教育王國

標題: 週末特別多功課 [打印本頁]

作者: yame 時間: 15-11-2 00:19 標題: 週末特別多功課

上星期是評估週, 完全無功課.

今個星期變番正常的課堂, 到了週末特別多功課.

但老公星期五晚就係咁播movie, 阿仔投訴話太嘈, 咁就無做功課.

星期六阿仔又話做咗好多功課, 但有幾份找不到. 咁我地見星期日無約人, 便容許佢星期日才做.

點知星期日, 老公由朝到晚都帶咗個仔出街, 完全無諗過叫佢做功課.

攪到晚飯後才開始check下, 發現原來有好多份都無做, 因為原來阿仔有好多份都找不到!!! 仲未計網上嗰啲.

終於成11點先做晒... 唉, 真係勤有功, 戲無益...

有時啲爸爸真係玩咗先算, 完全唔理功課, 最後咪要攪到做唔切又形成無形壓力...

其實我好嬲, 我在星期日在家中standby等個仔番黎, 但老公帶完佢去呢度又去嗰度, 完全無break又唔番屋企...

純粹借呢度嗔下, 可能這也是很多家庭都偶過的事...

作者: longlokma 時間: 15-11-2 07:05 標題: 回覆：週末特別多功課

其實最好星期五完成哂所有功課。印象中你仔仔只是小一，工作量不算大，培養工作完才遊戲的習慣好紧要。他可以在房間关上門做功课吗？如不可以，真是要同爸爸傾下，大家要有共同教育方针才成

作者: Jane1983 時間: 15-11-2 07:34

我老公都係咁，我女上星期term break 放一個星期假，佢又一起放假，安排出去旅行幾日，我都ok。點知佢跟手安排埋其他日子，食晒所有時間...

所以，要同佢講清楚，play hard， work hard。點都留多少時間做好功課和睇書。

作者: Yanamami 時間: 15-11-2 07:55

唔好嬲~向好果方面諗，Daddy肯花時间精神陪囝，有親子時间係好事，增加bonding同对仔成長係好好……不过讚完daddy就要同佢講，時间上協調都好重要，想星期六日同仔去play hard, 就要周五俾時间佢完成功課~

作者: ponolunok 時間: 15-11-2 09:44

yame 發表於 15-11-2 00:19
我在星期日在家中standby等個仔番黎, 但老公帶完佢去呢度又去嗰度, 完全無break又唔番屋企...

你standby 咗,嬲咗,仔冇用功課咗,結果唔變㗎喇。但你老公同仔玩,你可放日假,自己清靜吓,幾好!
唔洗嬲!

作者: Rachelmummy2008 時間: 15-11-2 10:46

嬲完就快D諗計喇！

我很欣賞有些爸爸肯教仔女，不過自己遇不到也不好怪他。

兩歲起我已明白daddy 唔會教囡，一直以來自己包辦，帶出帶入，功課温習，出外玩樂，阿囡知道媽媽在身邊管教她，開始自己做功課，自理等。

温習方面，避免傷感情，逐少逐少做。不要急住要最好的成績。

昨天設計了一個温中文的遊戲，囡囡拉埋Daddy 一齊玩，阿囡仲讚同Daddy 玩是最好玩呢！

作者: little_yolky 時間: 15-11-2 11:22

yame 發表於 15-11-2 00:19
上星期是評估週, 完全無功課.

今個星期變番正常的課堂, 到了週末特別多功課.

唔好嬲, 大把人陪你。

話說噚日, 我約咗幾年無見既朋友去lunch。爸爸原定教會完畢帶小朋友回家溫書, 因為星期三妹妹默英文。點知, 媽媽不在, 三隻嘢無皇管, 返完教會去反反城, 然後去麥當當, 真係作反！玩到5點至回家。預默時一句都唔識, 我嬲到拍枱鬧佢未讀好書仲學咩人玩到5點至返屋企！！！爸爸當堂嚇到過嚟保護妹妹, 叫妹妹道歉, 話下次唔會。爸爸當然知道係鬧緊佢, 真係唔好大教壞細。

作者: Rachelmummy2008 時間: 15-11-2 11:48

little_yolky 發表於 15-11-2 11:22
唔好嬲, 大把人陪你。

話說噚日, 我約咗幾年無見既朋友去lunch。爸爸原定教會完畢帶小朋友回家溫書, 因為 ...

我反轉頭叫阿囡睇住她爸爸有無愉懶，阿囡要簽名作實！

作者: little_yolky 時間: 15-11-2 12:17

Rachelmummy2008 發表於 15-11-2 10:46
嬲完就快D諗計喇！

我很欣賞有些爸爸肯教仔女，不過自己遇不到也不好怪他。

呢樣嘢我哋分得好開, 爸爸管接送、品格, 我就管學術。因為家姐係爸爸一手一腳帶大, 好乖, 阿妹就痴我多D, 唔........比較直率咁, 爸爸成日話我將阿妹搞成咁, 又丟返俾佢教, 好惡教

作者: Rachelmummy2008 時間: 15-11-2 12:47

回覆 little_yolky 的帖子

Daddy 見我教到，還叫我教囡囡聽佢話，阿囡聽到就當然話唔得啦！
他們父女關係好似一對歡喜冤家咁，我在旁隔岸觀火。
因此睇實daddy 嘅任務其實係阿囡提出的。

作者: IloveJJ 時間: 15-11-2 14:04 標題: 回覆：週末特別多功課

提示: 作者被禁止或刪除內容自動屏蔽

作者: HaYi 時間: 15-11-2 14:44

我阿仔的時間由我主力安排, 爸爸都想同佢地玩, 佢地又好想, 不過爸爸精左, 要問一問我schedule先, 否則佢要負責點追番missing items.

我亦盡量叫佢地在星五做晒主要的功課, 大仔可留copybook 同抄書在星六, 細仔留要我幫手印野貼野的星六, 星六各有幾項課外活動, 其實是冇咩時間同精力再做, 但星六的尾一定要完成, 不可再留至星日, 因星日會用晒出去玩, 印象中冇一個星日是溫書或上堂.

作者: IloveJJ 時間: 15-11-2 23:59 標題: 回覆：週末特別多功課

提示: 作者被禁止或刪除內容自動屏蔽

作者: Jessy 時間: 15-11-3 00:32

我都係盡量星期五做晒, 如做唔晒星期六早上都一定要做晒架.

比小朋友習慣要做晒先可以玩, 呢個心態會好D LOR.

作者: Jessy 時間: 15-11-3 00:32

爸爸睇MOVIE叫佢戴耳塞啦.

作者: bopui0607 時間: 15-11-4 11:38

有時啲爸爸真係玩咗先算, 完全唔理功課, 最後咪要攪到做唔切又形成無形壓力... --->

歡迎光臨教育王國 (/)