教育王國

標題: K1既小朋友應該要認識到咩程度 [打印本頁]

作者: fong120 時間: 15-11-22 15:46 標題: K1既小朋友應該要認識到咩程度

我囡係細女，12年10月出世
比起同班同學細，但都有同佢一樣咁細既小朋友
老師話跟唔上進度，佢唔識分男女（分男女應該係好基本，但佢唔明白我都唔知點算），
比賽遊戲唔積極，怕輸唔去嘗試，好猶疑。
認字同佢玩遊戲就識，但到好認真問佢就答錯哂,成日就係講唔知，唔知，唔知，跟住就喊

老師話佢好專注力不足，我應該點做?帶佢去睇醫生評估定帶佢出去上堂?

作者: s.andp 時間: 15-11-22 18:38 標題: 回覆：K1既小朋友應該要認識到咩程度

提示: 作者被禁止或刪除內容自動屏蔽

作者: s.andp 時間: 15-11-22 18:41 標題: 回覆：K1既小朋友應該要認識到咩程度

提示: 作者被禁止或刪除內容自動屏蔽

作者: HappyMeow 時間: 15-11-22 21:32 標題: 回覆：fong120 的帖子

要放鬆d！家長有壓力，小朋友都會feel到架！要多讚賞囡囡做得好嘅地方，多d鼓勵！提升自信心至學得好架！

作者: HappyMeow 時間: 15-11-22 21:35 標題: 回覆：fong120 的帖子

孩子知道您在「測試」她，可能她會怕錯，所以講唔知⋯⋯

作者: fong120 時間: 15-11-22 21:35 標題: 回覆：HappyMeow 的帖子

教男同女一個星期，著褲著裙，長髮短髮，依家都係錯，唔知點好

作者: HappyMeow 時間: 15-11-22 21:38 標題: 回覆：fong120 的帖子

揾d相關嘅圖書同佢講下故仔，輕鬆學習⋯⋯

作者: fong120 時間: 15-11-22 21:47 標題: 回覆：HappyMeow 的帖子

有呀，e d 無問題呀，故事都成日講，但學生要求學生都要識中英數合格，但我個囡係乜都唔識

作者: HappyMeow 時間: 15-11-22 22:03 標題: 回覆：fong120 的帖子

咁佢識d乜？對乜嘢有興趣？

作者: fong120 時間: 15-11-22 22:40 標題: 回覆：HappyMeow 的帖子

英文同遊戲比軟有興趣，日常生活會D自理動力係ok既

作者: catyeung2015 時間: 15-11-22 23:09

K1 仍是初適應學習階段，最緊要輕鬆學習，玩多些遊戲，說故事，在自然環境學習更理想

作者: HappyMeow 時間: 15-11-22 23:16 標題: 回覆：fong120 的帖子

咁都好叻吖！

作者: sunnymama2 時間: 15-11-23 09:56

就咁睇你的小朋友冇咩問題，但可能唔鐘意比人考，一考佢就好大壓力，你都話佢怕輸啦。喺屋企玩遊戲係唔係成日要做win嗰個?

作者: sunnymama2 時間: 15-11-23 10:01

fong120 發表於 15-11-22 21:35
教男同女一個星期，著褲著裙，長髮短髮，依家都係錯，唔知點好

其實都唔易教，着褲的，短頭髮的唔一定男仔，特別小朋友個個樣都可愛，好難分tim。真係要分男女，係睇佢去厠所係坐定企。其實係唔係一定要即刻識分男女?如果唔係等佢自己慢慢領悟得唔得?

作者: fong120 時間: 15-11-23 12:07 標題: 回覆：sunnymama2 的帖子

係呀，乜野都要係贏嫁，當然我都有試過比佢輸下，但佢好似唔明咩叫輸左咁

作者: cccccandy 時間: 15-11-23 15:40

其實小朋友仲細得3歲, 要慢慢教,唔可以太心急,
唔需要俾太大壓力自已

作者: helenchanz 時間: 15-11-24 13:13 標題: 引用：係呀，乜野都要係贏嫁，當然我都有試過比佢

原帖由 fong120 於 15-11-23 發表
係呀，乜野都要係贏嫁，當然我都有試過比佢輸下，但佢好似唔明咩叫輸左咁

...

其實遊戲有贏有輸，輸時你唔好扮到好大件事，其實輸都好平常咁，講下次再努力D/再黎過咁，習慣咗就冇咁怕輸。
例如，你輸時，做比佢睇你反應：「噢！我輸咗！唔緊要，再黎過！」。佢下次就會學你咁做。
另，佢如果覺得悶/冇興趣，上堂唔專心好正常，佢屋企陪佢一齊睇書/玩，專唔專心？
另，佢唔願意答，係咪答錯會有咩後果呀？佢如果答錯，可以講「差少少」，正面D既字眼，試下會唔會好D！

作者: fong120 時間: 15-11-24 15:13 標題: 回覆：helenchanz 的帖子

輸左既話，老師都教我比D 鼓勵小朋友，再黎過，其實我都係咁嫁！
屋企有讀故事書嫁，佢有時要求我地去買圖書，我比佢自己選擇佢鐘意既圖書，但唔知點解老師話佢上堂好唔專心

上星期老師叫我係屋企幫佢溫習10個生字，要記得，係琴日佢終於記得哂啦，而且問佢好多次都岩哂，但係好認真既情況下問佢，佢又話唔知道，唔知點先可以糾正下，唔會再係咁，係咪佢太緊張

作者: eugenmmm 時間: 15-11-28 15:10

可以從教學方法入手，可見小朋友喜歡遊戲，家長多花時間陪佢玩遊戲，以遊戲方式學習，培養佢學習興趣。還需要多稱讚小朋友，例如小朋友答錯，可以讚佢有努力嘗試，增加佢自信心同鼓勵佢再試多次。
盡量不要強調比賽輸贏，同佢講係遊戲，比佢唔好有壓力，放心去試。
專注力不足可請老師多加注意或詢問老師有沒有轉介評估的需要，同可向老師索取相關資料同詳情個人建議可多作觀察，可能幼對學校還陌生，目前以提升幼兒學習興趣為主，留意佢對咩顯示出興趣，了解幼兒興趣來作教學內容吸引佢專注力。

歡迎光臨教育王國 (/)