教育王國

標題: 新手媽媽咨詢關於TSA [打印本頁]

作者: blackcarol 時間: 15-10-27 11:31 標題: 新手媽媽咨詢關於TSA

我見fb到大家都好痛恨TSA制度，甘我想請教下有無話邊d學校係不需要參加TSA咖？官津or直資or私立or國際學校？例如培正，崇真，民生，高主教呢d一條龍嘎學校係埋都一定會參加TSA? 唔該曬！

作者: vinik 時間: 15-10-27 11:40

我諗參加TSA唔係問題, 問題係有冇因為咁而操個學生, 係咪好多學校都唔會點操?

作者: 已刪除用戶 時間: 15-10-27 12:05

係, TSA本身唔係一個問題, 係學校選擇操練就係大問題
所以要關心邊間學校有操練, 多過了解邊間有參加 (以我兩個小朋友為例, 咁多年黎我從來無留意過幾時TSA, 照攪家長BBQ, 係佢拎枝鉛筆返黎笑晒話好野抽中左! 我至知佢抽中去考)

作者: blackcarol 時間: 15-10-27 13:01 標題: 回覆：Charlotte_mom 的帖子

甘我應該點樣去了解心儀的學校是否非常重視操TSA咧？

作者: blackcarol 時間: 15-10-27 13:01 標題: 回覆：vinik 的帖子

我都想知究竟乜嘢學校先會操乜嘢學校唔會甘操

作者: Yannie123 時間: 15-10-27 13:06 標題: 回覆：新手媽媽咨詢關於TSA

我都想知香港真光係咪小一都要做TSA

作者: sadsam 時間: 15-10-27 13:22

本帖最後由 sadsam 於 15-10-27 13:22 編輯

傳統學校唔會操

作者: 已刪除用戶 時間: 15-10-27 13:36 標題: 引用：+本帖最後由+sadsam+於+15-10-27+13:22+編

原帖由 sadsam 於 15-10-27 發表
本帖最後由 sadsam 於 15-10-27 13:22 編輯

傳統學校唔會操

不一定

作者: sadsam 時間: 15-10-27 14:00

Charlotte_mom 發表於 15-10-27 13:36
不一定

講漏左，應該係通常，不是百分之百~

作者: bubuG 時間: 15-10-27 14:07 標題: 回覆：新手媽媽咨詢關於TSA

覺得越係全港一綫學校，越唔谷TSA.

作者: mcl203 時間: 15-10-27 14:14 標題: 引用：我都想知究竟乜嘢學校先會操乜嘢學校唔會甘

原帖由 blackcarol 於 15-10-27 發表
我都想知究竟乜嘢學校先會操乜嘢學校唔會甘操

自信成績夠好既學校，係較少理會TSA, 因根本份卷唔係難

作者: blackcarol 時間: 15-10-27 14:28 標題: 回覆：mcl203 的帖子

所以好似培正崇真呢d名校會唔會好重視TSA?

作者: blackcarol 時間: 15-10-27 14:29 標題: 回覆：bubuG 的帖子

所以一般名校反而不會注重TSA?

作者: sadsam 時間: 15-10-27 15:41

回覆 blackcarol 的帖子

那些是一般名校呢?

作者: Vickyblah 時間: 15-10-27 15:50 標題: 回覆：新手媽媽咨詢關於TSA

我都好想知。即係多數二三線會操?

作者: littlefaith 時間: 15-10-27 16:07

當初開始推TSA，根本冇乜學校會緊張。自從有學校考得差，俾教局批評及要求改善，先會搞到人心惶惶，開始狂操TSA。

邊個話傳統學校唔操？舊年佔中搞到有學校停課，先有某傳統學校校長出嚟埋怨佔中搞到冇得操TSA，話復課後要補課操返哂。

作者: mcl203 時間: 15-10-27 19:32

littlefaith 發表於 15-10-27 16:07
當初開始推TSA，根本冇乜學校會緊張。自從有學校考得差，俾教局批評及要求改善，先會搞到人心惶惶，開始狂 ...

傳統 =/= 成績肯定交到功課.....自己都無信心咪操吓囉

作者: Yanamami 時間: 15-10-27 19:54

入“小学一覽”问下心儀小学家長~

作者: 小玲 時間: 15-10-27 21:28 標題: 回覆：Yanamami 的帖子

就算一些傳統名校唔操TSA，但在簡介會上，該校校長/老師也會用自己學校學生的TSA如何了得而誇耀一番，家長聽到有如此佳績，更加趨之若鶩，成績冇咁好的學校當然會繼續鞭策。學生就做了家長、學校、老師互相比較下的犠牲品。

作者: blackcarol 時間: 15-10-27 21:41 標題: 回覆：小玲的帖子

講的非常對，所以我好驚自己選錯學校俾個仔，唔想小朋友為咗應付TSA而學嘢，想距係真正學到野

作者: Yanamami 時間: 15-10-27 21:44

小玲發表於 15-10-27 21:28
就算一些傳統名校唔操TSA，但在簡介會上，該校校長/老師也會用自己學校學生的TSA如何了得而誇耀一番，家長 ...

拜托了~TSA係好基本野，有乜好炫耀呢？攞TSA黎炫耀既学校真係唔揀都無所謂，家長比較关心升中成績吧~

作者: littlefaith 時間: 15-10-27 21:55

根本，係啲家長一窩蜂揀「業績好」嘅谷校，如果個個杯葛，呢啲學校為咗生存，一定唔敢再谷小朋友。

然而，家長們大都係現實。就好似某些新派直資，一出狀元就熱捧(包括我小朋友嗰間)，完全忽視呢啲新派直資當初創校嘅教育理念。我哋當初完全唔會考慮官津，而只報讀唔谷TSA嘅直資，就係因為喜歡呢啲直資能擺脫谷TSA嘅枷鎖，而唔係貪業績。

作者: 小玲 時間: 15-10-27 21:57 標題: 回覆：Yanamami 的帖子

所以學校就要教深去應付,老實說，有誰喜歡教得非常容易的學校？升中成績不是根據學生的程度去派位嗎？
想學生過正常生活，我想學校應該不能教深。

作者: WKFai 時間: 15-10-27 23:45 標題: 回覆：新手媽媽咨詢關於TSA

其實問題不在於TSA的制度，是在於學校管理層怎樣看待及解讀TSA的成績，以及想要一個怎樣的成績去給辦學團體交功課，這樣學校就自然走進一條不停操TSA的不歸路，這樣就已經違反左TSA的真正意義，再者大家不停操練，把以往的題目練到出神入化，最後大部份成績非常好，但考評局得不到想要的個別項目強弱差異的評估，就自然去把題目提升難度去得到想要的數據，這是惡性循環，如果學校能夠有智慧去解讀TSA為何物，就不會死操TSA，就會從自己學生較弱的項目去改善，死操TSA只是逃避去面對自己學生的真正能力。

作者: hkpapa852 時間: 15-10-28 10:31

WKFai 發表於 15-10-27 23:45
其實問題不在於TSA的制度，是在於學校管理層怎樣看待及解讀TSA的成績，以及想要一個怎樣的成績去給辦學團體 ...

你真係瞭解TSA帶出既學題? 真係學校唔理解TSA既意義? 定係有人唔俾學校知道TSA真正用處?

坦白講, 我覺得TSA既試題本身設計唔錯, 比日常功課更有啟發性.

但點解會咁多家長反對? 好簡單, 因為TSA成績唔影響學生升學, 只關學校事, 家長梗係覺得唔應該操. 但如果TSA影響升學, 你估會反對既家長會少幾多? 學校唔谷你估家長到時會唔會谷?

點解學校咁關心TSA? TSA"所謂"既原意, 係等教育局透過TSA既成績, 睇下學校有邊D地方未如理想, 而協助提供資源作改善; 但實際運作出嚟, TSA既表現, 變咗教育局用嚟決定學校是否減少資助, 要減班/殺校既考量條件.

而且教育局唔話結果俾你知(其實好似會通知學校整體表現), 就好似你考完試唔派番卷俾你check, 又唔話你知考得好唔好, 得同唔得都可能要到"死"個一刻先. 如果係你既話, 咁你會唔會谷到"恒一恒"去考好TSA先?

不過, 既然已有Pre-S1, 其實教育局都已經可以用Pre-S1成績嚟評估學校表現啦, 何必要攪多個天怒人怨既TSA呢?

但我諗然教育局咁愛戴TSA, 一定會保留. 所以不如幫佢推廣TSA, 咁首先推廣去"全個教育局所有職工"每年都要考TSA (小三, 小六和中三三份一齊考), 以作為佢地工作表現既考核, 考核不達標要減人工, 連繼兩年不達標就要離職.

唔記得咗, 教育局阿頭既然覺得TSA係咁簡單, 我地就簡單D, 要求佢合格分數係90%, 唔知佢like唔like呢?.

歡迎光臨教育王國 (/)