教育王國

標題: 求初小提升英文聆聽及會話能力方法 [打印本頁]

作者: NC9 時間: 15-11-18 00:12 標題: 求初小提升英文聆聽及會話能力方法

女孩子, 小二生, 英小, 有閱讀習慣, 一星期一堂外國人老師小组英文班. 程度唔算好差, 同年紀中應算中上, 想可以再提高水平. 平時無乜睇電視, 好耐唔中睇下英文DVD, 如magic school bus, Hi five 等.

作者: Gella77 時間: 15-11-18 00:46 標題: 回覆：NC9 的帖子

有閱讀習慣已經系一件好好嘅事！學語言真系要多睇多聽先有語感。讀得英小，平時日常讀寫英文嘅機會肯定唔少，最緊要響學校肯講英文，持之以恆，慢慢就會睇到效果。

作者: MASAYA 時間: 15-11-18 00:58

一定係先聽得多後才有野講，好似聾子絕大多數是啞巴一樣

聽下英語兒歌，睇下英文卡通，有閱讀習慣就搵下d audiobook，相輔相成

作者: little_yolky 時間: 15-11-18 08:41

MASAYA 發表於 15-11-18 00:58
一定係先聽得多後才有野講，好似聾子絕大多數是啞巴一樣

聽下英語兒歌，睇下英文卡通，有閱讀習慣就搵下d ...

仲要夠厚面皮, 兩個小朋友因為從小只准看英語卡通同用菲傭, 所以聽係無問題, 但家姐較文靜, 怕講錯, 阿妹面皮成尺厚, 雖然成日講錯, 但又講得好開心, 包括普通話都係咁, 所以講既潛力一定係妹妹高過家姐。

作者: Yanamami 時間: 15-11-18 08:45

我女成日睇英文卡通同Disney channel(非卡通片集都睇到好投入)所以听真係無问題。

作者: oooray 時間: 15-11-18 08:56

講；係需要對手。
老師點叻；仍需一班能講的對手才能再進一步。
小二；趁放假搵d 英語程度較高的密集式day camp番下應該唔錯。

作者: MASAYA 時間: 15-11-18 09:43

講方面, 唔想洗錢, 放假入愉景灣搵d鬼妹鬼仔玩都得, 順帶一提, 想普通話好, 咪入海洋公園同迪士尼囉

作者: oooray 時間: 15-11-18 09:54 標題: 引用：講方面,+唔想洗錢,+放假入愉景灣搵d鬼妹鬼

原帖由 MASAYA 於 15-11-18 發表
講方面, 唔想洗錢, 放假入愉景灣搵d鬼妹鬼仔玩都得, 順帶一提, 想普通話好, 咪入海洋公園同迪士尼囉 ...

迪士尼同海洋公園的確係磨練普通話嘅好地方，尤其駡人用語方面。

作者: loveDD 時間: 15-11-18 09:55 標題: 引用：講方面,+唔想洗錢,+放假入愉景灣搵d鬼妹鬼

原帖由 MASAYA 於 15-11-18 發表
講方面, 唔想洗錢, 放假入愉景灣搵d鬼妹鬼仔玩都得, 順帶一提, 想普通話好, 咪入海洋公園同迪士尼囉 ...

哈！諗起入到OP或DL第一句講識嘅普通話一定係嗰五個字：「喂！不要XX」。

作者: MASAYA 時間: 15-11-18 10:54

本帖最後由 MASAYA 於 15-11-18 10:56 編輯

oooray 發表於 15-11-18 09:54
迪士尼同海洋公園的確係磨練普通話嘅好地方，尤其駡人用語方面。

只係唔會係愉快學習
頭先睇多次樓主講讀緊英小，咁唔係冇機會聽講，想再提升試下參加英語話劇

作者: oooray 時間: 15-11-18 11:37 標題: 引用：+本帖最後由+MASAYA+於+15-11-18+10:56+編

原帖由 MASAYA 於 15-11-18 發表
本帖最後由 MASAYA 於 15-11-18 10:56 編輯

坊間仲有D英文班(debate,critical thinking嗰類)，針對國際學校或神級學校嘅學生嗰D，英語學習環境肯定超班，但價錢就...

歡迎光臨教育王國 (/)