教育王國
標題: 擔心冇書讀 [打印本頁]
作者: 緊張媽媽大師 時間: 15-11-30 14:11 標題: 擔心冇書讀
in咗幾間, 全部都要等到12月先有結果, 自己讀緊間n已經同我哋講阿仔係後備, 好擔心阿仔冇學校收, 如果真係冇學校收, 可以點做?
作者: szwani2412 時間: 15-11-30 14:14
回覆 緊張媽媽大師 的帖子
不要灰心, 朋友細b都已有 offer 呢﹗可以上教育局網頁, 屆時會列出幼稚園空缺情況
作者: mothercare100 時間: 15-11-30 14:18
放心,實有架.加油......
作者: 緊張媽媽大師 時間: 15-11-30 14:31
多謝大家安慰!
作者: QABABY 時間: 15-11-30 14:34 標題: 引用：in咗幾間,+全部都要等到12月先有結果,+自己
原帖由 緊張媽媽大師 於 15-11-30 發表
in咗幾間, 全部都要等到12月先有結果, 自己讀緊間n已經同我哋講阿仔係後備, 好擔心阿仔冇學校收, 如果真係 ...
作者: JUNE408 時間: 15-11-30 14:35 標題: 回覆：擔心冇書讀
一定有，睇你要乜
作者: ymjchan 時間: 15-11-30 15:56 標題: 回覆：JUNE408 的帖子
加油，對小朋友有信心，一定會有適合的學校的。
作者: 緊張媽媽大師 時間: 15-11-30 16:08
回覆 JUNE408 的帖子
本身我仔講嘢比同齡慢, 所以之前攞咗好多間報名表到最後都冇交, 唔去見, 因為驚嚇怕仔仔, 而家見個d都係一d普通而唔太谷嘅學校, 但都好似好大競爭咁.
作者: 緊張媽媽大師 時間: 15-11-30 16:08
回覆 ymjchan 的帖子
多謝support!
作者: Cigaretteyip 時間: 15-11-30 16:15
其實我覺得小朋友適應力好強，通常會愈見愈好，所以俾0的信心你自己小朋友，多嘗試，就多個機會。
作者: JUNE408 時間: 15-11-30 17:01 標題: 引用：回覆+JUNE408+的帖子 本身我仔講嘢比同齡
原帖由 緊張媽媽大師 於 15-11-30 發表
回覆 JUNE408 的帖子
本身我仔講嘢比同齡慢, 所以之前攞咗好多間報名表到最後都冇交, 唔去見, 因為驚嚇怕 ...
作者: moledy 時間: 15-11-30 17:05
緊張媽媽大師 發表於 15-11-30 16:08 
回覆 JUNE408 的帖子
本身我仔講嘢比同齡慢, 所以之前攞咗好多間報名表到最後都冇交, 唔去見, 因為驚嚇怕 ...
作者: 布丁924 時間: 15-11-30 19:22 標題: 回覆：緊張媽媽大師 的帖子
加油呀！我之前都有擔心過呢個問題，努力！應該會有幼稚園架
作者: GG寶 時間: 15-12-1 09:09 標題: 回覆：擔心冇書讀
實會有K1讀，不過有機會不是首輪正取生或你心儀學校，1月註冊後教育局會顯示有餘位的學校呢
作者: vpo0615 時間: 15-12-1 12:00
唔使擔心嘅, 始終有好多人都有幾個OFFER, 遲早要放番出嚟, 到咗1月註冊日之後, 實有位.
作者: HAPPYBEEBEEBEE 時間: 15-12-1 12:29 標題: 回覆：緊張媽媽大師 的帖子
同你一樣，我個仔都係講嘢方面較慢，現讀N的學校只得waiting,所以我同佢報咗14間，亦如我所料，差不多所有面試都冇講過嘢，in到我都心灰意冷，但竟然收到2個offer,一間勁有愛心肯相信我小朋友唔係啞的而收佢，另一間in時全程冇開過聲，但in完走的時候突然fing開我隻手跑返入課室笑晒口攬住老師說抱抱，可能係咁俾佢攬咗個offer返嚟，小朋友發展有早有遲，做父母除了擔心，可以做的就是給他製造更多機會，唔使擔心佢辛苦，返緊N班的，面試對佢嚟講好似返學咁，只是地點人物不同了，佢哋有時會突然給你意外的驚喜，但如果你唔同佢報名就連少少碰運氣的機會都沒有了
作者: tuliplee_hk 時間: 15-12-1 13:00
回覆 HAPPYBEEBEEBEE 的帖子
係,我仔係細B,無讀過N班,面試時先剛2歲,真係先開始講野,好明白樓主既擔心。但我就諗住俾個機會佢同自己,試下啦,不過都係報左2間當區較出名的幼稚園,屋企聽到我話要報7間都覺得我怪獸,實則係佢地住係井底就真,不過第一次面試後,佢地就知我係岩既,因為仔仔見到陌生人唔肯講野,但指令就做晒,好彩有一間老師肯同佢玩,佢先肯講野咋,而尼間亦收左仔仔,仲係當區較出名既,所以我好開心。雖然面試過程係頗令人失落,但都要面對,盡力面對之後就等結果吧,同時諗下最壞時應該怎麼做。我收到第一間結果時只得WAITING,已經諗掂,結果真係無人收,唯有俾佢開心多年,下年再報過啦,如果有人收K1,都會俾佢讀,如果真係讀唔上,就重讀啦,迫唔黎既。況且成績好又唔代表一定會係成功人士,成功人士又唔等於一個心地善良既人,塞翁失馬,焉知非福,未到最後,都未知是好是壞,一切自有安排,順其自然,唔好太擔心,媽媽呵呵,乖~
有唔開心,上黎大家傾下,最少唔駛俾3姑6婆煩先~
作者: SYWu215 時間: 15-12-1 13:06 標題: 回覆：緊張媽媽大師 的帖子
一定有，不過未必岩心水
作者: tuliplee_hk 時間: 15-12-1 13:08
本帖最後由 tuliplee_hk 於 15-12-1 13:17 編輯
最緊要有問題一定要去面對,勇敢D,自己教多D仔仔,再唔係搵出面專業人士幫手,仔仔需要媽媽幫忙,加油!我仔成日坐唔定,我爸仲問佢係唔係有D過度活躍,但叫佢企係某地方,佢會企,不過一陣啦,加上未講到句子,所以我都約左健康院做評估,幫我睇睇,唔駛亂咁擔心先。
俾D時間仔仔成長,大個左,差距會無咁大
作者: JKbama 時間: 15-12-1 13:09
加油, 預祝你找到一家你BB讀得開心的學校!
作者: fionwuwu 時間: 15-12-1 13:31 標題: 回覆：HAPPYBEEBEEBEE 的帖子
見到你既回覆睇到我好感動，好認同你果句，父母唯一可以做既就係幫小朋友制造機會，小朋友出生月份/性格/發展唔到我地去控制，但機會，係人為的，有時小朋友行慢D，父母陪佢既過程中，感受到既，可能更深，所以一定要對自己既小朋友有信心。樓主做左媽媽啦，要硬淨D，加油！
作者: 大埔之友 時間: 15-12-1 13:48 標題: 回覆：擔心冇書讀
媽媽, 你要相信你個小朋友, 連你都放棄無人會比機會佢. 你不如試吓寫信比學校, 話好想繼續讀之類, 表示吓誠意啦.
作者: taiyeung 時間: 15-12-1 21:14 標題: 回覆：擔心冇書讀
不如寫信俾現在pn學校求k1位，試下無妨，反正會有人放位出來
作者: utshoward 時間: 15-12-2 00:11 標題: 回覆：szwani2412 的帖子
放心吧。
作者: scydc 時間: 15-12-2 01:42
加油！一定有位既
作者: vpo0615 時間: 15-12-2 12:01
做定兩手準備, 一方面問吓而家嗰間幼稚園, 另一方面留意出面幼稚園d 空缺情況.
作者: 緊張媽媽大師 時間: 15-12-2 12:27
我好感動得到大家嘅support, 大家都好明白我嘅心情, 我相信緣份遊戲, 我亦相信上天會安排一間啱佢嘅學校. 如有好消息再同大家分享.....
| 歡迎光臨 教育王國 (/) |
Powered by Discuz! X1.5 |