教育王國

標題: 跪求有經驗既媽媽指路有關細B既問題 [打印本頁]

作者: fm721 時間: 15-11-18 05:42 標題: 跪求有經驗既媽媽指路有關細B既問題

囡囡現時23個月大(13年12月出世)，現在開始in緊K1，下個月足2歲會返N班，由於1歲半時健康院話囡囡講野慢，要2歲再返去評估，所以我係佢20個月時(早2個月)帶左佢出去做私人評估，結果係佢語言能力慢左4個月，我陪佢in幼稚園時，發覺佢理解方面ok的，(例如玩lego，認生果，切生果及指眼耳口鼻等)，佢都做到的，但說話方面就差(例如自己名，幾大，男定女)，佢有講，但完全唔知佢講咩，老師都多次叫佢講清楚啲。
現在問題出現啦，如果今次成功in到有幼稚園收，究竟比佢讀還是唔讀呢？我驚佢跟唔上，因為佢到時只有2歲8個月，如果唔讀，佢12月返N班，到出年暑假後就冇書讀了，我應該點安排呢？好矛盾唔識得點處理，跪求有經驗既媽媽指路。

作者: kayleyleung23 時間: 15-11-18 06:00 標題: 引用：囡囡現時23個月大(13年12月出世)，現在開始

收就讀，小朋友一返學pick up 好快

作者: musicfreer 時間: 15-11-18 06:57

唔使太擔心, 佢一肯講野就會講唔停的了

作者: mrsmartie 時間: 15-11-18 07:02 標題: 回覆：跪求有經驗既媽媽指路有關細B既問題

23個月仲係好細，點解而家呢個世代唔容許個別差異㗎

作者: mababyba 時間: 15-11-18 07:09 標題: 回覆：跪求有經驗既媽媽指路有關細B既問題

其實不用太擔心，我仔是11月b，去年情況與你現在相約，1歳8個月就開始in K，而且無讀過N，健康院都是話2歲要返去再評估，我只是無去私人評估。我要返工，假期去街同佢見咩講咩，交通工具，衫，鞋，超市水果，水，罐頭，菜，…人地可能以為我儍儍地

不過慢慢佢就開始講得make sense 一d，2歲返健康院都pass左！比多d時間佢，而且interview佢去年都有幾個offer,所以不用擔心！返左學把口無停添

加油！

作者: ella_805 時間: 15-11-18 07:32 標題: 引用：囡囡現時23個月大(13年12月出世)，現在開始

每個小朋友發展唔同，收就俾佢返，小朋友學習能力很強，唔使太擔心！

作者: fm721 時間: 15-11-18 07:52 標題: 回覆：跪求有經驗既媽媽指路有關細B既問題

非常多謝咁多位媽媽既支持同鼓勵，呢幾晚都瞓得唔好，好驚做錯決定，好感恩有咁多位有經驗既媽媽比左正面既意見我。

作者: SYWu215 時間: 15-11-18 07:57 標題: 回覆：跪求有經驗既媽媽指路有關細B既問題

我身邊朋友（包括我自己）既小朋友都講野慢，都要兩歲半再評估，唔駛擔心，到三歲都唔識講先諗

作者: 964000 時間: 15-11-18 08:02 標題: 引用：囡囡現時23個月大(13年12月出世)，現在開始

有得番都會番，但可否番N做大B呢？

作者: mokmeihk 時間: 15-11-18 08:15 標題: 回覆：fm721 的帖子

唔洗擔心，我仔23個月仲係BB話，宜家28個月番緊N班乜都識講💪💪💪💪

作者: 天悅 時間: 15-11-18 09:08

我覺得如果有K1收，就讀住先，到下年再睇下小朋友情況，如果覺得都係追唔到其他小朋友，咪考多次K1重讀

作者: AAA999 時間: 15-11-18 09:34 標題: 引用：囡囡現時23個月大(13年12月出世)，現在開始

我情況同你差唔多，我明白你擔心啲咩，因為真係好迷茫嘅。我情況係我個仔都係細b，第一年in n班冇人收，第二年in k1得一間收照讀，今年重in k1 已有一間心儀offer,我仔2歲半前仲講bb 話，2歲半後講說話只有我明白，依加3歲加返左學3個月情況大大不同，已有完整句子，清晰度大大提升，所以有學校收照讀小朋友一返學同其他小朋友一齊學習會快好多，但你預左老師會話你個小朋友進度跟唔到，但唔緊要嘅，因為你係細b,你自己有得選擇重讀一年，所以其實已經好好的，自己係屋企多啲引導，教佢
唔使太擔心

作者: april12 時間: 15-11-18 09:57 標題: 引用：囡囡現時23個月大(13年12月出世)，現在開始

收就讀，返左N班會好快識講，我個小朋友都係咁，如果以純粹慢左，唔係其他原因，好快會pick up到，不用擔心

作者: mapp2009 時間: 15-11-18 10:13

no worry, kid will improve much more after going to school

作者: keep-calm 時間: 15-11-18 10:16 標題: 回覆：跪求有經驗既媽媽指路有關細B既問題

個人覺得呢D情況盡量唔好揀英普幼稚園，先學好廣東話（母語）先

作者: tuliplee_hk 時間: 15-11-18 10:24

認同,健康院小冊子成日寫每個小朋友發展唔同,但實際係唔得囉,成個社會言行都唔一致

作者: Littlecatta2013 時間: 15-11-18 10:28

回覆 fm721 的帖子

我仔都係13年12月b，講到句子，但大小肌肉冇咁好，冇讀N但有番育嬰園。如果有幼稚園收照讀，下年再睇情況重讀K1。我prefer做超大b。

作者: Littlecatta2013 時間: 15-11-18 10:29

莫講話小朋友，大人都有個人差異啦。

作者: jaycee_mami 時間: 15-11-18 10:37

如果有一間唔錯的k1收, go ahead吧, 唔好未試就自己嚇自己. 我仔仔都是12月細b, 歲半時講野麻麻地, 兩歲時要再返健康院見姑娘. 我從無想過repeat, 因為我家姐和叔仔當年都是高考考衰了一科, 被逼重讀一年, 所以我覺得要留番個quota大個用. 我仔仔現在小三了, 過去幾年雖然追得辛苦D, 但以勤力取勝, 成績一直是全級top 10. 我覺得大b和細b的分別去到小三已不明顯. 我在幼稚園和初小階段是有親子伴讀, 也讓他多聽故事, 聽完我會問番佢內容, 亦有多去公園玩, 這兩點對細b都有很大幫助.

作者: maomaofafa 時間: 15-11-18 10:46 標題: 引用：Quote:fm721+發表於+15-11-18+07:52+非常多

十分同意
留番個quota大個用
我仔都係12月細b
有學校收就照讀住先，比佢試下無壞

作者: fm721 時間: 15-11-18 11:23 標題: 引用：Quote:原帖由+fm721+於+15-11-18+發表囡囡

因為上年已報名，所3我囡囡已是N班細B了。

作者: 立青BB 時間: 15-11-18 11:36 標題: 回覆：跪求有經驗既媽媽指路有關細B既問題

我囝12年細b, 而家都番k1, 佢都係差不多2.5 歲先講嘢ok , 返健康院姑娘先話吾洗再來，讀n 時畢業見家長老師話佢吾太識講，所以好多要讀既都評估吾到, 但而家返k1 個評估都吾差, 突然響2.5歲附近進步好快，所以吾洗擔心的

作者: fm721 時間: 15-11-18 11:39 標題: 回覆：跪求有經驗既媽媽指路有關細B既問題

多謝各路媽媽既意見，原來有咁多勇敢既媽媽陪伴住小朋友(特別係細B)闖呢一關，我未發帖時都冇諗過重讀等意見的，睇左咁多實戰(有實例，有提議)我個心都“定番啲”，正如大家所講，只要有學校收都會照讀，囡囡將會有7-8個月既N班生活，希望佢可以順順利利上K1，必要時重讀K1都係平常事呢，感謝各路媽媽。祝福各媽媽及BB們開開心心咁成長。

作者: c_manki 時間: 15-11-18 19:20

回覆 fm721 的帖子

我完全同你相同情況，阿仔10 月b, 暫時in咗3 間K1有兩間老師都係話某些小朋友會比較遲講嘢，又或見到陌生人時會唔出聲。但佢哋好似好明白咁. 話返咗學後會講好多嘢，仲好似安慰返你咁。所以我都唔知有冇學校收，擔心最後冇offer.

作者: Yeahly_ly 時間: 15-11-18 19:47 標題: 回覆：跪求有經驗既媽媽指路有關細B既問題

一過2歲講野就好叻架啦...

作者: MAYX1000 時間: 15-11-18 19:56 標題: 引用：囡囡現時23個月大(13年12月出世)，現在開始

我個囡同你個囡一樣，23個月刀唔like 講野，係十月B，但自從返左1.5 個月N班，E兩個星期開始學講野、學唱歌，別太擔心，其實12月B可以考慮第日做大B，其實你個 case 已經比我好，因為好少10月B做大B

加油

作者: tongyatti 時間: 15-11-18 20:25 標題: 回覆：fm721 的帖子

我覺得你想多了，不用太擔心，小朋友發展有早有遲，很正常吧，放心

作者: capa7806 時間: 15-11-18 22:48 標題: 回覆：fm721 的帖子

今年收咗K1照讀，下年用大B身份再報更心儀嘅學校，repeat做大！

作者: ckultraman 時間: 15-11-19 00:17 標題: 回覆：跪求有經驗既媽媽指路有關細B既問題

絕對絕對唔使擔心!

我大女12年12月尾龍b，in k1時都勁少開聲，我仲同d老師講佢講野唔叻，比較遲，爸媽都係開始叫無耐，結果都有5-6間offer，2歲半都返過健康院!

去返講野問題，佢1月插咗n班(仲係英普班黎)之後，個說話能力係進步神速，好似天同地比咁，到以家讀k1，仲比老師邀請加入合唱團添!

作者: fm721 時間: 15-11-19 01:13 標題: 回覆：跪求有經驗既媽媽指路有關細B既問題

謝謝各位回覆，我都係咁打算了，如果有學校收，係會照讀的(當然可能唔係心儀)，又或者先讀一年之後再in自己心儀既幼稚園，同時，自己都已有心理準備可能到時一間都唔收，但頭痛緊，如果一間都冇咁點算呢？N班後就停頓了，有媽媽提及過今年學位係足夠的，唔知又係咪真呢？謝謝。

作者: hippogod 時間: 15-11-19 10:36

印象中小一入學數字都係六萬六左右而且未計私校名額
保守估計七萬吧
咁推算幼稚園學額都係大約呢個數

大龍B 加蛇B 總和應該都係咁上下數或者略多少少
但情況肯定比去年好許多 (舊年龍免混戰估計學額需求超過10萬)

作者: mrswongyan 時間: 15-11-19 16:37 標題: 回覆：fm721 的帖子

我女13年11月，都係bb話。但我唔擔心，2歲都未夠。另外今年n班讀完，你宜家再apply出年再讀n囉！超大b仲好，佢自信心會大d添！今年我都係咁做，再apply n! 當然如果有k1收梗係讀啦！最多出年再apply k1囉！到時你bb可能已經曉搏你咀呢

作者: pinguland 時間: 15-11-19 17:27

呢個post比左好多正能量我! 我仔13年12月，呢排先多左發聲，2歲要返健康院follow up, 應該都要繼續返去...帶佢面試d老師好似expect佢識講野咁...希望9月返n之後就大躍進啦~

作者: fm721 時間: 15-11-19 17:37 標題: 回覆：跪求有經驗既媽媽指路有關細B既問題

係呀，呢到所有既媽媽都比左好大既正能量我，好開心睇到有咁多咁正面既例子，好感恩。

作者: creambun 時間: 15-11-19 17:53 標題: 回覆：跪求有經驗既媽媽指路有關細B既問題

可以照讀先，如果真係跟唔上，有啲家長會選擇重讀K3打好底子，先再報小一。

作者: maggie_devilkin 時間: 15-11-19 23:20 標題: 回覆：跪求有經驗既媽媽指路有關細B既問題

過來人經驗。我囡囡都是12月尾細囡讀書。3年的幼稚園過程，家長少D心理質素都唔得。可能我囡讀女龍校，好多同學已經大佢1年，唔理説話定自理，最多只是跟得上，但唔會好好。老師定時定候就會提你要幫佢溫乜練乜，少D心血都唔得。加上細囡表現通常只會是一般甚至中下，你預學校有乜表演或獎勵（如貼紙），佢都是做超閒角或者無乜獎勵，小朋友開始大就會feel到有比較而唔開心，你要有心機鼓勵佢得來，又唔可以俾佢用「細過人」做藉口或原因。如果唔好彩遇着無愛心或耐性的老師，在學校不停話佢或攞佢同其他同學比較，仲會造成自信低落。始終全班跟得上但你小朋友要老師提點，家長自己都會大壓力。另外有D學校唔俾留班，想留就要轉校，又是一種壓力。
總結做細B媽，就要預左要更多時間心機去支持小朋友、又或者搵間鍾意收細B的學校，當然如果小朋友真是天資聰穎，可能會輕鬆點，但如果只是平凡小朋友，你要預計小朋友同家長可能都要比其他人付出更多時間。

作者: MrBeast 時間: 15-11-20 05:27

升小一時才見真將，捱得過就通常around小二差異收窄，當然叻的會早d，又或者突然某天開hill。語言發展循聽說讀寫這order，聽說不好，讀寫一定suffer，樓主都可選擇proactively train up speech 方面，its possible, 但如上面話ji, 要好多心血

作者: Charlie妹 時間: 15-11-20 09:29 標題: 回覆：跪求有經驗既媽媽指路有關細B既問題

上過Montessori堂話bb遲啲講嘢反而好啲，因為之前會吸收好多嘢，開始講嘢之後，就會掛住講嘢而吸收慢咗，聽咗我覺得爭少少係無所謂的。

作者: icetea93 時間: 15-11-22 10:11 標題: 回覆：跪求有經驗既媽媽指路有關細B既問題

以你小朋友情況，repeat pn班比較好。否則有機會影響自信心。

歡迎光臨教育王國 (/)