教育王國

標題: 超大b政策問題 [打印本頁]

作者: maomaofafa 時間: 15-10-16 11:09 標題: 超大b政策問題

其實我覺得超大b這個政策很有問題。明明一家學校應該不論大細b都要教得好才算是好學校，但是現在偏偏很多幼稚園不斷把收生年齡提前，變相強迫細b去做超大b才得以入讀一些較好的幼稚園。小朋友明明智力正常，為什麼要推出一些政策去令他們重讀一年呢? 我覺得這樣根本不是幼稚園的實力吧。如果是一間有實力的幼稚園應該不論大細b也能教得好，而不是大部份只收大b，為的就是優化該校升小學的成績。而是應該每個月份的學生也有定額收生，才是真正公平。如果政府可以監管一下這個問題就好了，如有意見歡迎分享。因為眼見有些幼稚園甚至收到提前一年的9月，我覺得根本是有點病態。對其他該年度申請入學的學生也不公平。

利申: 小朋友是細B，已有一間學校收，不會參與超大b這個遊戲

作者: puichingforsure 時間: 15-10-16 11:16

提示: 作者被禁止或刪除內容自動屏蔽

作者: mv_lee 時間: 15-10-16 11:22

回覆 maomaofafa 的帖子

非常同意
利申: 小兒係8月B, 根本就係適齡入學仔, 但被迫好似做超細B咁...IN得幾好都係比學校簡到最尾果批先收...好無奈!!

作者: fatdogman 時間: 15-10-16 11:58

totally agree as I think the policy of super big b is nonsense

作者: Dior8 時間: 15-10-16 11:59

我女係9月細B, 今年K1, 同班有4個係大佢一年既9月超大B, 足足大佢一歲.......唉

作者: oscarwan 時間: 15-10-16 13:19 標題: 引用：其實我覺得超大b這個政策很有問題。明明一

原帖由 maomaofafa 於 15-10-16 發表
其實我覺得超大b這個政策很有問題。明明一家學校應該不論大細b都要教得好才算是好學校，但是現在偏偏很多幼 ...

政府規定pn要足兩歲先可以讀,咁受歡迎ge學校啲細b(九月後生）有啲就又in都冇得in，就算有得in學校都唔想煩唔想收（要等到足兩歳插入去又要重新教過），咁有啲家長想入名幼/龍幼米defer一年再in k1囉，我對超大b冇乜意見，但最好一班最大同最細最好係within一年，入學範圍最好大b11月至細b10月或者大b9月至細b8月⋯

作者: BBQporkpork 時間: 15-10-16 13:31

明白你地o既感受,

不過好多時都係家長自己選擇做超大B

作者: maomaofafa 時間: 15-10-16 14:00

BBQporkpork 發表於 15-10-16 13:31
明白你地o既感受,

不過好多時都係家長自己選擇做超大B

咁都要學校提供這個選擇先會有家長選擇呢條路的。當然家長們咁樣選擇亦無可厚非，但我只是覺得形成一個病態變相細B要做超大B先有更多機會入名幼。真係有料的學校應該要大細都教得好而且給予機會，每個月份也收一些就最好，也可以銜接小學的收生年度。而家搞搞下越收越前，眾所周知小朋友年紀越小年齡差小小也可以好大分別，大部分名幼偏向收超大B或大B，對其他小朋友來說真的很不公平，而且也不能反映學校真正的實力。

作者: maomaofafa 時間: 15-10-16 14:14

oscarwan 發表於 15-10-16 13:19
政府規定pn要足兩歲先可以讀,咁受歡迎ge學校啲細b(九月後生）有啲就又in都冇得in，就算有得in學校都唔想煩 ...

這一系列幼兒園／幼稚園收生政策真的應該好好監管一下，以便銜接小學收生年度。不然的話超大B只會越來越多，而家個趨勢越來越嚴重。明明適齡入學變相因為要遷就政策和社會風氣個個defer/repeat一年，根本本末倒置。

作者: Littlecatta2013 時間: 15-10-16 14:15

本帖最後由 Littlecatta2013 於 15-10-16 16:26 編輯

唔好話名幼，村幼都唔鐘意收細B。就算收，都係得PM OFFER，AM同全日唔收。
我覺得係學校迫到D家長咁決定。

作者: maomaofafa 時間: 15-10-16 14:32

Littlecatta2013 發表於 15-10-16 14:15
唔好話名幼，村幼都鐘意收細B。就算收，都係得PM OFFER，AM同全日唔收。
我覺得係學校迫到D家長咁決定。 ...

對，小朋友晚些月份出世根本沒有錯，細B也可以好叻仔叻女。但偏偏學校們為了費事煩／方便教／提升考小學成績偏向去收超大B或大B，迫啲細B家長要小朋友做超大B，我認為這種做法根本不是教育。

作者: fatdogman 時間: 15-10-16 14:51

maomaofafa 發表於 15-10-16 14:14
這一系列幼兒園／幼稚園收生政策真的應該好好監管一下，以便銜接小學收生年度。不然的話超大B只會越來越多 ...

連D私小/直小都有呢個RULES 喇.....細B真慘

作者: mrsmartie 時間: 15-10-16 16:47 標題: 回覆：超大b政策問題

超細b還好，至少有得選擇。八九月b更可憐吧

作者: hailiepat 時間: 15-10-16 17:21 標題: 回覆：超大b政策問題

好認同
8，9 月B好慘

這個風氣係0米要撹到將來11 12月，或者年頭先好生BB！

作者: Auction 時間: 15-10-16 17:49 標題: 引用：明白你地o既感受,不過好多時都係家長自己選

原帖由 BBQporkpork 於 15-10-16 發表
明白你地o既感受,

不過好多時都係家長自己選擇做超大B

相信大部分家長亦係迫不得矣讓小朋友做超大B，因為呢個遊戲規則係社會汰弱留強造成，完全偏離真正教育，細B被視為問題較多，適應力較弱一批，d名幼點會自己捉蟲。d名幼點解咁名？十間著咗九間係睇升小幾多人入到名小以保聲譽，有幾多係強調小朋友喺學校真正學到d咩常規或者係進步咗d咩？

作者: maomaofafa 時間: 15-10-16 18:03

hailiepat 發表於 15-10-16 17:21
好認同
8，9 月B好慘

我小朋友雖是超細B，不過我們從來不考慮讓佢做超大B。因為幸運地已有幾間學校收了，選了一間來讀就是了。不能認同這個超大B制度，我相信我哋小朋友智力正常，到時真的跟不上再算。同時亦對肯收我哋小朋友的學校感恩，反之對大部分只收大B和超大B的學校有點反感，就算有些家長選擇比小朋友做超大B，也是學校政策迫成。

作者: puichingforsure 時間: 15-10-16 18:08 標題: 引用：我女係9月細B,+今年K1,+同班有4個係大佢一

提示: 作者被禁止或刪除內容自動屏蔽

作者: maomaofafa 時間: 15-10-16 18:09

Auction 發表於 15-10-16 17:49
相信大部分家長亦係迫不得矣讓小朋友做超大B，因為呢個遊戲規則係社會汰弱留強造成，完全偏離真正教育，細B ...

某些學校為保校譽提升考小學成績不斷將收生年齡提前，是否早晚提前到去年6－8月也收？根本病態到不得了。不如索性話今年的BB唔收了只收前年BB吧！有本事的為何不敢收多些細B？有料到的話大細也應該能教的好，考得到好小學，大部分只收大B超大B的學校根本係無料到。

作者: L+H 時間: 15-10-16 18:40

其實不如入學年齡統一至每年9月1曰至下一年8月31日，可以consistence with 學年開始時間，因學校唔願留住個pn位等細b。

利申: 我果個係6月b

作者: oscarwan 時間: 15-10-16 19:01 標題: 引用：其實不如入學年齡統一至每年9月1曰至下一年

原帖由 L+H 於 15-10-16 發表
其實不如入學年齡統一至每年9月1曰至下一年8月31日，可以consistence with 學年開始時間，因學校唔願留住個 ...

唉，有時邊有得講公平呀,小兒八月，話就話有得in,同啲大b比米一樣唔公平，如果唔收超大11/12月，啲細11月又話唔公平，唔收超大9月，細9月話我pn in都冇得in, 個個月都有人生，邊有咁多公平⋯學校理得你咁多，做到佢要求米考慮收你囉，我識唔少同事啲細路11/12月超大b考Kv/sc 都攬抄⋯

作者: maomaofafa 時間: 15-10-16 19:04 標題: 回覆：oscarwan 的帖子

所以應該每個月份出生的也定額收生較好，可避免偏向大部份只收某些月份

作者: oscarwan 時間: 15-10-16 19:20 標題: 引用：所以應該每個月份出生的也定額收生較好，可

原帖由 maomaofafa 於 15-10-16 發表
所以應該每個月份出生的也定額收生較好，可避免偏向大部份只收某些月份

...

名幼demand 係supply 嘅十倍，又要做靚portfolio,邊會諗咁多

作者: L+H 時間: 15-10-16 23:09

其實每一個制度都會唔favour一部分人，有時都係要講d運氣

作者: Cheesepop 時間: 15-10-17 12:55 標題: 回覆：超大b政策問題

香港無論家長定學校嘅教育都好奇怪，大家鬥快贏在起跑線提早俾小朋友入學讀N,
然之後學校又鬥快交深一年成為名校，跟住家長又覺得跟唔上或者想考入名校、比小朋友重讀，轉做大B，好矛盾，沒完沒了

作者: cpychung 時間: 15-10-17 13:18

maomaofafa 發表於 15-10-16 11:09
其實我覺得超大b這個政策很有問題。明明一家學校應該不論大細b都要教得好才算是好學校，但是現在偏偏很多幼 ...

呢個問題你唔可以怪學校，每一間學校其實係有佢既「適齡」範圍，有啲學校其實好在意小朋友入學時到底夠唔夠三歲，佢地會覺得太細個俾個細路上學係對小朋友唔好，某程度上係剝削小朋友發展其它技能，出發點係為小朋友好，當然家長點睇另一回事，另外有啲學校因為其它唔同原因會接受細b去報.....我相信大部份學校其實唔係太贊成唔夠3歲入學，只係細路仔既發展確實個個唔同，如果個細b真係有能力，咁有學校會認為未嚐不可，你或者應該將細b入學當成跳左一級，而唔係將超大b入學當成留一級....

作者: tkinwong 時間: 15-10-17 13:30 標題: 回覆：超大b政策問題

幼稚園全面資助後，可能會處理兩歲八個月還是三歲入學這個問題。但管不到私校

作者: 99dogdog 時間: 15-10-17 14:14 標題: 引用：Quote:maomaofafa+發表於+15-10-16+11:09+

原帖由 cpychung 於 15-10-17 發表
呢個問題你唔可以怪學校，每一間學校其實係有佢既「適齡」範圍，有啲學校其實好在意小朋友入學時到底夠唔夠 ...

非常認同！

作者: maomaofafa 時間: 15-10-17 16:27 標題: 引用：Quote:maomaofafa+發表於+15-10-16+11:09+

原帖由 cpychung 於 15-10-17 發表
呢個問題你唔可以怪學校，每一間學校其實係有佢既「適齡」範圍，有啲學校其實好在意小朋友入學時到底夠唔夠 ...

pn可以咁講，但k1都偏向收超大或大B我就覺得講唔通。因為全部已經係適齡兒童，入學時已夠2歲8個月，附合教育局規定。

作者: cpychung 時間: 15-10-18 09:16

maomaofafa 發表於 15-10-17 16:27
pn可以咁講，但k1都偏向收超大或大B我就覺得講唔通。因為全部已經係適齡兒童，入學時已夠2歲8個月，附合教 ...

我講緊既係k1，你就算問大部份幼教工作者都會答你三歲前唔應該返學，教署訂多幾個月只係照顧真係超班既小朋友，如果你本身小朋友唔係真係咁超班，真係唔需要....好多幼稚園好易就收細b，某程度上係基於商業考慮(當然唔係全部)，始終市場上有一班人有呢個要求....但對細路係咪真係好就見仁見智....

作者: MrBeast 時間: 15-10-18 12:08

撰文:沈帥青
欄名:港是港非

　　有家長圖安排幼稚園低班子女提早一年入小學，惹來網民質疑是否揠苗助長。本港直資小學可收取低班幼童，惟台北曾有經驗，引發家長紛催谷幼童。有校長認為可統一設入學年齡下限，教育局可會考慮？

　　直資小學的招生問題，意外惹來社會關注。名校拔萃男書院附屬小學前日辦小一入學講座，有家長詢問可否為正就讀幼稚園低班的兒子越級報名，校方表示可以。

　　校方也指，家長應循序漸進，不應催迫學童應付面試，又指過往曾有幼稚園低班幼童報讀，最後也不成功，但不少網民認為，教育競爭愈演愈烈，會否有更多的低班學生提早報讀小學？亦有人指，即使學校最終沒有取錄，但家長事前也會安排各種面試班催谷，以提高成功機會，對學童一樣無益。

台灣經驗出現假資優反效果

　　前資助小學校長會主席、曾任油麻地天主教小學（海泓道）校長的張志鴻亦指，該校過往有部分低班的家長要求提早報讀，但都被學校「勸退」。

　　據現行制度，參加小一入學統籌辦法、報考官立或津貼學校的學童，需要年滿5歲8個月。可是，直資學校的收生自主權則較大，沒有明文規定須符合5歲8個月的政策，部分直資會跟隨官津校做法，但亦有部分直資容許低班學生申請。直資收生具彈性，但家長若為求讓子女贏在起跑綫，而要子女提早入學，恐非好事。

　　鄰近本港的台灣，入讀小學的適齡歲數為6歲，台北市就曾為是否容許提早入讀小學有過一番爭議，該市在1987年實施計劃，讓年齡達5歲、鑑定智商為130以上，再經特殊教育中心判定的資優學童，在5歲可入讀小學。

　　但此舉卻惹來意外效果，因家長過分望子成龍，紛紛安排子女接受各項智能測驗，又上各種補習班，冀以達到智力測驗的標準，造成「假資優」的問題，計劃由1987年只有22人申請，至1989年申請人數破千，絕大部分申請者並非資優兒童，令教育局在1990年急急把計劃叫停。

測驗智商未必準恐揠苗助長

　　直至去年，台北教育局再在家長要求下恢復計劃，除了要通過智力測驗，學童亦要參加社會適應測試，證明社交能力達標才可提早入學，但當地輿論亦質疑是走教育回頭路。

　　提早入讀小學的吸引力，惹得不少台灣家長為求達標頻頻出招，對愈來愈注重「贏在起跑綫」的本港家長來說，會否亦產生類似情況？可是，提早入學不代表比較好，09年英國劍橋大學便有報告指，學童在6歲前的心智發展，未足以應付嚴謹課程，故此應只接受遊戲式教育。

　　就算是資優生，也不一定要提早入學，浸會大學教育學系副教授潘玉琼便指，資優生的心理質素、社交能力等層面也未必足以應付「跳級」，勉強跳級可能引致情緒問題。

　　事實上，幼兒教育近年彷彿成為商人眼裏的大商機，昨便有新聞指，本來並非必須的幼稚園學前預備班，成為家長趨之若鶩的幼兒訓練班，數百名家長通宵排隊為子女報讀，情況誇張。

身不由己怕「輸在起跑綫」

　　部分商人瞄準家長緊張心理，制定大量不同種類的幼兒訓練課程，惟成效成疑。臨床心理學家凌悅雯及張正剛日前在本報撰文指，智力主要受基因影響，不宜透過坊間宣稱的IQ訓練班催谷，部分商人聲稱以智力測驗及相關訓練去打造天才兒童，使家長浪費金錢，亦同時為子女製造不必要的「求分」壓力。

　　現時直資校表明幼稚園低班學生就算報讀，也須通過面試，與高班學生競爭並不容易，但亦須留意本港家長會否像台灣家長一樣，大力催谷子女，進行各類智力測試、興趣班等。大部分家長都盼子女可擁有快樂童年，自然不希望催谷子女，但在擔心輸給別人的心理重壓下，家長也「身不由己」，容易肥了商人，但對子女無益，甚至有害。

　　是否容許學生可提早入學，也可引來討論。張志鴻便指，現時教育局所定的適齡歲數（至少5歲8個月）已屬非常寬鬆，若然低於5歲8個月，未適合入讀小學，認為教育局可統一設入學年齡下限，讓直資小學與官津小學的學生，也須適齡入學。

　　古語有云：「小時了了，大未必佳。」人生的旅途上過早發力，並不保證後期的成功，更可能適得其反。家長固然不應揠苗助長，但提早入學亦對家長構成誘因，又或讓家長有一試無妨的心態，若然情況趨普遍，教育局又是否應堵塞缺口？

作者: MrBeast 時間: 15-10-18 12:13

L+H 發表於 15-10-16 18:40
其實不如入學年齡統一至每年9月1曰至下一年8月31日，可以consistence with 學年開始時間，因學校唔願留住個 ...

我都覺得應該取消超細B政策

作者: 貝珠 時間: 15-10-18 14:38 標題: 回覆：超大b政策問題

我支持劃一年齡，一是按年份，又或是以831 為界。唔應該有些人，有兩次機會去考試。最好規定學校每個月份的收生人數平均，咁就公平d

作者: maomaofafa 時間: 15-10-19 10:46 標題: 引用：Quote:maomaofafa+發表於+15-10-17+16:27+p

原帖由 cpychung 於 15-10-18 發表
我講緊既係k1，你就算問大部份幼教工作者都會答你三歲前唔應該返學，教署訂多幾個月只係照顧真係超班既小朋 ...

教署訂多幾個月只係照顧真係超班既小朋友... 有没有資料來源? 真的未聽過。

而且，附合2歲8個月就是適齡兒童是法定，若不在該年度入學而下一年才入學，就會失去小一自行收生適齡兒童果5分。你話未足三歲入學的應只属超班兒童好像不太合附邏輯。況且也不能因此學校就偏收超大B和大B吧? 難道只有他們先有資格讀好學校? 幼園是不是為了整靚profoilo先偏收大B超大B大部份人心知肚明，關細B是不超班才收有何關係? 如果你咁講，即全部開學不足三歳又非超班的學生應該全部留班並且失去自行果適齢5分? 咁不如教局索性規定法定要3歲啦。但佢又無咁做喎。咁幼園又憑咩偏收大有超大B? 應該法定每個月都收而不是為了貪方便/易教/整靚profolio而偏收。

作者: maomaofafa 時間: 15-10-19 10:48 標題: 引用：我支持劃一年齡，一是按年份，又或是以831+

原帖由貝珠於 15-10-18 發表
我支持劃一年齡，一是按年份，又或是以831 為界。唔應該有些人，有兩次機會去考試。最好規定學校每個月份的 ...

認同，要杜絕D學校為了自身利益越收越前

作者: maomaofafa 時間: 15-10-19 10:52 標題: 引用：撰文:沈帥青欄名:港是港非　　有家長圖安排

原帖由 MrBeast 於 15-10-18 發表
撰文:沈帥青
欄名:港是港非

而家無人話要提早一年入小學，只想適齡該年度入學咋。

作者: teambuilder 時間: 15-10-19 10:57

如果程度跟得上，細b大b唔係問題呀，好多7／8／9／10月b考小一都有不錯成績。另想問邊幼稚園唔收k1細b？以我所知九龍塘好幾間私幼都收細b的。

作者: tkinwong 時間: 15-10-19 11:00 標題: 回覆：超大b政策問題

大家唔洗諗到咁複雜。我細個時係六歲讀小一，於是就所有幼稚園都3歲讀K1。但後來唔知點解變左5歲8個月便可讀小一，惟有些學校仍保留3歲為K1入學年齡。便出現了咁多不同的情況。

作者: ensy 時間: 15-10-19 11:52 標題: 回覆：maomaofafa 的帖子

何謂公平？我知學校會用唔同準則考核大細b，細b有少少反應已收，大b要求高好多，咁又公平？何況按月份收生也不公平，因為每月出生率不同，2月得28日，人少d係咪著數d？小學大抽獎都無跟月份喎...

記得之前中學派位男女分隊嗎？就因為＂唔公平＂取消，結果男仔派位差咗好多，又有人話唔公平...

每個制度都有人好似著數d，無絕對公平，而學校又有收生自由，平常心啦，覺得邊間學校無愛心無教學熱誠就唔好報，免得自己勞氣！

作者: yubaby 時間: 15-10-19 11:54

maomaofafa 發表於 15-10-19 10:46
教署訂多幾個月只係照顧真係超班既小朋友... 有没有資料來源? 真的未聽過。

而且，附合2歲8個月就是適齡兒 ...

小一入學適齡係5歲8個月- 7歲, 所以超大B入學 (之前一年10-12出生), 其實不會失去小一自行收生適齡兒童果5分

作者: maomaofafa 時間: 15-10-19 12:13 標題: 引用：如果程度跟得上，細b大b唔係問題呀，好多7

原帖由 teambuilder 於 15-10-19 發表
如果程度跟得上，細b大b唔係問題呀，好多7／8／9／10月b考小一都有不錯成績。另想問邊幼稚園唔收k1細b？以 ...

就算收也不會多。很多名幼始終偏向收超大B和大B

作者: maomaofafa 時間: 15-10-19 12:13 標題: 引用：Quote:maomaofafa+發表於+15-10-19+10:46+

原帖由 yubaby 於 15-10-19 發表
小一入學適齡係5歲8個月- 7歲, 所以超大B入學 (之前一年10-12出生), 其實不會失去小一自行收生適齡兒童果5 ...

謝謝提醒!

作者: maomaofafa 時間: 15-10-19 12:18 標題: 引用：何謂公平？我知學校會用唔同準則考核大細b

原帖由 ensy 於 15-10-19 發表
何謂公平？我知學校會用唔同準則考核大細b，細b有少少反應已收，大b要求高好多，咁又公平？何況按月份收生 ...

的確! 只是不滿某些名幼越收越前，社會風氣鼓吹做超大B才多些機會入名幼。

作者: Dior8 時間: 15-10-19 12:50

puichingforsure 發表於 15-10-16 18:08
我非常讚賞你小朋友，你間學校有九月超大B，一定係熱門學校，而你小朋友以正常時間入讀，亦証明佢好叻！

...

其實我覺得短短幾分鐘INTERVIEW真係能夠判斷小朋友係龍定係虫？我好懷疑.........interview 我覺得當中有好多因素, 小朋友狀態, 心情, 老師眼緣, 運氣.

而我小朋友班入面好多大b & 超大b, 表現真係會比下去.........我唯有平常心, 希望佢有個快樂童年

作者: 天悅 時間: 15-10-19 12:52

我覺得現今幼稚園越教越深,部份名幼更加深,K1下學期已開始寫字,對幼兒發展不利，如果是細B就更難學了

作者: maomaofafa 時間: 15-10-19 12:58

Dior8 發表於 15-10-19 12:50
其實我覺得短短幾分鐘INTERVIEW真係能夠判斷小朋友係龍定係虫？我好懷疑.........interview 我覺得當中 ...

唉，我果個仲衰，12月細B，希望到時跟得到。睇番EK間學校應該教得到細B同埋跟得到。比下去都無辦法，細個啲唔係罪，佢智力正常。真係唔想無啦啦要佢遲一年入學。好彩有學校收，讀著先睇下點。

作者: teambuilder 時間: 15-10-19 12:59

回覆 maomaofafa 的帖子

其實係咪你心儀果間以往收好多超大b所以令你有咁既諗法？例如培正，聖Paul點d？
我始終覺得只係個別學校問題。

作者: maomaofafa 時間: 15-10-19 13:00

天悅發表於 15-10-19 12:52
我覺得現今幼稚園越教越深,部份名幼更加深,K1下學期已開始寫字,對幼兒發展不利，如果是細B就更難學了 ...

應該針對年齡分班，不同年齡教不同適合的課程，配合佢哋發展。不過名幼應該做唔到，因為佢哋收好少細B。

作者: maomaofafa 時間: 15-10-19 13:06

teambuilder 發表於 15-10-19 12:59
回覆 maomaofafa 的帖子

其實係咪你心儀果間以往收好多超大b所以令你有咁既諗法？例如培正，聖Paul點d？

其實我心儀的其中間已經收咗我個仔，好好彩。你知我哋細B呢啲其實無乜選擇。反而係最近同其他家長談論呢個問題，得知原来K1好多名私幼竟然收到前年9月，身邊亦越來越多人因為想入名幼，即使佢哋小朋友係同齡中好叻（我覺得），都選擇去做超大B，就係為咗入果啲專收超大B和大B的名幼，覺得有點可悲。明明智力正常的小孩，因為學校想做好啲個升小成績，就去做超大B配合佢哋，而家竟然攪埋9月出世果啲，我覺得有點過份。因為我覺得一間學校如果係好的，大細都應該要教得好，都要平均地收，而唔係偏收已經發展成熟的小朋友，我覺得果啲學校真的枉稱為名幼。連收多啲細B都唔敢，收晒大的幫自己做成績，根本不是教育罷了。

作者: teambuilder 時間: 15-10-19 13:32

回覆 maomaofafa 的帖子

例如邊間私幼？我個人覺得始終有家長唔讚成小朋友學太深既野，有人選擇做大Ｂ。純個人意見。

作者: maomaofafa 時間: 15-10-19 13:59

teambuilder 發表於 15-10-19 13:32
回覆 maomaofafa 的帖子

例如邊間私幼？我個人覺得始終有家長唔讚成小朋友學太深既野，有人選擇做大Ｂ。純 ...

邊間唔逐點評論了，開這個題目不是想引發個人罵戰。純粹想學校檢討超大B越來越前和普及問題。當然這些都是個人選擇，但須知大部份家長也是想小朋友入名校，因為對考小一有利罷了，所以才會選擇做超大B來增加機會。像我這種的是不會玩這個遊戲，純粹是因為我不認同就為了入那些絕少收細B的名校而讓自己的小朋友repeat。當然更大原因是因為小朋友已有學校收，就不用那麼擔心。

作者: MrBeast 時間: 15-10-19 18:38

maomaofafa 發表於 15-10-19 13:59
邊間唔逐點評論了，開這個題目不是想引發個人罵戰。純粹想學校檢討超大B越來越前和普及問題。當然這些都是 ...

大細B這個標題跟本就很有爭議性，由我join ek 每年都討論好幾次。
我選擇轉做大是因為在happy kg做細跟唔到課程，另有一好友就堅決做細，大抽獎入了一間她覺得輕鬆的津校但也跟得十分辛苦，當然身邊亦有成功細B例子，一些forward thinking 的父母見到自己不是出類拔萃的，一早選做大，可能只是不想子女跟得辛苦，失去學習興趣和自信，並不是如你所說just to be more competitive.

正苦比選擇市民，你自己prefer做細但反對其他人做大，在下覺得少少魚旦論law.

至於學校收生，只會選佢地覺得最適合的學生，唔會理大定細，若turn out 大B機會高d，這不是學校問題呢。

作者: maomaofafa 時間: 15-10-19 19:12

MrBeast 發表於 15-10-19 18:38
大細B這個標題跟本就很有爭議性，由我join ek 每年都討論好幾次。
我選擇轉做大是因為在happy kg做細跟唔到 ...

請問我幾時反對其他人做超大？我由頭到尾都係講啲學校搞超大B政策為咗boost自己學校升小成績，我亦都有話家長選擇做大係個人選擇，幾時有反對過？同時，我不認同學校收生不理會大定細，事實上很多學校的確偏向收大B或甚至超大B因為易教／方便／考小學好啲等等原因，很多家長亦知道係咁所以先比個小朋友去做超大。我由頭到尾亦都冇話過做超大係just to be more competitive喎，各人有各人理由，但係歸根究底係因為學校比呢個選擇家長先會有人可以作出呢個選擇。

作者: cpychung 時間: 15-10-19 23:36

maomaofafa 發表於 15-10-19 10:46
教署訂多幾個月只係照顧真係超班既小朋友... 有没有資料來源? 真的未聽過。

而且，附合2歲8個月就是適齡兒 ...

OK....呢度係資料來源
http://www.edb.gov.hk/mobile/tc/20131113105827.html

自己睇啦.....quote 埋裡面嗰句俾你，亦解釋點解教育局建議 3歲後入學但亦接受2歲8個月安排既原因...

「三歲的幼兒在身體及心智發展方面普遍達到一定成熟的程度，所以兒童足三歲才入讀幼稚園，是比較理想的安排。由於社會人士一般都希望兒童入讀幼稚園和小學的年齡可以互相配合，故由2001/02年起，兒童入讀幼稚園的最低年齡放寬為兩歲八個月。」

作者: puichingforsure 時間: 15-10-19 23:52 標題: 引用：Quote:MrBeast+發表於+15-10-19+18:38+大細

提示: 作者被禁止或刪除內容自動屏蔽

作者: maomaofafa 時間: 15-10-20 01:12

cpychung 發表於 15-10-19 23:36
OK....呢度係資料來源
http://www.edb.gov.hk/mobile/tc/20131113105827.html

好的，謝謝你。老實說我不反對3歲才入學，然而教局決定配合小學入學年齡對我來說也沒有問題。我只是不滿很多幼稚園不斷把收生年齡推前，超大B收到去上年9月罷了，使收生範圍廣闊至16個月之寬，這個差距普通人也知道對小孩子來說是極大的。實際上為何要錄取超大B也是一個疑問。既然教局已經決定2歲八個月可以入學K1，幼稚園收生標準就應該只指定該年度的學生才能報名入學。錄取超大B這種決定只會令家長認為做超大B會更多機會入讀名幼，而事實亦的確如此。隨著更多人選擇做超大B，亦令其他適齡學童的入學機會更微了。我覺得這種風氣不好，就算即使某些學校不願收未滿3歲的兒童入學，也不必不斷把超大B的收生年齡推前吧？除了可以增強他們升小profolio還有什麼好處？他們偏向錄取越大年紀的學生亦是事實。教育應該是有教無類，但是我現在看見的是年齡選拔賽。

作者: maomaofafa 時間: 15-10-20 01:35

puichingforsure 發表於 15-10-19 23:52
我都覺得樓主冇反對人做超大，上面位人兄可能誤會了，又或者對自己選擇了小朋友做超大而覺得被冒犯，不過我 ...

謝謝這位媽媽。的確我是認為制度出現了問題才開始這個討論。然而有這種制度存在就會有人選擇去實行，這是沒有問題的，每個人都有選擇權，有問題的是制度。如果學校能一視同仁收生，並且制定適當課程給不同的學生們，就不會有這種問題。試問如果心儀學校收了小朋友，難道還真的會刻意去做超大B再戰嗎？偏偏很多名幼根本是歧視細B，絕大部分是不會考慮錄取，和超大B及的大B的機會根本不均等。學校沒有能力教育細B，反之間接地催谷他們做超大B符合學校的要求，根本是本末倒置。我覺得如果沒有監管，或者指定只限該年度收生（12個月為限）入學，這種情況只會越來越過份。現在很多名幼的收生距離已經變成16個月（去年9月到本年12月），早晚變成18個月，20個月，為的就是滿足學校們的名幼頭銜，搶先取錄年長生來增強學校考小一時的實力。很老實，以這種幼稚園的營運心態，就算把入學年齡改回3歲也不會有分別。他們還是會有藉口隨意延長收生距離，因為「冇王管」。

作者: ensy 時間: 15-10-20 09:07 標題: 回覆：maomaofafa 的帖子

理性討論一下吧！首先我覺得要一間學校設計不同課程分別給大細b不太可行，要很多額外資源配合，何況，坊間幼稚園課程各有不同，有深有淺，家長另選學校好了，何必要求學校有幾套課程？

而名幼，尤其部分標榜函接小學的幼稚園，程度一般較深，可能真的只有一小撮發展超前的細b可以跟到。實力一般的超大b和大b也未必能應付，又何況開學未足3嵗細b？

就算禁止超大b，12月31日出生的小朋友一樣未必可以入名幼。除非全港小學課程變淺，幼稚園生只需玩玩玩，否則這一問題其實無法解決。

作者: Charlie妹 時間: 15-10-20 10:06 標題: 回覆：超大b政策問題

我都覺係有些不健康，有些幼稚園教深一年，但又收超大b, 或大b, 其實一條數，辛苦的是中或細b. 所以我決定俾細女做超大b, 不想她追得太辛苦。我大女係中b, 因有很多大b同學，成日俾老師打嚟話其他同學已識xxx, 佢仲未識喎。

作者: teambuilder 時間: 15-10-20 11:10

回覆 Charlie妹的帖子

係，所以回應番樓主建議，如把收生年齡硬性收窄，即12月只可做細b, 你既選擇只會小左。另外，事實上係大部份幼稚園都唔會淨係收大b, 我女果班跨年大b只得一個半個咋。我小朋友都選擇了做12月大b, 但她的能並沒有高過其他小朋友;如果局住要佢做細b佢會好辛苦。

作者: chopin999 時間: 15-10-20 13:18 標題: 回覆：超大b政策問題

CCKG未好囉，只收個一年度小朋友，另外，協恩幼稚園都係，只收個一個年度嘅女生。

作者: 貝珠 時間: 15-10-20 13:53 標題: 回覆：chopin999 的帖子

Agree

作者: maomaofafa 時間: 15-10-20 15:16

teambuilder 發表於 15-10-20 11:10
回覆 Charlie妹的帖子

係，所以回應番樓主建議，如把收生年齡硬性收窄，即12月只可做細b, 你既選擇只會 ...

其實我不介意選擇少了，因為作為細B其實輸蝕的只是肌肉發展同學習時間差距，腦部發展大細B其實沒什麼分別。他們的分別在於大B多些時間學習，已經吸收了多些知識罷了。肯收多啲細B的學校反而可以照顧到細B，會付出更多耐性教育他們。回想以前自己做細B也沒有什麼不利，學習上也可以好過其他年紀大的孩子。以前都沒有超大B這回事，真的跟不上才會被學校要求留班。因為如此下去只怕超大越收越早，對其他小孩不利。可能你間學校較好，之前爬文見有些家長說班裏超過一半是超大B，我覺得這樣真的不太好，真的是剝削了其他小孩的機會。很多小孩，就算面試全答對了，不是大B就不會收，那些家長們又該如何自處。

作者: maomaofafa 時間: 15-10-20 15:26

本帖最後由 maomaofafa 於 15-10-20 15:37 編輯

ensy 發表於 15-10-20 09:07
理性討論一下吧！首先我覺得要一間學校設計不同課程分別給大細b不太可行，要很多額外資源配合，何況，坊間 ...

我始終認為，一間好學校，真的大細也要教得好才是有實力的學校，大細也要教得到入好的小學。超大B的政策不但削弱細B的入學機會，甚至連中B的機會也漸漸剝削。而家啲學校越收越前，說是課程深不適合年幼的孩子，多麼冠冕堂皇的藉口。而家收到上年9月，即是前年9－12月才是大B，今年的1－4月也變成中B了，5－8就是細B，9－12就是難以有丁點機會的超細B。這樣的發展真的健康嗎？他們不斷越收越早，然後就叫細B們去其他學校吧，我們學校不適合你，不然你做超大B才跟得上。這樣算是教育？老實說我真的不能苟同。別忘了實際上該年度出生的是附合小學入學年度的適齡生，他們只是出生晚一點，沒有必要為了配合學校自私的制度去重讀的。

作者: maomaofafa 時間: 15-10-20 15:37

Charlie妹發表於 15-10-20 10:06
我都覺係有些不健康，有些幼稚園教深一年，但又收超大b, 或大b, 其實一條數，辛苦的是中或細b. 所以我決定 ...

就是變相要家長遷就學校，根本本末倒置。根本名幼選學生，看資質是沒有問題，但不應該看年紀來收。教得到大細也教得到，而不是只教到大教不到細。

作者: maomaofafa 時間: 15-10-20 15:40

chopin999 發表於 15-10-20 13:18
CCKG未好囉，只收個一年度小朋友，另外，協恩幼稚園都係，只收個一個年度嘅女生。

...

有料到的學校收大細B對他們來說沒有分別，因為佢哋識教。

作者: teambuilder 時間: 15-10-20 15:41

回覆 chopin999 的帖子

咁對於細b係好咩？我完全唔同意！

作者: hippogod 時間: 15-10-22 12:07

望下小學學額得六萬幾七萬
而龍兔B 兩年加埋十八萬新生要三年至可以完全消化 (咁蛇年果五萬幾唔駛讀? 咪又要分流一部份去馬年...)
成個局係默許將部份需求分流去其他年度調節小一入學需求

到高峰期呢批上晒去只會殺校唔會加額搞小班的

作者: TheaHong 時間: 15-10-22 12:59

回覆 maomaofafa 的帖子

到考小一，你便明白點解要收超大b。

作者: lifeishappy 時間: 15-10-22 22:33 標題: 回覆：Littlecatta2013 的帖子

有學校唔收大b的

作者: joeyheehee 時間: 15-10-22 23:42

超大B如果咩都唔識咪一定收呢？只不過大B可能識多D！呢D學校只不過係要求父母自己教！最好就咩都識！

作者: ILOVEBEAN 時間: 15-10-23 08:04

回覆 maomaofafa 的帖子

你首先要攪清一點係而家所謂既超大B（所謂前一年9-12月出生）其實根本係係教育局指定內的"適齡兒童". 好多國際學校都將收生標準定為9月至8月尾出生. 所以所謂超大B根本無超大，係適齡. 只不過有好多名幼將收生標準擴濶. 收生由9月至下一年的12月. 即擴濶了所謂超細B嘅機會. 咁仲唔滿意？一句講哂有人抱怨只不過自己個B考唔到"心儀學校". 咁咪有怨言. 既然有不滿覺得學校收生不公，咁點解唔遲一年先入學（唔係Repeat). 咁咪無得怨！
當然有啲學校嘅Birth cut-off 係1-12月（The calendar year).

同咪事實都好多超細B好醒同成熟. 我相信學校唔會一見月份細就唔收.

作者: Penipony 時間: 15-10-23 11:01

ILOVEBEAN 發表於 15-10-23 08:04
回覆 maomaofafa 的帖子

你首先要攪清一點係而家所謂既超大B（所謂前一年9-12月出生）其實根本係係教育局 ...

呢個世界冇可能有一件事係全部人都覺得公平。我地要改變嘅只有自己！既然覺得名幼為左做靚小一入學而唔收細B，咁一係唔揀呢D違背「有教無類」嘅學校，一係較啱時間生個名幼鍾意的大B。
利申：我女係最受影響嘅龍年中B。

作者: tam_bb 時間: 15-10-23 11:45 標題: 引用：回覆+maomaofafa+的帖子你首先要攪清一點

原帖由 ILOVEBEAN 於 15-10-23 發表
回覆 maomaofafa 的帖子

你首先要攪清一點係而家所謂既超大B（所謂前一年9-12月出生）其實根本係係教育局 ...

Agree!! 所謂既超大B（前一年9-12月出生）其實根本係係教育局指定內的"適齡兒童"

作者: tam_bb 時間: 15-10-23 11:47 標題: 回覆：超大b政策問題

其實我贊成適齡入學，收生由上年的9月1日至本年的8月31日。避免了很多尷尬或者家長覺得不公平的情況。

作者: cameo 時間: 15-10-23 11:50 標題: 引用：Quote:ILOVEBEAN+發表於+15-10-23+08:04+回

原帖由 Penipony 於 15-10-23 發表
呢個世界冇可能有一件事係全部人都覺得公平。我地要改變嘅只有自己！既然覺得名幼為左做靚小一入學而唔收細 ...

認同！

既然學校方向一早已不合自己，都唔應該揀佢。

所謂有教無類真係見人見智，如果話好學校可以大細B都教得好，咁係咪取消埋面試最好？好學校係乜b都教得掂！

我2個都係大仔大女，事實我冇報名校，唔覺有影響，反而小朋友友面試表現最為現實。

作者: cpychung 時間: 15-10-23 14:49

本帖最後由 cpychung 於 15-10-23 14:51 編輯

tam_bb 發表於 15-10-23 11:47
其實我贊成適齡入學，收生由上年的9月1日至本年的8月31日。避免了很多尷尬或者家長覺得不公平的情況。

...

贊成，其實可以考慮只有呢個年齡既小朋友先俾學券，細b讀係可以但就冇左幾個月既學券，相信如果咁樣安排既話，就好清楚話到俾人知其實小朋友係要足三歲讀k1先係對佢地最適合...到時就唔會有超大b既問題，家長亦會更正視細b讀k1到底係咪真係適合

作者: fabsum 時間: 15-10-26 14:44

maomaofafa 發表於 15-10-20 15:26
我始終認為，一間好學校，真的大細也要教得好才是有實力的學校，大細也要教得到入好的小學。超大B的政策不 ...

其實伱要睇番成個教育局指引, 係細B早考一年,而吾係超大B遲考一年
名幼跟足規定何錯之有呢?

歡迎光臨教育王國 (/)