教育王國

標題: 自閉譜系 [打印本頁]

作者: littlemiss2011 時間: 15-11-15 23:45 標題: 自閉譜系

應該同幼稚園老師講嗎？怕被標籤，而且老師又冇乜投訴小朋友的行為。

作者: Vicky_Kwong 時間: 15-11-16 11:13

回覆 littlemiss2011 的帖子

其實媽媽也不用太介懷，應該多點與學校溝通。因為學校知道小朋友有這類問題，都會注意多點有那些地方是比較弱，從而安排一些活動去加強弱的地方，而且老師會多點包容，而不是覺得他是不聽指令。我自己知道後，都馬上告知學校，因為我仔仔的情緒上落也很大，有時也怕他弄傷其他小朋友~幸好，校長及老師也後錫他，會多點留意他給教他如何去表達自己感受，現他他會多表達自己^^

作者: littlemiss2011 時間: 15-11-16 17:29 標題: 回覆：Vicky_Kwong 的帖子

多謝妳，因為好擔心老師反而因這原因不理會小孩。學校是普通學卷幼稚園，沒有太多資源给特殊學生。

作者: faichai2001 時間: 15-11-16 21:53 標題: 引用：應該同幼稚園老師講嗎？怕被標籤，而且老師

原帖由 littlemiss2011 於 15-11-15 發表
應該同幼稚園老師講嗎？怕被標籤，而且老師又冇乜投訴小朋友的行為。

...

我小朋友2歲半，學校未知佢有自閉症，我只告知老師，小朋友有言語遲緩。並已經上緊st做訓練。但老師已經懷疑，因為老師經常投訴我囝晤肯坐定定，唔聽指令，又未有言語表達，叫我地轉介去評估，有需要就去特殊學校。佢話佢地學校資源及人手不足喎。
聽到佢甘講，我嬲到爆，好明顯嫌棄我小朋友啦

作者: littlemiss2011 時間: 15-11-17 00:10 標題: 回覆：faichai2001 的帖子

咁依家點算？小孩子還是在原校讀嗎？

作者: cyriliris 時間: 15-11-17 17:09 標題: 回覆：faichai2001 的帖子

我情況同你有d似，老師時時投訴，好心急想知個診斷。佢越迫，我越唔想講，況且我真係仲排緊

作者: skytammy 時間: 15-11-17 19:23 標題: 引用：Quote:原帖由+littlemiss2011+於+15-11-15+

原帖由 faichai2001 於 15-11-16 發表
我小朋友2歲半，學校未知佢有自閉症，我只告知老師，小朋友有言語遲緩。並已經上緊st做訓練。但老師已經懷 ...

我同你情況差唔多當未評估前校長話如小朋友真係有問題話佢地未必幫到咁多到評估後同返學校講佢又話叫我唔好退學驚我搵唔到學校我而家唯有同學校請假去上密集班一星期2日試下有冇改善先
等幼稚園收生結果出咗再睇下點

作者: faichai2001 時間: 15-11-17 22:41 標題: 引用：咁依家點算？小孩子還是在原校讀嗎？ +

原帖由 littlemiss2011 於 15-11-17 發表
咁依家點算？小孩子還是在原校讀嗎？

有繼續讀，實際上學校未知小朋友有自閉症。只是懷疑。

作者: veeyuyu 時間: 15-11-18 07:18 標題: 回覆：自閉譜系

我都係，俾左份cac問券学校，即刻多多投訴，之前冇乜問題，宜家又話唔可以升班，好彩已有K1offer, 想退學加training，但仔仔很喜歡返学，唔知點好？

作者: hha 時間: 15-11-18 13:41 標題: 回覆：自閉譜系

其實老師'投訴'都係想家長注意下佢d問題，所以溝通很重要的。如果家長唔坦白，又唔講比老師聽做緊咩訓練，老師又點幫？！其實老師睇到你努力協助孩子的話，老師係會諒解同比時間，當然係真係要慢慢有進步啦。

作者: sum311 時間: 15-11-21 07:38 標題: 回覆：littlemiss2011 的帖子

講呀！老師知道會關顧佢多d，會俾多d機會佢溝通和表達

作者: Jcat 時間: 15-11-21 11:16

我仔幼稚園和小學都有向老師坦白, 佢地會諒解多d, 仲會諗些方法幫助我仔去進步. 所以覺得溝通係重要架.

歡迎光臨教育王國 (/)