教育王國

標題: 家住西灣河,請教全日PN班之選擇 [打印本頁]

作者: flexchan 時間: 15-11-11 14:29 標題: 家住西灣河,請教全日PN班之選擇

家住西灣河,但很多心水之港島東PN班(如明我,蘇浙)只有半日。
選擇不多,我報了明慧及青松興東。個人評價如下:
-明慧:重語文,學費貴,聽說較商業化
-青松興東:名氣小,學費較平、街坊讚老師有愛心.
應如何選?? thanks.

作者: muimui1108 時間: 15-11-11 18:05 標題: 回覆：家住西灣河,請教全日PN班之選擇

我仔而家讀緊青松N班，其實兩間學校真係完全唔同喎，你自己想學校係著重邊方面呀？如果想學術深語境好應該選明慧。青松我仔讀緊老師真係好有愛心，學校活動都多，返學好開心同進步都大，同埋唔多班，環境好舒服。

作者: ling00317 時間: 15-11-11 19:34

回覆 muimui1108 的帖子

多謝你分享，有一些問題關於青松，可否分享多些。
1）一班太約多少人？一班多少老師？
2）自理及德育教育方面如何？
3）學校活動是指出外參觀嗎？

作者: flexchan 時間: 15-11-12 10:06

回覆 muimui1108 的帖子

其實主力想佢自理能力好d, 其次係升小時可以輕鬆d。

Thanks.

作者: muimui1108 時間: 15-11-12 16:43 標題: 引用：回覆+muimui1108+的帖子多謝你分享，有一

原帖由 ling00317 於 15-11-11 發表
回覆 muimui1108 的帖子

多謝你分享，有一些問題關於青松，可否分享多些。

1）每班16－18人左右，一個班主任，一個姐姐。

2）自理方面我仔返咗學識著衫褲鞋襪，自己食嘢飲水都好好，戒片方面上學期如果家長係屋企同小朋友戒得7788 ，學校會幫手配合。下學期天氣冇咁凍先會同未戒到嘅小朋友戒。
見到其他學生好乖巧，斯文有禮。返學放學好有禮貌同校長主任講早晨拜拜。排隊出入都好有秩序。感覺老師好有愛心，唔惡之下都可以教導好小朋友，小朋友亦好鍾意老師。

3）出外參觀應該K1－K3先會有。但學校入面都有搞好多小活動。返咗2個月都有不同主題教學同慶祝，例如中秋節酒樓表演，親子填色比賽，萬聖節，開放日表演，去戲院睇電影，親子旅行，種花比賽，家長觀課，親子愛牙日表演等。

希望幫到大家

作者: muimui1108 時間: 15-11-12 17:01 標題: 引用：回覆+muimui1108+的帖子其實主力想佢自理

原帖由 flexchan 於 15-11-12 發表
回覆 muimui1108 的帖子

其實主力想佢自理能力好d, 其次係升小時可以輕鬆d。

自理方面青松應該幾好冇問題，我有朋友仔女讀青松剛升小，睇佢地個人品行各方面都好好，仲好精靈醒目：)而且好會關懷照顧細過佢地嘅小朋友。但係學術一定係明慧學得深了，但價錢亦貴好多，我最後都冇報其他學術深語境好既學校係因為青松好近我，同埋學費平得黎又唔會hea教，好抵讀，將來都會另外報一d興趣班同英文班，應該升小都能輕鬆應付到。但如果你將來好想入直資私小就要諗清楚了，始終青松名氣小。

作者: ling00317 時間: 15-11-12 20:40 標題: 回覆：muimui1108 的帖子

多謝你咁詳細分享，我就係想佢升小上直資。所以英文都著重。但青松好近我，所以都想報近d. 依家對呢間學校信心都大d.

作者: M.L.YEUNG 時間: 15-12-9 23:23

flexchan 發表於 15-11-11 14:29
家住西灣河,但很多心水之港島東PN班(如明我,蘇浙)只有半日。
選擇不多,我報了明慧及青松興東。個人評價如下 ...

最後有報青松?青松收左我仔全日n...但何瑞棠都收左我。。。點揀好😯😯

作者: crystal媽咪 時間: 15-12-11 06:46

何瑞棠老師流失率很高

每年都最少轉一兩位老師

歡迎光臨教育王國 (/)