教育王國

標題: 大家好 [打印本頁]

作者: angieying1024 時間: 15-10-17 10:55 標題: 大家好

我仔差不多2歲, 尋日上playground校長話仔仔專注力不足, 少eye contact, 又愛玩車和轆, 與同班同學少溝通.一聽到自閉症三個字我感覺好陌生, 但原來我仔已經有這些徵狀, 多謝校長提醒. 本身佢寫信教我地找健康院做評估, 之後我看了這個討論區後先知情況唔可以拖, 政府照排但也最後決定報左step的評估. 整晚我都睡不好, 我會完全接受呢個事實, 只怕將來他被人歧視, 希望評估後盡快找密集式訓練. 其實一星期上一堂夠嗎? 協康出的幾本書你地有無買嗎?

作者: babecat1 時間: 15-10-19 02:09 標題: 引用：我仔差不多2歲,+尋日上playground校長話仔

原帖由 angieying1024 於 15-10-17 發表
我仔差不多2歲, 尋日上playground校長話仔仔專注力不足, 少eye contact, 又愛玩車和轆, 與同班同學少溝通. ...

不用太擔心，小朋友成長過程變化很大的。而且還有妳這正面積極樂觀的態度，小朋友一定可以追上來的，加油

作者: Jolly 時間: 15-10-19 18:44

密集訓練應該是很密集，一星期一次當然唔夠。
唔好驚岐視，做好父母親要做的，接納同關懷佢。連父母都覺得佢係异類，咁就唔駛望其他人接納。
訓練有得學，找書看，去youtube睇，現在資訊都好多。
找找Aba, floor time, sonrise program..... Autism therapy 之類來看。孩子還少，進步空間可以好大。

作者: fandd 時間: 15-10-20 00:42

回覆 angieying1024 的帖子

完全明白你既感受!

但唔好諗咁多住，呢一刻只會越諗越灰，越灰就越驚......況而有不少既個案到最後都無想像中咁嚴重呢！

既然揾咗STEP做評估，就等出咗報告先，睇下嗰度D專家點睇，對囝囝有嘜嘢既建議。你而家所擔心及有既疑問，記得記下，到時直接問專家。

作者: angieying1024 時間: 15-10-23 16:12

STEP評估做了, 輕微, 會接受佢地介紹既小樹苗班, 佢地d姑娘同心理專家好勁, 用左好多方法試, 我都留意到佢地既方法. 之後立即轉介左政府第一次見姑娘先.

作者: topshop 時間: 15-10-23 17:59 標題: 回覆：angieying1024 的帖子

用咩方法試？

作者: angieying1024 時間: 15-10-26 17:03

佢地都係根據本ADR手冊去做, 成個過程佢地做左60mins(設計係45mins), 我地就好似觀眾咁睇住佢地, 小朋友會安排坐在一個角落, 有張椅跟住有張枱圍住佢, 之後佢地會拎唔同既玩具黎測試佢對事物既感覺, 又會間中叫佢同用其他聲音引佢睇佢反應. 令我最感動就係佢地可以令到我小朋友用動作回應(e.g. 舉手, 拍手), 佢地既分析好客觀.

作者: angieying1024 時間: 15-11-12 14:59

返左兩個本星期, 訓練有個人2日, 小組3日, 少玩左車轆, 其實都唔知有咩要留意, 只係希望能夠在親子時間多d溝通及互動, 有好幾次罰佢企, 佢仲笑笑口, 原來佢唔明我地罰緊佢, 唔知係因為佢得2歲未識, 定因為有障礙唔識睇人眉頭眼額, 有時見佢自己打自己, 姑娘話佢因為未懂得發洩所以咁樣, 最嚴重試過一次鬧佢唔俾佢玩(因為佢掉玩具), 佢爆喊, 原來姑娘話佢未知呢樣玩具既真正玩法, 只在尋求掉玩具時既樂趣, 所以我地要仍掉之前stop佢, 盡量引導佢先係正確方法, 佢返playgroup我有教佢分享, 希望從呢一樣可以建立同其他小朋友既關係...

作者: Jcat 時間: 15-11-17 10:56

不要怕, 咁細就發現和正視, 進步會神速的, 你會發現佢既進步好明顯, 佢自己都會好有滿足感. 加油呀!!

歡迎光臨教育王國 (/)