教育王國

標題: 一條龍學校類型，以及有呈分/沒有呈分既龍校學生升中分別 [打印本頁]

作者: hkpapa852 時間: 15-10-12 11:17 標題: 一條龍學校類型，以及有呈分/沒有呈分既龍校學生升中分別

本帖最後由 hkpapa852 於 18-1-18 12:28 編輯

關於有呈分/沒有分學生在升中的一些分別, 其實多數只有高小家長先留意, 但其實我認為選小學前就應留意了.
所以想了一會, 還是決定把此題目放在小一選校版

大家可能有聽過有小學會為學生作升中呈分, 有部份郤沒有, 那其實學生有沒有呈分, 在升中上有何分別呢? 以下係早前找教育局主任查詢過而確認的一些資料:

1. 甚麼叫"呈分"
所謂呈分, 係指該小學會將學生校內既成績, 按教育局要求呈上教育局的"呈分系統", 用作為學生排全港性次第, 以及統一派位時為學生分Banding之用. 有呈分的學校, 會為學生呈交三次成績, 分別是小五下學期一次, 小六上學期至學校中的兩次, 合共三次.

教育局對小六畢業生升中年度會以"呈分年度"來稱呼, 因為呈分跨越兩個學年, 所以官方對小六畢業生升中年度一般係以"跨年度"嚟稱呼, 如2013-2015, 即呈分年度為2013-2014 (小五)和2014-2015(小六)的小學畢業生. 不過多數學校為了讓一般家長易於理解, 通常只以畢業年度來稱呼.

2. 有呈分既學生既升中安排
除了國際學校, 香港9成以上既小學, 都會為學生呈分.

有呈分既學生, 教育局小六時會為學生發出一份學生資料表, 該學生在自行階段報考兩間官津中學, 直資/私立中學時, 都要提供此文件的影印本予相關中學. 一般學生報考的中學, 會按學生資料表中既資料, 再向教育局查詢學生既全港性次第, 作為部份評分 (學業成績), 或決定是否給予學生面試既機會.

到了統一派位階段, 教育局會把有呈分學生既統一派位表格, 透過學生就讀既小學派予小六學生. 學生需於指定時間交回就自己就讀既小學.

有呈分既學生, 如考獲直資, 便需將學生資料表交予該直資中學, 該中學便會於5月將收生名單交予交教局. 名單中有遞交學生資料表的學生, 將會被教育局在統一派位中除名.

另外, 因直資中學公佈結果時間不同, 如有學生考獲多於一間直資中學, 學生必須決定要選那一間, 因為註冊必需提交學生資料表正本, 所以只能註冊一間直資中學. 如學生註冊某直資中學後轉去註冊另一間, 學生必需將向已註冊的直資中學, 取回學生資料表才能註冊另一間. 不過升中版有會員分享, 部份直資中學收咗份學生資料表後, 即使要求亦不會發還學生資料表, 即係變咗你無得改變主意 .... 呢個情況教育局係唔會理, 所以自己小心D, 早D睇下舊帖查吓邊D學校會咁做.

所以, 係升中機制上, 有呈分既學生不能同時在多間直資中學留位. 不過, 如果是註冊私立中學, 並沒有限制. (目前除國際學校外, 香港的私立中學推行傳統學制考DSE的, 只有國際基督教音樂中學)

3. 沒有呈分既學生既升中安排
國際學校的學生, 或少部份私立, 直資小學既學生, 係屬於呢一類.

沒有呈分既學生, 照樣可自行階段報考兩間官津中學, 或直資/私立中學時; 但因為沒有由教育局為學生發出既學生資料表, 中學沒法查出學生既全港性次第比較, 在報考時可能會較蝕底, 尤其係那些主要以成績決定取錄學生如否的學校 (如QC，張祝珊，曾肇添等)。

因為學校不為學生呈分, 所以學生不會收到統一派位申請表, 如學生要參加派位, 必需親自到教育局登記. 但因為學生沒有呈分, 會被分類為"The Special One" (呢個名係我自己作咋!). 學生既學位分配只會在所有有呈分既學生完成後, 才從餘下既學位中排安一個比佢 (咁一定係B3中既B3囉!). 所以其實唔可以算係參加統一派位.

咁睇落, 沒有呈分既學生, 全無好處喎! 我最初以為係, 直到最近查証, 有以下重大發現:
1. 因為學生沒有呈分, 沒有學生資料表, 所以如果有直資中學取錄時, 他不用遞交此文件; 如有多於一間直資中學取錄, 學生係可以同時Hold住學位
2. 因為教育局本身沒有將呢類學生納入為"使用資助學位"既人, 所以學生即使在註冊直資中學以後, 仍然可以等自行結果, 或者"大抽獎"既結果 (呢個應該無乜人有興趣想知....)

其餘相關帖子/討論:
邊個小學網/中學網好? 同埋其實升中派位係點嫁?
淺談小學升中學生如何分Banding
升中轉網係呈分上既分析(#21, #22)
小學升中分Banding機制: 弱勢學校的困局
小學升中派位分Banding的解說

作者: hkpapa852 時間: 15-10-12 11:17

本帖最後由 hkpapa852 於 18-11-19 08:17 編輯

當初找出沒有呈分學生既"好處", 全因有在沒有呈分讀既直資一條龍中小學既家長, 講咗一樣我認為唔該發生既事情, 最後走去教育局查証, 發現原來以前自己對沒有呈分學生"認為"既升中安排, 並非事實之全部.

係呢度又講下有呈分/沒有呈分既學生係唔同"類型"既一條龍中小學升學係會點:

1. 資助一條龍中小學 (即津校, 如St Mary)
呢種係唯一受教育局規管既一條龍學校, 係直升方面亦係彈性度最低既一類.
呢種一條龍學校既小學, 一定會幫學生呈分, 學生可選直升(無條件)或放棄直升. 不過, 如果選擇直升, 就連"報考"自行, "報考"直資中學都唔可以, 否則就會當你放棄直升.

2. 一條龍中小學: 中學部為直資, 小學部有為學生呈分 (如港同, 播道)
呢D其實只係參照教育局一條龍辦學模式運作既學校, 並不受教育局規管.
和津校既一條龍學校相比, 相似地方包括: 中學部必定有足夠學位收取所有小學部學生再加收15%或以上既外校生, 小學部學生可以優先直升
不相似地方: 唔保証學生可100%直升, 有限制地直升 - 如學生的操行和成績必須達某標準才可以直升
此類學校就讀既學生, 如簽了直升協議 (即將學生資料表交回龍中), 等於放棄自行和統一派位; 不過可以繼續等其它直資中學結果.

3. 一條龍中小學: 中學部為直資/私立, 小學部沒有為學生呈分 (如St Paul Convent, 王錦輝)
和第2類相似, 唯一優勝之處, 因為學生沒有呈分, 即係簽咗直升協議後, 可繼續等自行和其它直資中學結果, 再決定要那一間學校既學位. 不過因為學生沒有呈分, 中學沒有學生既全港性次第會唔會蝕底D, 呢樣要自己考慮吓了!

關於選擇龍校小學部的個人意見:
- 選擇龍小，最好諗清楚龍中係咪自己杯茶，如果只因為有中學backup而入讀，諗住升中進可敢退可守，其實個人認為呢個概念係錯既。

- 各類龍小學生升中有咩好壞，上文已講過，但如果家長一心唔想升上中學部，其實仲有一個係有呈分既龍小學生會遇到既問題之前無提過，就係: 龍小學生各Banding分佈如何呢？因為龍校大多數學生直升中學，學校多數都不會公開升中派位既資料，外人根本無法估計佢地學生Banding。（如果有中學部每年既Pre-S1成績，都勉強可估吓）

係咁既情況下，如果真係諗住升中時可以騎牛搵馬，除非學校願意配合話你知大約係咩Banding，否則 ...... good luck!

- 中學有B1水平既直資龍小既B1學生會唔會多D? 老實講，真係唔知。需知道如果學校期望學生係一讀就讀到中學畢業，會否重視學生能否考好Pre-S1去提升學校B1學生既比例呢？(中學部係B1津校既龍小B1學生比例一定唔會低, 否則中學部無辦法做到全英中)

津貼一條龍中小學名單:
http://www.edb.gov.hk/tc/edu-system/primary-secondary/applicable-to-primary-secondary/through-train/sch-list.html (EDB每年9月會更新)

直資/私立一條龍中小學名單:

中學校網	學校名稱	小學類別	一條龍中學類別	呈分安排
東區	港大同學會小學	直資	直資	有
東區	漢華中學（小學部）	直資	直資	有
南區	聖保羅男女中學附屬小學	直資	直資	有
南區	弘立書院	私立	私立	沒有
南區	滬江維多利亞學校	私立	私立	沒有
油尖旺	拔萃女小學	私立	直資	沒有（由2016-2017年度小五開始取消呈分）
深水埗	聖瑪加利男女英文中小學	直資	直資	沒有
深水埗	英華小學	直資	直資	有
深水埗	保良局蔡繼有學校	私立	私立	沒有
九龍城	拔萃男書院附屬小學	直資	直資	有
黃大仙	德望小學暨幼稚園	私立	直資	有
黃大仙	國際基督教優質音樂中學暨小學	私立	私立	沒有
觀塘	福建中學附屬學校	直資	直資	有
元朗	基督教香港信義會宏信書院	直資	直資	沒有
沙田	香港浸會大學附屬學校王錦輝中小學	直資	直資	沒有
沙田	培僑書院	直資	直資	沒有
沙田	基督教國際學校	私立	私立	沒有
沙田	啟新書院	私立	私立	沒有
西貢	播道書院	直資	直資	有
西貢	優才（楊殷有娣）書院	直資	直資	有
西貢	保良局陸慶濤小學	直資	直資	沒有
西貢	香港華人基督教聯會真道書院	直資	直資	沒有
離島	智新書院	私立	私立	沒有

作者: ghosta618 時間: 15-10-12 11:20

作者: echaichai 時間: 15-10-12 11:25

Thanks

作者: CPLA 時間: 15-10-12 12:10 標題: 回覆：hkpapa852 的帖子

作為沒有呈分嘅過來人，我去年經查詢後得到以上答覆都覺得好surprised. 我選擇只報自行，不參加派位，同時投考其他心儀直資。有直資取錄又可等自行結果。至於冇全港排名是否蝕底，以我仔為例，我覺得反而有利，因為佢視藝音樂差，如果呈分會拉低排名好多。除非係運動音樂有特異，一般中學都只睇主科。選擇自行全in嘅中學可望增加突圍機會，以免因冇排名而喪失面試機會。

作者: CPLA 時間: 15-10-12 16:01

回覆 hkpapa852 的帖子

其實呢個帖對小一選校好有用，一條龍確實可免除升中煩惱，但家長都應該要清楚將來可否幫助可望高一線嘅子女「脫龍」。去年好迷茫，打了不下十次電話俾EDB先得到真正答案，可幸成功入讀比龍校更心儀津校，但眼見幾位成績出眾嘅同學誤以為不能報考自行而白白喪失機會確實可惜。
好奇一問，一條龍不呈分係咪得呢幾間：
王錦輝
培橋
聖瑪加利
英華
優才
男拔

作者: welcome 時間: 15-10-12 16:14

CPLA 發表於 15-10-12 12:10
作為沒有呈分嘅過來人，我去年經查詢後得到以上答覆都覺得好surprised. 我選擇只報自行，不參加派位，同時 ...

請問你自行係幾時知道有offer的？是不是所有結果（考直資，自行）都係大抽獎派彩當日公佈？

作者: teambuilder 時間: 15-10-12 16:26

想請教選擇性呈分的學校，學生通常幾時要決定呈唔呈分？係咪考晒試覺得sure win 先決定都得？

作者: CPLA 時間: 15-10-12 16:28 標題: 回覆：welcome 的帖子

直資可自訂公佈結果時間表，一般由十二月至三月不等。
官津自行跟大抽獎派彩日，即七月頭。

作者: Charlotte_mom 時間: 15-10-12 16:30

本帖最後由 Charlotte_mom 於 15-10-12 16:30 編輯

CPLA 發表於 15-10-12 16:01
回覆 hkpapa852 的帖子

其實呢個帖對小一選校好有用，一條龍確實可免除升中煩惱，但家長都應該要清楚將來 ...

根據之前收集資料, 無呈分學校如下:
http://www.edu-kingdom.com/forum.php?mod=viewthread&tid=2999068&page=1&extra=#pid40419328
王錦輝
培橋
聖瑪加利
聖保祿學校小學部
弘立書院
滬江維多利亞學校
保良局蔡繼有學校
神召第一小學暨幼稚園
國際基督教優質音樂中學暨小學
基督教香港信義會宏信書院
保良局陸慶濤小學
香港華人基督教聯會真道書院

有呈分:
英華(有呈分)
優才(有呈分)
男拔 (有呈分)

作者: welcome 時間: 15-10-12 16:33

CPLA 發表於 15-10-12 16:28
直資可自訂公佈結果時間表，一般由十二月至三月不等。
官津自行跟大抽獎派彩日，即七月頭。

...

那麼你是等到七月頭才知自行結果，而那刻你已於無呈分直資一條龍學校（原校）留咗位，然後二選一？

作者: CPLA 時間: 15-10-12 16:44 標題: 回覆：welcome 的帖子

原校一條龍冇要求簽什麼協議，EDB 話就算簽都只是學校同家長之間嘅協議，不防礙自行申請。我七月頭得知自行結果後向原校退學。

作者: hkpapa852 時間: 15-10-12 16:46

CPLA 發表於 15-10-12 16:01
回覆 hkpapa852 的帖子

其實呢個帖對小一選校好有用，一條龍確實可免除升中煩惱，但家長都應該要清楚將來 ...

目前已証實沒有呈分既學校(只計算傳統學制小學), 有以下幾間:

中學校網	學校名稱	類別	中學	聯繫/直屬/一條龍中學備注
灣仔	聖保祿學校（小學部）	私立	有直屬中學	直屬中學為聖保祿學校(直資)
深水埗	保良局蔡繼有學校	私立	一條龍中學	一條龍中學(私立)
深水埗	聖瑪加利男女英文中小學	直資	一條龍中學	一條龍中學(直資)
九龍城	神召第一小學暨幼稚園	私立	有聯繫中學	可由小學推薦去匯基(東九龍)或基督教國際音樂中學
黃大仙	國際基督教優質音樂中學暨小學	私立	一條龍中學	一條龍中學(私立)
元朗	基督教香港信義會宏信書院	直資	一條龍中學	一條龍中學(直資)
沙田	香港浸會大學附屬學校王錦輝中小學	直資	一條龍中學	一條龍中學(直資)
沙田	培僑書院	直資	一條龍中學	一條龍中學(直資)
西貢	保良局陸慶濤小學	直資	一條龍中學	一條龍中學(直資)
西貢	香港華人基督教聯會真道書院	直資	一條龍中學	一條龍中學(直資)

作者: stockmike 時間: 15-10-12 17:12 標題: 回覆：有呈分/沒有呈分學生升中的分別, 以及一條龍學校既類型

我真係睇極都唔明唔呈分，但又可等自行派位。唔呈分分唔到 banding, 貢我自行津校佢又以什麼準則收我呢？定係如自己學校唔考呈分，你自已一人走去考呈分都得呢！望解釋答，謝謝!

作者: babycat1230 時間: 15-10-12 17:20

stockmike 發表於 15-10-12 17:12
我真係睇極都唔明唔呈分，但又可等自行派位。唔呈分分唔到 banding, 貢我自行津校佢又以什麼準則收我呢？ ...

完全道出心中疑問...

作者: hkpapa852 時間: 15-10-12 17:43

stockmike 發表於 15-10-12 17:12
我真係睇極都唔明唔呈分，但又可等自行派位。唔呈分分唔到 banding, 貢我自行津校佢又以什麼準則收我呢？ ...

呈分係由小學決定, 唔係學生自己話呈就呈, 唔呈就唔呈

作者: Charlotte_mom 時間: 15-10-12 18:00

咩學生黎自咩學校, 中學校長點都有心裡有數, 既然學校唔呈分, 學校唯有用校內成績去申請 (拎住個品學兼優獎就無有怕啦)

作者: jantan28 時間: 15-10-12 18:04

有邊d學校自行不用一定要有全港名次都會考慮? 或者有邊D一定要看名次？

作者: hkpapa852 時間: 15-10-12 18:07

jantan28 發表於 15-10-12 18:04
有邊d學校自行不用一定要有全港名次都會考慮? 或者有邊D一定要看名次？

唯一肯定係張祝珊如果無呈分機會好低, 因為張祝珊自行不設面試, 即係只睇成績 (好大機會只參考學生既全港性次第嚟收生)

作者: stockmike 時間: 15-10-12 18:47 標題: 引用：咩學生黎自咩學校,+中學校長點都有心裡有數

原帖由 Charlotte_mom 於 15-10-12 發表
咩學生黎自咩學校, 中學校長點都有心裡有數, 既然學校唔呈分, 學校唯有用校內成績去申請 (拎住個品學兼優獎 ...

即係自行係學校話事，我順眼可以唔收 band 1, 收 band 3？

作者: Charlotte_mom 時間: 15-10-12 19:14 標題: 引用：Quote:原帖由+Charlotte_mom+於+15-10-12+

本帖最後由 Charlotte_mom 於 15-10-12 19:15 編輯

原帖由 stockmike 於 15-10-12 發表
即係自行係學校話事，我順眼可以唔收 band 1, 收 band 3？

自行係學校話事架wor! 一般會有收表前公佈學校收生要求。例如成績60%，操行20%，其他表現20%咁lor

作者: stockmike 時間: 15-10-12 19:28 標題: 引用：Quote:jantan28+發表於+15-10-12+18:04+有

原帖由 hkpapa852 於 15-10-12 發表
唯一肯定係張祝珊如果無呈分機會好低, 因為張祝珊自行不設面試, 即係只睇成績 (好大機會只參考學生既全港性 ...

即係一般學校收自行時會做一個面見 ? 唔係淨係睇成績？

作者: Charlotte_mom 時間: 15-10-12 19:32

絕大部分學校都有面試, 有D揀黎見, 有D見晒

作者: stockmike 時間: 15-10-13 00:59 標題: 引用：絕大部分學校都有面試,+有D揀黎見,+有D見晒

原帖由 Charlotte_mom 於 15-10-12 發表
絕大部分學校都有面試, 有D揀黎見, 有D見晒

謝謝!小弟正是讀無呈分試小學，獲益良多

作者: 豆丁仔 時間: 15-10-13 06:29

多謝，多謝。

作者: 奥脫福 時間: 15-10-13 14:30

CPLA 發表於 15-10-12 16:01

回覆 hkpapa852 的帖子

其實呢個帖對小一選校好有用，一條龍確實可免除升中煩惱，但家長都應該要清楚將來 ...

純八卦一問，一條龍小學應該唔會派呢張野，咁你自己預先去教育局申請番？

作者: 天瑜 時間: 15-10-13 14:39 標題: 引用：Quote:CPLA+發表於+15-10-12+16:01+回覆+hk

提示: 作者被禁止或刪除內容自動屏蔽

作者: CPLA 時間: 15-10-13 14:54 標題: 回覆：奥脫福的帖子

對，十二月中去EDB學位分配組度表明想參加自行就即時獲發呢張表

作者: teambuilder 時間: 15-10-13 15:09

想請教一下，如果讀港同，想玩大抽獎，是不是要先放棄一條龍中學？通常出左成績表先決定定係未考晒呈分試已經要決定呢？

作者: hkpapa852 時間: 15-10-13 16:28

奥脫福發表於 15-10-13 14:30
純八卦一問，一條龍小學應該唔會派呢張野，咁你自己預先去教育局申請番？

同小一自行一樣, 民政事務處有得攞

作者: hkpapa852 時間: 15-10-13 16:29

teambuilder 發表於 15-10-13 15:09
想請教一下，如果讀港同，想玩大抽獎，是不是要先放棄一條龍中學？通常出左成績表先決定定係未考晒呈分試已 ...

所有直資中學要係5月將收生名單交俾教育局, 官津中學既自行同統一派位結果係7月先公佈.

所以如果要等自行或統一派位結果, 一要放棄直升.

作者: 奥脫福 時間: 15-10-13 16:33

hkpapa852 發表於 15-10-13 16:28

同小一自行一樣, 民政事務處有得攞

印哂學生資料係度的三聯存根喎，民政處都（手羅）到？！

作者: hkpapa852 時間: 15-10-13 16:43

奥脫福發表於 15-10-13 16:33
印哂學生資料係度的三聯存根喎，民政處都（手羅）到？！

呀, 係喎!

作者: 天瑜 時間: 15-10-13 16:51 標題: 引用：Quote:hkpapa852+發表於+15-10-13+16:28+同

提示: 作者被禁止或刪除內容自動屏蔽

作者: jonlyone 時間: 15-10-13 17:01 標題: 引用：+本帖最後由+hkpapa852+於+15-10-12+13:00+

原帖由 hkpapa852 於 15-10-12 發表
本帖最後由 hkpapa852 於 15-10-12 13:00 編輯

關於有呈分/沒有分學生在升中的一些分別, 其實多數只有高 ...

好有用呀，多謝分享！

作者: keep-calm 時間: 15-10-13 17:11 標題: 回覆：有呈分/沒有呈分學生升中的分別, 以及一條龍學校既類型

唔知我有冇理解錯誤？：有呈分如㨂直上就要放棄自行；冇呈分反而可以hold 住直上中學位之餘等埋2間自行結果？

作者: keep-calm 時間: 15-10-13 17:12 標題: 回覆：有呈分/沒有呈分學生升中的分別, 以及一條龍學校既類型

唔知我有冇理解錯誤？：有呈分如㨂直上就要放棄自行；冇呈分反而可以hold 住直上中學位之餘等埋2間自行結果？

作者: 天瑜 時間: 15-10-13 17:30 標題: 引用：唔知我有冇理解錯誤？：有呈分如㨂直上就要

提示: 作者被禁止或刪除內容自動屏蔽

作者: hkpapa852 時間: 15-10-13 17:34

本帖最後由 hkpapa852 於 15-10-13 17:38 編輯

天瑜發表於 15-10-13 17:30
「一條龍」辦學模式簡介

採用「一條龍」辦學模式的資助或官立中學和小學，擁有相同的教育理想，並會致力 ...

我係帖開頭已講, 所有資料已經向教育局查証, 唔係估估吓.

當然你可以唔信

當然會唔會有直資/私立一條龍學校自己再加其它要求/限制, 只係相關學校先知啦!

作者: 天瑜 時間: 15-10-13 17:46 標題: 引用：+本帖最後由+hkpapa852+於+15-10-13+17:38+

提示: 作者被禁止或刪除內容自動屏蔽

作者: keep-calm 時間: 15-10-13 17:46

本帖最後由 keep-calm 於 15-10-13 17:50 編輯

請問是否如有呈分直資、中學想轉返津校，就必須先放棄直升，再考自行＆派位；如冇呈分直資，可hold 住直升直資中學位，再考2間津校自行但冇派位? 所以似乎冇呈分的學校反而有原校直升backup?

作者: hkpapa852 時間: 15-10-13 18:00

keep-calm 發表於 15-10-13 17:46
請問是否如有呈分直資、中學想轉返津校，就必須先放棄直升，再考自行＆派位；如冇呈分直資，可hold 住直 ...

按照教育局提供既資料，個答案：係

作者: virgokaren 時間: 15-10-14 00:58

回覆 hkpapa852 的帖子

非常有用的哥料，謝謝！

作者: keep-calm 時間: 15-10-14 10:01 標題: 回覆：hkpapa852 的帖子

多謝分享！非常有用的資料！但學校有/冇呈分試會唔會成日變？聽聞有D學校以前唔呈分，但之後變有呈分？另外、真道小學五年、中學六年，如想轉其他津中，係讀完第五年or 第六年去考自行？

作者: hkpapa852 時間: 15-10-14 10:20

keep-calm 發表於 15-10-14 10:01
多謝分享！非常有用的資料！但學校有/冇呈分試會唔會成日變？聽聞有D學校以前唔呈分，但之後變有呈分？另 ...

學校呈唔呈分, 應該要同教育局申請, 我諗唔可以今人呈, 下年唔呈咁.

而且, 就算學校由無呈分變有呈分, 最初幾屆各Banding比例係幾多呢? 呢樣無人估到

理論上以前既學生都有考Pre-S1, 教育局係計到, 但學校自己估唔到 (要等兩三年後先估到)

作者: griffinma 時間: 15-10-15 10:31 標題: 回覆：有呈分/沒有呈分學生升中的分別, 以及一條龍學校既類型

看完後真的獲益良多，謝謝分享。

作者: nicedora 時間: 15-10-15 18:15 標題: 回覆：有呈分/沒有呈分學生升中的分別, 以及一條龍學校既類型

很有用的資料，謝謝。
我女也是讀無呈分龍校，今年小六，也想考自行。我想請問成功轉校的家長，小朋友適應到新制度嗎(可能由輕鬆教學變成緊密式教學)。謝謝

作者: CherylChloe 時間: 15-10-15 19:23

想問一問呈分和TSA 有什麼關係呢？

作者: hkpapa852 時間: 15-10-16 07:59

CherylChloe 發表於 15-10-15 19:23
想問一問呈分和TSA 有什麼關係呢？

TSA係教育局用嚟評估學校表現，同學生無關，唔會影響學生升中既banding

作者: CherylChloe 時間: 15-10-16 10:33

回覆 hkpapa852 的帖子

咁會否影響學校在全港的整體排名, 間接影響學生在全港的所屬BANDING

作者: laiyuen 時間: 16-1-14 21:55

hkpapa852 發表於 15-10-13 16:29
所有直資中學要係5月將收生名單交俾教育局, 官津中學既自行同統一派位結果係7月先公佈.

所以如果要等自行 ...

唔好意思，有D唔明，關於無呈分既學生可以hold住直升學校學位，同時去考另一間直資同報自行，因教育局無資料。
1) 咁如果同時外面有2間直資收咗（不包括直升龍校），是否只可註冊一間其中一間？定可以註冊1間以上？
2) 如果直資中學要係5月將收生名單交俾教育局，咁無呈分既學生咪一樣會俾教育局睇到佢地註冊咗，咁點可以再等自行公佈呢？

作者: kimmy2006 時間: 16-1-15 01:55 標題: 回覆：有呈分/沒有呈分學生升中的分別, 以及一條龍學校既類型

真係超級有用，我反而想知當有幸自行成功入咗，
7月放磅人哋有註冊證，但一條龍既學生係架喎,係咪等電話通知就ok，而唔洗再去拎註冊證呢?

作者: CPLA 時間: 16-1-15 09:15

kimmy2006 發表於 16-1-15 01:55
真係超級有用，我反而想知當有幸自行成功入咗，
7月放磅人哋有註冊證，但一條龍既學生係架喎,係咪等電話通 ...

自行成功，中學會於放磅日電話通知，直接到中學領取教局發出嘅「派位證」

作者: bb2911 時間: 16-1-15 21:25

回覆 hkpapa852 的帖子

今年張祝珊改了，要面試喎！請參考其網站

作者: bb2911 時間: 16-1-15 21:26

萬二分感謝你的資料，想了解好耐！

作者: Happy_funny 時間: 16-1-16 13:57 標題: 回覆：有呈分/沒有呈分學生升中的分別, 以及一條龍學校既類型

Very useful posts🙇🙇

作者: iammiyake 時間: 16-7-8 17:11

laiyuen 發表於 16-1-14 21:55
唔好意思，有D唔明，關於無呈分既學生可以hold住直升學校學位，同時去考另一間直資同報自行，因教育局無資 ...

同問

作者: hkpapa852 時間: 16-7-8 18:45

laiyuen 發表於 16-1-14 21:55
唔好意思，有D唔明，關於無呈分既學生可以hold住直升學校學位，同時去考另一間直資同報自行，因教育局無資 ...

無呈分既學生係無教育局發出既學生資料表，所以理論上可同時註冊多過一間直資學校。但實際如何，真係要問吓相關家長先知。
教育局收到直資中學收生名單，主要係根據註冊學生既學生資料表既信息，用嚟撇除有呈分而註冊咗直資既學生可透過自行或統一派位既資格。無呈分既學生因為無學生資料表，所以無影響。

作者: Bobo1210 時間: 16-7-8 19:06

回覆 hkpapa852 的帖子

即係同時間可以hold 幾個直資中學學位，又唔洗放棄龍中個位，又可以等自行收生結果？我有無理解錯

作者: hkpapa852 時間: 16-11-6 12:08

#2加多咗少少個人對選擇龍校既意見，大家諗諗

作者: beautyhar 時間: 16-11-6 14:02 標題: 回覆：一條龍學校類型，以及有呈分/沒有呈分既龍校學生升中分別

我朋友囝也是hold住自己中學位, 最後自行成功轉中西區的。

作者: Felix223 時間: 16-11-15 17:34

非常多謝hkpapa的分享, 終於明白大家時常所提到呈分的問題!!

作者: dorahelen 時間: 17-1-14 10:46 標題: 引用：+本帖最後由+hkpapa852+於+17-1-10+13:00+

原帖由 hkpapa852 於 15-10-12 發表
本帖最後由 hkpapa852 於 17-1-10 13:00 編輯

當初找出沒有呈分學生既"好處", 全因有在沒有呈分讀既直 ...

感謝你之前的回覆！咁嚴格來講，培正並不屬於真正的一條龍，是嗎？三個龍校類別都唔算喎……

作者: haihaimom 時間: 17-1-14 15:27

dorahelen 發表於 17-1-14 10:46
感謝你之前的回覆！咁嚴格來講，培正並不屬於真正的一條龍，是嗎？三個龍校類別都唔算喎……

...

本帖最後由 haihaimom 於 17-1-14 15:33 編輯

本帖最後由 haihaimom 於 17-1-14 15:31 編輯

培中同培小既闗係係直屬（不是一條龍）。同民生一樣。會預留85%統一派位學額俾自己band1/2小學學生。不過聽聞培中自行階段會盡收自己學生，噤統一就會有多啲學額俾自己band2生。民生聽聞自行會多收外生。

作者: hkpapa852 時間: 17-1-16 12:54

dorahelen 發表於 17-1-14 10:46
感謝你之前的回覆！咁嚴格來講，培正並不屬於真正的一條龍，是嗎？三個龍校類別都唔算喎……

...

各位家長需要認真去瞭解各中小學既關係，唔好再用幼稚園版個D"亂龍"去定義，其實係錯得好離譜。

作者: dorahelen 時間: 17-1-16 17:26 標題: 引用：Quote:dorahelen+發表於+17-1-14+10:46+ 感

原帖由 haihaimom 於 17-01-14 發表
本帖最後由 haihaimom 於 17-1-14 15:33 編輯

本帖最後由 haihaimom 於 17-1-14 15:31 編輯

Thx!

作者: dorahelen 時間: 17-1-16 17:28 標題: 引用：Quote:dorahelen+發表於+17-1-14+10:46+感

原帖由 hkpapa852 於 17-01-16 發表
各位家長需要認真去瞭解各中小學既關係，唔好再用幼稚園版個D"亂龍"去定義，其實係錯得好離譜。 ...

如果唔係了解多D，真係會誤以為培正、民生呢類直屬關係學校係一條龍！
想請教下，除左st Mary's and St Paul之外，有邊D學校係真正的一條龍？

作者: hkpapa852 時間: 17-1-16 17:40

dorahelen 發表於 17-1-16 17:28
如果唔係了解多D，真係會誤以為培正、民生呢類直屬關係學校係一條龍！
想請教下，除左st Mary's and St Pau ...

津校有B1中學既, 只有St Mary同天神(大家都係一條龍上St Mary), 其餘既龍津都只係可直升二線中學.

直資同私校, 其實只係"仿一條龍", 唔一定可以100%直升, 因為學校可自設直升要求, 唔達標可以唔俾你升.
港同, 真道呢D直升門欄低, 近乎100%. 但好似GH, 上年度2015-2016年既小六, GH中學部最初只肯收番~50%小六學生.

作者: Octopuses 時間: 17-1-16 17:52

完全解決晒我心中既疑問, 萬分感謝

作者: catcle 時間: 17-1-16 18:03

聽過COED 和 DGS 應該係一條龍, 除非操行有問題才不能直上.

作者: areyouangry 時間: 17-1-30 18:18 標題: 回覆：hkpapa852 的帖子

good post. thx for sharing...

作者: troubledaisy 時間: 17-1-30 21:04

感謝樓主，此post非常有用。

作者: seeya1 時間: 17-2-15 01:10

hkpapa852 發表於 17-1-16 17:40
津校有B1中學既, 只有St Mary同天神(大家都係一條龍上St Mary), 其餘既龍津都只係可直升二線中學.

直資同 ...

請問知唔知GH有冇參加呈分？

作者: (=.=) 時間: 17-2-15 01:25 標題: 回覆：hkpapa852 的帖子

GH 有無話一定要收返幾多GH小學生? 升中點計分? B1 學生有幾多？thanks

作者: hkpapa852 時間: 17-2-15 09:29

(=.=) 發表於 17-2-15 01:25
GH 有無話一定要收返幾多GH小學生? 升中點計分? B1 學生有幾多？thanks

直資中學收生條件自定, EDB不會管, 而且中學收生條件可以年年調整

基本上未見過任何一間直資中學有講明無年必收多少小學部既學生. (連直升條件都唔係間間會清楚講明)

只可以話你知, 近兩年GH中學部係中一派位前, 都只收番~50%小學部既學生

作者: mamaokasan 時間: 17-2-15 12:58

hkpapa852 發表於 17-2-15 09:29
直資中學收生條件自定, EDB不會管, 而且中學收生條件可以年年調整

基本上未見過任何一間直資中學有講明無 ...

dg coed db are straight through?

作者: hkpapa852 時間: 17-2-15 18:09

mamaokasan 發表於 17-2-15 12:58
dg coed db are straight through?

加咗龍校名單係#2

作者: seeya1 時間: 17-2-16 02:23

本帖最後由 seeya1 於 17-2-16 02:28 編輯

hkpapa852 發表於 17-2-15 09:29
直資中學收生條件自定, EDB不會管, 而且中學收生條件可以年年調整

基本上未見過任何一間直資中學有講明無 ...

多謝hkpapa852解答。我當然希望入到一間屬第一類龍校既小學。但喺今天大部分一線直資/私小不允許接受offer後去參加小一統一派位情況下，家長/學生是否可以以1-0-0，什至0-0-0既狀態去參加第一類龍校，如St Mary，天神，既叩門階段呢？如可以，會否比較吃虧？

作者: Soundervolt 時間: 17-2-16 02:46

本帖最後由 Soundervolt 於 17-2-16 10:04 編輯

seeya1 發表於 17-2-16 02:23
多謝hkpapa852解答。我當然希望入到一間屬第一類龍校既小學。但喺今天大部分一線直資/私小不允許接受offer ...

St Mary係全部叩門申請人一齊考筆試去進行收生甄選，係唔係三條一或三個零實際係冇乜分別。

作者: seeya1 時間: 17-2-16 08:37

回覆 Soundervolt 的帖子

明白，唔該！

作者: IICHENG 時間: 17-2-16 12:07

CPLA 發表於 15-10-12 16:01
回覆 hkpapa852 的帖子

其實呢個帖對小一選校好有用，一條龍確實可免除升中煩惱，但家長都應該要清楚將來 ...

請問結果升讀了那間中學？band幾？

作者: whycyh 時間: 17-2-16 13:31

hkpapa852 發表於 17-1-16 17:40
津校有B1中學既, 只有St Mary同天神(大家都係一條龍上St Mary), 其餘既龍津都只係可直升二線中學.

直資同 ...

St Mary 係band 1, 但如MCS, MSS依類津校都係band1，只係不是100%，如入到依類小學，都有八成機會入返中學，點解會變左入band 2?唔知有冇講錯，請指教

作者: hkpapa852 時間: 17-2-16 13:43

whycyh 發表於 17-2-16 13:31
St Mary 係band 1, 但如MCS, MSS依類津校都係band1，只係不是100%，如入到依類小學，都有八成機會入返中學 ...

MCS 同 MSS 呢D同小學既關係, 係直屬中小學, 唔算係一條龍學校.

一條龍既津校之中, 除St Mary/天神以外, 全部津貼龍小既中學部都未達B1中學水平

作者: yee123480 時間: 17-3-26 19:34

謝謝分享！

作者: ainnai 時間: 17-12-28 13:10

hkpapa852 發表於 17-2-16 13:43
MCS 同 MSS 呢D同小學既關係, 係直屬中小學, 唔算係一條龍學校.

一條龍既津校之中, 除St Mary/天神以外, ...

請問直屬中小學玩法係咪差不多？一定要自行揀佢，否則=放棄直屬位？

作者: hkpapa852 時間: 17-12-28 14:13

ainnai 發表於 17-12-28 13:10
請問直屬中小學玩法係咪差不多？一定要自行揀佢，否則=放棄直屬位？

直屬中小學玩法唔同, 基本上只需要將直屬中學放乙1

不過部份直屬中學, 會要求學生自行, 甲1都放埋佢, 否則派唔到就不接受叩門

歡迎光臨教育王國 (/)