教育王國

標題: 11/6 4點左右於宣道面試既媽媽，非常極之抱歉 [打印本頁]

作者: teteemem 時間: 15-11-6 17:19 標題: 11/6 4點左右於宣道面試既媽媽，非常極之抱歉

今日下晝4點左右去宣道interview，等緊叫number途中阿女無啦啦咳到嘔，今朝返學仲好地地，去SC interview都好精神，事情黎得太突然，我不知所措，只希望佢唔好影響到其他小朋友同埋媽媽們。我得一包紙巾，後排既媽媽好好，係咁俾濕紙巾我，當時我個腦只係諗住清理完第一時間就閃。清潔姨姨好好，叫我問校長可唔可以改時間，我問佢校長係邊個，原來叫咪嗰個係校長。咁我同阿女上一樓清潔完臨走去返禮堂搵校長，未開口佢就話，到你喇喎，快d跟住條隊上去啦，我話：吓？我怕影響到其他小朋友，佢話：佢個樣精神過頭先未嘔嗰陣喎，佢無問題呀，你上到去同老師講聲就可以喇。上到去見到老師同佢講咗聲，就開始in。好彩佢全程無咳，同埋我洗乾淨晒手仔面仔先俾佢掂d學校物品，同埋用我條大圍巾包住佢，希望受影響既小朋友同媽咪原諒... 我女如果病我唔會同佢去interview，正如有少少咳同鼻水都唔會返學一樣，作為媽媽個道小朋友病係好陰公，將心比己都唔想自己小朋友俾人惹到，所以頭先突如其來咁嘔我真係預料不及。
在場既媽媽，如果你睇到我呢個post, 希望你原諒，如果嚇親小朋友真係唔好意思，希望各位小朋友健健康康，入到心儀既學校，希望你地接受我道歉。

作者: L+H 時間: 15-11-6 17:22

祝早日康復

作者: 小白媽媽 時間: 15-11-6 17:23 標題: 回覆：teteemem 的帖子

放心，我估大家都會體諒，大人小朋友都唔想，今晚好好休息。我通常帶多套衫，祝順利

作者: gouf0083 時間: 15-11-6 17:26 標題: 回覆：teteemem 的帖子

雖然見唔到，不過無人想小朋友唔舒服，加油！媽媽都好有心同盡責啊！

作者: biloveu 時間: 15-11-6 17:46 標題: 回覆：11/6 4點左右於宣道面試既媽媽，非常極之抱歉

個校長係米短頭髮，不斷'就'眉頭那個？佢咁樣好似無乜愛心。

我朝早見，所以唔肯定係米同一個叫mic

作者: 99dogdog 時間: 15-11-6 18:06 標題: 回覆：11/6 4點左右於宣道面試既媽媽，非常極之抱歉

有承擔既媽媽，祝小朋友快啲好返！其實可能小朋友已太倦，上午返學，下午仲要兩個interview！下次可以試吓咁計劃：例如上午告假在家休息輕鬆吓，下午才interview! 上年我女下午in K，我怕佢到下午想瞓覺（pn返上午），所以我向學校請假一天等佢瞓晏啲；結果好好精神仲得到呢間最心儀學校既offer! 加油！

作者: 大埔之友 時間: 15-11-6 18:08 標題: 回覆：biloveu 的帖子

叫Mic 果個, 個樣想食人咁😨

作者: teteemem 時間: 15-11-6 18:17 標題: 回覆：99dogdog 的帖子

恭喜你呀，收到心儀學校offer真係令人振奮... 今次買個教訓，不過黎緊既interview都係晌星期六，應該好少少.... thx for ur advice

作者: blackcarol 時間: 15-11-6 18:19 標題: 回覆：11/6 4點左右於宣道面試既媽媽，非常極之抱歉

我都覺得叫mic果個短頭髮睇落一d都唔nice......！放心啦，我覺得無人會覺得你麻煩，小朋友健康最緊要，系埋食錯咩

作者: teteemem 時間: 15-11-6 18:21 標題: 回覆：blackcarol 的帖子

我估係SC俾佢包餅，好油，同埋可能食得急索咗去氣道，跟住係咁咳（因為佢咳時仲揸住嗰支餅）唉

作者: pigelle 時間: 15-11-6 21:32

我今日都4點3係宣道, 唔見你所講既發生既...可能坐得遠, 不過見完feeling 唔係太鍾意宣道 la

作者: mrsmartie 時間: 15-11-6 21:36 標題: 引用：我今日都4點3係宣道,+唔見你所講既發生既..

原帖由 pigelle 於 15-11-06 發表
我今日都4點3係宣道, 唔見你所講既發生既...可能坐得遠, 不過見完feeling 唔係太鍾意宣道 la ...

點解唔鐘意呀？我見完好鐘意。

作者: pigelle 時間: 15-11-6 21:49

mrsmartie 發表於 15-11-6 21:36
點解唔鐘意呀？我見完好鐘意。

一黎1對4, 對細B 唔Fair, 二黎面見時間佢都唔理你, 早又得,late 又得,去到完全睇唔到佢有講關於學校既課程同設施, 贂唔到環境, 覺得唔太respect 家長

作者: sushimama 時間: 15-11-6 21:55 標題: 回覆：11/6 4點左右於宣道面試既媽媽，非常極之抱歉

我囡都試過在巴士無啦啦嘔，之前是完全無事，好精神，無先兆的，所以我好明白這媽媽的，祝小朋友早日康復！

作者: andyan324 時間: 15-11-6 22:00 標題: 引用：Quote:mrsmartie+發表於+15-11-6+21:36+點

原帖由 pigelle 於 15-11-06 發表
一黎1對4, 對細B 唔Fair, 二黎面見時間佢都唔理你, 早又得,late 又得,去到完全睇唔到佢有講關於學校既課程 ...

其實好多k都group in撈埋哂一齊

作者: Dordormummum 時間: 15-11-6 22:28 標題: 引用：我估係SC俾佢包餅，好油，同埋可能食得急索

原帖由 teteemem 於 15-11-06 發表
我估係SC俾佢包餅，好油，同埋可能食得急索咗去氣道，跟住係咁咳（因為佢咳時仲揸住嗰支餅）唉

...

我同意st Catherine 包餅勁油！超牛油味！我俾左2條我囡食無再俾！

作者: pigelle 時間: 15-11-6 22:36

andyan324 發表於 15-11-6 22:00
其實好多k都group in撈埋哂一齊

可能啦..但係我見左6間, 其他都係一對一, or 一對二

作者: Msolivialeung 時間: 15-11-6 22:39

回覆大埔之友的帖子

原來佢係校長

我今朝10點in個時已經見到佢表情唔多開心

作者: boyandes 時間: 15-11-6 22:50 標題: 回覆：Dordormummum 的帖子

我冇去interview, 不過都想比個like你，加油

作者: biloveu 時間: 15-11-6 22:55 標題: 引用：回覆+大埔之友+的帖子原來佢係校長我今朝

原帖由 Msolivialeung 於 15-11-06 發表
回覆大埔之友的帖子

原來佢係校長我今朝10點in個時已經見到佢表情唔多開心

我直頭問我老公佢個樣想點。

作者: Yang81 時間: 15-11-6 22:57 標題: 引用：Quote:mrsmartie+發表於+15-11-6+21:36+點

原帖由 pigelle 於 15-11-06 發表
一黎1對4, 對細B 唔Fair, 二黎面見時間佢都唔理你, 早又得,late 又得,去到完全睇唔到佢有講關於學校既課程 ...

我感覺都唔太好，in 2點 1:35去到大門緊閉，家長自己排隊，排咗一陣隊尾已經去到學校外面，係完全見唔到有任何工作人員㗎，直到差不多1:50先見到工作人員

作者: jarxjar 時間: 15-11-6 23:33 標題: 回覆：11/6 4點左右於宣道面試既媽媽，非常極之抱歉

俾個like 你
相信好多媽媽都好明白了解依啲情況無人想，唔好咁自責
祝小朋友早日康復，打後面試順順利利！

作者: pigelle 時間: 15-11-6 23:51

你係咪坐禮堂右邊第一行?

作者: Sumsum1103 時間: 15-11-7 00:08 標題: 回覆：Yang81 的帖子

完全同意，我小朋友想去廁所，行黎行去搵又問看更冇人肯借，小學部經過既老師一樣叫我問隔離，門又未開我點好意思㩒鐘！

作者: Pangel 時間: 15-11-7 00:13 標題: 回覆：teteemem 的帖子

媽媽好欣賞你的承擔，你孩子很有福氣有你這個媽媽。Anyway , 今天interview已完結，最重要小朋友無事，可能明天又要interview, 好好休息。
題外話，今天另一間interview 時，見到一個小朋友還貼著退熱貼，真想問他父母在想什麼

作者: stars8888 時間: 15-11-7 00:29 標題: 回覆：11/6 4點左右於宣道面試既媽媽，非常極之抱歉

原來揸咪果個係校長，超黑面，完全無笑容，我工人姐姐都問我點解咁嘅樣

作者: teteemem 時間: 15-11-7 01:13 標題: 回覆：pigelle 的帖子

係呀....我超尷尬....我想即刻抱走佢添呀，不過搞到周圍係，就咁走咗去唔可以囉..

作者: Jjchow2015 時間: 15-11-7 07:16 標題: 回覆：teteemem 的帖子

吓！剛嘔完就叫你去interview!! 雖然了手好多人interview 也不用咁對小朋友！好冇愛心！

作者: Jjchow2015 時間: 15-11-7 07:18 標題: 回覆：teteemem 的帖子

辛苦哂你小朋友！加油！

作者: balj 時間: 15-11-7 09:58

提示: 作者被禁止或刪除內容自動屏蔽

作者: balj 時間: 15-11-7 10:01

提示: 作者被禁止或刪除內容自動屏蔽

作者: phoebe196 時間: 15-11-7 10:58

提示: 作者被禁止或刪除內容自動屏蔽

作者: Jjchow2015 時間: 15-11-7 11:32 標題: 回覆：phoebe196 的帖子

好多學校也是幾千人面試，但依然笑面迎人！如果咁都做不到，將來小朋友番學扭計，老師會點對佢地！

作者: balj 時間: 15-11-7 11:37

提示: 作者被禁止或刪除內容自動屏蔽

作者: mrsmartie 時間: 15-11-7 11:47 標題: 回覆：11/6 4點左右於宣道面試既媽媽，非常極之抱歉

我見3點，揸咪女士有講洗手間係邊喎

作者: anpanman_baby 時間: 15-11-7 12:39 標題: 引用：sorry,+其實我路過。我自己兩個小朋友都係

原帖由 phoebe196 於 15-11-07 發表
sorry, 其實我路過。我自己兩個小朋友都係讀宣幼，校長，老師同"姐姐"都超好。可以interview實在太多人，試 ...

Agree, 去見創價同培道，真心覺得老師校長好有heart, 對比強烈

作者: happybidding 時間: 15-11-7 14:42

teteemem 發表於 15-11-6 17:19
今日下晝4點左右去宣道interview，等緊叫number途中阿女無啦啦咳到嘔，今朝返學仲好地地，去SC interview都 ...

我昨日4點4在宣道，唔見你所講既發生既，不過見完feeling唔係太鍾意宣道，校舍太細。

作者: phoebe196 時間: 15-11-7 22:37

提示: 作者被禁止或刪除內容自動屏蔽

作者: maggie_fan 時間: 15-11-7 23:06 標題: 回覆：11/6 4點左右於宣道面試既媽媽，非常極之抱歉

下，果個係校長

毫無表情，讀no.講野無tone..好似機械式播碟咁

作者: piggymonkey 時間: 15-11-9 12:50

原來嗰個係校長, 佢d 面口仲差過門口check form D 家長義工
BTW, 其實宣幼係咪得兩格toilet? 我真係未見過幼稚園D 厠所咁細囉

作者: luckybaby2011 時間: 15-11-9 13:45

回覆 teteemem 的帖子

我無報呢間呀, 不過你真係一個好有責任感的媽媽, 相信你囡囡一定會有一間啱佢既學校收

作者: teteemem 時間: 16-6-15 18:15 標題: 回覆：11/6 4點左右於宣道面試既媽媽，非常極之抱歉

本帖最後由 teteemem 於 16-6-15 18:17 編輯

今日好無聊咁睇返之前既post, 諗返想當日有幾咁狼狽，校長、老師甚至姨姨都非常好，更感恩既係，宣幼同民生同時收咗我女正取生。當我要晌宣幼同民生二選一，最終我揀咗民生... 5/6/7月係call waiting 高峰期，希望大家都入到合適既學校啦

作者: 星星的後裔 時間: 16-6-15 21:50 標題: 回覆：11/6 4點左右於宣道面試既媽媽，非常極之抱歉

恭喜恭喜👏🏻👏🏻👏🏻👏🏻

作者: teteemem 時間: 16-6-15 22:01 標題: 回覆：11/6 4點左右於宣道面試既媽媽，非常極之抱歉

呀⋯⋯ 我仲要再次感激當日遞紙巾俾我既媽媽們，希望無嚇親你地小朋友無影響佢地啦！

作者: vpo0615 時間: 16-6-16 16:57

小朋友咳到嘔係常有嘅事, 我都唔知有幾多個夜晚我都要幫個囡執手尾.....
好欣賞樓主勇於出POST道歉, 相信你個小朋友都會受到你良好的德育培訓.

歡迎光臨教育王國 (/)