教育王國
標題: 迦密柏雨開放日 [打印本頁]
作者: little 時間: 15-11-25 19:44 標題: 迦密柏雨開放日
請問知唔知係迦密柏雨嘅開放日呀？我上佢網站冇講，但又有人話係11/12
作者: mamayatlun 時間: 15-11-26 11:33
11/12 是中一簡介會, 不是開放日
作者: little 時間: 15-11-27 19:12
好的，謝謝
作者: dorothy111 時間: 15-12-1 07:48
提示: 作者被禁止或刪除 內容自動屏蔽
作者: little 時間: 15-12-2 21:03
回覆 dorothy111 的帖子
咁你覺得間學校好唔好呀？
作者: bb_2001 時間: 15-12-2 22:22
路過。。。 如果你覺得入大學率唔代表一切，若果你想小朋友自由愉快的學校生活，你可以考慮第二間。
跨區去沙田，未必一定要留大埔。有B1a成績與能力，跨去沙田，你可以有更好選擇。
作者: dorothy111 時間: 15-12-3 12:21
提示: 作者被禁止或刪除 內容自動屏蔽
作者: xox 時間: 15-12-3 16:20
bb_2001 發表於 15-12-2 22:22 
路過。。。 如果你覺得入大學率唔代表一切，若果你想小朋友自由愉快的學校生活，你可以考慮第二間。
跨區 ...
作者: xox 時間: 15-12-3 16:28
dorothy111 發表於 15-12-3 12:21
仲未去呀. 不過哩間校風出名嚴, 唔係我首選. 我會試九龍同沙田先, 大抽獎留番大埔. ...
請問如果將自行的兩個 chance 試九龍同沙田, 但不成功.
會否影響大抽獎, 或扣門?
作者: bb_2001 時間: 15-12-3 17:35
過來人的經驗，大仔選校當時沒有人提醒，以為是最好，其實可以有其他選擇。學校過份嚴厲及不合情理，只會令家長和小朋友關係轉差。
到細仔時成功跨區去了沙田，才知真的有成績是B1a的關愛學園。
另外，自行選區外，應該對乙部大抽獎冇影響。而甲3個位，可填區外2個，區內1個。但甲部碌入的機會不大。
但我細仔時，係自行1間沙田，1間莫壽增補底，大抽獎也冇選迦密柏雨。
作者: dorothy111 時間: 15-12-3 17:53
提示: 作者被禁止或刪除 內容自動屏蔽
作者: dorothy111 時間: 15-12-3 17:57
提示: 作者被禁止或刪除 內容自動屏蔽
作者: tht125 時間: 15-12-3 19:23 標題: 引用：過來人的經驗，大仔選校當時沒有人提醒，以
原帖由 bb_2001 於 15-12-03 發表
過來人的經驗，大仔選校當時沒有人提醒，以為是最好，其實可以有其他選擇。學校過份嚴厲及不合情理，只會令 ...
作者: bb_2001 時間: 15-12-3 21:36
回覆 dorothy111 的帖子
乜你都知這外號，利害。我大仔開學後話我知。
都係那句，決定選去入讀的，唔好以為學校永遠是對的，別太看重他們的扣分制。
學校唔同你溝通，就多啲同小朋友溝通。要佢成為你朋友，佢先會同你講心事，你先可影響佢既決定。學校已是監獄，唔好令家變另一個戰場。
分數並不是太重要，親子關係是一生的。
不要被Annual Report 的升大學率誤導，識睇就知其實不太特出。
很多中學的升大學率報告，其實玩緊數字遊戲。沙田呂中的升大學資料，相對比迦密開放得多。
作者: bb_2001 時間: 15-12-3 21:49
回覆 tht125 的帖子
唔知點講，大仔下年三月考文憑試，這六年經驗話我要看重溝通和親子關係。但有些初中時的衝突已經形成，往後的補救就很費力。
我仍覺得，如果當初跨區入呂中，我們的關係可能會更好，就像細仔和我的關係一樣。但亦可以話這是大仔的失敗經驗，加上呂中著重的德行教育的結果。
作者: siden 時間: 15-12-4 01:18 標題: 回覆：迦密柏雨開放日
本帖最後由 siden 於 15-12-4 01:18 編輯
如果唔想誇區就莫記la。
風氣冇咁嚴厲。
作者: little_yolky 時間: 15-12-4 13:07
siden 發表於 15-12-4 01:18
如果唔想誇區就莫記la。
風氣冇咁嚴厲。
不過話說回來, 真係要睇下自己小朋友, 有D係要人管的, 柏雨就啱佢哋, 自律的, 就可以有多D選擇。
作者: tht125 時間: 15-12-4 16:14 標題: 引用：回覆+dorothy111+的帖子
乜你都知這外號，
原帖由 bb_2001 於 15-12-03 發表
回覆 dorothy111 的帖子
乜你都知這外號，利害。我大仔開學後話我知。
作者: bb_2001 時間: 15-12-4 18:44
little_yolky 發表於 15-12-4 13:07
其他幾間都無咁嚴厲, 係柏雨出名啲。
不過話說回來, 真係要睇下自己小朋友, 有D係要人管的, 柏雨就啱佢哋, ...
我以前都係你咁諗，所以自行只填佢，因為大仔高小時操行差，試過C+, 幾經辛苦先去到B+，才可入迦密。
但當你每天都為小朋友扣分而打罵勞氣時，你便不會認同，因當中包括互不信任，小朋友轉向講大話來逃避責任，沒勇氣認錯。而其實有些情況，責任不在小朋友，只是校方以易於管理為目標，而忽略對小朋友是否公平。就算家長寫信解釋，說是父母的要求，也要扣分。例子太多，不能盡錄。
但亦同意一點，小朋友相對是較守法，我大仔便是那類喜歡挑戰校規，但又不敢犯規那類。
作者: bb_2001 時間: 15-12-4 19:08
tht125 發表於 15-12-4 16:14
可以請教扣分制是什麼嗎?謝
他們也有加分，但扣分容易加分難，校方可以因主科唔合格而試升，但卻因為操行唔合格而要小朋友留班。
我在中一，二時很緊張佢被扣分，但後來有些事發生後，我發覺要放手，要做佢朋友，唔想有事時後最後一個知，便開始唔睇佢手冊，扣咗分留堂只係話幾句。
其實呢啲唔小心是很小的事，細仔也因唔交功課比老師罰留堂，但扣分的壓力讓事情嚴重化，亦變成學校，家長和同學間的角力，有需要嗎？
作者: tht125 時間: 15-12-4 19:50 標題: 引用：Quote:tht125+發表於+15-12-4+16:14+可以請
原帖由 bb_2001 於 15-12-04 發表
扣分制就是扣分制，乜都可以扣分，我大仔是較操心和亂的人，扣的分數通常係冇簽通告，有帶書，冇帶習作，或 ...
咁你仔仔讀左幾年有冇好個方便可以分享下
作者: 大貓媽媽 時間: 15-12-4 20:06
本帖最後由 大貓媽媽 於 15-12-4 20:07 編輯
我去年參加過CPU的簡介會，校長明言學校就是嚴格、高要求、不與世俗為伍，這所學校就是有這份勇氣，不在簡介會中矯飾，不作無謂的包裝。選這校的學生和家長就要有心理準備，幾十年建立的價值觀不會因你而改，要真心認同和配合才行。
作者: bb_2001 時間: 15-12-4 20:33
大貓媽媽 發表於 15-12-4 20:06
我去年參加過CPU的簡介會，校長明言學校就是嚴格、高要求、不與世俗為伍，這所學校就是有這份勇氣，不在簡 ...
太多野唔方便講喇。
作者: bb_2001 時間: 15-12-4 20:55
tht125 發表於 15-12-4 19:50
吓,又真係嚴左d喎, 好易扣到分同打擊小朋友自信心,雖然可以訓練佢地責任心,但有時會適得其反。。。。
咁你 ...
有問題是學校管理的理念，用嚴為主，只求成績，決乏了關愛校園。但亦因如此，同學間感情好好，互相幫忙去過關，逃避俾老師扣分。
我有得同呂中比較，先感覺兩間有乜唔同。
其實，只要父母不以扣分為重點，明白犯錯也是成長的一部份，多溝通，小批評和責罰便可。
講緊是成長期中的六年，一個成長期和一個更年期如何相處，夾雜在學校，老師與同學中間，如何拿捏個中位置，就要靠極叻的智慧了。
作者: bb_2001 時間: 15-12-4 21:23
本帖最後由 bb_2001 於 15-12-5 07:19 編輯
不過有一樣東西迦密值得一讚，是中四選科組合，比呂中選擇多，雖然迦密只修讀M2而，呂中就有M1,M2，但呂中必須要同時修讀physic，才可修M1或M2，迦密柏雨就冇此限制。
其實將來選副修科，不論有否文，商，理科目，加一科M1/M2, 對小朋友的分析能力都有幫助。所以選科組合你們也要考慮。細仔唔終意physic, 連M1/M2科都冇得選擇。
數學叻，其實相對著數。
作者: daddy999 時間: 15-12-5 12:29
百貨百客, 各有所好. 本人不是迦密校友, 但家人及友人是. 他們均喜愛學校, 至今仍常常參與校友活動, 與老師聯絡.
我想學校是 很 嚴厲的. 那時我姐的校服也得也一絲不苟…領帶校徵必須置中, 漸漸培養出今天做事嚴謹的性格.
相反, 時下太多年青人工作態度散漫, 常做事馬虎, 敷衍了事!
萬丈高樓從地起, 你認為如何栽培子女最好?! 真的要因才施教.
作者: bb_2001 時間: 15-12-5 14:08
同意你說百貨百客，每間學校都有好與唔好的地方，適合與否，亦因人而異。
其實重點是，是否應該有扣分制度，當別人把你的錯誤寫在手冊上，跟足你成個年級，然後每次扣滿分又再俾呀媽簽名時大吵大罵時，感覺好像翻不了身。放學回家後呀媽就日日問你今日有冇被扣分，捱了一個月，又擔心下個月，結果是小朋友事無大少都講大話去逃避責任，然後就失去互信，對家長子女是折磨和傷害關係。
嚴謹的態度，有需要用扣分制去訓練嗎？
我大仔也很喜歡學校，特別是剛完結的運動會，可能是最後一次，他現在仍津津樂道。不喜歡的，只是扣分制和沒有關愛為主的嚴厲制度。
我亦曾問大仔，老師好不好，他說有些老師很好。但當問他會否介紹學校給小學師弟時，他卻說不會。而我認識的家長，亦有數位家長的大仔/大女讀迦密，細的跨區去沙呂或入莫記。
我只想分享經驗，經過的困境不想別人在沒有心理準備下去經歷，困難可以令人成長，亦可把人拖垮，所以我一直強調要溝通和關愛，讓自己的家變成小朋友的避難所。
作者: beecatcher 時間: 15-12-5 23:01 標題: 回覆：迦密柏雨開放日
小女是今年中一生，學期初學校有講扣分制，我都學得好嚴，怕女兒會被扣分。有時得閒就關心問下有否被扣？佢的回應是佢從無擔心過，不是你們外間所傳的超級嚴。加上今個星期參加佢地的陸運會，發覺學生好投入比賽，對自己的學校及社好有歸屬感。校長與及一班老師好親切，我重同d老師同學生來過圍圈跑，好開心呢！小女在小六我才聽聞呢間是"鬼校"，但當我進入過呢所中學，我就知呢間是好學校，校風好，好有學習氣氛！
作者: beecatcher 時間: 15-12-5 23:16 標題: 回覆：bb_2001 的帖子
講嚴，我相信好多家長對自己仔女比學校老師對學生嚴得多！一個老師對幾十個學生要講關爱，體恤是談何容易？在家中父母有又幾多愛付出在子女身上？何能只怪自己當年不了解自己子女所需，為他們選了所不合他們的中學吧！
作者: bb_2001 時間: 15-12-6 09:00
沒有父母把孩子生出來就懂得如何教。成長是一個過程，當問題發生，找方法解決，再雙方去了解和成長。我和大仔的關愛，就在這模式下建立起來，但開始時，路頗難行。
了解小朋友需要，與懂得尋找適合他的學校，是兩回事，正如我所說，他高小操行差，但成績好，心想莫記的開放會令他無皇管，才一心入迦密，而當時根本沒想過可以試跨區去沙田。
一個老師對著三十幾個學生，當然非常辛苦。但扣分制是管理層去建立，關愛校園的氣氛亦是管理層去建立，兩間中學我都沒有參加家教會，但從小朋友回來講校內發生的事，你會感覺到有何不同。
另一樣最大分別是每年見班主任取成績表，大仔取了5年，細仔2年，細仔老師會追問小朋友家裡生活，性格問題，最後先提成績。大仔老師只講成績，唔會問小朋友生活情況。
仍是那句，困難會令人更了解自己和小朋友，如何相處，就靠父母的智慧了。我已過了極困難的階段，現在是一家人去面對文憑試，希望如他所願入中大。
作者: bb_2001 時間: 15-12-6 09:17
beecatcher 發表於 15-12-5 23:01
小女是今年中一生，學期初學校有講扣分制，我都學得好嚴，怕女兒會被扣分。有時得閒就關心問下有否被扣？佢 ...
還是那句，保持同囡囡開放的溝通態度，放下家長式的心態，做她的好朋友，別像我就行了。
作者: daddy999 時間: 15-12-7 09:40
回覆 bb_2001 的帖子
本人不是迦密柏雨校友. 我的中學亦設有扣分制(勤學及操行). 可能是年代不同, 我們(包括家長)都沒有為此緊張!
記得中二時忘記帶測試簿(全班唯一無帶), 下課後, 同學跟我跑到校務處向老師求情, 老師不為所動, 當下揮筆寫下手冊結果 - 同時扣了勤學及操行分! 小伙子當場落下淚來…經此一役, 令我事事小心, 尤其出外開會, 公幹, 必點算齊備.
這事令一個小伙子汲取教訓, 學會日後如何生活!
作者: little_yolky 時間: 15-12-7 11:21
daddy999 發表於 15-12-7 09:40
回覆 bb_2001 的帖子
本人不是迦密柏雨校友. 我的中學亦設有扣分制(勤學及操行). 可能是年代不同, 我們(包 ...
作者: dorothy111 時間: 15-12-7 12:41
提示: 作者被禁止或刪除 內容自動屏蔽
作者: bb_2001 時間: 15-12-7 16:57
本帖最後由 bb_2001 於 15-12-7 18:10 編輯
daddy999 發表於 15-12-7 09:40
回覆 bb_2001 的帖子
本人不是迦密柏雨校友. 我的中學亦設有扣分制(勤學及操行). 可能是年代不同, 我們(包 ...
重點係:
扣多過34分後，便會留班，每一張冇簽通告就扣1分，閒閒地已經唔見咗幾分。
如果小朋友還有數月才放暑假，已經扣到差不多埋單，你認為做父母應如何反應？小朋友又會怎樣做？會自動自覺學懂小心，還是以講大話去逃避？
問題係，有需要用扣分制嗎？有沒有其他更有效方法？
小朋友的反應很簡單直接，當衰得多時，自然反應是講大話，就算是很少的事，就算不是自己錯，為避免呀媽再噪，便會第一時間講大話。當試過不少成功例子時，便變成習慣。母子相處走進不停循環當中。
直到現在，細仔會自動走來對我吐真言，大仔卻要我不停引導才能"知多啲"。
仍是那句，當你知被罰留堂後，你的“罰”已經完結時，明天將是新一天開始。但當你的錯被寫在手冊上，每次不停加上去，被人remind, 你的自信心會怎樣？
當我懂得放手唔理扣分制時，大仔才被壓力釋放出來，但重建互信與溝通，卻不是一件易事。
作者: beecatcher 時間: 15-12-7 22:11 標題: 回覆：bb_2001 的帖子
幸好你大仔讀埋今年就可以脱苦海了！但希望佢唔好忘記呢六年喺呢間學校的得著同回憶。
作者: beecatcher 時間: 15-12-7 22:17 標題: 回覆：bb_2001 的帖子
講真，扣分制好似你緊張過你個仔喎！我小朋友是中一生，我從未理會過做錯什麼會扣多少分。因為扣幾多是反影學生的自理能力，没有自理及自控的學生就真係不宜讀呢間"鬼校"！
作者: bb_2001 時間: 15-12-7 22:59
本帖最後由 bb_2001 於 15-12-8 22:28 編輯
其實，總括來說，若果小朋友從小做事已經小心謹慎，功課又不太需要父母提點，理應在扣分制下不太受影響。扣分制應該只對我大仔那些失魂亂槽槽的人影響。
但扣分制的功效其實很表面，卻做成很深遠的影響。大仔話，高中以後，同學間已沒有人理會扣分制。他們已有默契如何逃避老師的“勸告”和扣分。大仔說就算是乖學生，慢慢的會被同化，玩同一樣的遊戲，亦因此人會變得非常聰明。
說到底，最傻的可能是老師和校方。
作者: bb_2001 時間: 15-12-7 23:22
我相信同學間的真摯感情，是他最好回憶。反而深刻印象的老師卻沒聽他提起過。
作者: bb_2001 時間: 15-12-7 23:33
beecatcher 發表於 15-12-7 22:17
講真，扣分制好似你緊張過你個仔喎！我小朋友是中一生，我從未理會過做錯什麼會扣多少分。因為扣幾多是反影 ...
我是由當初非卿不嫁的決定走到現在的領受。
所以我才說別理會扣分制。
作者: beecatcher 時間: 15-12-9 00:37 標題: 回覆：bb_2001 的帖子
日子已經過去, 但願孩子上大學重新有另一番體會。 人不同時候總有不同經歴 , 前半不好可能後半好。又或是前半好好係半不, 將來的事誰會知? 正如你話扣分不好, 住公屋,違泊等都有扣分, 這就是一個你自願參與的遊戲, 除非你唔住公屋, 唔開車吧!
作者: little 時間: 15-12-12 16:00
回覆 bb_2001 的帖子
其實我住北區，大埔同沙田學校都要跨區
作者: bb_2001 時間: 15-12-12 18:04
回覆 beecatcher 的帖子
其實我只說出自身經歷，和大仔數年後給我的意見和體會。我只能說，就算是學生，在校內不同崗位上，所見亦不同。
我曾不想走入紛爭當中而想過不在再在此發言，因為當差不多所有小學家長或新入學的家長都引以為榮時，唱反調或許會令家長們不快。
只是，曾幾何時，自己也對學校充滿記望。我的感覺是，假若那時有人話我知校內實際情況，結果可能好唔同。就算是當細仔升中一選校時，我仍心大心細，以為兩個仔一同返學，同屬迦密柏雨會好光榮。而最後我也是因為一個EK高人的提醒，才決定跨區去呂中。
一個銀仔有兩面，滿挑戰性的環境，可以做就堅強的性格，大仔就是那種。當然，學校，學生之間形成甚麼樣的價值觀，就要家長小心了解和處理了。
說真的。。愛之深，亦恨鐵不成鋼，但校方何時會明白？
這會我最後一次發言，亦不會再回覆，信與不信，留待時間去證明。
謝謝你的意見。
| 歡迎光臨 教育王國 (/) |
Powered by Discuz! X1.5 |