教育王國

標題: 開學一個月了，大家所揀既學校同當初如期既一樣嗎？ [打印本頁]

作者: Nath 時間: 15-10-9 11:19 標題: 開學一個月了，大家所揀既學校同當初如期既一樣嗎？

我暫時覺得阿仔學校同當初如期一樣。大家又如何呢？屋企有小朋友今年考小學，想了解多d，以免預期錯誤。

作者: brother4 時間: 15-10-9 13:33 標題: 回覆：開學一個月了，大家所揀既學校同當初如期既一樣嗎？

ㄧ樣，鄰居派到名小，估冇日安寧，同想像一樣，小朋友日日哭，家長曰日發瘋，社工及警察叔叔常探訪，估中但。。。。

作者: Nath 時間: 15-10-9 13:42

回覆 brother4 的帖子

攪到警察上門咁大件事？何解呢？

作者: brother4 時間: 15-10-9 13:57 標題: 回覆：開學一個月了，大家所揀既學校同當初如期既一樣嗎？

小朋友大哭，估有人想多咗(弱)兒，家長發瘋，估有人想多咗自殺。。。。

作者: natnat519 時間: 15-10-9 13:58 標題: 引用：ㄧ樣，鄰居派到名小，估冇日安寧，同想像一

原帖由 brother4 於 15-10-09 發表
ㄧ樣，鄰居派到名小，估冇日安寧，同想像一樣，小朋友日日哭，家長曰日發瘋，社工及警察叔叔常探訪，估中但 ...

其實咁多家長以為派到名校就好開心好似中左六合彩，但有無諗過自己小朋友究竟啱唔啱讀? 家庭是否配合得到?

作者: Nath 時間: 15-10-9 14:06

回覆 brother4 的帖子

因為應付唔到功課量？定唔適應小一生活？係地區名校定傳統名校？

作者: brother4 時間: 15-10-9 16:01 標題: 回覆：natnat519 的帖子

地區名校，只知鄰居父母早出晚歸及小朋友幼兒園是愉快學習性，其它事不清楚是否功課量多少。。。

作者: 小曳人 時間: 15-10-9 19:29

我記得當年阿仔小一開學，個幾月之後心頭不停出現呢個字：少！

當然，唔敢亂講嘢，過咗一排同其他家長傾開，大家都話估唔到咁少功課！
的確同預期有落差！因為個個有哂心理預備，會好多功課！

作者: Yanamami 時間: 15-10-9 20:09

大細女都讀同一小学，細女今年P6快畢業~係呢十一个年头，完全同我預期—样~

作者: Nath 時間: 15-10-9 23:22

回覆小曳人的帖子

又真係冇諗過SFA 功課少喎！係成年一年班都咁少？平時係BK 到家長多數提及呢間升中成績, 較少提及功課量。

作者: Nath 時間: 15-10-9 23:23

回覆 Yanamami 的帖子

請問你女兒是讀直私小學嗎？

作者: Nath 時間: 15-10-9 23:36

回覆 brother4 的帖子

我都知好多地區名校都非常谷。其實家長若果預先有了解過，應該略知一二。除非功課量比所預期既多同深啦。

作者: brother4 時間: 15-10-10 00:09 標題: 回覆：開學一個月了，大家所揀既學校同當初如期既一樣嗎？

估人云亦云，試報但不幸派到，絕對冇準備好，在天台幼兒園讀書K3才寫自已姓字，加上老人家照顧，絕對跟不上，父母回家又夜，才先開始做功課，真難攪

作者: evacalbee 時間: 15-10-10 08:35 標題: 引用：估人云亦云，試報但不幸派到，絕對冇準備好

本帖最後由 evacalbee 於 23-7-26 18:50 編輯

原帖由 brother4 於 15-10-10 發表
估人云亦云，試報但不幸派到，絕對冇準備好，在天台幼兒園讀書K3才寫自已姓字，加上老人家照顧，絕對跟不上 ...

作者: brother4 時間: 15-10-10 09:09 標題: 回覆：evacalbee 的帖子

估社工會介紹平價補習社給小朋友

作者: 小曳人 時間: 15-10-10 14:49

Nath 發表於 15-10-9 23:22
回覆小曳人的帖子

又真係冇諗過SFA 功課少喎！係成年一年班都咁少？平時係BK 到家長多數提及呢間升中成 ...

其實小一少，小二多dd，小三又再多d
但少一多數日子係3-6份功課，最多嗰日9份，唔會話weekend俾多d，已經對個個預咗做死嘅家長嚟講，好輕鬆喇！

作者: Nath 時間: 15-10-10 20:20

回覆小曳人的帖子

呢個數量已經遠比好多學校好喇。不過學校功課少，到頭來家長又會唔會自己加習作呢？到底幾間出名升中成績好既學校，其實係咪都係家長發力多呢？同埋其實呢類小學，係咪都係好傳統式大班教學，少d關愛呢？因為實在較少機會係BK 了解除升中成績、功課量以外多一點既資料。

作者: Nath 時間: 15-10-10 20:22

回覆 brother4 的帖子

呢d case 又真係好難攪，就算讀一般津貼小學都唔容易，何況地區名津

作者: 小曳人 時間: 15-10-11 16:22

本帖最後由小曳人於 15-10-11 16:30 編輯

Nath 發表於 15-10-10 20:20
回覆小曳人的帖子

呢個數量已經遠比好多學校好喇。不過學校功課少，到頭來家長又會唔會自己加習作呢？ ...

其他人我唔清楚，但我相信一定有家長會自行加料
我自己就只買過demo卷，用嚟考試前、溫習後嘅練習
但升小二開始，根本唔想俾extra練習阿仔做...

作者: momama 時間: 15-10-11 16:28 標題: 引用：Quote:Nath+發表於+15-10-10+20:20+回覆+小

原帖由 小曳人 於 15-10-11 發表
其他人我唔清楚，但我相信一定有家長會自行加料
我自己就只買過demo卷，用嚟考試前、溫習後嘅練習
但升小二 ...

一年級有做past paper, 熟習個模式；二年級就冇啦，因為阿女已經明白乜嘢叫考試。

作者: Nath 時間: 15-10-11 21:36

其實依家好似無論直私或官津，似乎好多功課、默書、測驗等都多同深。尤以官津為甚！

作者: 洋蔥頭媽咪 時間: 15-10-12 08:38 標題: 引用：回覆+brother4+的帖子我都知好多地區名校

原帖由 Nath 於 15-10-09 發表
回覆 brother4 的帖子

我都知好多地區名校都非常谷。其實家長若果預先有了解過，應該略知一二。除非功課量 ...

部份家長心態係唔試唔心息，但博倒啦又會抱怨，其實家長好應該花些時間了解左學校先揀，再考慮小朋友能力，家長能否支援等問題。

作者: 洋蔥頭媽咪 時間: 15-10-12 08:41 標題: 引用：其實依家好似無論直私或官津，似乎好多功課

原帖由 Nath 於 15-10-11 發表
其實依家好似無論直私或官津，似乎好多功課、默書、測驗等都多同深。尤以官津為甚！ ...

或者部份係，但亦有地區一線都唔太多功課，家長要自己了解下。

作者: Nath 時間: 15-10-12 12:38

回覆洋蔥頭媽咪的帖子

同意，好多家長都認為自己小朋友醒目叻叻，諗住讀下讀下就應該攪得掂。

作者: 洋蔥頭媽咪 時間: 15-10-12 13:03 標題: 引用：回覆+洋蔥頭媽咪+的帖子同意，好多家長都

原帖由 Nath 於 15-10-12 發表
回覆洋蔥頭媽咪的帖子

同意，好多家長都認為自己小朋友醒目叻叻，諗住讀下讀下就應該攪得掂。 ...

正是。我有個朋友兒子多年抽入一間地區一線小學，佢每次提起兒子學校都會合不攏嘴，讚學校點好/點叻，但一年一年過去，開始發覺兒子力有不逮，成績一路在中下游，睇見佢由最初欣喜心情開始轉為平淡，幸好佢終於明白及接受自己兒子不足，兒子最後入了間B2c中學。

作者: Nath 時間: 15-10-12 15:03

本帖最後由 Nath 於 15-10-12 15:05 編輯

同埋好多家長對熱門學校同其他學校既尺度唔同，舉個例子：去神校D記面試，registration check in 時老師黑口黑面，面試時間over run，但絕冇家長投訴；但如果同一件事係非神校到發生的話，必定有好多人發聲。結果就形成好似神校、一線學校咩都好，大家只報喜不報憂。

作者: RiboMM 時間: 15-10-12 22:47 標題: 回覆：開學一個月了，大家所揀既學校同當初如期既一樣嗎？

:之前擔心政府派去屋企附近EK朋友們講屬於寶校插班會唔會好差。一個多月來，仔仔開開心心。學校多各種活動，多搞笑日常，多溫馨細節，多心靈和感悟的進步，數語英都讀得好輕鬆，體育又輕鬆領先，被老師們選中參加英文戲劇團，合唱團，數學比賽，各種體育活動等，睇來對仔仔信心培養有大幫助。所以我決定不轉學了，就這麼學下去吧。

作者: Olympian 時間: 15-10-12 23:02 標題: 回覆：Nath 的帖子

區內二線。比預期輕鬆一點。好滿意。仔鐘意學校。放學做完功課還有足夠時間睇書。

作者: Nath 時間: 15-10-12 23:25

回覆 RiboMM 的帖子

真係替你高興呀！又一例子証明，學校用心教、有愛心，小朋友會有好大得着。同埋家長懂得欣賞。

作者: Nath 時間: 15-10-12 23:27

回覆 Olympian 的帖子

有足夠時間睇書同玩遊戲、鬆一鬆真係好重要；比默書100緊重要！

作者: teambuilder 時間: 15-10-13 04:32

開學一個月，已經玩左好多野！運動會，party...不能盡錄！每日大人細路都好忙，早睡早起，日子過得好充實！下星期有長假期，開心！

作者: RiboMM 時間: 15-10-13 07:14 標題: 引用：回覆+RiboMM+的帖子真係替你高興呀！又一

原帖由 Nath 於 15-10-12 發表
回覆 RiboMM 的帖子

真係替你高興呀！又一例子証明，學校用心教、有愛心，小朋友會有好大得着。同埋家長懂 ...

謝謝妳的鼓勵。也許是我要求不高，快樂人生第一。當然成績ok也是前提，因小學如果都唔好，又讀得辛苦，長久會令性格壓抑。

作者: RiboMM 時間: 15-10-13 07:15 標題: 引用：開學一個月，已經玩左好多野！運動會，part

原帖由 teambuilder 於 15-10-13 發表
開學一個月，已經玩左好多野！運動會，party...不能盡錄！每日大人細路都好忙，早睡早起，日子過得好充實！ ...

加油！這是好的人生平衡，對小朋友非常重要。真系聽到都開心

作者: Nath 時間: 15-10-13 11:55

回覆 teambuilder 的帖子

真係好好，讚！

作者: bopui0607 時間: 15-10-13 14:41

brother4 發表於 15-10-9 13:33
ㄧ樣，鄰居派到名小，估冇日安寧，同想像一樣，小朋友日日哭，家長曰日發瘋，社工及警察叔叔常探訪，估中但 ...

咁嚴重.

作者: Nath 時間: 15-10-13 14:50

回覆 bopui0607 的帖子

我都曾經有個鄰居日成日鬧女做功課/練琴，係咁話個女唔聽話就要自殺，又試過趕個女出屋外。好恐怖！

作者: bopui0607 時間: 15-10-13 15:20

Nath 發表於 15-10-13 14:50
回覆 bopui0607 的帖子

我都曾經有個鄰居日成日鬧女做功課/練琴，係咁話個女唔聽話就要自殺，又試過趕個女 ...

其實咁仲有反效果啦 ! 大人小朋友都辛苦.

作者: vnghk0001 時間: 15-10-13 21:20 標題: 回覆：開學一個月了，大家所揀既學校同當初如期既一樣嗎？

揀左間半日制小學比阿女，雖然多評估(測驗），但有足夠時間溫習，功課不多，每日溫習後都仲有時間玩、去公園、睇電視。
同之前預期嘅好應付(不能說是輕鬆）。

作者: momama 時間: 15-10-13 22:22 標題: 回覆：開學一個月了，大家所揀既學校同當初如期既一樣嗎？

其實呢個題目最適合叩門入嘅家長去答

作者: Nath 時間: 15-10-13 23:03

回覆 vnghk0001 的帖子

係直/私學校？

作者: cocokan2004 時間: 15-10-14 03:45

回覆 RiboMM 的帖子

邊間呀? 想了解多D呀.

作者: vnghk0001 時間: 15-10-14 08:21 標題: 回覆：Nath 的帖子

聖心私小

作者: little_yolky 時間: 15-10-14 09:44

RiboMM 發表於 15-10-12 22:47
:之前擔心政府派去屋企附近EK朋友們講屬於寶校插班會唔會好差。一個多月來，仔仔開開心心。學校多各種活動 ...

其實你果間係寶校入面最受歡迎的, 老師亦响區內出名有愛心及關照小朋友, 只係相對比較多融合教育既SEN小朋友入讀, 所以家長少揀啫。而且你區勁校相對多, 見你仔仔都出色應該handle到, 所以建議是否可以去一線學校, 等升中條路易行D啫, 無心嚇你既。

這些學校辦學其實唔差, 理論上係適合所有既小朋友, 只係有唔適合既家長啫。既然佢適合你, 阿仔就讀得如魚得水了。

BTW, 去到小五呈分, 唔好玩咁多活動, 成績緊要D喎。

作者: Nath 時間: 15-10-14 10:43

睇到一篇報導係講4個考試狀元10年後既情況，佢地都話考試成績係幫佢地有個好開始，但跟住條路點行、有咩成就都有好多其他因素。http://m.scmp.com/lifestyle/fami ... ng-students-reflect

作者: zoebear 時間: 15-10-14 12:05

阿仔幼稚園係活動教學為主，幼稚園時功課用20分就攪掂晒，所以我已經選一間無咁出名、無咁多人爭ger小學。由於我同爸爸都要返工，無太多時間應付多功課ger 小學…現在升咗小學，功課比起同區名校係少，但每星期ger中、英文默書真係攪到人都癲，每晩除咗六、七樣功課外，仲要抽時間温默書…點攪呀？！唉…只可以講句，天氣不試預期…

作者: griffinma 時間: 15-10-14 12:07 標題: 回覆：開學一個月了，大家所揀既學校同當初如期既一樣嗎？

和之前想像的差不多，只是小測比想像中多，但小朋友能夠handle到，每晚仍有時間玩樂和看電視。

作者: Nath 時間: 15-10-14 19:26

回覆 zoebear 的帖子

似乎讀官津學校真係要有做多樣功課既心理準備！唉！

作者: momama 時間: 15-10-15 07:55 標題: 引用：睇到一篇報導係講4個考試狀元10年後既情況

原帖由 Nath 於 15-10-14 發表
睇到一篇報導係講4個考試狀元10年後既情況，佢地都話考試成績係幫佢地有個好開始，但跟住條路點行、有咩成 ...

前一陣子我要一口氣請兩個AM，開始時冇乜人選，我堅持用多啲時間去揾degree holder。有好多工作其實肯學、有 sense 就得；但事實係，入到大學係一個指標，好多時理解能力係高d。

作者: rsh2012 時間: 15-10-16 17:15

momama 發表於 15-10-13 22:22
其實呢個題目最適合叩門入嘅家長去答

我係叩門入的, 比預期少功課, 測驗同默書
出面好多COMMENTS講到學校谷到好多小朋友做唔掂, 要見社工
SO FAR 見阿囡暫時都HANDLE 到, 有家長表示功課量比以前減咗好多
我同老公係雙職, 暫時阿囡每日都可以喺我同老公返黎前完成

測驗,考試, 默書, 尚算合理, 係中文要背默有啲難度, 其他都OK

作者: RiboMM 時間: 15-10-16 17:36 標題: 引用：Quote:RiboMM+發表於+15-10-12+22:47+:之前

原帖由 little_yolky 於 15-10-14 發表
其實你果間係寶校入面最受歡迎的, 老師亦响區內出名有愛心及關照小朋友, 只係相對比較多融合教育既SEN小朋 ...

😄最多謝妳一路以來的建議於幫助，真係非常有用。平時我出差多工作忙，與阿仔每日交流涉及到各種各樣事情，越來越讓我發覺升中固然是重要，亦非華山一條路。學習是終生之事，生活與交流與大自然中之學習遠比書本學習要緊。放長遠來預測，仔仔一生最重要是什麼？我現在就要開始引導。那答案絕對不是成績和升中。佢越來越明白生活的殘酷和美好，就會越來越自覺努力學習。
最近我贊佢繁體字學得快過我，又同佢一起討論如何做好英文科數學科小老師的角色，對得起老師信任和同學喜歡，更多幫助周圍小朋友。在這過程中，日日糾結那點成績對於個九歲孩子的桎梏，曾經在深圳重點小學那種壓力，都不復存在。這是很美好的事，仔仔和我都要珍惜，都要感恩。🙏

作者: RiboMM 時間: 15-10-16 17:48 標題: 引用：睇到一篇報導係講4個考試狀元10年後既情況

原帖由 Nath 於 15-10-14 發表
睇到一篇報導係講4個考試狀元10年後既情況，佢地都話考試成績係幫佢地有個好開始，但跟住條路點行、有咩成 ...

我當年也算一個大陸的狀元，後來兜兜轉轉輸入香港，工作，定居。所以我反而不希望自己子女是狀元。要拔尖，要一輩子拔尖，需要內心強大。開頭拔尖，後來落後，需要內心非常強大。一個幸福的人生，不會因為是狀元就順利些，前途難以按照人們設想鋪開。但良好的時間管理，平和的心態，開朗的性格，多才多藝健康體魄，定會令一個人更易靠近幸福。不必糾結狀元，到了80歲回頭，無非如此。🙏💖

作者: happyhealthy 時間: 15-10-17 00:24 標題: 回覆：開學一個月了，大家所揀既學校同當初如期既一樣嗎？

Good sharing

作者: RiboMM 時間: 15-10-17 12:42 標題: 回覆：cocokan2004 的帖子

禾信。

作者: RiboMM 時間: 15-10-17 12:43 標題: 回覆：vnghk0001 的帖子

不是哦

作者: oil_oil 時間: 15-10-25 01:00 標題: 回覆：RiboMM 的帖子

非常認同

作者: skkeung 時間: 15-10-25 11:26 標題: 引用：小朋友大哭+，估有人想多咗(弱)兒+，家長發

原帖由 brother4 於 15-10-09 發表
小朋友大哭，估有人想多咗(弱)兒，家長發瘋，估有人想多咗自殺。。。。

...

咁樣就是生孩子的目的了!

作者: brother4 時間: 15-10-25 11:33 標題: 回覆：開學一個月了，大家所揀既學校同當初如期既一樣嗎？

不一定，報咗間小朋友handle唔到小學，將來希望小朋友及家長要開竅!

歡迎光臨教育王國 (/)