影響，
考直私，最好是一家有waiting。
問學校，都說造大好
個人觀察bb，k3是慢半拍 ...

你個case 都算clear cut, 還有什麼要考慮？

作者: tc78 時間: 15-12-1 18:11

MrBeast 發表於 15-11-30 19:26
冇，只有後悔唔在k1 repeat 而等到k3. 我可好肯定我個做細一定讀唔掂要留班，要明白小學是6年，初小留班會 ...

非常同意初小留班會有陰影, 我自己就係好例子, 因為留過班, 永遠覺得自己好差, 比不上別人.

作者: ngkka 時間: 15-12-1 18:20 標題: 回覆：有冇人後悔做超大B?想了解下

大B考小學一定有優勢，因為某些小學要做中英文重組句子，達至小一的level. Even那細B好叻，比正常發展快半年，但同大B,都爭半年；如果同叻的大B比，都爭一年。
但呢個問題都好困擾，因我仔係十二月尾出世，但做細b跟k2課程讀得好好

作者: rinarina 時間: 15-12-1 18:43

其實現今香港咁多人做超大B，相信將來不會因為自己大人半年而吾開心呱。而家香港課程越來越深，寧可做大不做細。上左小一，全日班不夠時間玩，食，瞓，有時連小朋友去廁所都吾得閒，如果做大B，可以多一年時間充足睡眠，將來身體也強些吧，好多家長為左小朋友入心儀學校，學校是不近家的，車程遠，休息少，你們了解下放學校巴幾多點去到你屋企樓下，你們就會明白了。二十幾年前做大B會吾開心，我估將來和我們以前不同了

作者: ffaye 時間: 15-12-1 18:49 標題: 引用：我仔同學7+月出世,+上年去名幼重讀k1,+佢好

原帖由 cindytsg 於 15-12-01 發表
我仔同學7 月出世, 上年去名幼重讀k1, 佢好高, 又大隻, 媽似山東婆, 上年k1 似k3, 今年重讀, 我接受吾到
另 ...

其實兔年至係最高出生率既一年。因為龍年開始停双非。

作者: MrBeast 時間: 15-12-1 18:57

jaycee_mami 發表於 15-12-1 09:42
但我看到的趨勢是, 就算小朋友跟得上, 無學習上的問題例如speech delay, 有些家長為了考名校有優勢, 就在N ...

所以我通常會建議細B個年的pn唔讀，之後以大B報N，同時细B報K，再看有什麼offer 才決定，免除要repeat n 班的bad feeling

作者: cindytsg 時間: 15-12-2 09:53

ffaye 發表於 15-12-1 18:49
其實兔年至係最高出生率既一年。因為龍年開始停双非。

朋友仔係2011, 我個女係2012 (龍年)11月, 2013 1月先停雙飛, 呢樣我最清楚 , 除非兔出生率高過龍啦

作者: whitepurin 時間: 15-12-2 09:58 標題: 回覆：cindytsg 的帖子

兔年真係高龍年少少，但要到蛇年先大幅減少

作者: sai913 時間: 15-12-2 10:09 標題: 回覆：cindytsg 的帖子

兔年有九萬五

作者: ffaye 時間: 15-12-2 10:12 標題: 引用：Quote:ffaye+發表於+15-12-1+18:49+其實兔

原帖由 cindytsg 於 15-12-02 發表
朋友仔係2011, 我個女係2012 (龍年)11月, 2013 1月先停雙飛, 呢樣我最清楚 , 除非兔出生率高過龍啦
...

謝謝更正。睇番新聞，零雙非係2012年宣布，於2013年1月1日實施。

不過兔年出生率係過去10年（或更長）之冠。確實數據就要爬下文至揾得番。

作者: gigiwin888 時間: 15-12-2 10:13

本帖最後由 gigiwin888 於 15-12-2 10:14 編輯

上次看報紙見到淨計(本地父母)出生率, 2012年係約58000人, 2013年57000人, 2014年62000人, 有錯請更正

作者: cindytsg 時間: 15-12-2 10:41

兔年本地加雙非9萬5, 龍年小過佢, 我真係佑吾到

作者: hobby 時間: 15-12-2 11:08

現在囡囡讀小一, 唔係跟唔上, 不過眼見好多學校小一都超多功課, 我覺得做大會好啲, 我見大一年嘅小朋友, 基本上專注, 大小肌都強好多; 如果坐唔定, 要有心理準備每日開片

作者: heiheigirl 時間: 15-12-2 13:00 標題: 回覆：有冇人後悔做超大B?想了解下

眼見阿囡幼稚園識個班好同學仔都是細b，當時手腳協調是差少少，除左bb小小，其他分別不大。而上到小學咩都追返哂，成績仲要幾好！
我自己細個都是冇幼稚園收要做大b，到中學先發覺自己比同班同學大1年至年半，後來仲留班再比人大多一年，到最後中五都唔敢再repeat，自己真是覺得比人老好多好瘀

作者: Heyheyjoyjoy 時間: 15-12-2 16:16 標題: 回覆：MrBeast 的帖子

你所指的clearcut是應造大，因爲慢？

作者: Heyheyjoyjoy 時間: 15-12-2 16:19 標題: 回覆：Heyheyjoyjoy 的帖子

考慮的是阿仔話不想重讀。他在學校、朋友圈子的心理上障礙。

作者: day_bo 時間: 15-12-2 19:11 標題: 引用：考慮的是阿仔話不想重讀。他在學校、朋友圈

原帖由 Heyheyjoyjoy 於 15-12-02 發表
考慮的是阿仔話不想重讀。他在學校、朋友圈子的心理上障礙。

對，讀K1時我問阿仔佢都不肯重讀（仲要我囝重考K1都冇學校收），所以以超細B身分（12月中出世）而家喺一間谷既九龍塘幼稚園讀緊K3，學術上跟得不錯，但自信心的確低D。今年考左3間私小，1間reject,2間waiting ...幸好自行有間不錯2線津小收左。希望遲D收到waiting call.

作者: ajfamily 時間: 15-12-2 21:03

heiheigirl 發表於 15-12-2 13:00
眼見阿囡幼稚園識個班好同學仔都是細b，當時手腳協調是差少少，除左bb小小，其他分別不大。而上到小學咩都 ...

我就係話情願將個quota 留在日後用，因為那時就影響更深遠。

作者: 艾菊 時間: 15-12-2 21:53 標題: 引用：眼見阿囡幼稚園識個班好同學仔都是細b，當

原帖由 heiheigirl 於 15-12-02 發表
眼見阿囡幼稚園識個班好同學仔都是細b，當時手腳協調是差少少，除左bb小小，其他分別不大。而上到小學咩都 ...

做大B都跟唔到要留班，你認為做細B可以應付到/捱到中五先repeat?

作者: MrBeast 時間: 15-12-2 22:59

本帖最後由 MrBeast 於 15-12-2 23:08 編輯

Heyheyjoyjoy 發表於 15-12-2 16:16
你所指的clearcut是應造大，因爲慢？

有一fd 在kg時老師已有關注過學習能力，但她還堅持要小朋友做細，小學0 offers但好彩抽到間不錯的happy 津校，但小一還是跟得很辛苦，仲要去做學障評估，我估個小朋友自己都會懷疑自己點解會與眾不同。因為你唔會知你小朋友幾時會開hill，上小一可能ok，亦有可能好似我fd 咁，ur risk to take but u ve got to ask urself: what for。其實小朋友at this stage 還是好似一張白紙，父母點諗，佢就會點諗，轉另一間kg 好快就會忘記之前間，但當事人既然已表態，個conversation 會是難的，或者你e+開始盡量追，見步行步吧。

作者: RUVSY 時間: 15-12-2 23:10 標題: 回覆：janicelwy 的帖子

我覺得現在不同以前的世代，現在好多人做超大b , 有啲學校都講明收九月前出世的，所以現在讀多一年，可俾多啲時間準備及玩多一年，對身心都有益，加上現在什麼也推前學，幼稚園學小學課程，小學學中學課程。以前小學生都可通街玩，現在又話怕俾人捉，有什麼事，政府又話家長疏忽，所以真的不同了。現在不像我們細個咁怕給人知留班，年紀大過其他同學，因好多都是咁。

作者: Heyheyjoyjoy 時間: 15-12-2 23:29 標題: 回覆：有冇人後悔做超大B?想了解下

其實開學已開始追，老鼠拉龜…不知從何入手。一個月前我嘗試給他時間表，每星期溫習上星期的功課，發現他記憶力好，關卡在抄寫慢、英文老師教的他有些聽不明但又無問…現在幫他看漢字基礎500，教他拆字…打算考到學校就升，考不到不抽獎，等下年。

作者: MrBeast 時間: 15-12-3 05:43

Heyheyjoyjoy 發表於 15-12-2 23:29
其實開學已開始追，老鼠拉龜…不知從何入手。一個月前我嘗試給他時間表，每星期溫習上星期的功課，發現他記 ...

小肌相對易搞，每日做少少訓練，幾個月內必定有improvement，唔介意的話，去協康這類機構看看有什麼課程適合，又或者找個ot 做評估睇下有冇其他地方要留意。大抽獎3/4月前withdraw出年可再參加（詳情你打去edb問），橫掂都係，比多些時間觀察和考慮。

作者: juicelau 時間: 15-12-3 07:52 標題: 引用：其實現今香港咁多人做超大B，相信將來不會

原帖由 rinarina 於 15-12-01 發表
其實現今香港咁多人做超大B，相信將來不會因為自己大人半年而吾開心呱。而家香港課程越來越深，寧可做大不 ...

同意

作者: superying 時間: 15-12-3 08:03 標題: 回覆：有冇人後悔做超大B?想了解下

唔好誤會超大B一定考到名小，大把考唔到。

作者: Heyheyjoyjoy 時間: 15-12-3 09:55 標題: 回覆：有冇人後悔做超大B?想了解下

多謝意見，我問過教育局，我今年不報自行、不抽獎、不入讀任何小一課程（重讀k3），明年就可以像其他大b一樣再來過。其實我煩惱的主因是班主任覺得他OK，只是慢，校長主任by default認為造大，而阿仔又說不想重讀，所以才未決心留k3，讓他今年盡全力試考，不行就明年，現在也報了一些幼稚園明年插班k3，明年就算考不到，也可抽獎，會有書讀。

作者: amani1006 時間: 15-12-3 10:13 標題: 引用：我始終覺得呢幾年就一定要慎重考慮，因為人

原帖由 ajfamily 於 15-11-30 發表
我始終覺得呢幾年就一定要慎重考慮，因為人口一年多過一年，那班人不只同你爭幼稚園，還有小學、中學、大學 ...

good point

作者: 已刪除用戶 時間: 15-12-3 10:35 標題: 引用：多謝意見，我問過教育局，我今年不報自行、

本帖最後由 evacalbee 於 17-9-3 08:05 編輯

原帖由 Heyheyjoyjoy 於 15-12-03 發表
多謝意見，我問過教育局，我今年不報自行、不抽獎、不入讀任何小一課程（重讀k3），明年就可以像其他大b一 ...

deleted

作者: karen55407 時間: 15-12-3 10:40 標題: 引用：識人幼稚園repeat做超大b,+點知去到小三跟

原帖由 gigiwin888 於 15-11-30 發表
識人幼稚園repeat做超大b, 點知去到小三跟唔到要留班, 大其他同學接近2年

做大b 無話好唔好, 都係看小朋友 ...

你識嗰個人做了大B小三要留班的話，我睇唔到佢如果唔做大B就可以唔留班。

作者: rinarina 時間: 15-12-3 10:44

本帖最後由 rinarina 於 15-12-3 10:51 編輯

就算做大不能入到名校, 去左二線, 起碼都可以追得課程貼D, 小朋友無咁辛苦, 有咩吾好??

如果比小朋友做細B, 吾好話入名校定二線, 初小時考第尾, 或者要好辛苦才考到中上成績, 咁又為左D咩?　（如果家長接受到的話當然無問題啦︿Ｏ︿）

初小最理想是多點空間去看課外書, 培養閱讀興趣, 而不是追課程, 除非小朋友係入左好似救恩呢類Happy school, 否則, 津校或谷的津校, 只是寫字都寫到你手軟。

細仔/細B的IQ 或者可以同大仔/大Ｂ差不多, 但細仔／細B的小手肌一定不可以追得咁快, 試想下, 兩歲BB可以用手指穿珠仔, 一歲做吾做倒?
我見到好多BB, 1歲半已經可以講野, 講得好叻, 什至BB， 1歲半玩Flash card 已經可以認過幾百個生字, 但是大／小肌肉係無得追。

所以，如果有得揀，我會做大。不過吾會Ｋ３先至考慮重讀，會早少少考慮或決定。

如果要考慮經濟，吾想比多一年學費，或者小朋友已經成熟到可以自己決定想做細仔的話，咁又另計，因為可能有些小朋友真係好成熟。

最後, 我認同去到高小, 細和大, 已經吾差好遠, 不過, 小朋友初小階段, 一定會有分別。視乎家長如何調節心態。

作者: ok3 時間: 15-12-3 11:06

karen55407 發表於 15-12-3 10:40
你識嗰個人做了大B小三要留班的話，我睇唔到佢如果唔做大B就可以唔留班。

...

唔做大B可能已被勸退了

作者: rinarina 時間: 15-12-3 11:18

回覆 karen55407 的帖子

你呢個ＣＡＳＥ，是否哪位小孩本身有學習困難／其他原因呢？如果他做細仔上高一級，咁咪更加追吾倒？反而呢個例子，選擇了做大，是正確不過了！

作者: ffaye 時間: 15-12-3 11:27 標題: 引用：多謝意見，我問過教育局，我今年不報自行、

原帖由 Heyheyjoyjoy 於 15-12-03 發表
多謝意見，我問過教育局，我今年不報自行、不抽獎、不入讀任何小一課程（重讀k3），明年就可以像其他大b一 ...

不過你要留意，2011年係出生率高峰期。做左大b同時要同更多小朋友友一齊考直資。當然，如果你只係想小朋友上小學後輕鬆d就同出生率無咩關係。

作者: yfchoy 時間: 15-12-3 12:00

"大B定細B好"呢個問題，好多人都好掙扎，我曾經都是其中一位家長。小囡是11月中的細B，一向都十分多嘢講，坐唔定企唔定，曾經有一段時間我好懷疑是否SEN兒童而頭痛，亦跟C6有分歧。考幼稚園時以為佢識嘢唔小應該揾幼稚園冇問題，最後全軍覆沒，得一間跟托嬰園有聯繫的幼稚園收。當時係好DOWN，但亦冇辦法，因為阿囡當時實在太隨意去做事。幸運地，一年過後，心儀的幼稚園在開學時突然有後補位，我亦好彩地取得一個面試機會，當年的班主任見阿囡，阿囡去到學校十分合作，一啲都唔驚，當我要跟面試老師單獨談話時，阿囡竟然樂意地跟另一位完全未見過的老師到另一房間玩。最後，當然即時收咗阿囡(很多謝幫忙給阿囡機會的所有人，但絶不是因人事才取錄，因為班主任是不認識。)。這是我第一次感受到大B和細B的分別。在幼稚園的三年裡面，其實囡囡表演都不算好，成績一般，不過老師耐心地教導和包容，總算安全渡過三年。每次去觀課，我總見到阿囡不專心上堂。人人上前聽故事，佢就去最後面自娛。見家長時，都是說唔專心要時常提點和小肌肉的問題。到考小學時，較幼稚園好，考了三間(連自己聯繫小學)，1成功1後補1失敗。這次小學面試的經驗，其實不是阿囡唔夠，只是學校喜歡靜態學生，但囡囡跳住去見，都知道衰硬。至於後補的，其實我覺得佢已好叻去到第二次面試，只是佢仍然還未夠好。最後，當然等大抽獎。結果抽到第一志願，我開心到喊咗出嚟，但唔夠一小時我就担心得要死。因為該小學算是出名的傳統學校，根本唔可以俾啲學生坐唔定上堂，我再考下阿囡幼稚園所學的嘢時，發現佢8成俾番晒老師，我完全晴天霹靂。在升小一的暑假中全部時間留在補習社補底，逼佢坐定定學習(可能大家會覺得殘忍，但實是沒辦法)。在小一這年，囡囡初時仍然坐不定，好彩老師仍有包容(但當中囡囡亦有一些情緒影響的問題)。當時我真的打定心理準備要轉校及留班。不過，這年的成績雖然都係中下，但以分數來說，我覺得已好好(以佢係細囡和佢既性格 - 冇耐性，專注力差)。我一直都懷疑囡囡的能力會否能應付到，始終班內的確有些大佢整整一年的同學，能力方面一定好啲。但教囡囡的老師們卻給我力量，佢哋既回應係囡囡聰明，但專注力唔夠，經常雲遊四海，肌肉需要緞練。今年小二，在剛過去的暑假我依然要佢全天候在補習社，囡囡唔想整天在補習社，奈何家中冇人照顧，但這造就了在補習社預先緞練(佢一玩就散晒)。剛完成的第一個學期，總結來說，真的進步不小。入了這間學校，囡囡愛上了中文，在於我來說亦有很大進步，由於想像力豐富，常常搞到自己混亂而影響寫作，但這只是小問題。以前做功課好懶散，現在快咗(不過佢仍然好唔鍾意寫字，寫得醜，一要佢額外寫字默書就扭計)。我慶幸自己冇擅自為佢選擇留班，我亦學習去放鬆去接受囡囡慢慢的改變。兩年前，囡囡不喜歡看書。去年，佢開始對中文有興趣。現在，佢會拿中文書睇，我嘗試俾佢睇一些趣味性散文時佢又會定定地看得津津樂道(令我感到意外)。雖然佢現在喜歡看書，但並不代表佢中文成績好好。我明白現在的教育，啲題目根本好有問題，所以我是為求升到班便可(語文根基打得好亦未必能考到好成績，我諗各位JM未必明，但有時老師只接受MODEL ANSWER，太有創意的未必接受)。

我講出我和囡囡的經驗，係想導出一點，大B細B邊樣好係冇準則的，最緊要是家長想要什麼和小朋友本身的能耐。未到最後一刻都唔會知道結果是好是壞，只要一旦決定了便盡量去配合方向而行。不要小看自己的小朋友，一旦提起佢哋既興趣，佢哋既進步係可以好大。當然，若然小朋友自身有一些先天既問題，就不能急進。若有冒犯，請多包涵！

作者: MrBeast 時間: 15-12-3 17:43

回覆 yfchoy 的帖子

100% agree: 一旦決定了便盡量去配合方向而行

作者: MrBeast 時間: 15-12-3 18:04

Heyheyjoyjoy 發表於 15-12-3 09:55
多謝意見，我問過教育局，我今年不報自行、不抽獎、不入讀任何小一課程（重讀k3），明年就可以像其他大b一 ...

個人經驗，not to be disrespectful 老師feel back 有時要take w a large grain of salt. 我由k1問到k3, 都話我孩子冇問題，跟著kg 為了ham 接小一課程，開始有默書，所有問題就開始浮現…

作者: lilysee 時間: 15-12-3 21:38 標題: 回覆：janicelwy 的帖子

大始終好過細

作者: encina 時間: 15-12-3 22:00

好多時要睇小朋友個性，我甥女係細b，但靜所以都跟得幾好，成績幾好架

作者: LLKK 時間: 15-12-4 03:53 標題: 引用："大B定細B好"呢個問題，好多人都好掙扎，我

原帖由 yfchoy 於 15-12-03 發表
"大B定細B好"呢個問題，好多人都好掙扎，我曾經都是其中一位家長。小囡是11月中的細B，一向都十分多嘢講， ...

謝分享。請問，以你女的情況，以她現在的能力去讀小一，你覺得有什麼不同？還需求整個暑假留在補習社，或能輕鬆面對？

作者: Abelmama 時間: 15-12-4 09:07

回覆 MrBeast 的帖子

想問下一默書,問題點樣開始浮現?係記不到定寫不到?因為我女都係細B,想知道多些。

作者: Woojojo 時間: 15-12-4 10:45

yfchoy 發表於 15-12-3 12:00
"大B定細B好"呢個問題，好多人都好掙扎，我曾經都是其中一位家長。小囡是11月中的細B，一向都十分多嘢講， ...

多謝分享! 令我又多點信心行細B呢條路

!

我仔都係11月細B, 下年升小一. 見佢除抄寫字體醜D同做功課比較懶散D外, 能力上應可應付不太谷的小一課程. 之前因著轉唔轉做大B的問題, 每年都反思. 今年直私全軍覆沒, 所以亦曾問阿仔意願, 想俾佢過多年幼稚園生活. 佢一路都好喜歡返學同小朋友玩, 出乎意料之外, 問佢幾次不如讀多一年幼稚園佢都話唔想, 佢要上小學! 可能朋輩間的影響吧.自行為佢搵咗間愛心小學(初小不太操抄寫, 著重補底, 升中派位ok), 亦好好彩抽中了.

於是同班主任傾, 佢話小朋友意願都要考慮, 佢心理上已準備好上小學卻唔明點解自己要repeat幼稚園, 對佢影響會好深遠. 之後我就諗, 既然佢想, 就同佢一起面對吧! 若然真係讀唔掂才諗repeat小一囉. 其實做大b定細b好難一概而論, 做大b無疑有發展上的優勢, 但資質係唔易變嘅, 到6-7歲大家就見真章. 阿Q咁諗, 做細b我仲可以歸咎於佢比人細, 但如果調節唔好自己對大B的期望, 大人同小朋友都可能會很大壓力.

BTW, 呢個暑假都要keep住溫返K3所學嘅嘢, 甚至預習一下小一課程, 否則一上小一肯定天崩地裂都似!

作者: janicelwy 時間: 15-12-4 12:28

回覆 jaycee_mami 的帖子

其實唔係repeat n, 係遲人一年讀n。
我而家都好煩惱, 自己小朋友考n同k, 都有學校收, 但心議既n又只得pm班。咁好似做超大b都冇咩好處....
我原意都唔係要做咩超大b, 但舊年根本n in都冇得in....有時都係跟潮流走...

作者: janicelwy 時間: 15-12-4 12:30

回覆 yfchoy 的帖子

多謝你既分享, 而家個個都話做大好, 搞到更細升好似迫佢上咁, 做家長真係好多野要諗。

作者: janicelwy 時間: 15-12-4 12:32

回覆 Woojojo 的帖子

你提出個point好好, 就係他人期望。
做左超大都唔好真係無excuse....
但難道要考直私真是要超大b??

作者: ssks227 時間: 15-12-4 14:03

我8月出生, 我媽媽係廿幾年前, 思想已經好前衛, 故我係幼稚園K1開始遲了一年入學.......總括來說, 我小學成日俾同學仔以為我留過班, 不太開心........中學開始OK 啲......

作者: yfchoy 時間: 15-12-4 17:53

LLKK 發表於 15-12-4 03:53
謝分享。請問，以你女的情況，以她現在的能力去讀小一，你覺得有什麼不同？還需求整個暑假留在補習社，或能 ...

其實好難講會有咩唔同，唯一可以講的會是小肌肉當然會好些，至於其他就好視乎這一年你俾到咩幫助俾小朋友，要知道機會永遠是會留給有準備既人。就算真的有機會亦可能是只好彩！我相信若果我把囡囡變成大B，但俾佢放學做完功課就算，佢亦未必會跟得上。因為我本身要返工，冇工人，回家要煮飯，跟本唔能夠貼身照顧佢既學習，否則真係大家都唔使瞓，亦會破壞親子關係(一年級初時就出現這問題，後期都要去額外的補習)。以過去的一年時間跟囡囡和補習社磨合，今個學期真的見成果。若然冇了催谷，以小囡的惰性，一定一到考試就叫苦連天，成續亦未必好。因為平時不斷練習，到考試前一個月續步地温習，雖然抱病去考試，囡囡亦可以做到理想成績，絶不會比大B遜色(我絕對冇炫耀的意思，我想表達的是有付出，一定會有收獲，只視乎幾時。)。當時，若唔繼續保持作戰狀態都未必可能保持到成續。但在於我來說，最重要的是令到小朋友奮鬥的心態，千其不要令小朋友覺得細B就會比人遜色，這是一個十分錯誤的信息。囡囡係開學初期都會同我講佢細B，所以係會差啲。我聽到的時候完全覺得是因為自己令佢失去自信。幸運地，今年跟囡囡的補習老師比咗佢好大的鼓勵。今天，我可以好理直氣壯地跟囡囡講不要小看自己，只要努力，咩都會有可能，只會坐着只講唔做既人先會冇可能。以前是我錯，我只會用負面說話去話佢考得咁差、咁都唔得，小朋友聽多了就覺得自己唔得架啦！
講講下我好似唔知想講乜咁，希望幫到你啦！其實未到最後，我都唔敢講我為阿囡選擇做細B是啱是錯，但我絶不後悔。

作者: yfchoy 時間: 15-12-4 18:10

本帖最後由 yfchoy 於 15-12-4 18:12 編輯

janicelwy 發表於 15-12-4 12:30
回覆 yfchoy 的帖子

多謝你既分享, 而家個個都話做大好, 搞到更細升好似迫佢上咁, 做家長真係好多野要諗。 ...

不用客氣！其實大細B的分別只會在幼稚園出現得最嚴重(以小女經驗)。過了幼稚園階段，剩下的就是小朋友和家長的努力能改變。小囡幼稚園咩都冇學，本想俾佢一個快樂的幼稚園生涯，到K3下學期時先開始補普通話。在升小的暑假裡，在開始暑期補習班前的評估根本係以差嚟形容，幸運地囡囡肯接受緞練(偶爾會發脾氣)，所有既嘢係因為佢既努力得來，不是因為大細B的關係。當然，若要說大B可以學多一年嘢，這是建基於你真係會俾佢學，而唔係浪費時間。以前冇放手俾補習社教，我自己用錯方法，破壞了親子關係，幸而囡囡真的很體諒我這個唔合格既媽媽。現在我倆偶爾都會吵架，吵的都只是日常生活的事。
我自己都是細囡長大(11月尾)，我係因為當年幼稚園結業揾唔到學校而硬上小一(SKIP咗K3)，雖然係細，但我好記得小一那年我係邊寫字邊喊的。嗰個年代，阿媽亦唔識有咩方法幫到我。但到小三，分別已經不大(當然現今教育跟以前差天共地)。不過，細B的好處在我中五要重讀時就好好。我不材，兩次成績都唔好，考第三次時只求一張full cert去揾工所以讀夜校加日間VTC，誰知道考到中六！當然繼續讀啦！若然本是大B的話，讀A-Level時就真係好醜怪了！現在一樣俾我幸運地大學畢業，所以在中途看似在好多挫折，只要唔放棄，一樣能成功(我唔係話我成功，其實我是很水皮的)

作者: yfchoy 時間: 15-12-4 18:17

Woojojo 發表於 15-12-4 10:45
多謝分享! 令我又多點信心行細B呢條路!

我仔都係11月細B, 下年升小一. 見佢除抄寫字體醜D同做功課 ...

不要太擔心，字體醜和功課慢只是小肌肉的問題，小女亦經過過。跟老師傾下睇下有咩意見。上面我的兩個POST希望可以幫到你！要記住現時的挫折只是給自己和小朋友的考驗，克服到便不用再怕其他考驗。因你有的是勇氣！

作者: yfchoy 時間: 15-12-4 18:27

janicelwy 發表於 15-12-4 12:28
回覆 jaycee_mami 的帖子

其實唔係repeat n, 係遲人一年讀n。

其實當初我讓小囡由托嬰園直接入K時，初時都係全軍覆沒，但我一直相信囡囡的能力是可以應付到的(嬰園教得很好，同屆的細B小朋友冇一個現在變在超大B)。最後幸運之神來臨，開學兩星期才轉讀心儀小學。首先問下自己，小朋友能否應付到？可以的話，為何要留級呢？既然有心儀學校收，只是PM冇所謂！小囡當年都係PM班(我想入AM)，最後我都唔要錯過任何一個機會。

作者: janicelwy 時間: 15-12-4 18:32

回覆 yfchoy 的帖子

我同你有點似, 其實都係無讀k3, 又repeat 左中五最後都上左大學。
所以對大細b的想法更矛盾, 不過我個係仔, 所以更加煩惱。
始終女仔發展比男仔早又係事實。我同時有k同n offer 了, 真係有點意想不到。

作者: MrBeast 時間: 15-12-4 20:59

Abelmama 發表於 15-12-4 09:07
回覆 MrBeast 的帖子

想問下一默書,問題點樣開始浮現?係記不到定寫不到?因為我女都係細B,想知道多些。

例如今日溫左，明天就比返哂老師和父母，有時完成寫唔出，有時就寫錯。我近這一年才發現其實我的孩子記性很好，可以好detail 講返出幾年前考小一被問過的問題，點解當時做唔到，我相信只是developmental, ie 未發展到，有時一些數學概念，教極都唔識，但我可以乜都唔做，過幾個月後便自通經絡。

作者: LLKK 時間: 15-12-4 22:03 標題: 引用：Quote:LLKK+發表於+15-12-4+03:53+謝分享。

原帖由 yfchoy 於 15-12-04 發表
其實好難講會有咩唔同，唯一可以講的會是小肌肉當然會好些，至於其他就好視乎這一年你俾到咩幫助俾小朋友， ...

明白。再次謝謝分享！

作者: Sumyeema1 時間: 15-12-4 22:24

yfchoy 發表於 15-12-4 18:10
不用客氣！其實大細B的分別只會在幼稚園出現得最嚴重(以小女經驗)。過了幼稚園階段，剩下的就是小朋友和家 ...

恕我多嘴，如果當年你唔係夾硬升小一，而是等身、心都 ready 才升學，可能不用在中、小學時受磨難……
另外一點，even 年尾超大B，是適齡兒童，做咩個個講到留班咁負面？

作者: Sumyeema1 時間: 15-12-4 22:36

Sumyeema1 發表於 15-12-4 22:24
恕我多嘴，如果當年你唔係夾硬升小一，而是等身、心都 ready 才升學，可能不用在中、小學時受磨難……
另外 ...

補充一下，我兩個小朋友都是12月出世，兩個都做咗超大B，小學適應得幾好……
想當年，大女以超細B申請一間出名幼稚園，只有 waiting, 我馬上寫叩門信，個校長打俾我，話以佢教書咁多年觀察，細B因為大、小肌肉未 ready, 過早返學，家長、小朋友都辛苦，當時佢話: 你小朋友明年來面試，我一定收你……

好多謝呢位有心校長一番說話，我去搵資料……了解多D為何培正、真光、聖保祿偏向收大B……

作者: yfchoy 時間: 15-12-5 01:53

本帖最後由 yfchoy 於 15-12-5 01:58 編輯

Sumyeema1 發表於 15-12-4 22:24
恕我多嘴，如果當年你唔係夾硬升小一，而是等身、心都 ready 才升學，可能不用在中、小學時受磨難……
另外 ...

我一直唔覺得留班一定是負面，只是覺得應付得到又何需要特意要做大B？有機會為何唔試？我自己當年小一係辛苦，但跟著落嚟既日子唔覺得追得辛苦，中學試過考尾三差點升唔到班，知自己衰懶散就走去報補習社不停操練，第二年的最後一次考試係第三名，自己都唔太相信。（若果我唔試，聽人講都係要留班既心理準備，咁我咪白白浪費一年時間？）。之後的會考純粹是一些家裡有事加上不太識得找對方法應付公開試。
其實做大B或細B都只係個人選擇，旁人給的意見只是參考，自己才清楚自己孩子的狀況，選擇哪條路只要唔好後悔就得。（我好鍾意愚公移山的一句話："坐這山望那山，一事無成"。若然常常兩邊看只會兩邊都不討好）冇話做大B一定唔好，會覺得好大個，相對而言，細B亦未必一定樣樣不及大B。所以唔需要感到有負面感覺。同埋世上是冇如果的，一日冇踏出，跟本唔會知道結果係點。若事事都會諗番如果的話，人生可能會有好多遺憾。跟朋友談開這話題，我總不會下定哪方好，凡事有兩面，現在的成功可能會因驕傲導致日後的失敗，另一方面，現在的失敗亦可能引發日後的成功。只要不斷努力，無論中途怎樣，最終都會成功。

若有冒犯，希望唔好介意，我份人好長氣，有時可能講得太多會過份咗而不自知。但我只係想分享一下自己經歷和掙扎俾各位，作為鼓勵。

作者: MrBeast 時間: 15-12-5 06:21

yfchoy 發表於 15-12-5 01:53
我一直唔覺得留班一定是負面，只是覺得應付得到又何需要特意要做大B？有機會為何唔試？我自己當年小一係辛 ...

[color=rgba(0, 0, 0, 0.701961)]欣賞你的堅持，一般來說大細B差異到到小二會收窄，looks like 你已渡過了最難的時刻，congrats。我也同意應付到的話做細冇問題，過程會使孩子更堅強甚至有份自豪。不過同時亦有可能go the other way，追得辛苦影響自信和親子關係（大家唔係天生識做父母和識教），有次eca 和一mami 吹水，她自己是細B，勸我可以揀就唔好做細，所以世事冇絕對，父母要點取捨，其實好簡單：risks vs benefits。

作者: MrBeast 時間: 15-12-5 07:40

Sumyeema1 發表於 15-12-4 22:36
補充一下，我兩個小朋友都是12月出世，兩個都做咗超大B，小學適應得幾好……
想當年，大女以超細B申請一間 ...

[color=rgba(0, 0, 0, 0.701961)]當年kg 校長親自觀察過我孩子後，說理解ok但慢和被動（doesnt this sound familiar)，建議repeat一年做大會較好，十分感謝校長的中肯建議，現今小學課程艱深，莫說細B，中B都跟得辛苦。

作者: MrBeast 時間: 15-12-5 07:56

Sumyeema1 發表於 15-12-4 22:24
恕我多嘴，如果當年你唔係夾硬升小一，而是等身、心都 ready 才升學，可能不用在中、小學時受磨難……
另外 ...

[color=rgba(0, 0, 0, 0.701961)]支持細B其中一理由是留返個repeat quota 大些用，我真不明這理諗，覺得做得辛苦去搵過份工，和做得唔好比人炒係完全兩回事。

作者: 已刪除用戶 時間: 15-12-5 09:41 標題: 引用：Quote:Sumyeema1+發表於+15-12-4+22:24+恕

本帖最後由 evacalbee 於 23-7-26 18:35 編輯

原帖由 MrBeast 於 15-12-05 發表
支持細B其中一理由是留返個repeat quota 大些用，我真不明這理諗，覺得做得辛苦去搵過份工，和做得唔好比人 ...

作者: 小ot 時間: 15-12-5 09:53 標題: 回覆：有冇人後悔做超大B?想了解下

我是12尾出生，當年阿媽安排了做大b入學。我唔太覺好。最令我晤開心是，當年小學時我是羽毛球校隊，都有攞獎，被推薦去港隊的青少年培訓（陳念慈）來選人，有辛被選中，但竟然後來話我超齡，因出生年份....唉！失望和晤開心...問阿媽點解唔同其他同學出生年份....。如果俾我，無必要晤洗做大b啦

作者: Snoopyboy 時間: 15-12-5 10:11 標題: 引用：我是12尾出生，當年阿媽安排了做大b入學。

原帖由 小ot 於 15-12-05 發表
我是12尾出生，當年阿媽安排了做大b入學。我唔太覺好。最令我晤開心是，當年小學時我是羽毛球校隊，都有攞 ...

Same here

作者: MrBeast 時間: 15-12-5 11:22

每個人背後都有個故事，好多時會因為一些人生經歷而作出決定，本人亦一樣而當初決定做細，做到咪做，做唔到咪做大，都係適0，not really a big deal

作者: 小ot 時間: 15-12-5 11:27 標題: 回覆：Snoopyboy 的帖子

幼稚園可能真是難找d...，小學仲要俾人以為留班，而且愈大個，分別唔太。而且愈大,仲要我a-level 肥左中文（當年已經是我的死亡之卷），又考多年。總覺得好似人地好d, 年紀細d , 已完成同一階段。haha, 可能年紀愈大，就有lee d感覺！

作者: yfchoy 時間: 15-12-5 13:12

MrBeast 發表於 15-12-5 06:21
欣賞你的堅持，一般來說大細B差異到到小二會收窄，looks like 你已渡過了最難的時刻，congrats。我也同意應 ...

多謝！到現在為止我覺得大細B對我囡囡來說已分別唔大。你說得好啱的是，細B若應付到，過程會令孩子更堅強和自信，不過不是絕對的，太細去決定去向可能是賭博，所以我會觀察。我是幸運，雖然起步遲但仍追得上，這亦歸功於囡囡肯接受嘗試。當中係會影響親子關係，父母要取捨，可以接受捨棄到那程度來換取成果(未必一定有)。所以沒有一定的對錯。

作者: MrBeast 時間: 15-12-5 13:23

evacalbee 發表於 15-12-5 09:41
我都覺得repeat quota呢個理由好牽强。我反而覺得可以比小朋友試下先，如果唔係表現太離譜我會比佢 ...

又到我講古時間，當年打去ebd 問有關大抽獎，主任之前在小學教書同時負責sen，言語之間，也建議我在k3 repeat 較好，有兩位教育界人士都咁建議，who am i to argue?

作者: fishchow 時間: 15-12-5 13:43 標題: 引用：Quote:evacalbee+發表於+15-12-5+09:41+我

原帖由 MrBeast 於 15-12-05 發表
又到我講古時間，當年打去ebd 問有關大抽獎，主任之前在小學教書同時負責sen，言語之間，也建議我在k3 repe ...

如果 K3 repeat, 個人認為最好轉校 repeat ，並揀一間程度更深一點的，
不致學習內容全相同。

作者: MrBeast 時間: 15-12-5 14:31

yfchoy 發表於 15-12-5 13:12
...太細去決定去向可能是賭博，所以我會觀察。我是幸運

我覺得似股票投資，細B＝科技股，大B就保本基金。
我覺得你願意為你孩子去改變自己是成功的主要因素。

作者: ffaye 時間: 15-12-5 14:55 標題: 引用：Quote:evacalbee+發表於+15-12-5+09:41+我

原帖由 MrBeast 於 15-12-05 發表
又到我講古時間，當年打去ebd 問有關大抽獎，主任之前在小學教書同時負責sen，言語之間，也建議我在k3 repe ...

兩位教育界人士都係以客觀角度講出以往所見，所以意見值得參考。不過小朋友係自己的，最清楚佢地程度亦係自己。所以有d小朋友做細b無問題，有d小朋友做大b亦只係勉強跟得上。所以家長自己既觀察才是最緊要。

作者: Nath 時間: 15-12-5 15:27 標題: 回覆：有冇人後悔做超大B?想了解下

其實k3 下學期間間都講升小學, 介紹小學生活等。小朋友友都會抱住期待升上小學既心情，咁家長點解釋佢要讀多年k3呢？

作者: MrBeast 時間: 15-12-5 15:27

本帖最後由 MrBeast 於 15-12-5 15:38 編輯

ffaye 發表於 15-12-5 14:55
兩位教育界人士都係以客觀角度講出以往所見，所以意見值得參考。不過小朋友係自己的，最清楚佢地程度亦係自 ...

當然當然，但除非好似我個咁過唔到kg壓力測試，又或者有超然能力，普通父母沒有專業幼兒知識很難單朋kg report 去評估孩子的發展進度和能力。
Ps. 可能你冇看我之前的po, kg校長其實親自looked into my childs case, 同老師深入討論和親自和我孩子傾談，再而比我建議，不是一些大路的意見。

作者: SWEETANN 時間: 15-12-5 15:57 標題: 回覆：有冇人後悔做超大B?想了解下

阿女10 月b, 今年直私全軍覆沒，不過仍會升上自行派到學校，讀得好就算了。但如果有大進程，也可以明年再試直私，應該點都有間二線吧

作者: Olympian 時間: 15-12-5 18:43 標題: 回覆：janicelwy 的帖子

我仔今年超大B讀小一。覺得大一年的他差別很大。上年一提升小，佢就好驚。今年佢對升小卻十分期待。上年小一數學，我教極佢都唔識，今年完全識晒。大一年寫字又快左。功課而家佢1個鐘左右做完。如果以佢上年的能力，都唔知要做幾耐，同埋肯定發脾氣及冇晒自信。而家做完功課，仲好多時間睇書同玩玩具。測驗默書成績都理想。仲有，上年佢好細粒，以前佢成日比人推，今年唔駛擔心呢樣。我覺得好的開始十份重要。佢覺得應付到學業，返學先會開心。個女12月b，都諗緊讀多年先。

歡迎光臨教育王國 (/)