教育王國

標題: 16/17 K1 - 11月7面試情況 [打印本頁]

作者: carol407hk 時間: 15-11-8 02:52 標題: 16/17 K1 - 11月7面試情況

大家仔仔女女表現如何？
今年冇老師問家長野，只係填問卷。
是否往年都係咁？

作者: WendyNg12345 時間: 15-11-8 10:34 標題: 回覆：carol407hk 的帖子

以前唔係咁，我仔仔係今年聖心畢業生，之前唔係咁in,家長冇填表，一齊坐，一個老師問小朋友嘢問題，一個老師in家長，尋日我女去in,衰左，走嚟走去，一定冇機。

作者: loving_mybaby 時間: 15-11-8 14:59 標題: 回覆：16/17 K1 - 11月7面試情況

好奇怪，今年唔問家長問題，問卷又係超簡化，我女有坐定定玩玩具，但老師問問題，我女就無答，都唔知佢依咩準則收生

作者: mc_pigpig 時間: 15-11-8 16:01 標題: 回覆：16/17 K1 - 11月7面試情況

前兩年都有填問卷，但係係可以在屋企填定交去，今年我仔in 下晝，覺得有少少hea in…

作者: kkmm22 時間: 15-11-8 17:40 標題: 回覆：16/17 K1 - 11月7面試情況

上年都係家坐後面填簡單問卷，小朋友坐在枱玩玩具，老師問簡單問題，我覺得老師主要睇下同小朋友溝通

作者: WendyNg12345 時間: 15-11-8 19:57 標題: 回覆：16/17 K1 - 11月7面試情況

不過，大B就有好處，我今年家長日問我仔聖心個班主任，佢地轉曬，就算哥哥姐姐仲讀緊都未必收，都係睇面試，依家收大B為主，細B除非好叻，如果唔係都唔收，我囡囡12月細B,所以都放棄啦，只可以哥哥係畢業生，試一試

作者: WendyNg12345 時間: 15-11-8 20:00 標題: 回覆：16/17 K1 - 11月7面試情況

再加上對哩間學校感覺麻麻，啲老師好冷漠，雖然都有啲好好，不過大部分都⋯⋯😕

作者: carol407hk 時間: 15-11-10 08:37

揀呢間都係因為佢有返咁上下歷史，校園地方夠大，而且上小學有叩門優先咋。
至於師資，校風，我都唔係咁清楚

作者: carol407hk 時間: 15-11-10 08:39

我女果日面試表現OK, 完成哂老師啲指令而且答到老師問題。
不過總覺得hea hea 地。

作者: WendyNg12345 時間: 15-11-10 14:05 標題: 回覆：carol407hk 的帖子

其實，同上小學冇關係，唔好聽出面傳，我仔啱啱今年畢業，填表前，聖幼就同啲家長講，聖小只接受聖幼學生叩門，但係到左統一派位公佈，派唔中嘅去叩門，聖小係不設任何叩門位，我地班家長好多都俾佢呃左，上年都係咁

作者: WendyNg12345 時間: 15-11-10 14:06 標題: 回覆：16/17 K1 - 11月7面試情況

我報，係因為哥哥喺佢畢業生，妹妹係細B,所以博多個機會。

作者: carol407hk 時間: 15-11-10 16:03

回覆 WendyNg12345 的帖子

原來係咁。。。不過大圍又好似冇乜選擇咁。。。我淨係揀左佢同埋海福咋！

BTW, 哥哥小學派邊間呀？

作者: WendyNg12345 時間: 15-11-10 16:25 標題: 回覆：carol407hk 的帖子

哥哥派左恩平，叩門唔成功，不過錯有錯著，恩平啲老師、校長好有heart,同傳聞完全唔同。
我自己就報左幾間，孫方中、真理浸信會（碧濤）、合一堂、信義、吳多泰同聖心，因為我女12月係細B,不過我自己就心儀合一堂、孫方中同真理浸信會

作者: WendyNg12345 時間: 15-11-10 16:33 標題: 回覆：16/17 K1 - 11月7面試情況

可能個個人唔同吧，不過聖心口碑比起之前真係差左好多，我契仔都係聖心畢業，妹妹今年K1,聖心收左都唔選擇佢，我仲好記得，我K3嘅家長日見老師，老師居然話我仔仔做嘢好「嗱西」，嗰下好反感，作為一位老師居然如此粗俗。

作者: GOODWIN 時間: 15-11-10 18:09

問卷不知道是計分一環還是分散家長注意力

作者: carol407hk 時間: 15-11-10 22:55

回覆 WendyNg12345 的帖子

我都聽人講過話老師愛心麻麻地。我果日所見，真係有啲老師係木口木面咁。好冷漠。海福啲老師就好友善好關心小朋友。
不過都係到時睇下邊間收先再諗。。。

作者: calvinlinda 時間: 15-11-11 05:46 標題: 回覆：16/17 K1 - 11月7面試情況

我又唔覺喎！上星期面試時見到啲老師同修女都笑面迎人，我前有個肥仔（小朋友）去到邊喊到邊、又lur 地、又掉玩具，佢老豆都搞佢唔惦。不同的修女同老師都好有耐性同愛心settle佢。
另外，面試模式同根德園好相似，只係group in 同one on one的大分別，並唔覺hea同求其。反而覺得面試的小朋友/家長質素很參差。
同埋聖小係津校，點會有特別叩門位比聖幼呢，暗盤可能會有（估），但講到暗盤就即係唔會公開，考小學前應該要清楚整體的遊戲規則。

作者: MichaelFungm 時間: 15-11-17 01:53 標題: 引用：我又唔覺喎！上星期面試時見到啲老師同修女

原帖由 calvinlinda 於 15-11-11 發表
我又唔覺喎！上星期面試時見到啲老師同修女都笑面迎人，我前有個肥仔（小朋友）去到邊喊到邊、又lur 地、又 ...

以前叩門喺係聖幼做登記架，不過今年就真係講明無囉。。。

作者: carol407hk 時間: 15-11-25 21:59

今日收到信，收左喇！

作者: mimwing 時間: 15-11-27 21:14

我只知$400 一個月，可以多好多錢俾佢學其他

歡迎光臨教育王國 (/)