教育王國

標題: 點解幼兒園老師可以甘處事 [打印本頁]

作者: tingting501314 時間: 15-10-15 23:52 標題: 點解幼兒園老師可以甘處事

仔仔兩歲兩個月大，今日係學校比人咬左三大啖，到家下都未散(應該幾日先散)班主任回覆係因為佢地打交爭野玩! 但點解會無老師即時見到叫停分開佢地？要咬到第三啖先發現？仲要話係好少事，成日發生！甘姐係可能聽日又有同學仔會比其他同學咬？
姐姐接放學時老師特然比張野佢簽，佢唔識睇中文，老師又無解釋比姐姐聽，只係同姐姐講話會話返比家長知，叫姐姐簽左佢，姐姐又相信老師唔會講大話，所以簽左⋯⋯甘其實個張係咩野？
姐姐再問老師邊位同學咬仔仔，又唔肯講，話要保障引，甘點解上次有同學送生日禮物比仔仔時佢地又肯話比我知同學仔個名
家下啲幼兒園老師甘做野都有？如果個個係佢個仔唔知會唔會一樣係甘

作者: eltonmi 時間: 15-10-16 00:07 標題: 回覆：tingting501314 的帖子

我個仔都試過俾同學仔咬爆左個咀。食左五日抗生素，我明白學校唔想透露其他小朋友的名，可以理解，佢無啦啦叫姐姐簽野反而有問題，不過姐姐不是監護人，簽了都應該無效。反而我覚得你可以留意下小朋友有冇抗拒返學和教佢自己保護，仲有間學校你放心交個小朋友給他們幾小時嗎？

作者: tingting501314 時間: 15-10-16 00:13

eltonmi 發表於 15-10-16 00:07
我個仔都試過俾同學仔咬爆左個咀。食左五日抗生素，我明白學校唔想透露其他小朋友的名，可以理解，佢無啦啦 ...

老師處理手法好有問題，仲要係三啖後先知，唉！唸緊唔讀好唔好，但頭先問仔仔聽日返唔返學佢都話返，所以等學校比返個解釋我再考慮

作者: eltonmi 時間: 15-10-16 08:33 標題: 回覆：tingting501314 的帖子

嘗試同老師主任理解下當時情況和了解他們如何處理，如果小朋友還喜歡返學，至少小朋友沒心理障礙。了解多啲再決定下一歩吧

作者: tingting501314 時間: 15-10-16 08:43 標題: 引用：嘗試同老師主任理解下當時情況和了解他們如

原帖由 eltonmi 於 15-10-16 發表
嘗試同老師主任理解下當時情況和了解他們如何處理，如果小朋友還喜歡返學，至少小朋友沒心理障礙。了解多啲 ...

老師們甘本睇唔到整個發生，因為我問邊個開始先佢話probably your son...probably 姐係唔知啦。仲立即話小朋友係甘。
我再同個老師講如果我們仔開始先，有無叫佢say sorry,佢話甘細個就算叫佢say sorry,佢都唔會知自己講咩！咩先生黎架？兩歲唔係無性架，點會唔知，唔知更加要教，何況我知我個仔係識
整件事真係好有問題

作者: tingting501314 時間: 15-10-16 08:43 標題: 引用：嘗試同老師主任理解下當時情況和了解他們如

原帖由 eltonmi 於 15-10-16 發表
嘗試同老師主任理解下當時情況和了解他們如何處理，如果小朋友還喜歡返學，至少小朋友沒心理障礙。了解多啲 ...

作者: 964000 時間: 15-10-20 16:28 標題: 回覆：點解幼兒園老師可以甘處事

咬人老師睇吾到架，通常太快。總之有咁嘅同學真係大家都吾好釆。

作者: konew720 時間: 15-10-22 19:00 標題: 引用：仔仔兩歲兩個月大，今日係學校比人咬左三大

原帖由 tingting501314 於 15-10-15 發表
仔仔兩歲兩個月大，今日係學校比人咬左三大啖，到家下都未散(應該幾日先散)班主任回覆係因為佢地打交爭野玩 ...

小朋友打交，點解需要簽野？
有冇問學校果張野係咩？
發生咁既事，老師同學校唔係應該教返小朋友要點，我反而覺得佢地係盡量推卸責任。
邊間學校？

作者: Evachau 時間: 15-10-23 07:57 標題: 引用：Quote:原帖由+tingting501314+於+15-10-15+

原帖由 konew720 於 15-10-22 發表
小朋友打交，點解需要簽野？
有冇問學校果張野係咩？
發生咁既事，老師同學校唔係應該教返小朋友要點，我反 ...

囝囝昨天等放學時與同學玩，之後俾同學咬手指，班主任打電話俾我，講了經過和事後處理，話有張意外報告叫我簽名，校長個仲同校車保姆講，等我去接校車時，保姆又再講多次俾我聽，我同老公都覺得學校處理好好！

作者: ChanPlumpy 時間: 15-10-23 18:15

其實小朋友咬其他小朋友或打交的情況確實常出現，
因為一個老師未必睇得晒咁多小朋友，
老師們都不想發生的，
但最重要是老師的處理方法，
這樣說謊的行為實在對學校太大影響。

作者: Saboc 時間: 15-10-24 11:33

咬咗3啖先發现係有睇漏波之嫌。之後点處理都不能令家長滿意。但我想知道為何想知咬人同學名字

作者: asterion 時間: 15-10-24 20:52

請問係邊間幼稚園?

作者: tingting501314 時間: 15-10-26 21:47 標題: 引用：咬人老師睇吾到架，通常太快。總之有咁嘅同

原帖由 964000 於 15-10-20 發表
咬人老師睇吾到架，通常太快。總之有咁嘅同學真係大家都吾好釆。

隻手仲魚左幾日，唉

作者: tingting501314 時間: 15-10-26 21:48 標題: 引用：請問係邊間幼稚園?

原帖由 asterion 於 15-10-24 發表
請問係邊間幼稚園?

英x

作者: tingting501314 時間: 15-10-26 21:50 標題: 引用：Quote:原帖由+tingting501314+於+15-10-15+

原帖由 konew720 於 15-10-22 發表
小朋友打交，點解需要簽野？
有冇問學校果張野係咩？
發生咁既事，老師同學校唔係應該教返小朋友要點，我反 ...

我即晚email校長，第二日都無回，要我親自打去約校長，先有人理我

作者: tingting501314 時間: 15-10-26 21:51 標題: 引用：Quote:原帖由+konew720+於+15-10-22+發表小

原帖由 Evachau 於 15-10-23 發表
囝囝昨天等放學時與同學玩，之後俾同學咬手指，班主任打電話俾我，講了經過和事後處理，話有張意外報告叫我 ...

嘩，好有交帶，學校應該係甘，仲要係幼稚園

作者: tingting501314 時間: 15-10-26 21:55 標題: 引用：其實小朋友咬其他小朋友或打交的情況確實常

原帖由 ChanPlumpy 於 15-10-23 發表
其實小朋友咬其他小朋友或打交的情況確實常出現，
因為一個老師未必睇得晒咁多小朋友，
老師們都不想發生的 ...

我都係甘應為！
自從我同學校傾完後，個鬼佬班主任唔再理我個仔！
平時好中意撩我個仔，姐姐話家下仔仔放學同佢講bye bye 都無反應啦

作者: tingting501314 時間: 15-10-26 21:56 標題: 引用：咬咗3啖先發现係有睇漏波之嫌。之後点處理

原帖由 Saboc 於 15-10-24 發表
咬咗3啖先發现係有睇漏波之嫌。之後点處理都不能令家長滿意。但我想知道為何想知咬人同學名字 ...

因為仔仔有講邊個咬，想知有無講大話

作者: Eskridge 時間: 15-10-26 21:58 標題: 回覆：tingting501314 的帖子

本帖最後由 Eskridge 於 15-10-26 23:37 編輯

唔好意思，忍唔住出聲，其實我唔覺學校有問題，小朋友呢個階段未識與人相處及出現推撞甚至打交而有損傷真係好平常，小朋友動作快真係會㯲唔切(自己做阿媽都未必㯲得切啦，咬完一啖邊諗到佢會咬第二三啖啫，有d小朋友可以好冷靜咁用呢個方式去表達抗議，尤其未懂好好用語言去表達的小朋友），重點係在小朋友發生問題後老師對佢地嘅教導及糾正，及通和家長的方法

為何你要老師開名？是要追究還是要標籤咬人的小朋友? 所有正常嘅學校都唔會開名㗎，有敎無類，有好多小朋友有呢d唔好嘅行為只是好短暫的過度階段，唔好標籤佢地啦，加上不知前因只見後果...

簽名都係好正常，若小朋友有損傷(包括自己跌傷),有制度的學校都會通知家長一方,簽名只是確認巳知悉小朋友受傷一事 (並非免責聲明), 一般由接放學的照顧者簽名便可，因老師係直接通知佢，目的係希望家長一方事後跟進幼兒心理狀況及留意傷口情況

建議樓主多與老師溝通，集中了解事後如何教導及糾正行為或如何處理被咬小朋友的心理輔導問題或通知情序等，而不要只怪老師來不及阻止小朋友的行為問題(縱使理解自己兒女受傷必定心痛）,否則去到邊間學校也是一様，最終變成學校眼中的問題家長投訴家長

作者: tingting501314 時間: 15-10-26 22:55 標題: 引用：+本帖最後由+Eskridge+於+15-10-26+22:04+

原帖由 Eskridge 於 15-10-26 發表
本帖最後由 Eskridge 於 15-10-26 22:04 編輯

唔好意思，忍唔住出聲，其實我唔覺學校有問題，小朋友呢個 ...

可以叫菲律賓人簽中文通知書的？因為簽既時候無解釋係簽緊咩野，所以覺得好奇怪。

作者: Eskridge 時間: 15-10-26 23:33 標題: 回覆：tingting501314 的帖子

本帖最後由 Eskridge 於 15-10-26 23:46 編輯

咁姐姐有冇同你講老師話小朋友受傷? 你姐姐從老師口中得知受傷一事又講返比你聽咁即係巳通知了家長一方所以要簽囉，下次叫姐姐要求寫返幾隻英文字再簽又得....

不過你今次搞大左，去到校長到...你都係轉校吧，因為班主仼會覺得你唔信佢唔尊重佢而拒絕同佢直接溝通走去搵校長，班主仼甚至會覺得少接觸你個囝為妙，可能唔敢鼓勵其他小朋友同佢玩，免得又被投訴
我只係以事論事，班主仼都係普通人打工仔，佢對你囝囝事後反應冷淡應該係在你向佢上級投訴的預計在之內吧

作者: 綠林仙子 時間: 15-11-3 00:39 標題: 回覆：點解幼兒園老師可以甘處事

提示: 作者被禁止或刪除內容自動屏蔽

作者: ckat 時間: 15-11-4 12:03

小朋友爭野玩，郁手郁腳勁常發生。

我女都試過，老師係唔會開名，俾你知邊個小朋友又點。

歡迎光臨教育王國 (/)