教育王國

標題: 純分享同發下up 風 [打印本頁]

作者: dragonwarrior 時間: 15-11-23 16:42 標題: 純分享同發下up 風

上得黎EK既爸媽，肯定緊張小朋友的學業及個人發展，真心覺得你們做得好好，突然好感慨⋯

事緣識左個媽媽，佢仔細我仔幾個月，未夠三歳，讀緊happy school , 私校...有次佢話自己最憎睇書，學校派書返黎就扔埋一邊，唔會同佢睇

我⋯只知道跟她真的談不上兩句⋯
只知道，努力做好自己就可以

其實小朋友的可塑性好高，只要你願意陪他玩「認字」遊戲，拼音遊戲，讀書遊戲，將所有野都當成系遊戲，咁佢會好開心，亦學得好好

我好感慨⋯事緣係呢排要響coffee shop 等仔仔放學，心諗，不如重𢴇教鞭，陪小朋友讀下英文書，教下拼音，咁入Ek「誠徵老師」睇下⋯發現英文老師一如以往，非常渴市，不過家長亦一如以往，都幾怪獸！
要有D乜乜證書，又要教過書，etc...難怪請唔到人，因為咁既人要收得好貴！

另一個感慨係，誠徵老師，能令小三學生提起對英文的興趣⋯已經小三了，真的要盡快和盡力追返！我想起我另一位鄰居，女兒在super happy school 讀書，接近零功課，目標是本區local 小學⋯他的爸爸說，到時先算啦！⋯

我真心，唔係要操C個小朋友，不過，既然佢有能力學得識，點解唔教佢，或者比機會佢去學呢？

各位爸媽加油！開卷有益！同個寶貝睇多D書！會有意想不到的收穫！

作者: dragonwarrior 時間: 15-11-23 17:38 標題: 回覆：純分享同發下up 風

唔記得分享下個人經驗

我仔剛三歳，可以認得及讀出一百個左右中文單字，而英文可認到大細皆，大部份的letter sound 也會發，開始用拼音學串字⋯

想佢認中文字，首先揀本好淺的書，一頁可能只有三個字，每日教佢一個單字，千萬不要太長氣，佢望一眼，你讀一次，之後貼在當眼處，再同佢睇下本書，好快，佢就會認得中文字

學英文，由字母著手，我仔幾個月大已經間中看英文單字母卡，所以會說話時，已經知佢認識了！間中播D phonics 歌，同佢一齊唱下，咁就識架啦！

作者: ensy 時間: 15-11-23 18:01 標題: 回覆：純分享同發下up 風

有閱讀習慣係好嘅！好欣賞你花咁多心機陪小朋友。不過我覺得幼兒期培養閱讀興趣就夠，唔需要刻意認字，反正每個小朋友發展快慢不同，ready嘅時候佢哋自然pick up得好快！認字之餘亦要令佢哋明白內容，學懂故事背後意義！

作者: lambeanmama 時間: 15-11-24 08:06 標題: 引用：有閱讀習慣係好嘅！好欣賞你花咁多心機陪小

原帖由 ensy 於 15-11-23 發表
有閱讀習慣係好嘅！好欣賞你花咁多心機陪小朋友。不過我覺得幼兒期培養閱讀興趣就夠，唔需要刻意認字，反正 ...

同意樓主。我著重閱讀，反而不打算要孩子太早認字。字卡是有點"死學死記"(純個人想法）。孩子未滿兩歲，已非常愛看書，看圖會識講係咩，但字就不會認。作為媽媽，我覺得好足夠。

作者: kcbabygirl2011 時間: 15-11-24 10:24

回覆 lambeanmama 的帖子

認同!
培養幼兒閱讀興趣不等同認字
有質素的親子閱讀，應包含兩者互動,啓發思考，提升語言能力，培養創意等。認字相反是最次要的!

作者: kcbabygirl2011 時間: 15-11-24 10:25

回覆 ensy 的帖子

作者: 天悅 時間: 15-11-24 11:38

認同要從小培養閱讀的興趣，但不主張咁細要認字。
我覺得培養小朋友的閱圖能力都好重要，圖畫能讓人更多的想像空間，
當人大了，懂得讀字，就會少看了圖畫，所以我好珍惜現在小朋友喜愛看圖的時間。

作者: vpo0615 時間: 15-11-24 12:17

有硬頁書俾小朋友揭吓, 訓練吓手指; 有圖畫佢又可以思考吓係乜....閱讀書本係好多益處, 認到字當BONUS!

作者: Janetip 時間: 15-11-24 13:30 標題: 引用：上得黎EK既爸媽，肯定緊張小朋友的學業及個

原帖由 dragonwarrior 於 15-11-23 發表
上得黎EK既爸媽，肯定緊張小朋友的學業及個人發展，真心覺得你們做得好好，突然好感慨⋯

事緣識左個媽媽， ...

認同！

作者: dragonwarrior 時間: 15-11-24 15:40 標題: 引用：認同要從小培養閱讀的興趣，但不主張咁細要

原帖由天悅於 15-11-24 發表
認同要從小培養閱讀的興趣，但不主張咁細要認字。
我覺得培養小朋友的閱圖能力都好重要，圖畫能讓人更多的 ...

我好認同，讓他們看圖畫書，例如繪本，比D空間佢地去天馬行空，猜猜主角在做甚麼，結果又是甚麼⋯

而我教佢認下字，最希望佢能夠自己閱讀，佢自己認到下字，出到街見到路牌，餐牌，讀得出一兩個字，佢好開心，好有滿足感！我只希望佢唔會討厭文字

作者: Dadagaga 時間: 15-11-24 19:17 標題: 回覆：純分享同發下up 風

有些家長認為認字重要，有些家長認為遊戲中學習重要，有些家長認為社交重要。

認知能力同認字能力係分開！

朋友個仔3歲，認到1000個字，但評估發現認知有問題，唔理解事物關係，如何應用。

所以每個家長對小朋友期望不一樣，小朋友不認字不等於不是學習中。

作者: dragonwarrior 時間: 15-11-24 20:29 標題: 回覆：純分享同發下up 風

Oh, so sorry ...可能我詞不達意

唔認字當然唔代表冇學習啦

我只想帶出⋯我相信「閱讀」有很多好處罷了

作者: 天悅 時間: 15-11-24 20:48 標題: 引用：有些家長認為認字重要，有些家長認為遊戲中

原帖由 Dadagaga 於 15-11-24 發表
有些家長認為認字重要，有些家長認為遊戲中學習重要，有些家長認為社交重要。

認知能力同認字能力係分開！ ...

三歲認到1000個字？我覺得好誇張喎，定依家d小朋友真係咁勁！係咪家長迫佢認的？

作者: Dadagaga 時間: 15-11-24 21:42 標題: 回覆：天悅的帖子

佢個小朋友記憶奇好，佢認到字型，但表達差，當然媽媽有心教，未夠2歲已經認得100個字，加上小朋友記憶力強。我估媽媽沒有迫他，只是見佢認到，不斷教。但忽略了字本身係要逹意，如果只認字但不明白意思，等於無識過。

作者: dragonwarrior 時間: 15-11-25 09:28 標題: 引用：Quote:原帖由+Dadagaga+於+15-11-24+發表有

原帖由天悅於 15-11-24 發表
三歲認到1000個字？我覺得好誇張喎，定依家d小朋友真係咁勁！係咪家長迫佢認的？

...

其實都唔算誇張

我好同意樓上講，唔可以咁片面⋯我仔個表哥，兩歲前已經自己揸筆，自己學識寫A to Z, and numbers!!! 每日都話要寫字，一揸住筆就唔放！

咁我們當然覺得佢好利害，仲可以背曬火車站⋯

但找幼稚園時，就發現⋯好多學校唔收

因為老師們也怕他有D野，他的行為有少少唔正常

作者: vpo0615 時間: 15-11-25 11:18

資優? 勁得滯?

作者: 天悅 時間: 15-11-25 11:34

dragonwarrior 發表於 15-11-25 09:28
其實都唔算誇張

我好同意樓上講，唔可以咁片面⋯我仔個表哥，兩歲前已經自己揸筆，自己學識寫A t ...

老師係咪懷疑小朋友自閉呀?

作者: dragonwarrior 時間: 15-11-25 11:59 標題: 引用：Quote:dragonwarrior+發表於+15-11-25+09:2

原帖由天悅於 15-11-25 發表
老師係咪懷疑小朋友自閉呀?

I think so ...

作者: dolphinstrad 時間: 15-11-25 21:22

Whilst every kid's learning pace is different, it comes down to how the parents consistently behave and act in front of the kid. I know it's sometimes luxury for working parents to squeeze time, but the effort will pay off in the long run. Reading parents vs iphone parents...... Guiding parents vs responsibility-out-sourced parents......

作者: puichingforsure 時間: 15-11-26 09:23

提示: 作者被禁止或刪除內容自動屏蔽

歡迎光臨教育王國 (/)