教育王國

標題: 學校課程一問 [打印本頁]

作者: garygary13 時間: 15-10-26 23:01 標題: 學校課程一問

想問各位現讀培僑家長
小學及中學之功課，測驗及考試情況？
有多少個外籍老師？

作者: jamlee309 時間: 15-10-27 13:01 標題: 回覆：學校課程一問

我是小一家長，相比津校功課唔多，主張閱讀，平均3-4樣功課，但很簡單，30-45分鐘可完成，本人非常鍾意！測驗即是評估，範圍唔多，可以夠小朋友上堂聽書都可以應付到

外藉老師唔太多，但英文科老師必須向學生講英文

作者: garygary13 時間: 15-10-27 13:30

回覆 jamlee309 的帖子

THX.每日3-4樣功課?
每星期有閱讀報告嗎? 及每星期要背詩句?

作者: daddykei 時間: 15-10-27 16:17 標題: 回覆：garygary13 的帖子

詩句係間唔時背一兩首，閱讀報告係星期一到四每日睇一本書(or chapter book 幾頁), 睇完寫番學到嘅生字，唔洗寫comment. 星期一至四要寫英文day book 寫番當日係學校發生嘅事，無限寫幾多字。隔個星期中文科作文一次，老師會比題目，有時係學校自定，長假期會派中文必讀書，睇完要做工作紙，英文科每個module 完咗要做presentation or group writing

作者: daddykei 時間: 15-10-27 16:20 標題: 回覆：學校課程一問

功課真係唔多，有時直頭無功課，中文默書一個月兩次，英文一星期一次默8個生字，三次評估加一次考試

作者: jamlee309 時間: 15-10-27 21:06 標題: 引用：回覆+jamlee309+的帖子 THX.每日3-4樣功課

原帖由 garygary13 於 15-10-27 發表
回覆 jamlee309 的帖子

THX.每日3-4樣功課?

今日我女讀小一，一樣功課都無，只有改正！我最鍾意活動教學，多d時間陪女，唔係像機械人一般做功課！

在背詩方面，其實老師在堂上教她，她基本已識背，唔需太擔心，因我都唔識普通話，無法教她，但她普通話完全ok,無問題

作者: garygary13 時間: 15-10-28 09:19 標題: 回覆：學校課程一問

各位家長英語方面有報出面d興趣班加強嗎？

作者: lemongrass927 時間: 15-10-28 12:08

其實我覺得無須要加強,有些課程遲早都會敎,遲d都會識,無須要學快ー歩,還有培橋有一科英藝科,可以比學生有更多講英語的機會,而且小朋友與班主任構通只能説英語或普通話,我覺得學校對語言課程培育都很足夠

作者: garygary13 時間: 15-10-29 11:35

不過的確有D外國小朋友就讀. 哩樣都系學習英文幾好既環境.
所以上堂可以學, 同學之間可以英語交流.

另外遊學團是每年一次? 暫時只有國內?

作者: beautyhar 時間: 15-10-29 15:52 標題: 回覆：學校課程一問

英文堂好活動, 老師用youtube, storybook, games 去同小朋友互動, 同學之間互相訪問, 跟手再邀請小朋友系課堂做presentation, 小一已經開始咁做,尼個系我最欣賞之處。
吾系一般傳统學校只系呆呆聽書, 叫家長同小朋背讀然後返學校做presentation計分, 尼様好吾同, 亦系我放棄傳統名校原因。

作者: jamlee309 時間: 15-10-29 20:45 標題: 引用：Quote:原帖由+garygary13+於+15-10-27+發表

原帖由 jamlee309 於 15-10-27 發表
今日我女讀小一，一樣功課都無，只有改正！我最鍾意活動教學，多d時間陪女，唔係像機械人一般做功課！

在 ...

本身女在私幼稚園讀書，普通話都有學，不過我有上普通話興趣班，由k1讀起，如想讀培僑的家長，一定要加強普通話

作者: garygary13 時間: 15-10-30 23:43 標題: 回覆：學校課程一問

其實有冇P6生成功考到出面B1英中？

作者: 壞寶貝 時間: 15-10-31 00:58 標題: 引用：其實有冇P6生成功考到出面B1英中？ +

原帖由 garygary13 於 15-10-30 發表
其實有冇P6生成功考到出面B1英中？

根據過往資料，培僑G6學生甚少報考外間Band one 中學，一般，家長會選擇原校升讀或出國留學; 另外，培僑在家校共同努力下，近幾屆DSE成績已達Band one水平，加上未來嫡系相繼陸續赴考，相信到時成績將更上一層楼，務請拭目以待！

作者: beautyhar 時間: 15-10-31 22:43 標題: 回覆：學校課程一問

如果學校開IB課程, 減少一班中途轉去各名校的精英,相信成績更出衆。

作者: toholylau 時間: 15-12-6 01:30

回覆壞寶貝的帖子

“近幾屆DSE成績已達Band one水平”，可否分享下依據？多謝！

歡迎光臨教育王國 (/)