教育王國

標題: 今日第一間面試，唉。。 [打印本頁]

作者: JUDYCHAN1221 時間: 15-10-17 11:34 標題: 今日第一間面試，唉。。

女女13年12月細b,性格超級內向，極怕羞&生保人，已經成日帶佢落會所同小朋友玩，一齊玩係可以，但一有身體接觸佢就好抗拒，大人就更加唔洗旨意可以同佢講野，連望下都會喊(樓下保安叔叔都要見佢幾個月先同人講byebye)。。我係ftm，我冇帶過佢返playgroup/上面試班，本來係唸住由佢自由發揮，但今日第一間面試（共報左8間,今日in個間係無學卷），嘩。。差唔多由頭喊到尾，第一part係兩位老師邊唱歌邊做手勢，老師唱既歌佢全部都識，係屋企一定會自己跟住跳，當然現場佢就淨係識得縮埋一邊，我見其他小朋友都好合作，係我個個。。。。好啦，到第二part，同一位老師坐係度單對單玩，老師問佢野十問十唔應之餘都淨係識喊，唯一一樣野就係識同老師飛吻&byebye...
經過今日之後，餘下落黎既面試都唔知點算，我真心驚冇一間收佢。。。。

作者: SK5 時間: 15-10-17 11:56 標題: 回覆：今日第一間面試，唉。。

放心。相信自己小朋友，會越in 越好。我女1212上年也是以超細B interview, 又係超怕羞，開始个2,3間佢又係唔睬人，到最後1間竟然開金口，最後也有offer。不要灰心。

作者: sala222 時間: 15-10-17 12:30 標題: 回覆：今日第一間面試，唉。。

In k1? 如果超細b，當拎下經驗算啦。

作者: ngakiho 時間: 15-10-17 12:50 標題: 回覆：今日第一間面試，唉。。

我女今日都係唔答問題，唔做指令，呆左，好擔心之後的面試！

作者: Ronman 時間: 15-10-17 13:55

我個女都係咁，平時屋企咩都識，去到面試咩都唔講，仲要我抱，唉.......

作者: bbtomatobb 時間: 15-10-17 14:09

我果個係13年11月細b女, 又係怕醜到爆, 把口好似上左鎖咁, 為左唔做超大b 我幫佢報左13間幼稚園. 今日就in 左第一間, 如我所料又係一粒聲都無出過

但係佢能夠唔發脾氣, 唔喊完成面試過程,我覺得已經係超額完成, 呢個年齡係咁上下啦, 調整下自己心態大家都開心D

共勉之!

作者: MELODY430 時間: 15-10-17 14:58 標題: 引用：女女13年12月細b,性格超級內向，極怕羞&生

原帖由 JUDYCHAN1221 於 15-10-17 發表
女女13年12月細b,性格超級內向，極怕羞&生保人，已經成日帶佢落會所同小朋友玩，一齊玩係可以，但一有身體 ...

所以很多人爭讀2歲班，因見慣老師同多其他小朋友個人定的，仲有幾多考，報多幾間之前個的當熱身

作者: JUDYCHAN1221 時間: 15-10-17 16:36 標題: 回覆：MELODY430 的帖子

經過今日，我想報n班做插班生（本身唔打算）,等佢早點適應。。

作者: hedy32 時間: 15-10-17 19:20 標題: 回覆：今日第一間面試，唉。。

12月細b, 今日去面試K1, 問題唔難！
好彩表現還好，起碼無喊，無扭抱抱。
問題答啱一半！當攞經驗，希望越戰越勇！各位細b加油啊

作者: sususum 時間: 15-10-17 21:31 標題: 回覆：JUDYCHAN1221 的帖子

我個都係13年12月細B今日in K1，雖然無喊但啲問題唔識答，有啲發呆同唔專心,我諗都係無機會架喇，當攞下經驗，報左11間，希望其中一間會收啦～

作者: angie0828 時間: 15-10-17 21:47 標題: 引用：女女13年12月細b,性格超級內向，極怕羞&生

原帖由 JUDYCHAN1221 於 15-10-17 發表
女女13年12月細b,性格超級內向，極怕羞&生保人，已經成日帶佢落會所同小朋友玩，一齊玩係可以，但一有身體 ...

睇下咩KG，我仔10年12月B，當年去in某kg時間撞了遲了1.5小時，interview時喊爆，老師好有愛心叫出去比佢冷靜下，之後又喊下in下甘，竟然最後收pm offer, 好難講下……

作者: HoneyBee_2011 時間: 15-10-17 21:51 標題: 引用：Quote:原帖由+JUDYCHAN1221+於+15-10-17+發

原帖由 angie0828 於 15-10-17 發表
睇下咩KG，我仔10年12月B，當年去in某kg時間撞了遲了1.5小時，interview時喊爆，老師好有愛心叫出去比佢冷 ...

遲到都可以in?邊間咁好?

作者: creamb 時間: 15-10-18 00:25 標題: 引用：女女13年12月細b,性格超級內向，極怕羞&生

原帖由 JUDYCHAN1221 於 15-10-17 發表
女女13年12月細b,性格超級內向，極怕羞&生保人，已經成日帶佢落會所同小朋友玩，一齊玩係可以，但一有身體 ...

有好多人以為只要帶小朋友到外面玩就可以處理怕佰生的問題，這不是完全一定的。到外面玩時如果只是自己玩，與人零交流的話，對被動的小朋友幫助是很有限。就正如約朋友出街食飯，食飯時只顧看自己的手機，這樣的相聚有意思嗎？所以很須要到一些場景是有問有答互相溝通才有實際幫助的！

作者: bbtomatobb 時間: 15-10-19 18:28

回覆 creamb 的帖子

係啦, 最憎D未有小朋友的朋友, 成日話使咩去PLAYGROUP 丫, 我實唔會比小朋友去架, 落街見下人得啦, BLA BLA BLA, 你又未有小朋友, 你點知我地呢d家長擔心d咩呀, 同你講都0徙氣

作者: 怀妈妈新手 時間: 15-10-19 18:43 標題: 回覆：今日第一間面試，唉。。

其实大家和几个朋友家长一起和即将要面试小朋友在家里玩面试游戏，我女儿已经是K1，这可以让小朋友多啲面对陌生人和懂回答问题和跟指零，这也可以互相学习，不错的做法！

作者: leonanan 時間: 15-10-19 19:43 標題: 回覆：今日第一間面試，唉。。

有個題外話，如果無心儀學校收，會吾會改讀N班做超大b? 申請左既學劵點處理？

作者: jlbb1 時間: 15-10-19 23:31

提示: 作者被禁止或刪除內容自動屏蔽

作者: JUDYCHAN1221 時間: 15-10-20 03:54 標題: 回覆：jlbb1 的帖子

我今日都遇到問題。。
我之前講過經過面試個日就唸住幫女女報n班，今日就去左一間問下啦（呢間我之前係冇報名），佢問我係想報n定k?我話想報下年k之餘仲想問下插班n有冇機會?咁佢就好直接同我講插班機會好渺茫，因已經好多都waiting，至於k都可以交表，但佢話第一輪面試已經安排好晒，如果我而家入紙佢地會安排下年二月份先面試。。
問題係二月先面試，都已經過左註冊日期啦，咁仲面試黎做咩?唔明。。

作者: JUDYCHAN1221 時間: 15-10-20 04:08 標題: 引用：有個題外話，如果無心儀學校收，會吾會改讀

原帖由 leonanan 於 15-10-19 發表
有個題外話，如果無心儀學校收，會吾會改讀N班做超大b? 申請左既學劵點處理？

...

其實從來都唔打算比女女做超大b，因我自己當年讀書都係細b(同女女一樣12月），我覺得智力唔係有問題都應該適齡返學，係現今社會幼稚園制度搞到分大b細b姐，連8月9月個d都話係細b既。。至於我報個8間都冇話邊間最心儀，我報名凖則最主要都係近屋企，同埋村校為主，所以佢入到邊間都ok。。最緊要係有offer就得架啦。。

作者: boboapril 時間: 15-10-20 07:27 標題: 回覆：今日第一間面試，唉。。

既然超級內向、K1返學有排喊、K2又唔知趕唔趕得上學習進度、不如遲一年再考，擔心都無用。可能你平時出外都要social d同主動d, 小朋友的老師就是媽媽呀。如堅持做細b, 你更加要幫助她，可能佢早左返學，你早一年可以free半天出來relax 下，佷往後的3-4年，你要用多左時間心力陪佢讀書，達到學習的要求、可能得不償失。一般細b, 到小二小三同大b已沒有差距，但在較細的時候，要追上大b執筆寫字、閱讀、說話的能力，不是咁容易，要幫他們很多，K2-K3, 很多表演機會也可能錯失、老師選大b做話劇主角也很正常吧，在班中更容易成為被呵護的一個，遇到有愛心的老師更甚，小一要很獨立的了，你叫她們如何適應？媽媽又要搞一大輪幫個女。所以自己諗下啦

作者: creamb 時間: 15-10-20 19:41 標題: 引用：我今日都遇到問題。。我之前講過經過面試

原帖由 JUDYCHAN1221 於 15-10-20 發表
我今日都遇到問題。。
我之前講過經過面試個日就唸住幫女女報n班，今日就去左一間問下啦（呢間我之前係冇報 ...

雖然第一輪可以派曬所有位，但可能有人唔讀，最後搵第二輪的學生候補上去。第二輪嘅機會低啲但又唔係冇可能，始終沒有未停雙非前咁多學生。

作者: creamb 時間: 15-10-20 21:57 標題: 引用：Quote:原帖由+leonanan+於+15-10-19+發表有

原帖由 JUDYCHAN1221 於 15-10-20 發表
其實從來都唔打算比女女做超大b，因我自己當年讀書都係細b(同女女一樣12月），我覺得智力唔係有問題都應該 ...

其實現時出現大B/超大B的原因是甚麼？樓主是須要深究。這不是本身智力的問題，而是整個教育課程是要快且深，又要多才多藝。所以，有得選擇下幼稚園也不想花時間教自理，而是最好是小朋友就已經可以ready to go。這種風氣就是由小學產生，小學時一般就要抄寫默書測驗，只是玩的幼稚園學生就會適應唔到。所以建議樓主了解小學的情況而早作安排，如果唔係到時先發覺有落差就冇時間機會好好調整了。

作者: Spinningaries 時間: 15-10-21 01:24 標題: 引用：Quote:原帖由+JUDYCHAN1221+於+15-10-20+發

原帖由 creamb 於 15-10-20 發表
其實現時出現大B/超大B的原因是甚麼？樓主是須要深究。這不是本身智力的問題，而是整個教育課程是要快且深 ...

講得好好，我見仔仔的N同學相差四個月，分別已經很大，表達能力、自我認知、溝通能力、理解能力都差很遠。大小肌肉發展我就不清楚。而且香港小學咁谷，比小朋友多一年享受下幼稚園生活，未防唔係好事。

作者: 964000 時間: 15-10-21 06:28 標題: 回覆：今日第一間面試，唉。。

所以冇番playgroup係差D，FTM只係對著你一個大人，去公園咁細都冇互動的。

作者: hippogod 時間: 15-10-22 11:03

我個B女歲半時好鍾意同人玩，第一次面試超水準 (因學校想試佢插N班)，結果即刻話想收。到兩歲果期就有分離焦慮，面試情況如頂樓所講，唔肯分開、唔理老師、掛住玩玩具唔肯轉場...好彩有學校收 (WAIT LIST 排到)...近排過咗三歲重試K1面試SO FAR 次次配合過關斬將毫無難度 (無報任何面試訓練但有返一排K1)

面試表現要家長日常落心機經營，心急唔嚟的。

作者: issambony 時間: 15-10-23 08:16 標題: 回覆：leonanan 的帖子

Edb hotline 2891 0088
just call n ask

歡迎光臨教育王國 (/)