教育王國

標題: 連報兩年K1的感受: 讀邊間幼稚園，其實唔到我哋父母話事... [打印本頁]

作者: hippogod 時間: 15-10-20 12:56 標題: 連報兩年K1的感受: 讀邊間幼稚園，其實唔到我哋父母話事...

父母能話事o既只係報邊間、文件準備等後勤工作以及...面試前點樣去保持仔女個狀態決定性因素都係仔女臨場表現 (我諗呢度佔七成)
剩底就睇祖先/神靈/運氣/老師睇唔睇到等不可控因素...

即係話
其實係仔女睇心情想讀邊間就會表現好D....
唔知其他爹地媽咪有無咁感覺?

順其自然俾小朋友去享受玩樂往往有奇效
干涉太多反而有反效果

作者: bubuprincess 時間: 15-10-20 13:24

謝謝你的分享! 剛完成了第1個K1面試, 平時怕醜的兒子做指令沒有問題, 但卻不願開口講名同答問題. 很擔心未來的面試佢都唔開口.可以分享一下有咩方法可令他面試時唔好沉默不語呢?

作者: 99dogdog 時間: 15-10-20 13:29 標題: 回覆：連報兩年K1的感受: 讀邊間幼稚園，其實唔到我哋父母話事...

覺得最好俾子女自由發揮，咁細個就算你臨面試前提佢，佢都可以唔做甚至特登同你唱反調；大家冇壓力就最好！有時響冇期望+壓力下會有意想不到的效果！

作者: sam9329 時間: 15-10-20 14:12 標題: 回覆：連報兩年K1的感受: 讀邊間幼稚園，其實唔到我哋父母話事...

可以多D在家裡玩模仿面試遊戲，效果一流

作者: YLSLAI 時間: 15-10-20 14:37 標題: 回覆：hippogod 的帖子

所以你重考k1做大仔，今年你報那一間考

作者: ho_yan2406 時間: 15-10-20 15:22

不嬲考學校都唔到父母話事,平常心啦！父母盡自己能力幫佢地揀岩既學校報名,考唔考到好多因素既

作者: Jumboshrimp 時間: 15-10-20 16:40 標題: 回覆：連報兩年K1的感受: 讀邊間幼稚園，其實唔到我哋父母話事...

所有也不是父母掌握控制。今日佢識不代表interview也識。就算識也未必跟著指示做。我認為我會盡力教。好似佢周圍行冇時停。有人說可以train.但想深一層小朋友呢個階段周圍行是正常。學校覺得不正常亦只為方便自己教學。試問地球上有邊種生物年幼時不是充滿好奇心周圍探索？好多嘢長大了自然會做。我又何必為interview 而違反自然定律。

何況，做曬指令未必收。冇做也不代表唔收。

不如做番小朋友自己。俾多d空間同鼓勵。不要乜都no no no

作者: mababyba 時間: 15-10-20 16:41

hippogod 發表於 15-10-20 12:56
父母能話事o既只係報邊間、文件準備等後勤工作以及...面試前點樣去保持仔女個狀態決定性因素都係仔女臨場表 ...

agree...

作者: manta_ray 時間: 15-10-20 16:49 標題: 回覆：hippogod 的帖子

非常認同!佢喜歡間學校自然會有較好表現

作者: hippogod 時間: 15-10-22 10:39

bubuprincess 發表於 15-10-20 13:24
謝謝你的分享! 剛完成了第1個K1面試, 平時怕醜的兒子做指令沒有問題, 但卻不願開口講名同答問題. 很擔心未 ...

平時多D 陪佢傾偈互動。出去玩時如果有其他小朋友大朋友在場而仔女又想去加入(睇表情就知，唔好迫)，就鼓勵下去識朋友仔，教佢打招呼、自我介紹、發出請求 (要有被拒絕的心理準備...所以要預計埋如何得體地應對)

我唔反對DRILL 面試題目，但要融入日常生活流於自然。一旦DRILL太多出現反抗情緒就仲衰過唔DRILL。

作者: hippogod 時間: 15-10-22 10:46

對了，面試時帶本書、唱下歌解下悶，讓仔女抱住享受玩樂的心情吧，我家小朋友悶親或者玩得太盡興最易失控...父母太緊張小朋友會感受到，表現未如理想就由得佢千祈唔好責備，否則佢將負面情緒連繫到面試就以後場場都玩完....

。在情緒、紀律沒失控的情況下放手任其發揮就可以了。我都係第二年所明白呢個道理

作者: hippogod 時間: 15-10-22 10:48

sam9329 發表於 15-10-20 14:12
可以多D在家裡玩模仿面試遊戲，效果一流

呢個真係要多D玩，多元發展。可惜我戲屎

作者: hippogod 時間: 15-10-22 10:52

YLSLAI 發表於 15-10-20 14:37
所以你重考k1做大仔，今年你報那一間考

其實報咗好多間，
但既然插咗YORK就可以簡化清單
(將個細B變大B 呢個機會留番將來用)。

現時重讀K1只管PC、GH、TL呢堆龍幼 (MS最想入但係超齡)，私幼得番SC 會考慮

作者: vpo0615 時間: 15-10-22 11:01

有時會覺得, 反而係家長嘅表現(例如家長如何回答老師的提問)影響咗學校收唔收個小朋友.

作者: hippogod 時間: 15-10-22 11:13

vpo0615 發表於 15-10-22 11:01
有時會覺得, 反而係家長嘅表現(例如家長如何回答老師的提問)影響咗學校收唔收個小朋友. ...

我都覺得會所以我好小心咁唔好將醜惡一面顯露

歡迎光臨教育王國 (/)