教育王國

標題: 馬鞍山中文大學校友會張煊昌幼稚園 [打印本頁]

作者: SONFLOWER 時間: 15-11-7 22:59 標題: 馬鞍山中文大學校友會張煊昌幼稚園

想寫個感想都有成個月，今年啊仔k1 有幸入讀真係好開心，事因之前有家長對啊仔間幼稚園評價一般，好彩我堅持信自己所選既學校

啊仔細b 又怕怕羞，返學梗喊啦，仲要唔少嘢，第一星期由返學喊到放學，學校由校長老師主任到嬸嬸都好有愛心，冇因為啊仔麻煩而放棄或者唔理佢，當然都唔係我啊仔係呢個情況，學校係開學初期抽多好多老師去照顧k1 學生，仲有註校社工特別照顧佢地，對於難適應學生採取人釘人，社工仲特別多次來電教導如何幫助仔仔適應，係大家努力下啊仔一日比一日進步，10月頭仲話鐘意返學好開心。

係上兩星期，老公有時間接仔仔放學，係等車其間，見到同班同學，老公叫仔仔同同學仔玩，但啊仔都係怕怕羞唔同佢哋玩，但係佢啲同學就主動行去仔仔到摸摸仔仔個頭叫佢個名以示錫錫仔仔，老公話佢哋表現好錫仔仔，我先唸起之前接過仔仔放學，社工特別同我傾左好一陣，都話會教其他唔喊既學生去摸摸喊既學生個頭鼓勵佢哋，等佢哋快啲適應，好興幸可以俾仔係一間有愛既啟蒙學校讀書，因為我信幼兒期識得對人友好，有禮貌對長大後做人處事最為重要。

呢個純粹係個人感覺，大家喜歡間學校與否就要自己去感受啦。

作者: himhim13 時間: 15-11-9 11:02

我仔仔上星期六都IN完這間, 感覺亦不錯, 希望有幸可以做到同學仔

作者: taboba 時間: 15-11-13 14:39

我個仔都IN 咗, 上年只收下午班. 希望今年有全日班啦!

作者: SONFLOWER 時間: 15-11-17 17:54 標題: 回覆：taboba 的帖子

收左下午班冇讀？有冇寫過信俾校長啊？我都係寫信俾校長求返黎

作者: taboba 時間: 15-12-7 14:59

回覆 SONFLOWER 的帖子

有寫求情信. 但到咗註冊日都冇聲氣咪報收咗個間囉. 點知"張"打嚟問, 做咩唔嚟註冊. 我咪話您們都唔收讀全日或AM. 佢話嚟交留位費, 先有得轉喎. 我冇理佢, 心諗我留咗位又比唔到我要的學位. 叫我點註冊呀? 佢唔記得新玩法, 要攞學劵註冊. 唔同以前交錢便OK.

歡迎光臨教育王國 (/)