教育王國

標題: 行為固執得好緊要 [打印本頁]

作者: carmen712 時間: 15-10-22 11:22 標題: 行為固執得好緊要

仔仔係阿氏保加, 自從返N 後行為語言都好左好多, 但今年轉左新學校返K, 情緒行為開始變得好難攪, 尤其固執行為令我覺得精神好折磨...我唔識應該點處理, 請問你們有相關經驗嗎?

例子(1) 佢最近成日要我陪佢去小便, 之前一直自己去得好好, 依家一定要我陪, 即係我坐馬桶佢去尿兜, 如果我自去先, 佢就發晒癲, 一定要我入返廁所坐喺馬桶佢先去, 有時甚至要聽到我有小便聲先行去, 否則喊喊喊喊一直唔停口...
例子(2) 平時起身會執床, 佢好鍾意一齊執, 如果有時趕時間返學, 我會執先, 佢一見到又發癲, 要我鋪返原裝咁樣, 再執
例子(3) 執玩具, 如果我先執, 佢又發癲, 要我倒返晒玩具出黎, 再重新執, 仲要我一齊執, 總之要回帶重頭黎過

仲有好多例子, 都係事情發生左, 佢要返轉頭, 從頭黎過, 步驟要跟足佢指示, 甚至要我望住佢唔可以唔理佢, ORDER我點做....
日日咁樣, 真係好辛苦, 根本唔聽人講, 唔順意就大吵大鬧可以喊足一個鐘, 大叫, 尖叫, 大喊...
我可以點做? 自己已經食緊抑鬱藥, 每次佢發作我都好痛苦, 一齊喊, 佢見我喊又發癲話唔要媽媽喊,...

作者: nownow 時間: 15-10-22 12:11

有時，時間趕沒辦法，
但如可以的話，請做之前同佢講定先，唔好立刻沒有通知就做，
慢慢來，大家同路人，明白你感受！加油！一起努力！

作者: miss_siu88 時間: 15-10-22 13:32

回覆 carmen712 的帖子

我仔仔有時候有些類似行為，但是只是對我，對爸爸或其他人就不這樣（可能是不敢發出來）。有時候我收了他的玩具，他要自己收，要我放返；那我就放返讓他自己做。
這算是固執行為嗎？

你仔仔只是對你有這類行為嗎？對其他人呢？

作者: bbymc11 時間: 15-10-22 22:22 標題: 回覆：carmen712 的帖子

仔仔以家幾多歲?試下平時嘅時間做多d預告，固執行為真係唔會突然間消失，要用好多時間同佢鬥志鬥力，要撐住。

作者: Activehealth 時間: 15-10-22 23:23

carmen712 發表於 15-10-22 11:22
仔仔係阿氏保加, 自從返N 後行為語言都好左好多, 但今年轉左新學校返K, 情緒行為開始變得好難攪, 尤其固執 ...

佢地最怕改變，由N班轉校返K，係好大轉變，對於佢地係好大挑戰,。
如果依家連佢一向嘅習慣如執床、執玩具都改埋，佢會覺得你將佢個世界成個倒轉咗，完全唔可以接受！

你係佢最親果個，所有不安情緒都會發泄你身上。

只要你保持冷靜撐住，就會見到雨後陽光！

作者: sshoney 時間: 15-10-23 00:18 標題: 回覆：carmen712 的帖子

例子一去洗手間我個仔係一模一樣，初初我都好禁止呢個行為，攪到佢情緒更差，後來聽到同事講開普通正常小朋友都會有呢D行為，呢個年龄粘住媽咪係好正常，諗諗下我放鬆左，仲放張櫈仔係洗手間比佢坐住等，同佢傾下計，久而久之佢見我去洗手間都叫佢陪，慢慢佢都無跟得咁實，有時仲話要出返去。呢個情況都維持左半年。

作者: carmen712 時間: 15-10-23 13:37

miss_siu88 發表於 15-10-22 13:32
回覆 carmen712 的帖子

我仔仔有時候有些類似行為，但是只是對我，對爸爸或其他人就不這樣（可能是不敢發 ...

我仔係對住我特別扭, 可能持住媽媽錫....對住爸爸都有類似情況架, 但唔會咁過份
如果你仔仔只係執玩具要堅持自己做, 咁唔算好固執, 佢只係想証明自己可以做得到

作者: carmen712 時間: 15-10-23 13:40

Activehealth 發表於 15-10-22 23:23
佢地最怕改變，由N班轉校返K，係好大轉變，對於佢地係好大挑戰,。
如果依家連佢一向嘅習慣如執床、執玩具都 ...

好多謝你! 可能我真係忽略左佢對環境大改變的不適應, 成日都硬碰硬所以大家都辛苦...
聽完你地意見, 我都冷靜好多, 希望可以好好處理呢個問題!

作者: piglet0529 時間: 15-10-23 15:12 標題: 引用：Quote:Activehealth+發表於+15-10-22+23:23

原帖由 carmen712 於 15-10-23 發表
好多謝你! 可能我真係忽略左佢對環境大改變的不適應, 成日都硬碰硬所以大家都辛苦...
聽完你地意見, 我都冷 ...

你仔有接受訓練嗎？讀普通幼稚園?

作者: carmen712 時間: 15-10-25 00:16 標題: 引用：Quote:原帖由+carmen712+於+15-10-23+發表

原帖由 piglet0529 於 15-10-23 發表
你仔有接受訓練嗎？讀普通幼稚園?

他曾經有訓練過一排後來在政府做評估又話佢pass 晒，所以暫時無任何訓練做緊。
佢係返主流幼稚園架

作者: piglet0529 時間: 15-10-25 22:50 標題: 引用：Quote:原帖由+piglet0529+於+15-10-23+發表

原帖由 carmen712 於 15-10-25 發表
他曾經有訓練過一排後來在政府做評估又話佢pass 晒，所以暫時無任何訓練做緊。
佢係返主流幼稚園架

...

唔好介意, 我仔case似你仔, 但我仔發生次數同時間都少好多, 其實你仔應也是自閉譜系, 如果你不想再做評估, 帶他去上社交班或EQ情緒班吧

作者: carmen712 時間: 15-10-26 10:59 標題: 引用：Quote:原帖由+carmen712+於+15-10-25+發表

原帖由 piglet0529 於 15-10-25 發表
唔好介意, 我仔case似你仔, 但我仔發生次數同時間都少好多, 其實你仔應也是自閉譜系, 如果你不想再做評估, ...

係呀當日私家評估都評為自閉譜系，只係依家無左阿氏保加呢個名稱。
我都準備再帶佢上社交班，你有經驗或意見在那裡上比較好啊？

作者: piglet0529 時間: 15-10-26 11:55 標題: 引用：Quote:原帖由+piglet0529+於+15-10-25+發表

原帖由 carmen712 於 15-10-26 發表
係呀當日私家評估都評為自閉譜系，只係依家無左阿氏保加呢個名稱。
我都準備再帶佢上社交班，你有經驗或意 ...

http://ylth.org/mic/1012.htm

我仔K2確診後上過依個"社交樂小組", 不過在元朗區, 你睇下你區有冇依類, 社工教的我仔好like上, 同埋依個小組社工姑娘會先西選的差不多程度先一齊上, 我仔之後再上過兩個社區中心比普通小朋友的EQ情緒班, 上小一前精神科又比左社交playgroup佢上, 現在剛上小一, 學校生活完全適應好happy, 老師說有的其他同學仔仲A過我仔, 家中只非常間中先出現固執同程度愈來愈輕微

不過, 上小一前我也同佢心理輔導了不少, 坊間也有的書講, 現在總算順利過渡了!😊

作者: carmen712 時間: 15-10-26 17:21 標題: 引用：Quote:原帖由+carmen712+於+15-10-26+發表

原帖由 piglet0529 於 15-10-26 發表
http://ylth.org/mic/1012.htm

我仔K2確診後上過依個"社交樂小組", 不過在元朗區, 你睇下你區有冇依類, 社 ...

咁就好喇！最緊要佢讀得開心，識同人相處。多謝你意見，我都搵下我區有無先

作者: piglet0529 時間: 15-10-27 07:18 標題: 引用：Quote:原帖由+piglet0529+於+15-10-26+發表

原帖由 carmen712 於 15-10-26 發表
咁就好喇！最緊要佢讀得開心，識同人相處。多謝你意見，我都搵下我區有無先

...

加油喲!

作者: chanyuen2012 時間: 15-10-28 10:40 標題: 引用：仔仔係阿氏保加,+自從返N+後行為語言都好左

原帖由 carmen712 於 15-10-22 發表
仔仔係阿氏保加, 自從返N 後行為語言都好左好多, 但今年轉左新學校返K, 情緒行為開始變得好難攪, 尤其固執 ...

首先你要明白佢有咁嘅需要，要平常心，哩個階段佢學緊表達自己，好多小朋友都係咁樣，你可以運用佢嘅好奇心，叫佢幫下手洗下菜心，洗下米咁，比不同新事物佢去探索。佢個人反而會開心左，其實我都係煩佢有重覆行為，以往同一路線行街、去到某個位就叫要去vee vee呀咁。我就係要唔好比佢咁重覆性，要佢習慣，早上唔會同佢一齊日日接被，放學兜第二條路行，佢勁鍾意禁lift我有時又行遠啲唔比佢見到部lift, 就係要佢知，眼前唔只有一個方式或者方法，記住笑住同佢玩咁佢又會慢慢接受到。我都用左大半年時間同佢train, 佢舊年有返N班，問下老師意見，亦將自己情緒交比社工，今年原校升K1,放左學約埋啲同學仔同媽媽一齊久唔久食飯去下公園玩，咁我至捱過左………

樓主你唔好自責呀，方法有好多，仔仔其實好轉中，暫時個腦諗法未轉到咋，好過你叫佢佢唔理你，記住你喺佢心中其實係好重要，佢好理你感受所以樣樣都想同你一齊做咋，係好嘅表現來架，記住你喺佢面前從容一點開心一點佢感受到架，你定，少鬧佢，佢安心嘅佢都會比一個微笑你。你心情我完全理解，加油呀～～

作者: NaughtyKids 時間: 15-10-28 12:23 標題: 回覆：piglet0529 的帖子

請問你囝囝讀津校還是直資、私校？

作者: carmen712 時間: 15-10-28 14:02

chanyuen2012 發表於 15-10-28 10:40
首先你要明白佢有咁嘅需要，要平常心，哩個階段佢學緊表達自己，好多小朋友都係咁樣，你可以運用佢嘅好奇心 ...

多謝你意見!
我地條路仲有好長, 大家一起努力, 作為呢類小朋友的家長真的需要好多支持!

作者: piglet0529 時間: 15-10-28 16:56 標題: 引用：Quote:chanyuen2012+發表於+15-10-28+10:40

原帖由 carmen712 於 15-10-28 發表
多謝你意見!
我地條路仲有好長, 大家一起努力, 作為呢類小朋友的家長真的需要好多支持! ...

搞定的情緒後, 之後你會發掘到佢優點及長處

作者: piglet0529 時間: 15-10-28 16:59 標題: 引用：請問你囝囝讀津校還是直資、私校？ +

原帖由 NaughtyKids 於 15-10-28 發表
請問你囝囝讀津校還是直資、私校？

津校, 不是地區最谷, 功課都多, 但因為近還可應付, 暫時保持愉快學習

作者: chanyuen2012 時間: 15-10-29 05:12 標題: 引用：Quote:chanyuen2012+發表於+15-10-28+10:40

原帖由 carmen712 於 15-10-28 發表
多謝你意見!
我地條路仲有好長, 大家一起努力, 作為呢類小朋友的家長真的需要好多支持! ...

傻豬，你已經安排得好好，你小朋友一路開始發展緊成長緊又開始進步緊，你要學習放鬆呀！湊完佢返學去獎勵自己食個好啲嘅早餐！自己都好重要架！比心機呀

作者: carmen712 時間: 15-11-2 10:59 標題: 引用：Quote:原帖由+carmen712+於+15-10-28+發表

原帖由 chanyuen2012 於 15-10-29 發表
傻豬，你已經安排得好好，你小朋友一路開始發展緊成長緊又開始進步緊，你要學習放鬆呀！湊完佢返學去獎勵自 ...

多謝你呀

不過我仲有個細女要照顧，空閒時間幾乎無，不過都會盡量搵時間比自己放鬆下啦

作者: henry1997 時間: 15-11-3 23:37 標題: 回覆：行為固執得好緊要

我琴日帶個仔睇完，確定我係自閉譜系，個下我真係想喊，明年升k3, 所有揀小學既事我要重新定位，加上仲要照顧妹妹，好怕妹妹都有，自己身體唔好，住屋又有問題，我都覺得壓力好大，好辛苦

作者: markus128 時間: 15-11-4 17:10

carmen712 發表於 15-10-22 11:22
仔仔係阿氏保加, 自從返N 後行為語言都好左好多, 但今年轉左新學校返K, 情緒行為開始變得好難攪, 尤其固執 ...

睇完樓主小朋友行為, 令我有點WORRY.....
我小朋友言語發展有點DELAY, 發音5 正, EQ 唔好, 少EYE CONTACT, 有固執行為如:

1. 見LIFT 要搭, 但可勸佢唔坐,
2. 要自己按LIFT, 入到LIFT內都要佢, 否則會發睥脾氣, 喊
3. 開大門, 要自己放KEY, 否則會發睥脾氣, 喊
4. 每到晚上, 見到星星會大叫, 見一次叫一次
5. 每次會倒晒玩具落地, 然後玩一陣唔玩, 我們TIDY UP完, 佢又倒.....
6. 如果有D 野佢想做而我們HELP 佢做了, 佢會打回原型重做......
etc................

but he will play wiht other kids who are elder than him, he will call the strangers such as ee, uncle..when he likes.
請問我要TAKE HIM FOR　評估嗎？　他現在３０個月。。。
ＴＨＸ

作者: Jolly 時間: 15-11-4 17:16

henry1997 發表於 15-11-3 23:37
我琴日帶個仔睇完，確定我係自閉譜系，個下我真係想喊，明年升k3, 所有揀小學既事我要重新定位，加上仲要照 ...

明白你心情。初初确診真的好失落，但又好多野要安排同計劃，計劃之余又患得患失，好唔實在。加上生活上其他野，像一個大浪湧來，好辛苦。你慢慢來吧，one step at a time, 唔駛太迫自己。女仔其實少些機會有，況且你有大仔嘅經驗，容易覺察細女會唔會有唔妥。現在沒事就唔好諗咁多先。定期去健康院，睇實就得。
努力呀，明天一定好過今天架。

作者: henry1997 時間: 15-11-5 08:33 標題: 引用：Quote:henry1997+發表於+15-11-3+23:37+我

原帖由 Jolly 於 15-11-04 發表
明白你心情。初初确診真的好失落，但又好多野要安排同計劃，計劃之余又患得患失，好唔實在。加上生活上其他 ...

多謝你啊，近日就忙揾治療比佢。我心情都好差，對住佢，佢既學習態度我就發火，之後又後悔，其實佢知我愛佢，但無奈我真係eq好低。。。

作者: carmen712 時間: 15-11-9 13:50

markus128 發表於 15-11-4 17:10
睇完樓主小朋友行為, 令我有點WORRY.....
我小朋友言語發展有點DELAY, 發音5 正, EQ 唔好, 少EYE CONTACT, ...

如果有懷疑, 真係快啲安排去做評估, 至少可確認是需要治療還是自已多心
6歲前是治療的黃金時期, 要好好把握
我很理解你的擔心, 所以不要豫猶, 返健康院要求排期做評估或者去私人機構吧!

作者: chanyuen2012 時間: 15-11-9 15:18 標題: 引用：我琴日帶個仔睇完，確定我係自閉譜系，個下

原帖由 henry1997 於 15-11-03 發表
我琴日帶個仔睇完，確定我係自閉譜系，個下我真係想喊，明年升k3, 所有揀小學既事我要重新定位，加上仲要照 ...

如果見完評估佢問你需唔需要社工，我鼓勵你要，你哩刻需要搵人同你行，需要一點情緒上支持，信我，我都要左社工跟自己，因為有點情緒出，由來莫過於都係擔心仔仔發展同家庭開支，另外就係點同老公同屋企人傾小朋友點樣去跟進度⋯⋯⋯起碼唔好自己一個撐咁辛苦，你亦都要打開自己嘅心同老師傾，其實而加好多小學有共融學校，聽人介紹雖然唔會係好叻嘅小學但可以確保小朋友係讀得開心一點簡單一點，雖然我仔只係K1,但我都留意緊，加油呀⋯

作者: chanyuen2012 時間: 15-11-9 15:28 標題: 引用：Quote:carmen712+發表於+15-10-22+11:22+仔

原帖由 markus128 於 15-11-04 發表
睇完樓主小朋友行為, 令我有點WORRY.....
我小朋友言語發展有點DELAY, 發音5 正, EQ 唔好, 少EYE CONTACT, ...

有無成日開門閂門？愛玩轉/睇住會轉嘅玩具？識唔識用手指指住想要嘅野？叫極佢個名有無回應返你？自閉症譜系會有好幾樣夾埋，如果以上嘅都有，你直接打電話去健康院問下，快評估快排隊做治療較好⋯

作者: Raymondautism 時間: 16-3-25 20:39

改變行為是不容易的，試想想：你曾否下定決心要改變自己的壞習慣？要改變自己的行為一點也不容易，何況是別人的？要改變自己疼愛的子女行為，更加要面對很多心理包袱：當小朋友不能達到目的而表現得很辛苦時，父母可能會覺得心痛而不能堅持！

我們的自主行為皆是有原因及目的，行為能夠達到某些功能才會持續。小朋友不合作或不服從，就是因為行為得到不同的回報而持續，例如在商場內哭泣或表現得很低落，令父母為他們買玩具；向父母投訴抱怨，討價還價來逃避或拖延家務及工課；頑皮搗蛋來吸引別人的注視；或扮超人怪獸來娛樂自己。當父母意識到問題行為的嚴重性時，行為可能已經變為一個習慣：一個不需要思考，不需要回報，就像條件反射的一個習慣。要管理這些被各種回報強化的問題行為，首要是教育小朋友用恰當的社交行為達到目的。有效的教育應當於小朋友心平氣和，願意學習的時間進行。若然行為問題發生時，我們才大條道理，期望小朋友學習，情況可能等於叫一個已經喝酒至酩酊大醉的酒徒戒酒一樣，結果只是對牛彈琴，甚至令人更加煩燥，影響彼此感情。

當小朋友出現行為問題時，即時滿足他們的目的及需要，不但可以帶來安寧，而且小朋友開心，家長亦會因為能即時解決問題而感覺良好！但是，這些方法其實是後患無窮，你往後的日子將會永無寧日。要即時處理行為問題，我們應了解行為的功能，因為功能等於回報，確立功能便可以確保小朋友的行為問題得到最少的回報。常用的處理方法包括即時拿走他們正在享受的玩意或別人的注視；如小朋友平時大部分時間服從聽話，可嘗試平靜地指示他們停止，或叫他們做別的活動來分散他們的注意力；非必要時才動手制止。

即時處理行為問題要有足夠的心理準備，並且了解環境的限制及自己的能力。因為小朋友不能透過問題行為得到長久以來享受的回報，大多會以更激烈的方法及行為測試你的底線，如果我們於過程中放棄，更差的行為就會被強化！相反，只要我們持之以恆，並了解這些反應是小朋友必經的學習過程，家長及小孩皆會學懂及享受長期持續的收成。

作者: conniewktang 時間: 16-3-26 11:08 標題: 引用：仔仔係阿氏保加,+自從返N+後行為語言都好左

原帖由 carmen712 於 15-10-22 發表
仔仔係阿氏保加, 自從返N 後行為語言都好左好多, 但今年轉左新學校返K, 情緒行為開始變得好難攪, 尤其固執 ...

我都有類似經歷，個仔stubborn到......

作者: ncandtkh 時間: 16-12-22 12:34

carmen712 發表於 15-10-25 00:16
他曾經有訓練過一排後來在政府做評估又話佢pass 晒，所以暫時無任何訓練做緊。
佢係返主流幼稚園架

...

樓主，我case同你一樣，私家評左係A但CAC話唔係，你後來有冇打返俾CAC轉介去精神科或叫CAC俾津貼/服務?小朋友讀咩位。

作者: jenkinchu 時間: 16-12-22 14:38

提示: 作者被禁止或刪除內容自動屏蔽

作者: iyhas 時間: 16-12-22 17:18

carmen712 發表於 15-10-23 13:37
我仔係對住我特別扭, 可能持住媽媽錫....對住爸爸都有類似情況架, 但唔會咁過份
如果你仔仔只係執玩具要堅 ...

將佢啲固執野演變落一啲日常生活的好習慣上

如玩玩具一樣還一樣, 執好, 玩第二樣
洗手, 抹手, 食野, 食完洗手, 去廁所
總之跟足學校規矩, 學校咁做, 屋企照做

唔好的固執行為就一定要改, 唔可以就, 要企硬
慢慢佢心靈有啲寄託(因為滿足咗固執的心靈)
用好的習慣沖淡舊的壞固執

歡迎光臨教育王國 (/)