教育王國
標題: 不求分數的TSA（梁秉堅） [打印本頁]
作者: elbar 時間: 15-11-6 15:14 標題: 不求分數的TSA（梁秉堅）
「全港性系統評估」（TSA）使小學師生壓力爆煲，數以萬計家長要求取消。教育局局長吳克儉初時堅持TSA是量度教與學的客觀數據的重要工具，最近還是抵受不了輿論，宣布再研究TSA，探討如何改良它來紓緩師生甚至家長的壓力。TSA的問題，是否真的不計算分數、個別學校過分操練那麼簡單呢？
雖然TSA並不會影響學校的等級，亦不會影響學生的升學，表面上它是一個不求分數、只求了解學生能力的評估。不過，如果某學校學生在TSA的成績欠佳，教育局或相關部門會找學校「傾談」，敦促其改善教學質素，用較為俗套的說法，就是「照肺」。分數沒有實質影響，但會被訓話是一個甚麼概念？情況好比學生默書，分數並不會計入該學科總成績，亦不會影響升班或留班；不過，如果學生默書成績不合格，會被老師召到教員室訓話一番，然後老師又會找其家長問三問四，要求家長好好督導子女溫習。這個不講求分數的默書，說穿了就是你可以低分，但你要付出代價！
對於教育局表示願意研究TSA，筆者固然認為可喜，只是若要研究問題，就必須對準問題核心。TSA的問題，是否樣本式、抽樣式或隔年考核可解決？TSA的問題，可能在於即使抽樣或隔年考核，學校師生仍可能跌入為免於評估滑鐵盧，要繼續操練。筆者認為，即使TSA年年考核也不是最大的問題，解題之關鍵在於教育局如何規範學校應對TSA。如果TSA如同一般測試，毋須特別準備，教育局甚至規範學校不能過分操練，試後教育局亦不會「照肺」，TSA會落得如斯結局嗎？請教育局深思有關問題，不要提出流於形式的所謂解決方法。
梁秉堅 菁英會副秘書長
作者: Ryan_baba 時間: 15-11-6 15:41
回覆 elbar 的帖子
筆者嘅睇法都幾有趣, 只要唔計分, 即使成績差都唔需要正視.
作者: hippogod 時間: 15-11-6 16:04
教局所謂「正視的措施」是懲罰性的: 閹割、殺校
這是教育政策應有之舉?
正如
衞生及福利局推行全民週年體檢
原意是很好，能讓公營醫療系統正視市民個別體格需要
其後所謂的正視是將不合格的市民醫療福利削減、排除在公共醫療外、甚至要賜死?
作者: hkpapa852 時間: 15-11-6 17:09
hippogod 發表於 15-11-6 16:04 
教局所謂「正視的措施」是懲罰性的: 閹割、殺校
這是教育政策應有之舉?
作者: shadeslayer 時間: 15-11-6 19:34 標題: 引用：Quote:hippogod+發表於+15-11-6+16:04+教局
原帖由 hkpapa852 於 15-11-06 發表
你其實知唔知津校係咩條件之下先會俾人殺校呢?
作者: hkpapa852 時間: 15-11-9 10:23
回覆 hippogod 的帖子
hippogod 當年就係收生不足就殺
只要將TSA 數據有意無意間透露出去
家長就會避開唔揀
小一學位統一分配實際操作亦在
問題係一般家長唔明白TSA對升中係"無影響", 所以只會人云亦云.
但學校無理由唔知. 只任由家長猜測而不去澄清, 或有意引導家長去猜測TSA成績會影響升中, 其實都係不道德既行為.
作者: hippogod 時間: 15-11-9 10:36
回覆 hkpapa852 的帖子
一去到生死存亡的話什麼道德都是放屁了啦
作者: goodenough 時間: 15-11-10 04:29
本帖最後由 goodenough 於 15-11-10 04:34 編輯
hippogod 發表於 15-11-6 16:04
教局所謂「正視的措施」是懲罰性的: 閹割、殺校
這是教育政策應有之舉?
不如睇睇這個所謂應有之舉先。
教局所謂的「正視的措施」，未必一定是閹割、殺校，而係多到你唔信！只不過，你講得啱，目的除了用來威嚇學校之外，最後都是要你追回成績，最簡單就係要求學生做功課、做練習喇，老師就再培訓、上堂喇。咁既然最終都係要加重學生的練習，點解唔係考之前操練？呢個就係操練TSA的由來，至少通過考試前的操練而免除日後再培訓和日後同學的不停再操練、再評估等等的煩複惱人又效率底的節磨。如果說TSA就好似一個劫貧濟富的一個手段也不為過，它讓一班天資聰穎的同學可享受更多的學習樂趣，相反卻令學習遲緩的同學百上加斤，加劇了兩方面的懸殊！問一問吳局長，還談甚麼融合教肓？
你估學校知唔知這種情況？當然會知喇！你睇大部份官津小學最遲在小四開始都要設立精英班和非精英班，有部份小學更加設精英班內部份的精英培訓，就係要一方面進行拔尖，另一方面又要進行補底。還有每隔年(其實係每年)的PreS1成績，學校的調整分就是靠整體同學的成績來支撐。你估邊間學校唔想提升補底班的成績？提升之後，起碼排banding時都著數好多！如果說TSA跟升中沒有關係，咁TSA對同學來說就會是一個全沒誘因的考試，唔怪得啲同學講話要「hea考」啦。「Hea考」的TSA成績就偏偏被人用來定你生死，又唔怪得啲學校要「呃」住全世界，將TSA說成是對升中有好大關係！可憐TSA就變成一個鬼5馬6的考試，今天大家又知道TSA對升中冇影響了，教局又唔比操練，「hea考」唔知會唔會變成風氣呢！
坦白說，如果考完TSA之後，唔公佈成績，又唔催谷那些唔達標的學校，咁真係唔知考來做乜，不如唔好考好了。爛蘋果就係從心裡面開始腐爛先，未切開好難知道爛成點！
作者: shadeslayer 時間: 15-11-10 07:49 標題: 引用：+本帖最後由+goodenough+於+15-11-10+04:34
原帖由 goodenough 於 15-11-10 發表
本帖最後由 goodenough 於 15-11-10 04:34 編輯
Xxxxxxx
低風險考試便是這樣。無TSA也有 pre－S1。香港係唔係想走回頭路行升中試？
明知多操練有害學生還要操，如果如你上面說，部分學校還呃住家長學生，引導他們相信和升中殺校有關，咁係誠信問題，教育良心問題。
一間學校TSA不達標，誠信教育良心也如此，改善教育只有操練。學校如此，不讀也罷。
作者: zoebear 時間: 15-11-18 16:51
TAS的禍害作為一個小學家長黎講應該最清楚不過，一句講晒，邊間小學無TSA我仆到去讀！
作者: Spectra666 時間: 15-11-18 18:07
提示: 作者被禁止或刪除 內容自動屏蔽
作者: ronniedad 時間: 15-11-18 19:52 標題: 回覆：不求分數的TSA（梁秉堅）
講就輕鬆，讀邊間你話哂事架。你試下整批唔駛考嘅，會有幾多樓上家長申請入讀。不讀也罷，講就天下無敵！
作者: shadeslayer 時間: 15-11-18 20:06 標題: 引用：講就輕鬆，讀邊間你話哂事架。你試下整批唔
原帖由 ronniedad 於 15-11-18 發表
講就輕鬆，讀邊間你話哂事架。你試下整批唔駛考嘅，會有幾多樓上家長申請入讀。不讀也罷，講就天下無敵！:u ...
聽說官津也有不瘋狂操TSA的。
作者: ronniedad 時間: 15-11-18 20:32 標題: 回覆：不求分數的TSA（梁秉堅）
總數收到幾多呀？係咪可以由得家長話入就入架？
作者: Spectra666 時間: 15-11-18 20:38
提示: 作者被禁止或刪除 內容自動屏蔽
作者: ronniedad 時間: 15-11-18 20:38 標題: 回覆：不求分數的TSA（梁秉堅）
我都知國際學校唔駛考，有錢嘅就讀得？無錢嘅係咪政府一樣做到津貼架？
作者: Spectra666 時間: 15-11-18 20:41
提示: 作者被禁止或刪除 內容自動屏蔽
作者: ronniedad 時間: 15-11-18 20:42 標題: 回覆：不求分數的TSA（梁秉堅）
可以做到自己想讀邊間讀邊間咪講得通囉，先唔講有無經濟能力，真係做到大把人拍爛手掌。
作者: ronniedad 時間: 15-11-18 20:44 標題: 回覆：不求分數的TSA（梁秉堅）
咁自由選擇參唔參與呢個評估會唔會簡單好多呀？
作者: shadeslayer 時間: 15-11-18 21:03 標題: 引用：咁自由選擇參唔參與呢個評估會唔會簡單好多
原帖由 ronniedad 於 15-11-18 發表
咁自由選擇參唔參與呢個評估會唔會簡單好多呀？
作者: ronniedad 時間: 15-11-18 21:07 標題: 回覆：不求分數的TSA（梁秉堅）
咁咪就係唔係評估係用黎做監管囉！
作者: ronniedad 時間: 15-11-18 21:16 標題: 回覆：不求分數的TSA（梁秉堅）
如做好監管（有做過咩？），做到佢地嘅理想評估效果，會咁多人嘈？
作者: shadeslayer 時間: 15-11-18 22:18 標題: 引用：咁咪就係唔係評估係用黎做監管囉！ +
原帖由 ronniedad 於 15-11-18 發表
咁咪就係唔係評估係用黎做監管囉！
作者: ronniedad 時間: 15-11-18 22:32 標題: 回覆：不求分數的TSA（梁秉堅）
咁咪直接同香港市民講，你呢番說話囉，係呀有強權無公理架啦，大權在我手你吹咩？呃你班港豬就梗架啦！評估係卓頭黎之嘛，卓頭嘅野你地識咩呀！
作者: Doray 時間: 15-11-18 22:47
本帖最後由 Doray 於 15-11-18 22:49 編輯
ronniedad 發表於 15-11-18 22:32
咁咪直接同香港市工民講，你呢番說話囉，係呀有強權無公理架啦，大權在我手你吹咩？呃你班港豬就梗架啦！評估 ...
身體最誠實，人哋讀梗IS, 就係不屑local school 啦！你哋冇得讀IS就認命继續考TSA, 因為所有local 老師學校都係呃飯食，一陣你地local school 攪到好似 IS咁行，點differentiate 到佢地嘅優越呢？
作者: palmchristy 時間: 15-11-18 22:50
"數以萬計家長要求取消"
要求取消的是真家長? 還是"一些用FB的人"?
作者: ronniedad 時間: 15-11-18 22:51 標題: 引用：Quote:ronniedad+發表於+15-11-18+22:32+咁
原帖由 Doray 於 15-11-18 發表
本帖最後由 Doray 於 15-11-18 22:49 編輯
作者: ronniedad 時間: 15-11-18 22:58 標題: 引用："數以萬計家長要求取消"要求取消的是真家長
原帖由 palmchristy 於 15-11-18 發表
"數以萬計家長要求取消"
要求取消的是真家長? 還是"一些用FB的人"?
作者: shadeslayer 時間: 15-11-18 23:03 標題: 引用：+本帖最後由+Doray+於+15-11-18+22:49+編輯
原帖由 Doray 於 15-11-18 發表
本帖最後由 Doray 於 15-11-18 22:49 編輯
作者: Doray 時間: 15-11-18 23:10
本帖最後由 Doray 於 15-11-18 23:16 編輯
shadeslayer 發表於 15-11-18 23:03
你無聽S網友說ls做評估仲多。你地只識東扯西扯，永無討論，浪費時間，公道自在人心。
...
但係IS 評估唔駛家長陪讀陪温，仲要考咗唔知，亦冇全港IS 統一考試。邊個東拉西扯，幫主謀脱罪，賴哂啲從犯，仲要所有人都係從犯咁你死你賤的心態，真係公道自在人心！
作者: ronniedad 時間: 15-11-18 23:11 標題: 引用：Quote:原帖由+Doray+於+15-11-18+發表本帖
原帖由 shadeslayer 於 15-11-18 發表
你無聽S網友說ls做評估仲多。你地只識東扯西扯，永無討論，浪費時間，公道自在人心。
...
作者: palmchristy 時間: 15-11-18 23:20
ronniedad 發表於 15-11-18 22:58
咁你永遠一定係贏家的，出哂黎實名登記抗議數人數又如何，跟住你咪又出唔得掂理論話，咁即係無出黎嘅家長係 ...
我只係想帶出TSA操練問題的大小, 未必如想像中的大, 不排除有一些操練的學校和因此受苦的學生, 但如果規模不是很大的話, 就是個別學校的問題, 以及教育局和學校溝通不足的問題.
傳媒以及個別作者, 未經考証就說"數以萬計家長要求取消"這類不盡不實的話, 難得又有好多人未經過濾就信以為真, 人云亦云下, 一些不明真相的群眾很易誇大問題, 進而得出不符事實的結論.
作者: palmchristy 時間: 15-11-18 23:27
Doray: 唔駛擔心，肯定唔包EK啲Band1家長！
***********
雖然我無做過嚴謹的統計, 但以BK真經歷過孩子小三TSA的計算, 真係絕大部份的家長唔覺得TSA有操練問題. 遇然有一兩個剛經歷過小三TSA的家長, 仍然覺得TSA有操練而覺得TSA有問題的, 我是十分尊重他們的經驗和看法, 但畢竟屬小數.
作者: ronniedad 時間: 15-11-18 23:36 標題: 引用：Quote:ronniedad+發表於+15-11-18+22:58+咁
原帖由 palmchristy 於 15-11-18 發表
我只係想帶出TSA操練問題的大小, 未必如想像中的大, 不排除有一些操練的學校和因此受苦的學生, 但如果規模 ...
作者: palmchristy 時間: 15-11-18 23:48 標題: 引用：Quote:原帖由+palmchristy+於+15-11-18+發
原帖由 ronniedad 於 15-11-18 發表
在我價值觀上，就算一個只是危害到一少部份人的事情，有良知的人都應該要去阻止；更遑論而家講緊嘅，係有機 ...
如果真是數以萬計家長有意見，這真是大規模，值得加大力度處理。
但現在有篤數之嫌。
如果只是小規模問題，就更要把焦點放回個別學校，甚至個別家長的層面處理。
作者: palmchristy 時間: 15-11-18 23:51 標題: 引用：Quote:原帖由+palmchristy+於+15-11-18+發
原帖由 ronniedad 於 15-11-18 發表
在我價值觀上，就算一個只是危害到一少部份人的事情，有良知的人都應該要去阻止；更遑論而家講緊嘅，係有機 ...
作者: ronniedad 時間: 15-11-19 00:05 標題: 回覆：不求分數的TSA（梁秉堅）
何謂大？何謂小呀？如每間學校得十零個受影響的學生，佢地就抵死呀？就要佢地放棄應有的平等教育權利呀？
作者: ronniedad 時間: 15-11-19 00:16 標題: 引用：Quote:原帖由+ronniedad+於+15-11-18+發表
原帖由 palmchristy 於 15-11-18 發表
另外，想聽聽你分享多些關於"影響孩子一生", 願聞其詳。
作者: palmchristy 時間: 15-11-19 00:33 標題: 引用：何謂大？何謂小呀？如每間學校得十零個受影
原帖由 ronniedad 於 15-11-19 發表
何謂大？何謂小呀？如每間學校得十零個受影響的學生，佢地就抵死呀？就要佢地放棄應有的平等教育權利呀？
...
學童的學習能力，做功課的態度，家長的支援等因素，都十分影響孩子做功課需用多少時間。同樣的功課份量，有學童做一小時或兩小時的同時，有人要做四五個小時。要做四五個小時的學童家長，當然覺得被操練。
作者: palmchristy 時間: 15-11-19 00:43 標題: 引用：Quote:原帖由+palmchristy+於+15-11-18+發
原帖由 ronniedad 於 15-11-19 發表
要小朋友由小一開始，就用拔苗助長方式去學習，令到佢地對學習產生討厭及反感的效果，影響有幾大、幾深及幾 ...
我很喜歡引用細女學校校長的說話。她說學校的學習是有要求的。但在配合高要求的同時，家長要有高度支援，孩子便有力量不斷進步。
只是，現在學校有要求的同時，如果家長的支援不足，又或是錯誤地自己加上其他要求，自己谷埋一份, 那樣孩子就會很辛苦，甚至最終失去學習興趣。
作者: Doray 時間: 15-11-19 02:06
本帖最後由 Doray 於 15-11-19 02:07 編輯
palmchristy 發表於 15-11-19 00:43
拔苗助長嗎？
我很喜歡引用細女學校校長的說話。她說學校的學習是有要求的。但在配合高要求的同時，家長要 ...
我反而唔欣賞呢個講法，養育孩子是父母的責任，父母對得對孩子的支缓是督促小朋友努力學習，唔係包揽學校為咗教深教快，就要expected 父母出手將小朋友未明的補足，拔尖補底是學校的責任，如果間間學校都係咁，父母冇能力教的小朋友點算？
作者: Doray 時間: 15-11-19 02:22
本帖最後由 Doray 於 15-11-19 02:34 編輯
其實宜家好多小朋友都鬼死咁忙，點解部份家長稍為想做點事拆橋鬆綁，大家都咁大反應，好似如果小三無TsA，所有學校會即是Hea 教，成間學校啲老師即時失去方向，唔知小朋友的程度咁。無人話唔比你外評，視學，點解講到冇咗唔得？以前冇TsA又如何？
操練文化根深蒂固，誠然到公開試當然,無可避免，但越演越烈對整個社會亦唔是好事，君不見北京市政府減負令」，包括取消小一、小二的家課，其餘各級小學生每天作業總量不能超過一小時、初中則不能超過一個半小時，還規定教師不能發放重複性和懲罰性的作業, 嚴格控制每周課時、家課總量，例如每天在校學習時間不逾6小時、小一至小二取消家課，禁止把競賽成績、證書作為入學依據，更取消小學期中考試，除中英數可在學期末考試，其他課程也不可有考試. 點解香港連第一步也不敢做？
作者: palmchristy 時間: 15-11-19 16:13
Doray 發表於 15-11-19 02:06
我反而唔欣賞呢個講法，養育孩子是父母的責任，父母對得對孩子的支缓是督促小朋友努力學習，唔係包揽學校 ...
可能我表達得不清楚. 令你誤會了.
其實家長的支援, 不在乎將小朋友未明的補足, 而是多角度的支援 - 煲碗靚湯, 多些陪伴和傾談為孩子舒壓, 和孩子一起玩耍, 發掘孩子的長處多加鼓勵和讚賞, 培養閱讀能力和興趣, 培養良好的學習習慣 (回家盡快做好功課, 上課留心, 主動溫習), 培育良好生活習慣 (早睡早起, 多運動, 均衡飲食) 等等. 當然, 孩子學習上有不明白的地方, 稍作指導也是好事.
我想, 做家長就是要陪同孩子經歷難關和壓力時給予這些支援, 而不是教導孩子逃避挑戰. 即使父母沒有能力在知識層面幫助孩子, 也不能說沒有能力做這些支援吧.
作者: Acatmom 時間: 15-11-19 21:59 標題: 回覆：不求分數的TSA（梁秉堅）
http://m.mingpao.com/ins/instantnews/web_tc/article/20151119/s00022/1447925813410
反思再反思……
作者: zoebear 時間: 15-11-20 10:56
Spectra666 發表於 15-11-18 18:07
造成禍害的不關TSA事，純粹是校長、老師及家長之過。
作者: ANNAFRIEND 時間: 15-11-23 14:45
TSA根本唔係考基本能力，係考你比唔比佢「陰倒」多d, 連小朋友學校都走呢條路，專出埋d陰人既題目，根本同語文無關，我小朋友學校有操，但唔多。只要佢將TSA模式放進考試，睇下你地敢唔敢唔操。
| 歡迎光臨 教育王國 (/) |
Powered by Discuz! X1.5 |