教育王國
標題: 分享下今年聖心面試內容好嗎? [打印本頁]
作者: rinarina 時間: 15-11-15 17:32 標題: 分享下今年聖心面試內容好嗎?
已經考完,不如分享下:今年好似好易,反而老師著重同小朋友傾計多d,有小朋友只考spoon , mirror, 有沒有人不同呢?老師問了家長什麼問題?
作者: chowyikwan 時間: 15-11-15 17:42 標題: 回覆:rinarina 的帖子
我覺得難。因為佢即場教我小朋友2個生字,然後變走一樣東西,問佢唔見咗什麼。你話2歲人仔呢講,難唔難?
作者: rinarina 時間: 15-11-15 17:48
回覆 chowyikwan 的帖子
是否全部人都是鏡和匙?問左家長咩問題呢?
作者: south_north 時間: 15-11-15 17:56 標題: 回覆:chowyikwan 的帖子
對我女2歲1O月都還可以,好多都明白,老師問平佢最鍾意做乜,我話最愛唱歌、跳舞,老師話,咁你下次跳比我睇
作者: socute 時間: 15-11-15 17:57 標題: 引用:回覆+chowyikwan+的帖子 是否全部人都是鏡
原帖由 rinarina 於 15-11-15 發表
回覆 chowyikwan 的帖子
是否全部人都是鏡和匙?問左家長咩問題呢?
不是我仲淺帽和碟,但是我囡不停講purple red 和 round。啱哂,答非所問啫
作者: mykate 時間: 15-11-15 17:57 標題: 回覆:分享下今年聖心面試內容好嗎?
細女剛 2歲半;佢差不多答到晒,做到晒(佢反而冇答自己個名字)。
答到變走物件那條。兩件物件係~梳和碗。
作者: taiyeung 時間: 15-11-15 18:08 標題: 引用:細女剛+2歲半;佢差不多答到晒,做到晒(佢
原帖由 mykate 於 15-11-15 發表
細女剛 2歲半;佢差不多答到晒,做到晒(佢反而冇答自己個名字)。
答到變走物件那條。兩件物件係~梳和碗 ...
你女算叻叻,我女傻下傻下拎錯物件俾老師,佢識件物件但都拎錯,我諗無人會錯囉 打定輸數
作者: chowyikwan 時間: 15-11-15 20:04 標題: 回覆:rinarina 的帖子
佢問我小朋友"毛巾"及"筷子"
我現在仲用緊紗巾幫佢抺面。
我同佢分開時間食販,因為我們好夜才回家。所以,我小朋友對毛巾及筷子不熟悉。
作者: Joanching 時間: 15-11-15 20:16 標題: 回覆:rinarina 的帖子
我女係10月超大B,除左唔話自己叫咩名,同邊個嚟,其他都做曬同答曬。
我地係叉同毛巾,問係咩、點用同收埋其中一個問唔見左邊樣,餵紙巾盒做既兔仔食指定顏色毛球。
老師都話咩都識講,做咩唔講自己個名🙈🙈🙈
作者: km_chung 時間: 15-11-15 23:31 標題: 回覆:分享下今年聖心面試內容好嗎?
我們問梳同叉,但女兩樣都要引導才作答
作者: 渴B人 時間: 15-11-16 12:24
我女第一part已經乜都唔做, 之後in第二part, 佢有講名同同邊個嚟, 我哋係碗同牙刷, 但佢唔答牙刷, 佢答刷牙, 收埋一樣問佢唔見咗乜, 佢答唔知, 餵顏色波去紙巾盒, 全部亂嚟, 肯定衰硬.
作者: lubb 時間: 15-11-16 12:29 標題: 回覆:分享下今年聖心面試內容好嗎?
我囡大B,老師既問題同要佢做既task都做到,但佢表現比較心急,希望有機會啦!
作者: tmko 時間: 15-11-16 14:32 標題: 回覆:分享下今年聖心面試內容好嗎?
我囡12月細b,第1 part 同另外2個小朋友排排企聽老師指令拿玩具,她是最後一個做到,仲要拖住我手先肯去攞。
第2 part,3位小朋友同老師一齊坐四方枱,家長要另外坐開,考疊積木同收拾能力,我囡算做到,但唔係最快個位。
第3 part見老師,可和家長一起,老師問名、和誰一起來、指着杯及鏡問是什麼,全部唔肯答,仲要痴住我坐大脾,老師有用布蓋着物件,拿走杯問有什麼不見了,當然也沒有答,最後要分辨顔色毛毛球餵紙板貓,好彩都做到,老師有問問題,問邊個照顧小朋友,小朋友在家玩什麼,放假到哪裡玩等,完成後要排好座位及bye bye 老師。
12月細b,都唔望有名校offer, 旨在參與。 so far 佢好鐘意係聖心行樓梯
作者: sw_2013 時間: 15-11-16 14:47
tmko 發表於 15-11-16 14:32
我囡12月細b,第1 part 同另外2個小朋友排排企聽老師指令拿玩具,她是最後一個做到,仲要拖住我手先肯去攞。 ...
第2 part,3位小朋友同老師一齊坐四方枱,家長要另外坐開,考疊積木同收拾能力....
我見唔到有老師 mark 嘢寫嘢,仲以為呢part 只是為等轉房而安排的活動
作者: sw_2013 時間: 15-11-16 14:51
第3 part見老師,老師變走物件時要求囡囡數 "1。2。3", 我估肯數的孩子應該有分加,可惜我女未試過變魔術數 "1。2。3",平時只會說 "嗎呢嗎呢空",所以佢當時無反應
作者: socute 時間: 15-11-16 14:59 標題: 回覆:分享下今年聖心面試內容好嗎?
不計自己小朋友表現如何和interview 流程,我覺得面試内容好好,不是純學術
作者: rinarina 時間: 15-11-16 15:00
其實只是說玩積木, 無叫小朋友疊高積木, 所以我不知到呢PART有咩考呢? 至於magic, 我留意吾倒佢叫小朋友一起數123
作者: Yeahly_ly 時間: 15-11-16 15:03 標題: 引用:Quote:tmko+發表於+15-11-16+14:32+我囡12
原帖由 sw_2013 於 15-11-16 發表
第2 part,3位小朋友同老師一齊坐四方枱,家長要另外坐開,考疊積木同收拾能力....
我見唔到有老師 mark ...
乜第一part唔計分架?不過老師有收張見面證....之後第二間房果個仲要放係枱底睇....乜唔係2part都應該寫左d野架咩😅😅😅
作者: Yeahly_ly 時間: 15-11-16 15:05 標題: 引用:其實只是說玩積木,+無叫小朋友疊高積木,+所
原帖由 rinarina 於 15-11-16 發表
其實只是說玩積木, 無叫小朋友疊高積木, 所以我不知到呢PART有咩考呢? 至於magic, 我留意吾倒佢叫小朋友一 ...
有叫疊到最高呀⋯⋯老師仲叫我個囡幫佢疊佢果幾舊....magic都有用手指數1、2、3呀
作者: tmko 時間: 15-11-16 15:09 標題: 引用:Quote:tmko+發表於+15-11-16+14:32+我囡12
原帖由 sw_2013 於 15-11-16 發表
第2 part,3位小朋友同老師一齊坐四方枱,家長要另外坐開,考疊積木同收拾能力....
我見唔到有老師 mark ...
我其實唔知係咪計分架,但見家長唔可以陪小朋友一齊坐,又有老師同佢地玩,先諗可能係interview 其中1 part
作者: socute 時間: 15-11-16 15:14 標題: 引用:其實只是說玩積木,+無叫小朋友疊高積木,+所
原帖由 rinarina 於 15-11-16 發表
其實只是說玩積木, 無叫小朋友疊高積木, 所以我不知到呢PART有咩考呢? 至於magic, 我留意吾倒佢叫小朋友一 ...
無叫叠高,但我囡自己叠左高,老師有問砌緊乜。有數123
作者: rinarina 時間: 15-11-16 15:15
有無其他老師都有叫小朋友一齊數123呢? 吾通我聰吾倒? 因為我那位老師只係自己數咋, 咁即係我fail 啦, 連聽都聽不到她有要求一齊數
作者: rinarina 時間: 15-11-16 15:19
回覆 Yeahly_ly 的帖子
但我小朋友in 果場, 老師企起身, 無同小朋友玩積木啊, 好似旁觀者多D咋, 係小朋友玩玩下叫起身, 之後去媽咪度, 其他人有無同一經驗呢?
作者: tmko 時間: 15-11-16 15:19 標題: 引用:Quote:原帖由+rinarina+於+15-11-16+發表其
原帖由 socute 於 15-11-16 發表
無叫叠高,但我囡自己叠左高,老師有問砌緊乜。有數123
其實我只見老師做動作叫我囡叠積木,我坐離他們遠,唔知老師有冇叫叠高積木
作者: tmko 時間: 15-11-16 15:22 標題: 引用:有無其他老師都有叫小朋友一齊數123呢?+吾
原帖由 rinarina 於 15-11-16 發表
有無其他老師都有叫小朋友一齊數123呢? 吾通我聰吾倒? 因為我那位老師只係自己數咋, 咁即係我fail 啦, 連聽 ...
Interview 我地個老師數123,可能佢見我囡唔太出聲,所以冇叫佢數123
作者: sw_2013 時間: 15-11-16 15:22
回覆 tmko 的帖子
我都想呢part計分,因為三個小孩之中,一個周圍走,一個要媽媽陪有旁,我女雖然無造一個圍欄給小豬(不是叠高積木),但總算坐定定.... 但那個老師坐了不到10秒就起身兼顧其他事
作者: lubb 時間: 15-11-16 15:22 標題: 回覆:rinarina 的帖子
老師都有叫我囡一齊數123呀
作者: rinarina 時間: 15-11-16 15:25
回覆 tmko 的帖子
係呀, 張抬幾大下, 我囡對面個小朋友一坐低就搶晒成籃積木比自己, 所以我囡就好遲先可以拎到積木來玩, 切不夠一陣, 就夠鍾話停, 我反而係覺得老師想看看小孩自控能力, 是否叫停就可以停
作者: Yeahly_ly 時間: 15-11-16 15:27 標題: 引用:回覆+Yeahly_ly+的帖子 但我小朋友in+果場
原帖由 rinarina 於 15-11-16 發表
回覆 Yeahly_ly 的帖子
但我小朋友in 果場, 老師企起身, 無同小朋友玩積木啊, 好似旁觀者多D咋, 係小朋友 ...
老師都係企係度呀⋯⋯但又無問野.....不停扮跌左d Lego 叫我個囡幫佢砌返....又問呢個放唔放到(有d係砌唔到)叫佢試多幾粒~又試幾個位置~同埋老師見另外唔肯玩果個就安撫下....但媽媽要坐遠d自己玩....乜唔係考緊分離咩😅😅
作者: tmko 時間: 15-11-16 15:29 標題: 引用:回覆+tmko+的帖子 係呀,+張抬幾大下,+我囡
原帖由 rinarina 於 15-11-16 發表
回覆 tmko 的帖子
係呀, 張抬幾大下, 我囡對面個小朋友一坐低就搶晒成籃積木比自己, 所以我囡就好遲先可以 ...
我囡要望住人點玩跟跟人玩,收拾都係,仲要望住我示意係咪可以收拾先做,樣樣都都慢半拍
作者: yumyumbb 時間: 15-11-16 15:41 標題: 引用:Quote:tmko+發表於+15-11-16+14:32+我囡12
原帖由 sw_2013 於 15-11-16 發表
第2 part,3位小朋友同老師一齊坐四方枱,家長要另外坐開,考疊積木同收拾能力....
我見唔到有老師 mark ...
我覺得玩切積木果part係唔計分,老師就算過黎傾計都係都似係同小朋友warm up 下
作者: socute 時間: 15-11-16 15:51 標題: 引用:Quote:原帖由+sw_2013+於+15-11-16+發表第2
原帖由 yumyumbb 於 15-11-16 發表
我覺得玩切積木果part係唔計分,老師就算過黎傾計都係都似係同小朋友warm up 下
...
我主觀地希望第一間房計分,我囡那時還未發台瘟
作者: mistyrain 時間: 15-11-16 16:00
yumyumbb 發表於 15-11-16 15:41
我覺得玩切積木果part係唔計分,老師就算過黎傾計都係都似係同小朋友warm up 下
我砌積木個part都無見到老師mark低野,按私心論,如果不計梗系好,個女淨系個part不肯坐低但都不知幼稚園點評分選人加上系細b,打定輸數,有真系驚喜
作者: Yeahly_ly 時間: 15-11-16 16:07 標題: 回覆:分享下今年聖心面試內容好嗎?
但第一part老師叫拎物件比佢/放係枱應該計分呀嘛⋯⋯唔會要3個老師對3個小朋友搞warm up ar 都要人力物力同時間
作者: yumyumbb 時間: 15-11-16 16:22 標題: 引用:但第一part老師叫拎物件比佢/放係枱應該計
原帖由 Yeahly_ly 於 15-11-16 發表
但第一part老師叫拎物件比佢/放係枱應該計分呀嘛⋯⋯唔會要3個老師對3個小朋友搞warm up ar 都 ...
拎野果part當然計…係之後玩玩具果part我覺得唔會計
作者: Yeahly_ly 時間: 15-11-16 16:28 標題: 引用:Quote:原帖由+Yeahly_ly+於+15-11-16+發表
原帖由 yumyumbb 於 15-11-16 發表
拎野果part當然計…係之後玩玩具果part我覺得唔會計
但隔離post個媽媽話佢個囝唔肯玩積木...老師望下佢個囝個名就轉身mark低係紙都唔會完全唔計呀⋯⋯
作者: yubaby 時間: 15-11-16 16:48
我囡囡玩積木時, 自己選位坐, 本來想坐老師個張, 之後老師提示話佢知叫佢坐隔離一張
玩嘅開頭, 囡囡有叫我埋去, 但我冇埋去, 我淨係話我會望到佢, 而老師都係咁講. 老師有同囡囡一齊砌, 又有同另外一個小朋友砌
囡囡玩時隔離枱都同時有另一組, 都有一個老師照顧, 同場有一個老師企係度望住兩張枱, 另外仲有一個老師望下小朋友又寫下野
玩完之後老師叫小朋友: 而家我地一齊收拾, 然後拍返好張凳, 咁就可以去拖返自己爸爸媽媽去隔離房玩
作者: Joanching 時間: 15-11-16 20:33 標題: 回覆:分享下今年聖心面試內容好嗎?
玩積木係計分既:1. 考小朋友可唔可以自己坐定定同唔使家長陪 2. 考小朋友可唔可以砌積木 ,唔同其他小朋友爭玩具3. 考小朋友識唔識收拾。
我見我個女做到時,老師專登望佢個名。
作者: miniduck 時間: 15-11-16 23:28 標題: 回覆:sw_2013 的帖子
我果個老師反而叫我個女一齊講嗎呢嗎呢空喎!但我講開magic , 無理老師
作者: miniduck 時間: 15-11-16 23:31 標題: 回覆:yumyumbb 的帖子
老師仲叫我女俾一件積木另一個小朋友,應該係考肯唔肯分享
作者: 宮二 時間: 15-11-16 23:37 標題: 回覆:分享下今年聖心面試內容好嗎?
不是教友,也不是校友,表現中上,有機會嗎?
作者: dolphinstrad 時間: 15-11-17 22:05
"不是教友,也不是校友,表現中上,有機會嗎?"
住中西區,interview 有反應,報 am 則 likely ok, 報 pm 實得。
歡迎光臨 教育王國 (/) |
Powered by Discuz! X1.5 |