教育王國

標題: 自閉評估 (亞氏保加症) [打印本頁]

作者: 布丁924 時間: 15-11-5 10:01 標題: 自閉評估 (亞氏保加症)

想問下大家，亞氏保加症2歲8個月可以確診嗎？
我之前打去循道衞理楊震問
佢話亞氏保加而group埋咗去自閉症，佢地唔會分開講
我之前爬文又見話6歲至可以去做IQ Test
(其實亞氏保加是否除智力外，其餘同其他自閉症一樣呢？)thanks

作者: Activehealth 時間: 15-11-5 11:21 標題: 引用：想問下大家，亞氏保加症2歲8個月可以確診嗎

原帖由 布丁924 於 15-11-05 發表
想問下大家，亞氏保加症2歲8個月可以確診嗎？
我之前打去循道衞理楊震問
佢話亞氏保加而group埋咗去自閉症 ...

其實亞比保加症是舊叫法，現已改為叫高功能自閉症，只是智商中等或更高。
具有語言能力，學習努力較佳，自閉傾能夠不明顯。但語言理解與表達力，人際互動與聊天仍有困難。

作者: Jcat 時間: 15-11-5 17:03

我仔兩歲半已做評估, 亞氏保加症. 今年六歲升小一前就確診為自閉症譜系.
well 都係個名啫, 就當係佢弱項, 社交要加強訓練吧.
唔好著眼於資唔資優, 著眼幫助他的弱項比較對他有益處.

作者: miemie6 時間: 15-11-6 13:11

回覆 Jcat 的帖子

你係邊度做呀???

作者: Jcat 時間: 15-11-6 15:52

政府的兒童評估中心(CAC)

作者: Jjchow2015 時間: 15-11-6 16:01 標題: 回覆：Jcat 的帖子

完全同意！我覺得不用label 小朋友，社交弱未去上社交班！好似有d小朋友語文弱去補習一樣！

我地做媽媽一定要加油！

作者: 布丁924 時間: 15-11-7 00:51 標題: 回覆：Jjchow2015 的帖子

多謝大家解答，其實我唔係介懷佢智商高與低，我只係諗會唔會高智亞氏保加training上會與其他自閉症不同，怕太遲確診
大家都要加油呀！

作者: money82 時間: 15-11-7 01:45 標題: 回覆：布丁924 的帖子

其實訓練上有很大差別，如果重度自閉，重點在於自理，認知，行為規範上。IQ正常的高功能自閉和亞氏保加其實都有吾同。至於點訓練，方法重點吾在於評估為自閉還是亞氏，系應該邊項弱就補邊項。如果孩子言語和認知和同年齡一様，那多在社交著手。相對易搞。

作者: 布丁924 時間: 15-11-7 16:28 標題: 回覆：money82 的帖子

明白，唔該晒

作者: 洋蔥頭媽咪 時間: 15-11-8 00:19 標題: 引用：想問下大家，亞氏保加症2歲8個月可以確診嗎

原帖由 布丁924 於 15-11-05 發表
想問下大家，亞氏保加症2歲8個月可以確診嗎？
我之前打去循道衞理楊震問
佢話亞氏保加而group埋咗去自閉症 ...

其實亞氏都要睇嚴唔嚴重，如屬邊緣，其實同平常小朋友唔算太大分別，只係社交同表達力較弱，較自我中心，部份能力(eg. 數理)可能較同齡更佳，呢類人長大後可能只係覺得佢性格怪怪地，其實部份專業人仕或教授都有亞氏或自閉，最重要家長能適量幫佢同支援佢，孩子一樣能夠愉快地成長。

作者: 布丁924 時間: 15-11-8 08:57 標題: 回覆：洋蔥頭媽咪的帖子

謝謝！我仔仔既情況就好似你所講，不過仲未做評估確實，所以希望了解多D！謝謝你

作者: chanyuen2012 時間: 15-11-9 16:03 標題: 引用：Quote:原帖由+布丁924+於+15-11-05+發表想

原帖由 洋蔥頭媽咪 於 15-11-08 發表
其實亞氏都要睇嚴唔嚴重，如屬邊緣，其實同平常小朋友唔算太大分別，只係社交同表達力較弱，較自我中心，部 ...

你講中我心聲，我仔而加就係輕微踩界果種，所以十分頭痛，肯講肯問肯對你笑肯留意我地開心唔開心但理解緊係差啲，解釋左啲事情佢知佢緊係左聽入右耳出，要不停提，喜怒哀樂就直接表達，想要，就搶，唔鍾意就推人，被鬧唔服氣又大喊，開始帶埋哩啲情緒回校，幾勞氣下！好彩老師理解，教返我點處理，心情好一點點⋯⋯⋯

作者: 洋蔥頭媽咪 時間: 15-11-9 18:46 標題: 引用：Quote:原帖由+洋蔥頭媽咪+於+15-11-08+發表

原帖由 chanyuen2012 於 15-11-09 發表
你講中我心聲，我仔而加就係輕微踩界果種，所以十分頭痛，肯講肯問肯對你笑肯留意我地開心唔開心但理解緊係 ...

要比啲耐性慢慢教，如環境許可就帶佢去做下training，呢類孩子其實性格好直好單純，只係唔太識表達自己須要，但只有家長學懂與佢地溝通，問題將可以減少，亦要有心理準備一上小學麻煩問題就會漸多，因為同齡小朋友未必會就佢，合群會出現更多問題，亦容易受欺凌，家長要多啲響背後幫佢。

作者: chanyuen2012 時間: 15-11-9 19:07 標題: 回覆：洋蔥頭媽咪的帖子

而家剛開始去政府精神科職業治療中，已經上左兩個月倒，感覺佢真係學到野又開心左，我都學到少少技巧，但你講得啱，我都怕佢越大越有小朋友唔鍾意佢哩啲性格而合埋一齊唔同佢玩咁佢就好慘喇………………

作者: carmen712 時間: 15-11-9 23:44 標題: 引用：Quote:原帖由+洋蔥頭媽咪+於+15-11-08+發表

原帖由 chanyuen2012 於 15-11-09 發表
你講中我心聲，我仔而加就係輕微踩界果種，所以十分頭痛，肯講肯問肯對你笑肯留意我地開心唔開心但理解緊係 ...

簡直同我仔一模一樣！
最近仲好煩惱打妹妹，只要攪佢啲野或者騷擾到佢就郁手，今日仲打同學仔...唉...

歡迎光臨教育王國 (/)