教育王國

標題: 小一做錯功課，要在班中站立 [打印本頁]

作者: newnew1 時間: 15-10-18 14:34 標題: 小一做錯功課，要在班中站立

因自己沒看清楚題目，教錯咗小朋友做功課。
結果，被寫手冊欠做功課，(其實係誤解了題目，所以寫少了幾個字)
另要在班中站立。

而家讀書是這麼大壓力的，做錯也是罰站。
默書唔合格都唔知駛唔駛企足成日!

作者: longlokma 時間: 15-10-18 14:54 標題: 引用：因自己沒看清楚題目，教錯咗小朋友做功課。

原帖由 newnew1 於 15-10-18 發表
因自己沒看清楚題目，教錯咗小朋友做功課。
結果，被寫手冊欠做功課，(其實係誤解了題目，所以寫少了幾個字 ...

先弄清楚事情吧，罰站主因未必单纯因為做錯，你先問清楚孩子或者其他同学吧。要了解的，包括當時孩子同老師的对話，是否孩子態度有問題，沒認错或驳咀，另外，再了解下老師交带功课时是否已提醒孩子要点及要求孩子不可做错，而只有你孩子做错。

作者: Jane1983 時間: 15-10-18 14:55

睇錯，但有做，好似係罰得勁左d。如果小朋友無也吾開心，就輕輕帶過，以後小心d。

作者: Jane1983 時間: 15-10-18 15:05

本帖最後由 Jane1983 於 15-10-18 15:06 編輯

有時係個别老師特嚴，我女讀K3時，有加入幼稚園的小童軍。導師要求在制服的胸前、手袖不同位置縫不同的章。吾知道係佢張表吾清楚，定係我理解差，縫錯左方向，改過又搞錯左右……

我女話因為甘，連續2次集隊罰企。我知道後真係好嬲，呢d擺明係家長的錯，你咪寫手册鬧我，何必難為個幼兒……

作者: Miss_Parker 時間: 15-10-18 15:21

以前小一做組長收功課，叫D人交被老師罰企話我傾計，但問題係佢地唔肯交，同老師講又唔理，交得慢又會被話，所以以前成日被罰企，無辦法個個老師唔同

作者: little_yolky 時間: 15-10-19 08:45

Miss_Parker 發表於 15-10-18 15:21
以前小一做組長收功課，叫D人交被老師罰企話我傾計，但問題係佢地唔肯交，同老師講又唔理，交得慢又會被話 ...

如果我阿女係咁, 我一定會同個老師「交涉」, 咁你唔好叫我阿女做乜長了。

作者: little_yolky 時間: 15-10-19 08:48

newnew1 發表於 15-10-18 14:34
因自己沒看清楚題目，教錯咗小朋友做功課。
結果，被寫手冊欠做功課，(其實係誤解了題目，所以寫少了幾個字 ...

小朋友有做功課但做錯咗, 就算老師上堂有remind, 都唔應該寫手冊話「欠功課」, 老師可以話佢錯要求佢改正, 但唔可以話佢欠功課+罰企吧。我一定會同老師「了解」清楚並表達你的「關心」。

作者: skkeung 時間: 15-10-19 08:49 標題: 引用：因自己沒看清楚題目，教錯咗小朋友做功課。

原帖由 newnew1 於 15-10-18 發表
因自己沒看清楚題目，教錯咗小朋友做功課。
結果，被寫手冊欠做功課，(其實係誤解了題目，所以寫少了幾個字 ...

不能接受!向校長反影!

作者: lalamike 時間: 15-10-19 09:12 標題: 引用：因自己沒看清楚題目，教錯咗小朋友做功課。

原帖由 newnew1 於 15-10-18 發表
因自己沒看清楚題目，教錯咗小朋友做功課。
結果，被寫手冊欠做功課，(其實係誤解了題目，所以寫少了幾個字 ...

要先了解件事先！
記得以前我地讀小學D老師係好嚴，美術堂被要求帶一個空罐回校（老師曾提及最好曲奇罐），我屋企窮其實沒有曲奇罐（我地當年邊有＄買貴貴曲奇？），於是入到超市，我央求父親買一罐最平的麥片吧，又央求倒晒出來比我交差，我爸爸無奈買比我，點知我帶左返校，老師話我帶錯罐，覺得我故意帶錯（原來要濶口罐可放入一張圖畫紙！！！），於是罰我全堂企兼無得上堂（因一人一罐無得share)，我喊住返家講返件事，仲又要比爸爸鬧多次！

呢件事我印象好深刻，因為其實老師有講要求（曲奇罐），但又冇講清楚原來目的是要平放下一張圖畫紙（又或我理解力差），於是帶錯！但痛心爸爸無能力下已經幫咗我，但竟然我又有負所託⋯⋯
所以，我覺得老師亦應先了解，是因為小朋友唔理解抑或故意倒旦而惹禍？而家長當然亦要查明！否則像我已有一輩子陰影！

作者: lalamike 時間: 15-10-19 09:22 標題: 引用：因自己沒看清楚題目，教錯咗小朋友做功課。

原帖由 newnew1 於 15-10-18 發表
因自己沒看清楚題目，教錯咗小朋友做功課。
結果，被寫手冊欠做功課，(其實係誤解了題目，所以寫少了幾個字 ...

之前撐左大西洋咁遠添！

其實樓主小朋友的老師寫欠功課是真的嚴重咗，但亦可能係老師小懲大戒，所以必要問清楚老師，免小朋友有心理陰影！

作者: little_yolky 時間: 15-10-19 11:11

lalamike 發表於 15-10-19 09:12
要先了解件事先！
記得以前我地讀小學D老師係好嚴，美術堂被要求帶一個空罐回校（老師曾提及最好曲奇罐）， ...

所以, 呢D老師唔係嚴, 係無理取鬧！

你都真係好可憐, 唔好記住了, Let it go。我哋細個既年代, 老師咁唔considerate真係好少有, 父母邊有咁多閑錢。唔好難過。

所以, 小學生何解老師唔可以好好地教, 好多小朋友就算上到高小都係薯薯哋, 十隻手指都有長短, 就算全班都做啱, 只有一個錯都唔應該話人欠交功課, 老師到底明唔明白咩叫「欠交功課」。

作者: Lilytseung 時間: 15-10-19 11:21 標題: 回覆：小一做錯功課，要在班中站立

小一姐我覺得吾需要甘對小朋友牙真系要找個老師出來傾下如果系小朋友曳罰佢我可以接受但如果系做錯工課甘罰就吾得做錯了可以改正嫁

作者: newnew1 時間: 15-10-19 13:41

小朋友是一個不善辭令的人，他一定唔識得駁嘴。
事發當天我看手冊，話乜冇做功課咩，佢答 "我都冇嘢"，
咁佢都冇嘢，咁 OK 啦。
點知前日同佢傾吓校園生活，講開 X 老師，
佢答 "佢要我企，我都冇嘢".. 即刻打咗個突....... (小朋友自尊心好強，唔敢再問落去，佢把口愈係話冇嘢，就覺得佢其實愈係有嘢)
再諗返起，開學冇耐，佢有日放學同我講，邊個同邊個做錯咗要企起身。
然後才恍然大悟，錯咗係要俾全班知! (當時唔燒到埋身，亦都唔知人錯乜要企)。
我覺得要企起身俾全班知係一種侮辱，亦只會增加小朋友的壓力。
我始終覺得，錯咪改囉，唔駛咁嘛....

作者: jc2009 時間: 15-10-22 17:31

有時懲罰錯誤都要權衡輕重, 小則可警告/勸導, 大則才罰企, 起碼俾小朋友知道甚麼犯錯會有不同懲罰.

作者: silver921 時間: 15-10-22 19:09 標題: 回覆：小一做錯功課，要在班中站立

有些老師用方法不正確，以為這樣做使小朋友記得，但傷害自尊心很大，使結果更壞

作者: SoLM 時間: 15-10-22 21:17 標題: 引用：小朋友是一個不善辭令的人，他一定唔識得駁

提示: 作者被禁止或刪除內容自動屏蔽

作者: PY-Sing 時間: 15-10-23 10:17

其實每個老師的老理手法係唔同, 就連同一個老師就唔同學生犯同一種錯, 有時D罰法都唔同. 我都係只同小朋友講, 自己要小心留心做/交齊嘢, 免受責罰.
就算老師係錯, 只要唔係留缺點/罰留堂, 我都叫佢算, 要了解E 個世界係唔公平, 有時唔係你錯都要受罰.

作者: karen55407 時間: 15-10-23 10:40 標題: 回覆：小一做錯功課，要在班中站立

我又覺得罰企無乜咁大件事⋯依家做老師真係艱難！

作者: little_yolky 時間: 15-10-23 10:55

PY-Sing 發表於 15-10-23 10:17
其實每個老師的老理手法係唔同, 就連同一個老師就唔同學生犯同一種錯, 有時D罰法都唔同. 我都係只同小朋友 ...

係, 唔關自己事都要受罰。
阿女小一時班男仔太曳, 食飯時間嘈到死, 室長(高年班同學)即刻罰全班企响度食飯。

我哋即時反映表達不滿, 後來室長改用貼紙奬勵乖既同學。

作者: bobbob 時間: 15-10-23 12:28

little_yolky 發表於 15-10-23 10:55
係, 唔關自己事都要受罰。
阿女小一時班男仔太曳, 食飯時間嘈到死, 室長(高年班同學)即刻罰全班企响度食飯 ...

你女間學校肯接受意見，非常好，我仔學校都有類似嘅獎賞scheme，我都覺得positive reinforcement 有效過punishment。

作者: 快樂股民 時間: 15-10-23 13:39

我記得我間小學仲恐怖, 當年有一個小一女生, 著錯咗對灰色襪, 被訓導罰出露天操場企, 當日係下雨天, 即係訓導要個一年級女生罰企兼淋雨, 小一女生個落湯雞個樣, 30年後嘅我仍然歷歷在目.

有時d老師真係好變態.

作者: 200904 時間: 15-10-23 14:21

回覆 lalamike 的帖子

是啊，抱抱先。

我覺得反而應該讚賞你，識得另找方法去解決問題呢。

作者: goodmorningsir 時間: 15-10-23 14:33 標題: 回覆：小一做錯功課，要在班中站立

不是新鮮事，我以前小學因為將grow up錯解為get up ，做錯答案，俾個老師叫我起身，佢就同D同學一齊笑我⋯學生做錯功課就要受辱⋯有邊個學生會仲覺得返學係開心

作者: MA33IE 時間: 15-10-26 23:47 標題: 引用：Quote:原帖由+newnew1+於+15-10-18+發表因

原帖由 lalamike 於 15-10-19 發表
要先了解件事先！
記得以前我地讀小學D老師係好嚴，美術堂被要求帶一個空罐回校（老師曾提及最好曲奇罐）， ...

小朋友最慘夾係中間老師有時講得唔清唔楚最好寫清楚係手冊度唔洗估估下

作者: 小冬 時間: 15-10-29 00:32

本帖最後由小冬於 15-10-29 00:38 編輯

回覆 Jane1983 的帖子

童軍係咁架，我小朋友小一返幼童軍，我成日以為自己交左團費，其實導師向阿仔都提過我兩趟，後來我先知係我無交，跟住導師都要阿仔洗厠所，我仔喊晒，我同導師反映係我記錯，佢都話要阿仔洗，最後我先知所謂洗係用地拖抺地。

作者: Jane1983 時間: 15-10-29 07:27

回覆小冬的帖子

大d一人做事一人當都ok，K3、小一咁罰，我真係接受唔到。
縫果幾個章，上下吾同擺，一個左肩、一個右臂，兩三個係心口...如果佢因為我縫錯章，罰我女洗廁所，我一定跟佢沒完。

歡迎光臨教育王國 (/)