教育王國

標題: EYE　LEVEL同KUMON邊個好？ [打印本頁]

作者: beckykwok 時間: 15-10-29 12:51 標題: EYE　LEVEL同KUMON邊個好？

試過公民數，但要個女死做爛做，每次都唔願做，激到我嘔血。見EYE　LEVEL都好多人讀，想問一下有無人有經驗可以分享下？
或者有其他數學COURSE可以分享下？

作者: assado 時間: 15-10-29 22:21 標題: 回覆：EYE　LEVEL同KUMON邊個好？

可以考慮上珠心算。

作者: silvertiny 時間: 15-11-6 09:51

或者數研，eyelevel同公文都唔係跟學校課程.

作者: YCJL 時間: 15-11-20 19:56 標題: 回覆：EYE　LEVEL同KUMON邊個好？

我囡讀咗兩個月，覺得不錯，佢都鐘意上。

作者: kuenkuen 時間: 15-12-25 05:10

我個仔同時讀公文及eyelevel, 本人覺得如果小朋友肯每天做練習, k2 開始俾佢讀公文, 因可在小一前搞掂加減乘除, 對佢上小學好有幫助, 自信心也大, 同時可培養佢每天要做功課, 而且是限時. 上了小一後再學eyelevel, 因為開始訓練logical thinking.

作者: Kuen1225 時間: 16-1-5 10:16

提示: 作者被禁止或刪除內容自動屏蔽

作者: petunia 時間: 16-1-7 14:42

呢兩間都唔好去。
學親都無好結果。
個個學生都無晒邏輯思考力

作者: jimjim0903 時間: 16-1-7 18:31

公文就操數, EYE LEVEL就訓練埋critical thinking

作者: jimjim0903 時間: 16-1-7 18:32

回覆 YCJL 的帖子

邊間?

作者: Kuen1225 時間: 16-1-8 10:36

提示: 作者被禁止或刪除內容自動屏蔽

作者: wing214 時間: 16-1-8 10:36 標題: 引用：呢兩間都唔好去。學親都無好結果。個個學生

原帖由 petunia 於 16-01-07 發表
呢兩間都唔好去。
學親都無好結果。
個個學生都無晒邏輯思考力

咁奇怪，我仔4歲，學eye level後critical thinking唔錯喎，學同唔學都唔代表無好結果嘅，都要睇小朋友資質及天份。。。如果小朋友唔可以坐定上堂，又唔鍾意做練習，又唔喜歡聽老師教，咁上邊間都冇用囉，迫佢會有反效果。。。

作者: helenfan888 時間: 16-1-18 12:55

beckykwok 發表於 15-10-29 12:51
試過公民數，但要個女死做爛做，每次都唔願做，激到我嘔血。見EYE　LEVEL都好多人讀，想問一下有無人有經驗 ...

其實兩間都係操數，差不多

作者: helenfan888 時間: 16-1-29 10:56

抱歉我認為公文數是教壞細路，佢地的題目模式如下，不著重思考，只是強記答案。
如果只求計得快，不如教小朋友使用計算機 / iPhone Siri (不是更快嗎？) ，學習需要時間去思考和深化，而不是強記並寫出答案便可。

2 + 1 ＝
3 + 1 ＝
4 + 1 ＝
5 + 1 ＝
6 + 1 ＝
7 + 1 ＝
8 + 1 ＝
9 + 1 ＝

作者: leung96 時間: 16-1-29 16:31

我又唔覺得讀公文唔好喎，我個仔由4歲開始讀，依家小二，最近派個份卷都有中上成績

平時又唔駛我監住佢温書good:

作者: helenfan888 時間: 16-1-30 18:59

回覆 leung96 的帖子

通常學習公文數或珠算在小三以前都會自我感覺良好，

但升上小三便會出現問題，就如我在另一個帖子分享一樣，

好多小朋友在公文己經學到超三學年（即小三學緊小六課題），但學校考試也總是不合格，

因為公文數和珠算也只是一科算術 (加減乘除)，但現今小學需要學習的是一科數學 (數學除了機械式求答案，還有好多學問 e.g. work backward)，所以學習公文數或珠算並不能幫助去改進學校的數學成積。

作者: leung96 時間: 16-2-2 15:58

回覆 helenfan888 的帖子

我so far陪咗個仔讀咁耐，佢答卷或者做功課啲成績係未靠背番嚟，我可以同你講唔會係，一開始做工作紙我睇住佢認真做唔準亂做

，就係希望培養佢數感，下下靠計數機，唔主動用腦去記去諗，佢唔會考到依家個成績。

升小三係多咗理解題，平時我都有俾練習怇做，等佢理解力夠，老師都話仔語文都okay，keep住進度就可以。

作者: helenfan888 時間: 16-2-2 17:33

本帖最後由 helenfan888 於 16-2-2 17:34 編輯

回覆 leung96 的帖子

如果我沒有理解錯，您講緊既係公文或珠心算老師常說的解釋，

他們會說：您果囝計數「加減乘除＝算術」無問題，不過係唔理解條題目，要做多些額外一些「中文」練習，或者多報一科「中文」吧

根本只需報一科較完善的「數學」便不用自尋煩腦呢

作者: leung96 時間: 16-2-3 15:42

回覆 helenfan888 的帖子

咁請問你小朋友係讀邊間，有無邊間好介紹 ?

作者: helenfan888 時間: 16-2-3 18:47

回覆 leung96 的帖子

我小朋友其實沒有係出面讀，但我在網上看見一間叫 Mentohood 和 Math Monkey 的也不錯，最少兩者都以概念和正確數學知識行先，而不是為了做生意，一味緊抱過時的機械式記數方法，這點我十分欣賞。
e.g. 他們會教 Number Bonds 和 Block Model

作者: leung96 時間: 16-2-4 11:06

回覆 helenfan888 的帖子

謝分享。

作者: 6夫人 時間: 16-2-13 18:02 標題: 回覆：EYE　LEVEL同KUMON邊個好？

我仔k3學eyelevel越上越有心機，對數學好有興趣

作者: YCJL 時間: 16-2-16 00:44 標題: 回覆：jimjim0903 的帖子

Eye level

作者: helenfan888 時間: 16-2-21 16:46

Eye Level 方面，我只認同其 CTM果一半教材，BTM 果一半其實即係公文數

作者: blue001 時間: 16-2-27 18:47

其實公文真係唔好佢係機械式甘要個細路做學唔好野

作者: Cutekillq 時間: 16-3-8 12:51 標題: 回覆：EYE　LEVEL同KUMON邊個好？

其實蒙特梭利果啲看似不錯，這類教法對幼稚園似乎不錯

作者: Elainecheung1 時間: 16-3-8 16:28

回覆 helenfan888 的帖子

agree!

作者: Vijoyce 時間: 16-3-24 17:54

我囡上左公文式半年, K3學緊小二既野, 我又唔覺得佢背, 係有佢自已方法計。近派老師都叫我同佢做D文字題, 我每星期都抽時間同佢做小一文字題, 雙管齊下, 都不錯。

作者: zebrabb 時間: 16-3-27 13:55 標題: 引用：Eye+Level+方面，我只認同其+CTM果一半教材

原帖由 helenfan888 於 16-02-21 發表
Eye Level 方面，我只認同其 CTM果一半教材，BTM 果一半其實即係公文數

想請問公文教育幾多年呢？好想看下如果當初學那批人，上到中學會點樣

作者: Feimum 時間: 16-3-27 20:13 標題: 回覆：zebrabb 的帖子

公文在香港接近28年。識幾個數學completer都是理科生,數學很好的。

作者: zebrabb 時間: 16-3-28 23:06 標題: 引用：公文在香港接近28年。識幾個數學completer

原帖由 Feimum 於 16-03-27 發表
公文在香港接近28年。識幾個數學completer都是理科生,數學很好的。

佢地本身已跟了很多年公文嗎？

作者: Feimum 時間: 16-3-29 19:18 標題: 回覆：zebrabb 的帖子

別人的不知確實年份，我個女就讀了九年。今年準備考DSE。

作者: zebrabb 時間: 16-3-29 19:31 標題: 引用：別人的不知確實年份，我個女就讀了九年。今

原帖由 Feimum 於 16-03-29 發表
別人的不知確實年份，我個女就讀了九年。今年準備考DSE。

現在你的小朋友，數學上邏輯可以嗎？

作者: Feimum 時間: 16-3-30 19:07 標題: 回覆：zebrabb 的帖子

佢DSE 咁多科最有信心數學, 她另有修M2, physic , 這兩科成績ㄧ向也不俗。
希望七月出result, 可以上來報喜。

作者: zebrabb 時間: 16-3-31 18:37 標題: 引用：佢DSE+咁多科最有信心數學,+她另有修M2,+ph

原帖由 Feimum 於 16-03-30 發表
佢DSE 咁多科最有信心數學, 她另有修M2, physic , 這兩科成績ㄧ向也不俗。
希望七月出result, 可以上來報喜 ...

預先恭喜妳先😉

作者: rickdom6 時間: 16-4-7 16:30

zebrabb 發表於 16-3-27 13:55
想請問公文教育幾多年呢？好想看下如果當初學那批人，上到中學會點樣

...

純粹個人經歷分享。我係80後，細個有學公文數。中學會考理科班, 會考數學及附加數學考A。

作者: zebrabb 時間: 16-4-7 19:23 標題: 引用：Quote:zebrabb+發表於+16-3-27+13:55+想請

原帖由 rickdom6 於 16-04-07 發表
純粹個人經歷分享。我係80後，細個有學公文數。中學會考理科班, 會考數學及附加數學考A。 ...

嘩，好勁呀，請問在公文上了幾多年呀？

作者: HappyCheerBaby 時間: 16-4-8 01:40

Eye level 好d, 公文太多功課，宜家小朋友都多功課，還要加功課呀！

作者: Feimum 時間: 16-7-13 13:16 標題: 回覆：zebrabb 的帖子

今日放榜，孩子成績未如理想。但她不經意也說了一句 “多謝Kumon.她英文及數學都有5**， M2, physic 有5*。除kumon completer外，她沒有其他補習的。

作者: zebrabb 時間: 16-7-13 22:36 標題: 引用：今日放榜，+孩子成績未如理想。但她不經意

原帖由 Feimum 於 16-07-13 發表
今日放榜，孩子成績未如理想。但她不經意也說了一句 “多謝Kumon.她英文及數學都有5**， M2, physic 有5* ...

祝入到心儀學系，放榜後照去輕鬆玩下啦

作者: longlokma 時間: 16-7-13 23:00 標題: 引用：今日放榜，+孩子成績未如理想。但她不經意

原帖由 Feimum 於 16-07-13 發表
今日放榜，孩子成績未如理想。但她不經意也說了一句 “多謝Kumon.她英文及數學都有5**， M2, physic 有5* ...

你女兒其實已經好叻，祝福她最後可以如願入讀心儀学系。
我兩個孩子也受益於公文的中、英、數课程，我真心認為公文是带给孩子很大得着，可惜，公文真的不是人人合適，尤其是太急於看見成果的家長，他們的孩子就不能領受公文的益處。
在ek我已經減少参與讨論公文的帖，因為这兒的家長绝大部份抗拒公文，即使他们根本沒上过，也會振振有詞的說一大堆反對理由，我唯有一笑置之，反正我只是用家，不是賣家😌😌

作者: Feimum 時間: 16-7-14 08:40 標題: 回覆：longlokma 的帖子

thks, 我之前都見過你比人插, 很多次都想出聲,自問我很少向身邊的人推介讀公文, 讀公文是要付出。但朋友問到公文的细節我會講解, 最怕聽到别人説公文只是死做難做。學你話我們不是公文代言人, 不必反駁他人。但Ek中亦有些是上來取中肯意見,我也從你的post 有很多得着。

作者: bbforever 時間: 16-7-14 22:45 標題: RE: EYE　LEVEL同KUMON邊個好？

本帖最後由 bbforever 於 16-7-15 01:42 編輯

回覆 longlokma 的帖子

我大仔在k2 k3嗰陣時學過公文數，到上咗小學就冇堅持再學落去嘞。佢而家小三升小四，數學都可以攞到九十幾分，我覺得公文幫到我仔心算嘅速度，佢計時鐘(時分秒)嗰類嘅課題係可以心算嘅(我大人都做唔到)，同埋佢數學考試永遠有時間淨。我升K3既細女而家都學緊公文數，已經堅持咗一年，但係妹妹就好懶，唔願做公文，所以無哥哥讀公文既效果(計數快)，我而家都唔知仲繼唔繼續好，因為實在成日唔願做功課(已經減到一日只做5張)……

作者: longlokma 時間: 16-7-14 23:45 標題: 引用：回覆+longlokma+的帖子我大仔在k2+k3嗰陣

原帖由 bbforever 於 16-07-14 發表
回覆 longlokma 的帖子

我大仔在k2 k3嗰陣時學過公文數，到上咗小學就冇堅持再學落去嘞。佢而家小三升小 ...

請問妹妹一日5張是做緊什麼數呢？是數点還是已經开始計加減數？如果是已經超前至少一年，我想一日5張是足夠的了，最好避免对孩子做成壓力。
我自己覺得學習公文要有良好效果，最佳方法是要在初階段課程較淺，趁孩子年幼還有多馀时间做公文功课时儘量超前，这樣孩子日后才会在中期及后期憑藉超前帶來的滿足感、成功感及挑戰性去维持學習動力。
假如起初步伐太慢，變成公文做的功課是和学校同步，孩子只會覺得校內校外的東西是重複的，如此沈悶，孩子根本好難会有心機及意慾去做。

作者: bbforever 時間: 16-7-15 01:36 標題: RE: EYE　LEVEL同KUMON邊個好？

本帖最後由 bbforever 於 16-7-15 01:51 編輯

回覆 longlokma 的帖子

妹妹只學到十位數加單位數，都拿到超越一個學年既證書，但心算個速度就唔係幾理想，學咗十三個月還未開始減數，公文老師都好氹佢，叫佢乖乖回家做功課，妹妹對着老師就點點頭，回家後又懒懶行嘞…

作者: longlokma 時間: 16-7-15 08:26 標題: 引用：+本帖最後由+bbforever+於+16-7-15+01:51+

原帖由 bbforever 於 16-07-15 發表
本帖最後由 bbforever 於 16-7-15 01:51 編輯

回覆 longlokma 的帖子

如果妹妹係識計加減而只是慢，试下同公文老師傾傾，比妹妹升做新功課，有新鲜感同挑戰性对孩子会有更大吸引力，或者妹妹会更願意去做

作者: 大貓媽媽 時間: 16-7-25 09:14 標題: 回覆：longlokma 的帖子

真係唔係人人受得住公文嘅操練，
但捱得過就好架喇。
當年阿女K2開始讀，
日日做到傻，嗌唔做。
但兩年後升小，
我已經唔使擔心佢科數學，佢完全掌握到。
當然，公文亦有佢問題，
佢地對幾何、角度、文字題涉獵少，
但阿女係學校都唔會話搞唔掂。
公文嘅成效係要較高年班先見到，
要睇同學同家長能否堅持啊。

作者: kwokbobo 時間: 16-7-26 23:35 標題: 引用：或者數研，eyelevel同公文都唔係跟學校課程

原帖由 silvertiny 於 15-11-06 發表
或者數研，eyelevel同公文都唔係跟學校課程.

我以為eye level 即是公文，乜唔係咩？eye level都係不停做練習，兩者有咩分別？

作者: katy211 時間: 16-8-8 14:16

公文式就係肯不斷練習得出結果,呢種係佢地教學方式...
又真係未必個個小朋友都岩架...
要睇你小朋友岩咩類型, 有得試就試下先揀啦

作者: 螞蟻兵團 時間: 16-8-11 15:40

提示: 作者被禁止或刪除內容自動屏蔽

作者: Miss_Parker 時間: 16-8-22 12:01

以前小四至中二都有學enopi (現今eye level), 因為小時候數感很差，但學完確實覺得效果不錯，數學成績有進步而且開始有興趣，加上功課不多不會用很多時間

作者: Josephineso1116 時間: 16-8-30 10:25 標題: 回覆：helenfan888 的帖子

咁學澳數會唔會好D呢！

作者: longlokma 時間: 16-8-30 11:18 標題: 引用：咁學澳數會唔會好D呢！ +

原帖由 Josephineso1116 於 16-08-30 發表
咁學澳數會唔會好D呢！

唔会。完全無关係。

作者: annielee0909 時間: 16-9-10 00:41

提示: 作者被禁止或刪除內容自動屏蔽

作者: TwinWong 時間: 16-9-12 12:21

annielee0909 發表於 16-9-10 00:41
女之前補過公文数，冇進步！

家姐小三學公文, 死操烂操, 公文功課啱晒都好, 唔到半个月又比舊PAPER 你做从頭做,
操到喊出泥, 最后唔玩, 小六問同學用咩补充做練習, 返而仲有升

eyelevel 嘅前身係Enopi
英文教材隨英文字题計数同步有羅緝思维
我細囡k2聖誕假开始學每星期各一本到小一學期尾
Basic 學到Level17嘅假分数／帶分数同 critical thinking Level14 嘅rotating出图
老師見佢做得好就比新練習, 無咩做返轉頭, LEVEL 跳得快,
原本只係想啊囡學多两个英文字, 没諗到比预期好, 不过始终佢係讀中文小學数多数用中文文字題
最后無上, 本人覺EYELEVEL 有CRITICAL PART 比較靈活

作者: Feimum 時間: 16-9-20 09:07 標題: 回覆：annielee0909 的帖子

昨天看了林廣輝校長ㄧ本書, 公文式很適合九型人格中三號仔(成就型) 的小孩, 每超ㄧ學年帶給小孩滿足感及動力。不斷有新目標,最後成為completer 當中要有耐力, 㙠持。完成公文三科completer 所得着不只局限中, 英, 數如何了得,況且公文也不外乎部份高中程度的知識!

作者: anpanmanj 時間: 16-9-25 01:22

其實不如試下JEI啦，我個女都有上，上左半年左右，暫時覺得OK, 數感好左。佢上完每堂都有功課，但輕鬆嘅，個女都鐘意做。我覺得佢地係用唔同嘅問法令到小朋友個concept清。而家個女做學校數學啲功課完全可以自己完成，唔駛我操心
利申：冇讀過公文數&eye level

作者: Cornelia12 時間: 16-11-16 14:26

提示: 作者被禁止或刪除內容自動屏蔽

作者: HappiMom 時間: 17-1-13 00:07 標題: 回覆：helenfan888 的帖子

咁學叻好？

作者: retriever 時間: 17-1-23 18:08

beckykwok 發表於 15-10-29 12:51
試過公民數，但要個女死做爛做，每次都唔願做，激到我嘔血。見EYE　LEVEL都好多人讀，想問一下有無人有經驗 ...

應該分別不大。。。

歡迎光臨教育王國 (/)