教育王國
標題: 其實我有冇做錯呢!! 大家比啲意見呀 (有啲長) [打印本頁]
作者: 哈利媽 時間: 15-11-17 09:55 標題: 其實我有冇做錯呢!! 大家比啲意見呀 (有啲長)
小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成), 然後比佢自由活動(玩同睇電視都可以), 而大家都一齊做咗個時間表, 佢係應承可以做嘅.
可惜, 頭2年直至依家都係係失敗嘅.......
每日佢仍然唔會主動開始做, 而選擇冇所事事咁攪一輪 (但呢段時間我講明唔可以玩玩具同睇電視), 等到婆婆嚟不停叫或收到我電話不停提佢先開功做功課, 雖然.....佢每日最終都可以7pm前做完, 但佢又覺得自己冇得玩同睇電視而唔開心.....另外, 又攪到我每日放工都黑哂面為佢唔自律而勞氣, 成屋氣氛都唔好. 食完飯又唔知攪咩一輪又差不多瞓覺, 其實真係冇咩時間溫習 (只可集中溫默書), 不過佢嘅成績係呢間學校裏係中下, 其實以佢嘅成績同我哋付出嘅努力都算正比, 而我都覺得ok, 可是, 如果要繼續留响呢間學校甚至想原校升中就要再努力啲啦....
昨晚連婆婆都話我, 唔好晚晚返嚟都因為小朋友做功課而勞氣, 是但由佢自己安排, 但係我又真心好想佢有時間玩吓, 咁我應該放寬比佢自由活動完先開工做功課呀..... (可能我自己係超級自律同做嘢有系統型, 我好似有啲過唔到自己心理關口咁), 但長至落去又真係唔係辦法, 大家關係都差咗....
作者: jenniferK 時間: 15-11-17 10:14 標題: 回覆：其實我有冇做錯呢!! 大家比啲意見呀 (有啲長)
其實係習慣問題。有冇可能請假一兩星期由放睇緊佢跟時間表做？最最重要比佢試到就完功課一定有得玩。佢習慣左之後就可以了。
作者: 哈利媽 時間: 15-11-17 10:18
回覆 jenniferK 的帖子
因為要返工冇可能請咁耐假, 其實婆婆可以每日早啲去, 但咁樣咪一樣冇自律要人睇先做功課!! 呢樣係我最嬲嘅地方
作者: oooray 時間: 15-11-17 10:46 標題: 引用：小朋友己上3年級,+我一向嘅要求係每日放學
原帖由 哈利媽 於 15-11-17 發表
小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成), ...
作者: momama 時間: 15-11-17 10:51 標題: 回覆：其實我有冇做錯呢!! 大家比啲意見呀 (有啲長)
你總可以請一兩日假吧
作者: jswailam928 時間: 15-11-17 10:52 標題: 回覆：哈利媽 的帖子
身同感受 日日為功課弄到不愉快
我係全職媽都攪佢唔店
屢勸不改
作者: 哈利媽 時間: 15-11-17 10:54
回覆 momama 的帖子
一兩日假有用嗎?
作者: 哈利媽 時間: 15-11-17 10:58
回覆 oooray 的帖子
其實我係嬲佢日日講完都做唔到呀... 食完飯如果真係要溫默書真係冇咩時間剩, 溫默書又唔係溫1-2次就識嘅人, 叫瞓覺又攪一輪, 總之樣樣都係時間囉...
作者: oooray 時間: 15-11-17 11:31 標題: 引用：回覆+oooray+的帖子
其實我係嬲佢日日講完
原帖由 哈利媽 於 15-11-17 發表
回覆 oooray 的帖子
其實我係嬲佢日日講完都做唔到呀... 食完飯如果真係要溫默書真係冇咩時間剩, 溫默書又 ...
作者: muimui812 時間: 15-11-17 11:46
小朋友天生愛玩，好少會自動自覺，家長要狠下心腸訓練。
我那個，雖然升小一時已約法三章，亦用飯後的遊戲時間做獎勵，但一至三年級都不能一回家快快手完成功課，就算每年都有改善，但仍然非常多甩漏，到我放工仍然找出很多東西未做，有時很難唔發脾氣，但我都會盡量忍，解釋佢知我放工前自己完學校的東西有多好，話佢知你每個拖拉的行為都直接減少遊戲時間，唔係媽咪罰你，係你自己的行為令你自己沒時間玩，將責任交返比佢。如佢仍選擇拖，到夠鐘瞓就好firm咁要佢上床，不用罵不用哦。
小朋友唔係唔明，而係太多引誘（就算發白日夢都好吸引。。。），常常忘了有正事要做。到我回家捉到又會因為自己未做得好而唔開心。
就算如此，我都堅持要佢自己找辦法改善，對佢的要求不改，亦不會請假跟，因你一不在家就會打回原形，白白浪費假期。人漸大會有進步，但不要期望好大進步，有進步要讚，亦會給獎勵（如貼紙，遊戲時間）慢慢到三年級最後兩個月終於沒有欠做。今年四年級才開始不用check功課是否做齊。
看見人家一，二年級已可自動完成功課好羨慕，但沒辦法，自己那個不是，就自己想辦法調教訓練。
作者: Jane1983 時間: 15-11-17 11:53
佢吾接受做完先玩，其實都吾係吾可以理解。7點幾出門，~4點到家，返足一日學，放學想玩吓都好正常。既然而家都係無得玩(佢覺得)、親子關係緊張和成績麻麻，不如變陣，定落比佢玩先，到5點半要開始做功課，佢玩過，心甘情願，可能效果更好。
作者: little_yolky 時間: 15-11-17 12:05
哈利媽 發表於 15-11-17 09:55 
小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成), ...
小朋友無論幾有信用都好, 都係要check緊D, 好似小二暑假, 我check緊咗, 都係只做到八成。今年都係小三呀, 功課多咗, 有時都唔可以吃飯前做得完, 但一定唔可以話玩完先做, 玩到個心創晒, 你都話啦, 其實有心做, 一粒鐘一定做得完的。開始時叫婆婆跟下都無可厚非, 唔可以話小朋友唔自律, 始終都要養成為習慣, 已經小三了, 升上高小, 課程再緊D, 小朋友唔自律真係怕你中下游都保唔住。
作者: nat_tsangyy 時間: 15-11-17 12:08
身同感受!所有方法都用過.
現在只有拉住佢行..., 每天都是痛苦的.
有沒有媽媽有方法呢?
作者: oooray 時間: 15-11-17 12:48 標題: 引用：身同感受!所有方法都用過.++現在只有拉住佢
原帖由 nat_tsangyy 於 15-11-17 發表
身同感受!所有方法都用過.
現在只有拉住佢行..., 每天都是痛苦的.
有沒有媽媽有方法呢?
作者: yanyan1398 時間: 15-11-17 13:03 標題: 回覆：其實我有冇做錯呢!! 大家比啲意見呀 (有啲長)
每個小朋友都有不同的性格 .媽媽可嘗試不同的方法 ，看看那一個較有效。 我也在學習中 ，努力！
作者: Rachelmummy2008 時間: 15-11-17 13:30
回覆 muimui812 的帖子
你好有耐心呀！
有時媽媽就是要一邊指引一邊等待。
作者: little_yolky 時間: 15-11-17 13:31
MASAYA 小三係高小？ 發表於 半小時前
小三唔係高小, 但馬上就到了, 唔通到高小先慢慢再搞? 先知先覺點都好過後知後覺, 最慘既重要係不知不覺。
作者: MASAYA 時間: 15-11-17 13:39
little_yolky 發表於 15-11-17 13:31
MASAYA 小三係高小？ 發表於 半小時前
作者: angela1229 時間: 15-11-17 14:03 標題: 引用：Quote:little_yolky+發表於+15-11-17+13:31
原帖由 MASAYA 於 15-11-17 發表
//已經小三了, 升上高小//
作者: muimui812 時間: 15-11-17 14:16
本帖最後由 muimui812 於 15-11-17 14:16 編輯
Jane1983 發表於 15-11-17 11:53
佢吾接受做完先玩，其實都吾係吾可以理解。7點幾出門，~4點到家，返足一日學，放學想玩吓都好正常。既然而 ...
問題係，要比佢知道佢有咩行為就有咩後果，我唔快快做功課就可以玩完先做，唔好的行為反而有個好後果，咁似乎唔係幾好。。。
我自己就讓佢自己分配，總之我回家前一定要做完。做完就有遊戲時間和我玩，除了電玩其他遊戲都可以，由佢話事，而且有貼紙和bedtime story，係，現在四年級仍然講，佢視之為獨佔媽咪的quality time，唔係為認字什麼的。
至於下午佢幾時做完功課有時間玩，呢個佢自己決定。我知佢選擇食少少野先開工，我無所謂，總之deadline前（ie. 我回家）要交到貨（ie. 做完功課）（其實返工咪又係咁）。但我不會因佢不達標而建議佢先玩，或一定要比時間佢玩。都係果句，佢每個行為都直接影響佢有無時間玩，佢要對自己的行為負責，佢me me moh moh搞到無晒空餘時間去玩，呢個就係佢自己要承擔的後果，無理由要我幫佢想辦法解決。
作者: 小曳人 時間: 15-11-17 14:20
本帖最後由 小曳人 於 15-11-17 14:22 編輯
朋友，你之前有無試過norma個smiley system??
或者好似星期六個talk所講：你做到我就獎你xx
我唔知得唔得，但norma個樣... 俾我都會聽話！
作者: HaYi 時間: 15-11-17 14:47
感同身受, 冇咩可以分享, 理論上的獎懲都行不通... 假以時日?? 天知了
作者: MASAYA 時間: 15-11-17 14:53
little_yolky 發表於 15-11-17 13:31
你成日活在當下
作者: Jane1983 時間: 15-11-17 15:09
回覆 muimui812 的帖子
做完先玩，係父母都想，但行左兩年幾都吾通，看來一年半載亦難達到。
7點前完成功課係目標，佢4-5:30玩，之後做，同4-5:30做，之後玩，我無所謂，最緊要佢肯做，完成到。
作者: 哈利媽 時間: 15-11-17 15:19
本帖最後由 哈利媽 於 15-11-17 15:28 編輯
回覆 angela1229 的帖子
其實都已經常有用不同獎勵嘅方法啦....不過佢好似係要激吓你先開心咁囉....
作者: 哈利媽 時間: 15-11-17 15:25
回覆 小曳人 的帖子
我昨日用咗政府工樣
, 佢好似好慘咁問我點解對佢咁冷淡, 我又冇比good night kiss 佢, 所以佢真係有啲失落, 今朝同我講>> 媽咪, 我今日返學會好乖啦, 你唔好再咁嘅樣啦.... 我差啲忍唔住笑
. 希望今晚真係有改善啦.....
作者: pro_teacher_lau 時間: 15-11-17 15:30
我曾經睇過一本書，叫做 "但以理讀書法"。 書中描述到 有好多家長都會搵作者補習，而作者 (老師) 都會叫 學生 有幾盡玩幾盡先，玩完之後一定要抽1小時去補習。 每日都抽一小時去補習，成績自然會有進步。 當學生見到自己成績有進步，之後會自動減少玩的時間 而加多補習的時間。
不過我不知道這個方法對 小朋友 work 唔work >.< Just for your reference.
作者: loveDD 時間: 15-11-17 15:37 標題: 回覆：其實我有冇做錯呢!! 大家比啲意見呀 (有啲長)
在眾多玩具或卡通片之中，小朋友不難可以選出自己最愛的一兩款/套，試下同佢講玩完依個玩具，或者睇依套卡通片前後，唔該要自動自覺做功課，一來不會不近人情，二來亦可以要他保持自覺
作者: homeuser 時間: 15-11-17 15:55
本帖最後由 homeuser 於 15-11-17 15:56 編輯
oooray 發表於 15-11-17 11:31
係要鬥智，唔係鬥大聲。罰要狠，獎要到位。戰爭係漫長。有時乖一日衰番3日。唔同年紀又要唔同誘因。我每日 ...
好同意你所講，想請教下奬要點先到位，真係唔知奬咩， 佢好想既， 例如玩ipad，玩電話嗰D我又唔想奬， 貼紙衫嗰d唔奬都會買
作者: simonwan 時間: 15-11-17 16:27
拿，我唔系推薦呢種方法，不過我老豆以前系甘做。佢系十分result-oriented.
我細個時（幾十年前）讀書，由幼稚園到研究院，父母一日都無理過我功課、默書、測驗、考試，全部自己搞掂。我讀書時系玩完，食埋飯，睇埋歡樂今宵（系，十一點后！）先做功課。老豆唯一做的事就系簽成績表、默書、測驗卷。若佢發現我不及格或無交功課，二話不說，手起刀落，打到飛起；真系飛起個種，藤條痕起碼一個星期才散。小三時試過背默無溫書，囖零分，返到屋企被打到天昏地暗，以後默書全部一百分。
方法是有效的，至於對孩子有無壞影響，我自己都唔知。
作者: oooray 時間: 15-11-17 16:44 標題: 引用：+本帖最後由+homeuser+於+15-11-17+15:56+
原帖由 homeuser 於 15-11-17 發表
本帖最後由 homeuser 於 15-11-17 15:56 編輯
作者: babywoman 時間: 15-11-17 16:59 標題: 回覆：其實我有冇做錯呢!! 大家比啲意見呀 (有啲長)
我仔亦是小三。
大部分時間（除小一時），接佢4點返到屋企，至5:30，基本上係自由時間，可睇電視，玩玩具。返咗成日，好攰。
5:30--6:00冇卡通睇，我會提佢做功課，6:00--7:00睇電視，食飯。
7:00後，再做功課（若有），佢在校有功課堂，有時在校已做晒，但小三就少此情況了。
大多數時間，8:00前都會做晒功課，有默書測驗，就每日溫半個鐘，每日溫少少咁。
昨天請左病假（已連休息四日），我到校取回功課，本計劃食飯前做少少，點知做左兩份就話攰，就讓佢休息一會，訓醒再做，一訓就至今朝七點（晚飯都冇食），咁我都諗住算喇，寫入手冊話俾班主任知實情（睇下可否推遲一日交），若當欠交都冇辦法。仔七點醒，自己話要做功課，做到八點，食左早餐，急急腳返學，時間剛剛好
。
我仔知道，每日完成功課是佢的責任，但都要提一提，畢竟，小朋友一玩就忘我
所以，我覺得，放左學要俾佢鬆一鬆。
作者: Jane1983 時間: 15-11-17 18:59
回覆 simonwan 的帖子
一腳藤條痕，今時今日學校已經報左警啦，行吾通。
體罰係好有效，尤其以前果代，但打係好難掌握，越打越大鑊，驚親子關係無左...
作者: Jane1983 時間: 15-11-17 19:02
本帖最後由 Jane1983 於 15-11-17 20:01 編輯
回覆 babywoman 的帖子
係呀，大人放工返屋企，都想抖吓，先做帶返屋企OT的公司野。
作者: sumyau1012 時間: 15-11-17 19:20 標題: 回覆：哈利媽 的帖子
一兩日假無用。或者可以試下，唔要求一次過完成所有，叫佢做完3樣打俾你，放佢玩半小時，再做3樣，再玩。
作者: letea 時間: 15-11-18 09:13
本帖最後由 letea 於 15-11-18 09:15 編輯
我呢，由一年級下學期開始，係比哂個主控權阿仔(今年二年級)，只訂明一個條件，除非情況特殊，否則晚七時後不得做功課，只可以睇書同玩
阿仔試過挑戰我呢條條款，有一次真係過七時未做完，原因係拖拖拉拉而唔係功課多，所以，果日係欠交一份功課。
自此，無下次。
作者: pro_teacher_lau 時間: 15-11-18 09:59
有時小朋友不專心，可能同屋企環境有關，例如冇一張固定的書桌做功課，家人/電視機太吵/見到爸爸媽媽自己都玩手提電話等。
阿仔試過挑戰我呢條條款，有一次真係過七時未做完，原因係拖拖拉拉而唔係功課多，所以，果日係欠交一份功課。
我自己都覺得呢個方法幾work。小時候，我同細老一食完飯(功課都在學校/放學後立即做好) 就會去 屋企付近的YMCA 去玩(有很多玩具)，睇書 (多拉A夢) ，同姑娘傾下計，好開心嫁~ 媽咪都規定左 只可以在YMCA 玩一小時，1小時後一定要返屋企。
作者: mandytanghk 時間: 15-11-18 10:27 標題: 回覆：哈利媽 的帖子
我小兒小二，我比較寬鬆，4點放學回到家會問佢幾點做功課，他自己定，他通常定5點前。 咁我就由佢自由時間，有時睇書，有時玩Lego..., 夠鐘會自己做。通常1個鐘內做完。之後又自由時間。 叫他做功課好煩，但如比佢自己定時間表又ok.
作者: 哈利媽 時間: 15-11-18 10:54
回覆 mandytanghk 的帖子
其實佢嘅時間表都係大家一齊定嘅, 小朋友都唔係一返屋企就即刻要做功課, 佢有45mins 沖涼食嘢同休息, 不過佢係都要過哂時限都繼續唔知攪咩直至有人閙先開工咋.
作者: 哈利媽 時間: 15-11-18 11:00
回覆 pro_teacher_lau 的帖子
我諗我哋已經提供咗好理想嘅學習環境比佢啦, 從bb開始屋企都好少睇電視, 家中亦冇人打機同玩手機, 佢又有自己嘅書檯, 又冇其他人打擾佢 (做功課時多數只得工人/婆婆), 全部文具齊全, 時間表set好, 都唔知仲欠咩.....
可能係欠一個full time 媽.
作者: 哈利媽 時間: 15-11-18 11:05
回覆 小曳人 的帖子
話時話, 我個civil face好似有啲效喎, 昨日佢有好多功課(約10樣), 都可以响7點前做完, 而後來check返都多嘢做錯, 不過我都有理冇理讚咗佢先呀...即管又睇吓今日如何
作者: IloveJJ 時間: 15-11-18 23:55 標題: 引用：回覆+simonwan+的帖子
一腳藤條痕，今時今
提示: 作者被禁止或刪除 內容自動屏蔽
作者: IloveJJ 時間: 15-11-18 23:58 標題: 引用：回覆+pro_teacher_lau+的帖子
我諗我哋已
提示: 作者被禁止或刪除 內容自動屏蔽
作者: Jane1983 時間: 15-11-19 07:21
回覆 IloveJJ 的帖子
咁快？朋友打仔，條痕足足3日，佢被老公鬧，「係都打pat pat，你比人報警拉左，我又要返工，邊個湊仔睇功課？」
作者: little_yolky 時間: 15-11-19 08:38
Jane1983 發表於 15-11-19 07:21
回覆 IloveJJ 的帖子
咁快？朋友打仔，條痕足足3日，佢被老公鬧，「係都打pat pat，你比人報警拉左，我又 ...
BTW, 真係純粹分享, 唔知係咪work。
我無同小朋友講要做好功課就可以獲得XX獎勵之類。以前細個, 佢哋自己有做功課, 有溫書, 我會讚佢哋, 唔止係讚自動自覺做, 仲讚埋好難既題目都可以自己諗到答案等等。佢哋睇書, 唔止讚佢哋會閱讀, 仲讚佢哋咁深既書都會睇, 咁特別既內容都會睇, 其他小朋友都無興趣, 真係特別等等。總之, 唔單止讚佢哋主動做功課及閱讀(因為assume這是應該做的, 就好似食飯咁自然), 仲要讚佢哋功課做得好, 字靚, 總之搵嘢讚。佢哋唔知係咪咁, 唔會認為做功課係玩既代價、係苦, 玩先係樂, 所以就算懶得要死既阿妹, 都係會回家先做功課, 從不拖拉(當然只做一半, 另一半話唔識做, 當然也可能係學家姐)。唔識做的功課, 坐一邊陪做, 引導佢, 佢諗到會好開心, 又要摸吓頭仔讚兩句, 唔駛錢, 唔駛玩具, 無等價交換, 免費的。做功課時大家好開心, 笑到哈哈聲, 所以响做功課上無負面情緒。
作者: MASAYA 時間: 15-11-19 08:45
little_yolky 發表於 15-11-19 08:38
我都藤條鋼尺一齊出動架, 不過唔係打佢, 係打枱面, 打到藤條散咗, 鋼尺曲咗。剛開學教溫英默, 我用自己隻手 ...
作者: little_yolky 時間: 15-11-19 08:51
MASAYA 發表於 15-11-19 08:45
我老婆話佢老豆以前試過一掌打散張枱, 自此之後佢就好聽話, 但 (我覺得) 換來青春期後性格衝動, 直到現在 ...
不過我同意架, 阿細脾氣比較暴燥, 家姐一聽到鬧人聲音就會變得好不安(就算唔係鬧佢), 加上自己血壓, 所以, 近日無鬧人, 放工回家吃飯教功課, 無功課教就學是非, 和樂融融。
作者: MrBeast 時間: 15-11-19 09:15
MASAYA 發表於 15-11-19 08:45
我老婆話佢老豆以前試過一掌打散張枱, 自此之後佢就好聽話, 但 (我覺得) 換來青春期後性格衝動, 直到現在 ...
作者: ckh311 時間: 15-11-19 09:29 標題: 引用：Quote:little_yolky+發表於+15-11-19+08:38
原帖由 MASAYA 於 15-11-19 發表
我老婆話佢老豆以前試過一掌打散張枱, 自此之後佢就好聽話, 但 (我覺得) 換來青春期後性格衝動, 直到現在 ...
作者: wing.2bb 時間: 15-11-19 10:11
我情況差不多，我兩公婆要返工，主要姐姐湊。放學要佢吃完茶點抖一陣後要開始做功課，佢竟然顧住同細佬玩下，hea 下慢慢做啲又玩下，到我放工返企成8點幾仲有3-4成功課未完成, 晚晚搞到10點幾11點先瞓，根本連書都溫唔到。嗰段日子我係日日黑面日日鬧佢搞到親子關係唔好。最後無辦法要佢去功輔班。亦好彩揾到間唔錯嘅補習社我先至勞少好多氣
作者: 大公仔 時間: 15-11-19 10:15
其實，小朋友已返了整天學，放學梗係想玩下，我會睇當日嘅功課多唔多，如果唔係太多，就俾小朋友玩一陣先開始做功課，玩前最好同小朋友約法三章，玩幾耐，咁佢地就會心甘情願去做，如做得快，仲可有時間玩多陣㖭，大家開心
作者: IloveJJ 時間: 15-11-19 10:43 標題: 引用：回覆+IloveJJ+的帖子
咁快？朋友打仔，條
提示: 作者被禁止或刪除 內容自動屏蔽
作者: Jane1983 時間: 15-11-19 11:04
回覆 IloveJJ 的帖子
適量體罰其實吾係吾可以接受，中國人社會多少都有，亦有效，係好難拿捏點為之適量...
作者: wan_sosin 時間: 15-11-19 11:22 標題: 引用：回覆+IloveJJ+的帖子
適量體罰其實吾係吾
原帖由 Jane1983 於 15-11-19 發表
回覆 IloveJJ 的帖子
適量體罰其實吾係吾可以接受，中國人社會多少都有，亦有效，係好難拿捏點為之適量... ...
但大個咗而因為學業問題，唔多認為打係有效方法，學習並非道德問題，不致於要用打來罰，學習方面最好都係用鼓勵，稱讚，獎勵方法比較好！不過有時忍唔住發火都總有，唔係日日都發火就得！邊個人可以承受日日有人向自己發火！最後會反效果！就算暫時有效，長遠會影響性格發展！
作者: annie40 時間: 15-11-19 11:41
回覆 little_yolky 的帖子
little yolks, 真的要徹底大聲讚妳了。
隔離讀IS的孩子，得到的學習真諦就是從來唔知「難」，人讀佢地又讀，中學以后功課量和溫習量不少，心情總是嘻嘻哈哈，又無話要一定top top grade, 結果就已經top grade有突了。家長有時落力預警，反而誤導了孩子，認為做好功課和溫書不容易，做事情就背負各式負面想法，事倍而功半。
怎樣把正確訊息傳達給孩子，是門高深學問，觀察幼兒老師便明白，怎麼我們看管兩個已累得要命，人家一對十五，要教知識，班房有秩序，孩子又開心，原來箇中學問深。
作者: little_yolky 時間: 15-11-19 11:50
annie40 發表於 15-11-19 11:41
回覆 little_yolky 的帖子
little yolks, 真的要徹底大聲讚妳了。
不過近來心臟唔好, 默書唔合格都無鬧佢了, 反正唔知點解測驗好高分, 只係默書唔得, 所以由得佢了。呢幾日見我無鬧佢默書, 佢做worksheet都快手咗, 話頭醒尾添。
不過我家情況可能係家姐表現好, 正所謂上樑不正下樑歪, 家姐呢條樑立得正, 阿妹跟住做都有番咁上下。
作者: Jane1983 時間: 15-11-19 11:55
回覆 wan_sosin 的帖子
係，尤其越來越大個，好難，人地果套行得好好，亦吾一定适合自己。
而家小朋友開始大個，聽吓朋友家長講吓，發現吾少差不多年纪的小朋友，讀local又好，IS又好，已有大大小小的行為問題。聽落個心都惊，遲早燒到黎，但打，就怕搞到小朋友吾敢同屋企講，仲煩。
作者: Jane1983 時間: 15-11-19 11:56
回覆 little_yolky 的帖子
都話你大女好野，幫你搞掂埋細女！
作者: wan_sosin 時間: 15-11-19 12:47 標題: 引用：回覆+wan_sosin+的帖子
係，尤其越來越大
原帖由 Jane1983 於 15-11-19 發表
回覆 wan_sosin 的帖子
係，尤其越來越大個，好難，人地果套行得好好，亦吾一定适合自己。
作者: IloveJJ 時間: 15-11-19 12:58 標題: 引用：Quote:原帖由+Jane1983+於+15-11-19+發表回
提示: 作者被禁止或刪除 內容自動屏蔽
作者: wan_sosin 時間: 15-11-19 13:20 標題: 引用：Quote:原帖由+wan_sosin+於+15-11-19+發表6
原帖由 IloveJJ 於 15-11-19 發表
我奶奶有3個仔，佢地細個係勁打的，我阿媽有1女3仔，佢係用講同獎的。我覺得每個人每個小孩，都應該用唔同 ...
當然有幸運父母，小朋友天生乖巧，認為講道理已經無敵！
作者: IloveJJ 時間: 15-11-19 13:21 標題: 引用：Quote:原帖由+Jane1983+於+15-11-19+發表回
提示: 作者被禁止或刪除 內容自動屏蔽
作者: MASAYA 時間: 15-11-19 13:34
點教都得，唔係為發洩情緒就得，打鬧係為左教小朋友冇問題，係因為自己失控就大問題
作者: Jane1983 時間: 15-11-19 13:55
回覆 MASAYA 的帖子
你講的出發點，可能係核心。識有前輩家長，個女讀好好的女校，初中仲有打，但個女同父母好好感情……
作者: vickichan 時間: 15-11-19 14:30
我同你相反， 我放學返黎睇電視同玩左先， 之後先做功課…其實細佬仔返左一日學都好悶， 比佢地返屋企輕鬆下
我小朋友坐校車返到屋企3:45 , 跟住睇下卡通食茶點， 約5點幾開始做功課， 6:30 食飯前完成
晚飯後時間黎温書
我小朋友小二， 每日有5-6樣功課， 佢做晒佢想做嘅野， 做功課都願意啲
作者: S-Kwok 時間: 15-11-19 15:19 標題: 引用：Quote:Jane1983+發表於+15-11-19+07:21+回
原帖由 little_yolky 於 15-11-19 發表
我都藤條鋼尺一齊出動架, 不過唔係打佢, 係打枱面, 打到藤條散咗, 鋼尺曲咗。剛開學教溫英默, 我用自己隻手 ...
作者: S-Kwok 時間: 15-11-19 15:21 標題: 引用：Quote:little_yolky+發表於+15-11-19+08:38
原帖由 MASAYA 於 15-11-19 發表
我老婆話佢老豆以前試過一掌打散張枱, 自此之後佢就好聽話, 但 (我覺得) 換來青春期後性格衝動, 直到現在 ...
作者: melonfans 時間: 15-11-19 15:23 標題: 引用：小朋友己上3年級,+我一向嘅要求係每日放學
原帖由 哈利媽 於 15-11-17 發表
小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成), ...
作者: S-Kwok 時間: 15-11-19 15:27 標題: 引用：Quote:annie40+發表於+15-11-19+11:41+回覆
原帖由 little_yolky 於 15-11-19 發表
你讚我........我真係汗顏.........我家只係做功課時先嘻嘻哈哈...........溫英默就....................:g ...
作者: annie40 時間: 15-11-19 18:57
回覆 little_yolky 的帖子
無野嘅，一理通，百理明，把良好經驗改個包裝，轉移到溫習和默書上，未嘗不可。
作者: rean_chau 時間: 15-11-20 02:22 標題: 回覆：其實我有冇做錯呢!! 大家比啲意見呀 (有啲長)
我個仔好飄忽，有時好快手，但有時就慢吐吐，我六點半返到屋企只係做得一兩樣。其實都幾扯火架。但有時又真係明白佢有唔識，無信心，失去左做功課既動機。宜家三年級，放手左好多，但都係勞氣，只係自己選擇唔鬧咁多。有時我老公幫手睇功課，我就睇住佢癲，做和事佬。無辦法，唔打唔鬧既教育係需要智慧，我仲未夠。
作者: little_yolky 時間: 15-11-20 08:41
annie40 發表於 15-11-19 18:57
回覆 little_yolky 的帖子
無野嘅，一理通，百理明，把良好經驗改個包裝，轉移到溫習和默書上，未嘗不可。 ...
作者: 哈利媽 時間: 15-11-23 10:42
唉! 做功課同溫習都好鬼勞氣, 最慘係明明之前已經溫咗識嘅嘢,遲兩個星期又要從頭溫一次, 好似失憶咁, 我見好多媽咪都話3年級已經放手比佢哋自己溫書, 我嗰個真係未得, 我怕一放手就收老師電話, 話哂佢間學校真係有壓力嘅學校....
作者: little_yolky 時間: 15-11-23 11:07
哈利媽 發表於 15-11-23 10:42
唉! 做功課同溫習都好鬼勞氣, 最慘係明明之前已經溫咗識嘅嘢,遲兩個星期又要從頭溫一次, 好似失憶咁mouth ...
作者: 四隻貓 時間: 15-11-24 02:44 標題: 引用：小朋友天生愛玩，好少會自動自覺，家長要狠
原帖由 muimui812 於 15-11-17 發表
小朋友天生愛玩，好少會自動自覺，家長要狠下心腸訓練。
我那個，雖然升小一時已約法三章，亦用飯後的遊戲 ...
上星期跟前輩家長傾計，她也說這類孩子天性如此，唯有不停提點他們，待他們慢慢長大才能改善。她孩子到五年級才開始改善。
作者: sexymami 時間: 15-11-30 23:57 標題: 引用：小朋友己上3年級,+我一向嘅要求係每日放學
原帖由 哈利媽 於 15-11-17 發表
小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成), ...
佢行為上話左俾你知，佢唔急因為你會急，反正最後一定會完成的，又唔想做,咪拖下囉。
我囡2年級，大約四點先返到屋企。細佬五點會返黎，跟住落樓下會所玩，因為五至六有啲小朋友都會落樓下玩的。
佢清楚明白，如果佢5點前做晒功課，咁五至六就係佢玩的時間，所以，通常都會六點前完成(因為六點前仲有得玩)
但係，萬一佢做唔晒，我返到屋企，會先睇下係咪真係咁多功課，定係佢心散。
有幾次，係因為佢做左一陣眼瞓，瞓左。有幾次，係真係好多功課；又有幾次，係因為心散，話細佬在附近嘈住佢。
我做法係：晚上係食飯沖涼傾偈玩同埋講故事時間。佢做唔完，冇得在晚上繼續做，等佢自己聽日同老師講，欠交囉。
亦因為佢功課做唔完，當晚就冇得傾偈玩講故事，佢只能自己反思己過，好慘咁睇住我同細佬傾偈。而且，我會要佢早啲瞓。佢會眼瞓唔集中通常係前一晚夜左瞓，咁我會同佢分析原因，必需要早啲去瞓覺。但我每次都會同佢講清楚，唔係只係鬧。
我之前見老師時有同佢講過我的做法，希望老師在佢欠交功課時又提點下佢，希望佢明白做功課係佢自己的責任，老師明白亦都會配合的，佢好贊成添！
依家佢每個月都會欠3～4次功課，又會欠帶3～4次書。但我都唔會點鬧佢架。不過會同佢講：今個月共7～8次，唔知下個月會唔會有進步呢？咁佢又會有目標希望做好。
作者: germainehui 時間: 15-12-1 08:06 標題: 引用：小朋友己上3年級,+我一向嘅要求係每日放學
原帖由 哈利媽 於 15-11-17 發表
小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成), ...
作者: lamlamming 時間: 15-12-1 11:01
回覆 哈利媽 的帖子
我覺得現在的小朋友係好有主見的,所以你應該以佢心態去諗,同佢講叫佢自己去決定幾點開始做功課,做功課每個小朋友有快有慢,呢個在於果位小朋友做功課時既心態,做家長既唔係要迫佢完成所有功課,唔係要限住佢用幾耐做完及幾點前要做好,應該係要提示佢,話佢知做得快就多D自己既時間,做慢就減少左自己既私人時間,如果唔做既媽媽都幫你唔到,因為老師會將未做好功課既同學,放學後留在課室度做完至比走,甘到時你就見個個同學走哂得返你了,我暫時用呢個方法教緊我小朋友,係OK的,我放工回家睇功課,有錯既我就話佢知,佢堅持唔改的,我就同佢講,無所謂的,媽媽只是提提你,唔改老師明天看到自然就叫你放學改好至比走,甘我叫麻麻使甘早黎接你,費事企响度等你甘耐啦,之佢就自己去改了,我諗教小朋友都係需要用捉心態既方法去對付,每個小朋友性格唔同,所以我講既未必對你小朋友有用,但你可以先留意你小朋友心態性格再去想個適合用响佢身上既方法,最重要係放工後回家要比小朋友感受到你返到黎令佢好開心既感覺,甘佢至會听你講,我仔讀緊K3,我同佢講我放工前你做好功課,甘我返到黎就可以陪你玩,如果未做完,到時咪用呢D時間黎做,佢多數都能夠完成到,亦都試過有一兩次無完成哂,我當時無怪責過佢,只係講唔緊要的,吃完飯後媽媽再睇你做,我不想佢覺得功課是一種負擔是一種壓力,希望你都能夠放鬆,唔好比現在社會既壓力影響到自己對小朋友既態度^^
| 歡迎光臨 教育王國 (/) |
Powered by Discuz! X1.5 |